Бензините и Екстра лесното масло за домаќинство од денеска поевтинуваат за еден денар по литар, а цената на дизелот се намалува за половина денар, одлучи денеска Регулаторната комисија за енергетика, водни услуги и услуги за управување со комунален отпад (РКЕ). Со одлуката се врши намалување на малопродажните цени на нафтените деривати во просек за 1,06 отсто.

Новата малопродажна цена на ЕУРОСУПЕР БС-95 ќе изнесува 80 денари за литар, ЕУРОСУПЕР БС-98 ќе се продава за 82, Екстра лесното масло за домаќинство (ЕЛ-1) за 76,5, а ЕУРОДИЗЕЛ БС (Д-Е V) за 77,5 денари за литар.  Со одлуката на РКЕ за 0,411 денари за килограм се намалува и малопродажната цена на Мазутот М-1 НС и ќе изнесува 43,332 денари.

Од РКЕ посочуваат дека референтните цени на нафтените деривати на светскиот пазар во споредба со претходната пресметка бележат намалување кај бензините во просек за 1,435 отсто, кај дизелот за 5,152, кај екстра лесното масло за 1,608 и кај мазутот за 1,143 отсто. Курсот на денарот во однос на доларот по кој беа формирани цените со претходната пресметка е понизок за 0,06 отсто.

The post Ова се новите цени на горивата од денеска appeared first on Република.

Првиот човек на Регулаторната комисија за енергетика, Марко Бислимовски вели дека и покрај зголемените цени Македонија и натаму има најевтини горива во регионот.

Споредбено со регионот, согласно последните достапни податоците од 6.3.2022 година (недела) во земјава Еуродизелот е со најниска цена и изнесува 1,388 евра/литар, додека во Србија изнесува 1,552 евра/литар, во Бугарија е 1,457 евра/литар во Албанија 1,616 евра/литар, во Грција 1,678 евра/литар и во Хрватска 1,497евра/литар. И Еуросупер БС 95 исто има најниска цена во земјава од 1,453 евра/литар (цена актуелна од полноќ), за разлика од Србија каде цената на Еуросупер БС 95 изнесува 1,482 евра/литар, во Албанија 1,632 евра/литар, во Грција e 1,951 евра/литар и во Хрватска 1,507 евра/литар. Само во Бугарија е пониска и изнесува 1,427 евра/литар.“ – се вели во писмената изјава на првиот човек на Регулаторната комисија за енергетика.

The post Бислимовски: Се уште имаме најевтино гориво во регионот appeared first on Република.