Актерот Бернард Хил, кој глумеше во филмовите „Титаник“ и во „Господарот на прстените“, почина на 79-годишна возраст.

Хил го играше капетанот Едвард Смит во филмот награден со Оскар од 1997 година. Друга истакната улога беше кралот Теоден во трилогијата „Господар на прстените“.

Тој имаше главна улога во ликот на Џозер Хјуз во легендарната драмска серија од 1980-тите „Момци од црните работи“.

Неговиот агент Лу Коулсон потврди за Би-Би-Си дека Хил починал во раните утрински часови.

The post Почина Бернард Хил, актерот познат по улогите во „Титаник“ и во „Господар на прстените“ appeared first on Република.

Продуцентските куќи „Ворнер брос“ и „Њу лајн синема“ и „Ембрејсер груп“, шведската компанија за игри којашто ги поседува правата на повеќето од делата на Толкин, потпишаа договор за нови продолженија на „Господар на прстените“ и „Хобит“. Според договореното, се најавува снимање на повеќе филмови по книгите на писателот Џ.Р.Р. Толкин.

Вкупната вредност на новиот договор сѐ уште не е откриена.

Првичната филмска трилогија на режисерот Питер Џексон продуцирана од „Њу лајн“ од 2001 до 2003 година заработи речиси три милијарди долари ширум светот. А пак, третиот дел, „Враќањето на кралот“ освои рекордни 11 „Оскари“, вклучително и за најдобар филм.

Во заедничката изјава за „Варајети“, Џексон и неговите две најблиски соработнички од првата трилогија - Френ Волш и Филипа Бојенс, рекоа дека самата работа на „Ворнер брос“ и „Ембрејсер“ подолго време го навестувала овој потег.

Со нетрпение очекуваме да разговараме со нив па да ја слушнеме нивната натамошна визија за франшизата“, изјави триото Џексон, Волш и Бојенс.

„Ембрејсер“ ги стекна правата за брендот, коишто се однесуваат на сите филмови, игри, предмети, сувенири, тематски паркови и продукции во живо, кога го купи „Мидл-Ерт ентерпрајзес“ во 2022 година.

Новите филмски раководители на „Ворнер брос“ - Мајк де Лука и Пем Абди стојат зад новиот повеќегодишен договор што навестува повеќе играни филмови.

И покрај целиот обем и сета љубов спакувани во двете трилогии, огромниот, комплексен и блескав универзум отсонуван од Џ.Р.Р. Толкин останува во голема мера неистражен“, соопштија тие.

Де Лука и Абди навестија и дека секој нов нареден филм нема нужно да го повторува она што го покриваа досегашните филмови на Питер Џексон.

The post Ќе се снимаат повеќе нови продолженија на „Господар на прстените“ appeared first on Република.

Амазон го објави првиот трејлер и полниот назив на ТВ-серијата „Господар на прстените“, со поднаслов „Прстени на моќта“ (The Lord of the Rings: The Rings of Power).

Во првичниот, кус трејлер е претставена приказната за 20-те прстени на моќта, кои им биле дадени на разните народи кои ја населуваат Средната Земја. Прикажувањето е закажано за 2 септември 2022 година. Епизодите од продолжението ќе се објавуваат секоја недела на стрим-платформата „Амазон прајм“, што е достапна во повеќе од 240 земји.

Новата серија, чија втора сезона е во подготовка, ќе раскажува за настаните што ѝ претходат на оригиналната трилогија во режија на Питер Џексон. Сепак, „Амазон“ засега не ги открива сите подробности околу приказната.

https://www.youtube.com/watch?v=QhqGCPMfkNM

The post Објавен трејлерот за „Прстени на моќта“ – ТВ серијата за „Господар на прстените“ appeared first on Република.