Од полноќ ќе важат нови цени на горивата.

Цената на дизелот се намалува за два денари, а на Екстра лесното масло за домаќинство за 2,5 денари за литар. Цената на бензините останува иста.

Малопродажната цена на дизелот ќе биде 85,5 денари за литар, а на Екстра лесното масло за домаќинство 81,5 денари за литар.

ЕУРОСУПЕР БС-95 и понатаму ќе се продава за 83,5 денари за литар, а ЕУРОСУПЕР БС-98 за 85,5 денари за литар.

Малопродажната цена на Мазутот се намалува за 1,217 ден/кг и со тоа новата цена ќе биде 56,130 ден/кг.

Со оваа најнова одлука на Регулаторната комисија за енергетика (РКЕ) се врши намалување на малопродажните цени на нафтените деривати во просек за 1,48 проценти.

The post Од ноќеска ќе точиме поевтин дизел, цената на бензинот останува иста appeared first on Република.