Пратеникот и генерален секретар на ВМРО-ДПМНЕ, Ѓоѓија Сајкоски, по повод денешниот празник беше во посета на Прилеп.

Денес положивме свежо цвеќе кај мемориалниот комплекс – Могила на непобедените во Спомен паркот на револуцијата во Прилеп, со што им изразивме почит на сите храбри борци и херои што го дадоа животот за слободна и самостојна Македонија и ни оставија аманет да ја чуваме сувереноста и независноста на татковината и да се бориме за подобра и посветла иднина, истакна Сајкоски.

„Нека ни е честит 11 Октомври, Денот на народното востание, симболот на непокорот и слободарскиот дух на македонскиот народ“ – порача тој.

The post Сајкоски: Им изразивме почит на сите храбри борци и херои што го дадоа животот за слободна и самостојна Македонија appeared first on Република.

Ѓорѓија Сајкоски, генерален секретар на ВМРО-ДПМНЕ, денес даде изјава по подигањето на мандатите на пратениците во која најави дека новата влада очекува да биде формирана до средината на идниот месец.

Денес по покана на Државната изборна комисија ги подигнавме мандатите на пратениците на ВМРО-ДПМНЕ и нивните уверенија. Со добивањето на уверенијата, до 28 мај очекуваме да се формира Собранието на Република Македонија, до средината на јуни очекуваме да ја имаме и новата влада во Република Македонија.

Сакам да изразам огромна благодарност до граѓаните на Македонија, за поддршката што ја дадоа на ВМРО-ДПМНЕ и за големата одговорност сакам да посочам дека ова е голема одговорност за нас како пратеничка група, како ВМРО-ДПМНЕ. Но, сакам да укажам дека ќе ја оправдаме оваа нивна дадена одговорност.Но меѓутоа сакам исто да кажам дека во периодот што следи ние како ВМРО-ДПМНЕ ќе се насочиме кон борба против криминалот, корупцијата и ќе се насочиме кон подобро образование, здравство и ќе дадеме надеж дека тука може да се живее, работи подобро од она што беше до сега. И за брзо граѓаните на државата ќе го увидат тоа - изјави Ѓорѓија Сајкоски, генерален секретар на ВМРО-ДПМНЕ.

The post До 28 мај да се формира Собранието, а до средина на јуни нова Влада, очекува Сајкоски appeared first on Република.

Ве повикуваме на 8-ми мај да излезете масовно, достоинствено и демократски. Не дозволувајте вашиот глас да биде злоупотребен или погрешно употребен од страна на структури кои сакаат да направат штета на цела држава, на нашата Македонија, истакна Ѓорѓија Сајкоски, носител на листа на ВМРО-ДПМНЕ во ИЕ 5.

Ве повикувам да излезете за да донесеме стабилна влада, функционални институции. Вашата излезеност ќе значи да има поголема борба против корупцијата и криминалот, да се вклучите во изградба на државата, да имаме стабилна и функционална влада, истакна тој.

Сајкоски денес им се обрати на граѓаните на Струга и ги повика да излезат во што поголем број на 8-ми мај.

Ве повикуваме на 8-ми мај да ја дадете поддршката за ВМРО-ДПМНЕ и Коалицијата „Твоја Македонија” за да донесеме држава во која може да се живее, посочи тој.

The post Сајкоски: На 8-ми мај да излезете масовно, достоинствено и демократски – за стабилна влада и функционални институции appeared first on Република.

И оваа сабота сум во Битола на средба со граѓаните. Сакаме да им укажеме, но и да им гарантираме на битолчани дека Битола е на врвот на агендата на идната влада на ВМРО-ДПМНЕ.

Сакаме да им гарантираме дека Битола ќе биде културен, образовен, економски и енергетски центар. Ќе вложиме во РЕК Битола , комбинатот ќе биде во полн сјај и ќе бидат реконструирани блоковите.

Сакаме исто така да укажеме дека ќе вложуваме и во општина Битола. Секоја година општината од владата ќе добива 11 милиони евра, ќе се направат влезовите во Битола. Но, владата исто така ќе ја направи обиколницата до Меџитилија, ќе вложи многу средства за градот Битола.

Сакам да ги повикам битолчани во што поголем број на изборите на 8 мај да се приклучат исто како и во првиот круг за да донесеме една голема победа на ВМРО-ДПМНЕ и победа за Македонија, изјави Ѓорѓија Сајкоски, генерален секретар на ВМРО-ДПМНЕ и носител на изборна единица 5.

The post Сајкоски: Секоја година Битола од владата на ВМРО-ДПМНЕ ќе добива 11 милиони евра appeared first on Република.

Вчера докажавме дека само заеднички, единствени како никогаш досега можеме да успееме. Можеме да успееме заеднички и да прегазиме секој противник, секој оној којшто прави штета на нашата држава и затоа ќе го снајде она што го снајде овој наш противник вчера. Ќе го снајде истото и на 8 мај. Голема победа на ВМРО-ДПМНЕ и коалицијата „Твоја Mакедонија“, голема победа на македонските граѓани и македонскиот народ. Почитувани кичевчани вие го покажавте револуционерниот дух. Тој никогаш не згаснал во вас. Покажавме дека можеме и дека ќе направиме се, дека имаме храброст, дека имаме елан да се спротивставиме и дека ние сме победнички расположени. Победнички за да ја донесеме Македонија онаму каде што и е местото Им дадовме јасно до знаење дека Кичевчани не толерираат повеќе изживување врз нив. Дека Македонија не толерира повеќе некој да ја тероризира! Ние не толерираме да лажат и крадат. Ние таквите ги казнуваме, истакна на вечерашниот митинг во Кичево носителот на листата на пратеници на ВМРО-ДПМНЕ во ИЕ 5, Ѓорѓија Сајкоски.

Тој исто така повика на уште помасовна излезност на 8 мај за да се донесе историска победа за Македонија.

„Сакам исто така да ве повикам на 8 мај да излеземе во што поголем број и да донесеме историска победа на Македонија. Да донесеме историска победа за ВМРО-ДПМНЕ и коалицијата „Твоја Македонија“, потенцираше Сајкоски.

Сајкоски истакна и дека оваа е историска победа бидејќи граѓаните во ВМРО-ДПМНЕ препознаа луѓе коишто можат да ја донесат правдата во Македонија.

„Ние почитувани испишуваме историја. Испишуваме историја затоа што првпат од позиција на опозиција води некој политички субјект во Македонија со 180 илјади гласови. Испишуваме историја затоа што во нас препознаа македонските граѓани луѓе коишто се чесни, коишто се трудољубиви и луѓе коишто можат да ја донесат правдата во Македонија“

Тој упати порака и до оние кои не излегоа на гласање дека ако сакаат да живеат во подобра Македонија треба да се придружат во големата победа на ВМРО-ДПМНЕ.

„Ако сме согласни дека треба да имаме подобро здравство, подобро образование, дека инфраструктурата во ИЕ 5 е катастрофална и дека треба да направиме комплетно нова, придружете се. Придружете се во голема победа за Македонија. Придружете се и само така, само единствени може да победиме и може да донесеме влада којашто никој не може да ја уценува и може да донесеме премиер што испорачува. Да испорача да имаме одлична инфраструктура, да бидеме први во регионот наместо последни и да направиме економски бум“, истакна Сајкоски и додаде:

„Поканете го секој, разговарајте со секој затоа што ВМРО-ДПМНЕ и коалицијата „Твоја Македонија“ се политички субјекти којшто мислат добро за сите во Македонија. ВМРО-ДПМНЕ и коалицијата го заслужува вашиот глас, бидејќи ВМРО-ДПМНЕ беше и остана браник на македонската државност“.

The post Сајковски: Докажавме дека Македонија не толерира некој да ја тероризира appeared first on Република.

Веруваме дека промените се неопходни, веруваме дека ќе се приклучите кон промените. Бидејќи промените се во ваши раце, изјави денеска Ѓорѓија Сајкоски, генерален секретар на ВМРО-ДПМНЕ и носител на Изборна единица 5.

-Почитувани жители на Струга,

Веруваме дека промените се неопходни, веруваме дека ќе се приклучите кон промените. Бидејќи промените се во ваши раце, изјави денеска Ѓорѓија Сајкоски, генерален секретар на ВМРО-ДПМНЕ и носител на Изборна единица 5.

Заеднички со нас да изградиме Струга да биде подобро место за живеење, да направиме подобра инфраструктура, да ја дислоцираме депонијата која што ја загрозува општина Струга и жителите на општина Струга.

Да направиме подобра инфраструктура и за сите населени места кои гравитираат околу општина Струга.

На таков начин ќе направиме да бидете горди и вие како стружани, да биде горда и Македонија. Без разлика од која националност доаѓате, без разлика дали Албанци, Турци, Власи, Роми, Македонци, да се обединиме сите во борбата за подобар живот. Да се обединиме сите во желбата за носење на нови инвестиции. Да се обединиме сите и да направиме подобра инфраструктура што ќе го поврзува булеварски Враништа, но да направиме и за Драслајца, да направиме и за Лабуништа, да направиме подобро за цела Струга.

Бидејќи стружани го заслужуваат тоа. Стружани заслужуваат во овој преубав град да имаат подобра инфраструктура и подобри услови за живот, рече Сајковски.

The post Сајкоски: Да направиме подобра инфраструктура во Струга, да ја дислоцираме депонијата која што ја загрозува општината appeared first on Република.

Восхитен сум од сите вас, собрани овде во Охрид. Илјадници охриѓани, но и граѓани од цела Македонија, од Битола, од Кичево, од Струга, од Ресен, од славна Дебрца, од Дебар, од Демир Хисар, од Маврово и Ростуше, од Центар Жупа, од Долнени и сите други прекрасни места од нашата преубава Македонија. Восхитен сум од бројот на луѓе кои ги гледам денес пред мене. Оваа река на народ говори само едно, говори дека и на 24-ти април и на 8-ми мај победата ќе биде голема, порача Ѓорѓија Сајкоски, генерален секретар на ВМРО-ДПМНЕ и носител на ИЕ5 од митингот во Охрид.

„Свесни сме за распаднатите институции. Свесни сме за задолжената држава. Свесни сме за запрените проекти, за неизградените патишта, за распаднатите училишта, за немањето учебници. Свесни сме за нефункционалниот здравствен систем. Свесни сме и за корупцијата и криминалот кои секојдневно ги прави власта. Овие избори се голем испит за нас како народ, како граѓани, за сите нас. Ќе ги запреме овие немилосрдни уништувачи на државата или ќе се покориме. Ќе ги запреме овие неработници или ќе се откажеме. Ќе ги запреме овие неспособни манипулатори или ќе се предадеме“, рече Сајкоски и порача дека нема да се предадат туку со ум, работа ќе се запрат лошите политики на оваа актуелна власт.

Сајкоски ги повика си граѓани без разлика на вера и нација, Македонци, Албанци, Турци, Власи, Роми, Срби, христијани, муслимани да излезат и да гласаат за подобра Македонија.

„Да се обединиме во борбата против власта која не посрами. Која не оцрни, не избрка од огништата, ни ги затвори училиштата, власта која ни ги запусти и патиштата. Обединети да им одговориме дека за нив дојде крајот. Обединети да им одговориме дека Македонија има и повеќе ум и повеќе сила“, нагласи тој.

Тој посочи дека оваа напаст и непогода која ја задеси Македонија не се победува со седење дома, не се победува со кавги и недоразбирања помеѓу нас. Оваа напаст се победува со големо народно, македонско обединување, со гласање и воведување ред во својата, во нашата, и во твојата Македонија.

„Слушам овие од власта велат сме имале некаква фобија. Ама можам да им кажам дека ние како ВМРО-ДПМНЕ и коалицијата „Твоја Македонија“ имаме само љубов. Љубов кон Македонија, љубов кон луѓето на нашата земја, Македонија. Таа љубов ја преточивме во содржината на двете изборни програми наречени платформа „Македонија повторно горда” и „Платформа 1198“, кои се напишани и креирани од нашите најискусни и најкреативни луѓе“, појасни Сајкоски.

Сајкоски укажа дека Платформата „Македонија повторно горда” е совршен и умен продукт на исклучително успешна и искусна личност. И само таа како иницијатор и креатор на истата може добро да ја долови. Таа ќе биде претседателка на Македонија, професорката Гордана Силјановска.

„Со програмата за парламентарните избори „Платформа 1198“ целосно ќе ја рестартираме, реорганизираме и реформираме нашата Македонија.

Најмногу простор во нашата Платформа, но и во нашата работа ќе посветиме на:

– Борбата за квалитетен животен стандард;

– Ниските даноци;

– Повисоките пензии и плати;

– Ќе ги подобриме можностите младите;

– Ќе одвоиме 150 милиони евра за поддршка на квалитетно вработување на нашите млади;

– Ќе ги подобриме политиките кон семејството;

– Ќе ја воспоставиме мерката „Купи куќа за млади“, рече Сајкоски.

Сајкоски додаде дека во Охрид ќе се уреди и реконструира пристаништето. Ќе се преземаат активности за редовно чистење на езерското дно како и за проширување, прочистување и одржување на пристаништата и пристапните мостови.

„Дополнително ќе ги зголемиме инфраструктурните инвестиции во комплексот Плаошник, а со изработка на детална програма Охрид ќе стане центар на културен туризам со посебно внимание на промоција на црковно-историското наследство. Ќе изградиме ново училиште „Григор Прличев“. Ќе градиме катна гаража кај градскиот пазар. Ќе изградиме плоштад и кај Чинар. Ќе градиме систем за водоснабдување на Охрид од Свињишки извори. Ќе работиме на кејот и на довршување на затворениот градски базен. Ќе изградиме канализационен систем со пречистителна станица во Трпејца. Но и ќе работиме на многу други конкретни проекти за Охрид, Дебрца и сите околни општини“, порака Сајкоски.

Тој додаде дека за овие проекти да се остварат, потребно е Македонија да има способна Влада, способен премиер, способни политичари, способна претседателка.

The post Сајкоски: Со „Платформа 1198“ целосно ќе ја рестартираме, реорганизираме и реформираме нашата Македонија appeared first on Република.

Крушево градот кој што во почетокот на 20-тиот век гордо се исправи, градот кој што на почетокот на 20 век се бореше за промени, за подобар живот, за слобода, за правда. Градот кој што и на 24 ти и на 8 ми мај ќе се одважи да донесе голема победа на ВМРО-ДПМНЕ, кажа Ѓорѓија Сајкоски носител на изборна единица 5 на денешниот митинг во Крушево во рамки на претседателската кампања.

Сајкоски додаде дека дојде време да се обединиме, дојде моментот кога нашето единство ќе докаже дека е најголема сила. Да покажеме дека нашата различност може да носи просперитет на нашата држава. Затоа ние денес од овде од Крушево зборуваме како ќе ја градиме и како ќе изгледа Македонија после 24 ти и после 8 ми мај со ваша огромна помош. Со помош на Крушево со помош на луѓето од изборна единица 5 со граѓаните на цела Македонија.

Сајкоски од Крушево порача дека ние не водиме кампања против никого, ние водиме кампања за доброто на Македонија, за ваше добро како нејзини жители и додаде:

Ние сакаме да побараме поддршка за да може да изгледа Македонија онаква каква што ја сонувавме во 90-тите. Сонувавме просперитетна, модерна држава, држава која што беше и мора да биде повторно респектирана и дома и надвор. Ние нудиме различен концепт затоа ве повикувам на 24 ти да излезете масовно да гласате за концептот кој што го предлага ВМРО-ДПМНЕ и поддршка за претседател на Македонија, Гордана Силјановска Давкова.

The post Сајкоски: Ние не водиме кампања против никого, ние водиме кампања за доброто на Македонија appeared first on Република.

Вечерва сум тука заедно со човекот кој ќе ја испише историјата, кој ќе донесе огромни триумфи на нашата татковина, на нашата Македонија, човекот кој со својата експертиза ќе помогне на секој град, секое село, секој милиметар земја да го оствари својот максимален потенцијал, претседателот на ВМРО-ДПМНЕ, Христијан Мицкоски. Исто така дамата која гордо ќе ја предводи Македонија како претседател, професорката Гордана Силјановска Давкова, истакна Ѓорѓија Сајкоски, носител на изборната единица 5 при денешното негово обраќање во Кичево.

Сајкоски во текот на своето обраќање истакна дека Македонија, Кичево молат за промени и тие промени ќе дојдат на 24 Април и на 8 Мај.

Долго размислував од каде да почнам да зборувам. Но сфатив дека од каде и да почнам, што и да кажам, заклучокот секогаш ќе ист на крајот – нашата Македонија, нашето Кичево, молат за промени и промените ќе дојдат на 24 Април и на 8 м Мај. Итно е потребно да се врати надежта и оптимизмот. А за тоа да се случи треба еднаш за секогаш да раскрстиме со криминалот, корупцијата и со некадарните политичари кои ги запоседнаа институциите - рече Сајкоски.

Сајкоски потсети на дел од ветувањата на СДС кои ги ветуваа пред граѓаните.

Кичевчани знам дека не сте ги заборавиле празните ветувања на СДСМ. Во мај минатата година најавија отварање на фабрика за производство на литиум-јонски батерии. Но повторно ги излажаа граѓаните, во ТИРЗ зоната има само ливада. Дали испорачаа нешто што ветија? Па тие ни започнатото не успеа да го довршат. Автопатот Кичево-Охрид не чини дупло повеќе заради нивната неспособност. И не го завршија за 7 години.

Сајкоски исто така се осврна и на тоа што ВМРО-ДПМНЕ има во план да направи.

Ќе ја зајакнеме економијата, ќе инвестираме во рамномерен регионален развој, правосудството, образованието и здравствениот систем ќе бидат функционални! Ќе знам дека сме успеале во целите кога ќе видам насмевка на сечие лице, кога и младо и старо, без разлика на неговата национална определба ќе сака со гордост да каже: Јас сакам да останам во Македонија! Јас сакам да основам семејство во Македонија! Да творам во Македонија! Македонија е убава земја за живеење! Ќе знам дека сме успеале кога нашата програма платформата 1198 целосно ќе заживее и ќе стане реалност! И можеби дури тогаш, оние празните обувки што ги оставија пред влада, кои го симболизираа масовното иселување од Македонија, ќе бидат пополнети - потенцираше Сајкоски.

На крај Сајкоски од Кичево порача зошто граѓаните треба да гласаат за професорката Гордана Силјановска Давкова.

Силјановска е стабилна, мудра и прецизна во своите настапи. Пендаровски пак, од друга страна, се расфрла со зборови кои ништо не значат, менува ставови секој ден, зборува колку да се допадне и во него не видовме стабилен претседател. Силјановска ќе ја брани Македонија, Пендаровски не го правеше тоа - дополни Сајкоски.

The post Ќе знам дека сме успеале кога секој ќе каже: ,,Македонија е убава земја за живеење!” appeared first on Република.

На Битола и на Македонија им се потребни промени. Македонија и вашиот град со својата посебност заслужуваат да бидат претставувани од човек како нашиот кандидат за претседател Гордана Силјановска Давкова, изјави Ѓорѓија Сајкоски, носител на листа за пратеници од изборна единица 5 на вечерашниот митинг во Битола.

Сајкоски додаде дека Силјановска е професионалец со извонредни достигнувања.

„Таа е член на Венецијанската комисија, еден од најактивните пратеници. Во политиката таа е борец за право и правда. Потребно е претседателот да биде со народот кој ќе се стреми кон национално единство, а таа постојано говори и се заложува за истото“, кажа Сајкоски.
Според Сајкоски потребно е единство прво да се постигне дома во државава, а потоа да бараме и другите да не почитуваат.

„Огромен број на сериозни проекти има партијата. Силјановска е гаранција дека можеме да ја побараме поддршката од вас за реализација на истите“ додаде Сајкоски.
Сајкоски вети дека и ние и професорката ќе сме чести гости работно тука во Битола и ќе се создава перспектива за градот.

„За да бидеме целосно успешни ќе ни треба лидер, ни треба претседател како Силјановска, но ни треба и добар премиер како господинот Мицкоски зошто нашите планови се сериозни“, изјави Сајкоски.

Сајкоски на крајот од обраќањето ја побара поддршката од граѓаните на Битола на претстојните избори.

„Ја бараме вашата доверба поддршка и глас. Тие ќе се помош во борбата за подобра Македонија. Глас за Силјановска е поддршка за Македонија. Глас за ВМРО-ДПМНЕ е поддршка за Македонија“, порача Сајкоски.

The post Сајкоски: Глас за Силјановска е поддршка за Македонија, глас за ВМРО-ДПМНЕ е поддршка за Македонија! appeared first on Република.

Генералниот секретар на ВМРО-ДПМНЕ и носител на листа во ИЕ 5, Ѓорѓија Сајкоски, денес беше во св. Богоридица Пречиста.

„Во 1924 година на ден Благовештение во манастирот св. Богородица Пречиста е замонашен архиепископот г.г Доситеј.

Денес во св. Богородица Пречиста со отец Доситеј“ – напиша тој на објавата со фотографии на Фејсбук.

The post Сајкоски денес во св. Богородица Пречиста со отец Доситеј appeared first on Република.

Веќе се чувствува дека доаѓаат промените во Македонија, но мора да потенцирам дека изминативе 7 година тука во овој регион ништо не се инвестираше, не само што имаме пад на институциите, ние имате руинирана инфраструктура, нула инвестиции, распад на системот и тоа мора да го смените, затоа повикуваме на 24 април и на 8 мај приклучете се кон промените и големата победа на ВМРО-ДПМНЕ и Коалицијата, изјави генералниот секретар на ВМРО-ДПМНЕ, и носител во ИЕ 5, Ѓорѓија Сајкоски на вечерашниот митинг во Ресен.

Сајкоски истакна дека тоа ќе биде победа на народот против неправдите, но за да донесеме силни институции и претседател каков што заслужува Македонија, мора да се избориме и да излеземе максимално на овие избори.

Сакам да направам една споредба сегашниот претседател велат дека надлежностите му биле ограничени или ги немал и затоа се однесувал вака или така, сакам да порачам дека Македонија памети дека имала претседатели, но изминативе 5 години немаме претседател, туку имаме статист кој ги премолчи сите процеси изминатиот период и кој наутро зборува едно, после пладне друго, а навечер ги демантираше двете работи, рече Сајкоски.

Сајкоски нагласи дека неопходно е да направиме промени кои ќе не носат кон подобра иднина во Македонија.

- Секој ден на Пендаровски му е Европа во устата, а нема посета на европски лидери, не посети ниту еден европски лидер, а од друга страна Македонија не ја посети ниту еден европски лидер. Затоа ние се стремиме и мора да донесеме претседателка која ќе ја води државата и која ќе биде заштитник на интересите на народот, интересите на македонските граѓани тука и ќе ја промовира Македонија надвор. Мора да донесеме голема победа, победата за ВМРО-ДПМНЕ е победа за Македонија, потенцираше Сајкоски.

Сајкоски нагласи дека иден претседател е Гордана Силјановска Давкова, а иден премиер Христијан Мицкоски затоа што ВМРО-ДПМНЕ ја има народната поддршка.

Останаа уште неколку недели до големата победа која ќе донесе раст, развој, правда, ќе донесе борба против криминал и корупција и надеж дека во Македонија може да се работи, изјави Сајкоски.

The post Сајкоски: Пендаровски 5 години беше статист, Силјановска Давкова ќе биде заштитник на интересите на народот и Македонија appeared first on Република.

Вчера граѓаните на Македонија покажаа храброст, мудрост, единство и сила и покажаа дека Македонија се движи во вистинска насока.

Македонија ќе добие нов претседател и Македонија за многу брзо ќе има нова влада, уверува Ѓорѓија Сајковски.

Денеска сме тука во Кичево во рамки на ТИРЗ зоната за да укажам на една од лажните ветувања на оваа власт во која што учествуваше и претседателот на државата, а за регионот ветија нешто што еве до денес не е исполнето.

На почетокот на 2024 година требаше да се изгради фабрика во која што ќе вработуваше 600 луѓе, меѓутоа до денеска гледаме дека во рамките на ТИРЗ зоната останата е старата фабрика КСС која што има 1500 вработени.

https://www.youtube.com/watch?v=_8-NVQRs7hU&embeds_referring_euri=https%3A%2F%2Fvmro-dpmne.org.mk%2F&source_ve_path=MjM4NTE&feature=emb_title

Затоа сакам да укажам дека треба да ги казниме за лажните ветувања. Треба да ги казниме за криминалот и корупцијата.

И треба да донесеме на Македонија нова надеж и посветла иднина.

The post Сајкоски: Вчерашниот митинг покажува дека граѓаните се нашата сила, Македонија ќе ја добие Силјановска Давкова за нов претседател appeared first on Република.

Со победничка енергија поднесени се победничките листи, вели носителот во петтата изборна единица и генерален секретар на ВМРО-ДПМНЕ, Ѓорѓија Сајкоски.

-Официјално, денес на 02.04.2024 со голем оптимизам ги поднесовме кандидатските пратенички листи до Државната изборна комисија кои на гласачкото ливче ќе се најдат под реден број 2!

Нека среќа ни донесе напорната работа и искрената желба за промени во нашата Македонија!

На кандидатите од листите, од прв до последен, им посакувам успех во водење на нивните кампањи, да инспирираат со своите интегритет и визија.

Благосостојбата на нашата нација во најголем дел лежи токму на имињата од овие листи!, потенцира Сајкоски.

The post Сајкоски: Со голем оптимизам ги поднесовме кандидатските пратенички листи до ДИК кои на гласачкото ливче ќе се најдат под реден број 2! appeared first on Република.

На денешната промоција на кандидатите за пратеници на ВМРО-ДПМНЕ и Коалицијата „Твоја Македонија“ за парламентарните избори 2024 свое обраќање имаше генералниот секретар на ВМРО-ДПМНЕ и носител во изборна единица 5, Ѓорѓија Сајкоски кој што истакна дека да се биде носител на листа е голема чест, особено на ИЕ5 која важи за културен трезор на Македонија и регион на револуционерни изблици во минатото.

Корупција. Некомпетенција. Криминал. Регресија. Ограбени претпријатија. уништени Институции. Кој уште негативен синоним да им го препишеме на оние во заминување. Дали останаа зборови со кои може да се опише потфрлањето? Што е уште поважно прашање, дали вреди да се губи време дополнително зборувајќи за тоа? Македонската, па дури ни светската историја не памети вакво однесување на една влада кон својот кон сопствениот народ. Како што Балтазар Грасијан рекол „Вистината обично се гледа, ретко се слуша”, не сакам да зборувам за тоа што било, затоа што видовте. Ама силно верувам дека ќе ни дадете шанса да ви покажеме и да видите дека може поинаку, подобро и поодговорно. Јас верувам во вас, народот на Македонија - истакна Сајкоски.

Сајкоски кажа дека дава завет дека ќе ја видиме Македонија достоинствено исправена и горда.

Да се биде носител на листа е голема чест, особено на ИЕ5 која важи за културен трезор на Македонија и регион на револуционерни изблици во минатото, но тоа не значи помала работа, туку поголема посветеност или одговорност. Напротив, пред сите присутни тука, пред вас почитуван претседателе проф д-р Христијан Мицкоски, и вас почитувани кандидати за пратеници, членови на ВМРО-ДПМНЕ, претставници на коалицијата и на медиумите, како и пред вас кои сте изморени и веќе кревате раце, спремни да заминете и да ги оставите семејството, пријателите и татковината зад себе, како и пред вас кои сте надвор од границите на земјава барајќи живот, давам завет дека ќе војувам-политички, лојално и конвенционално, ако треба и со последните сили кои ги имам, само за да ја видиме Македонија достоинствено исправена, горда, наша Македонија - истакна Сајкоски.

Сајкоски повика да не се дозволува апатијата или цинизмот да ја диктира иднината тука да се биде гласен во борбата за подобра Македонија.

Знам дека многумина од вас можеби се чувствувате разочарани или обесхрабрени од состојбата на нашата политика денес. Можеби се чувствувате како вашиот глас да не е важен или нема да направи разлика. Но исто така знам дека секое населено место копнее за подобар стандард за живеење. Верувам дека и во Центар Жупа, Дебрца, Маврово и Ростуше, Дебар, Пласница, Долнени и Демир Хисар сакаат напредок. Знам и дека битолчани, охриѓани, стружани, кичевчани, ресенчани и крушевчани веќе се спремни и очекуваат промени како и сите други. Затоа ве повикувам: не седете настрана. Не дозволувајте апатијата или цинизмот да ви ја диктира иднината. Станете и бидете гласни - посочи Сајкоски.

Сајкоски повика на единство и соработка и борба за подобра Македонија.

Верувам во моќта на единството над поделбата, на соработката над конфликтот. Мора да се здружиме како една нација, признавајќи дека нашата разноликост е нашата сила. Мора да се слушаме едни со други, да ги почитуваме различните перспективи и да најдеме заедничка основа за да се справиме со нашите заеднички предизвици. Ајде сите заеднички да застанеме под знамето и сплотено да го оживееме мотивот на ВМРО-ДПМНЕ. За стабилна економија. За функционално здравство. За праведно правосудство. За образовниот систем пак да образува, за енергетска независност, за идентитетот. Овие избори повеќе од било кога, предводени од гнев заради неправдите, а мотивирани од љубовта кон татковината, да собереме сила да се бориме за сечие добро! Да се бориме за Македонија - кажа Сајкоски.

The post Сајкоски: Да не дозволиме апатијата или цинизмот да ја диктираат иднината, да ја видиме Македонија горда и достоинствено исправена appeared first on Република.

„Сакам да истакнам дека ВМРО-ДПМНЕ ставот го кажа уште во моментов кога беа отворени овие проблеми, и за кои што Владата презеде концесии во однос на промена на Уставот. И тој став до денес не е сменет. ВМРО-ДПМНЕ останува на ставот дека нема уставни измени кои што се донесени на ваков начин“, истакна генералниот секретар на ВМРО-ДПМНЕ, Ѓорѓија Сајкоски во изјава за вестите на Сител телевизија.

Ние кажуваме дека ЕУ треба да даде гаранции кон нас како Македонија за уставните измени и исто така укажуваме дека концесиите кои што ги имаше преземено претходната Влада, за нив може да се разговара во моментот кога ние како Македонија ќе влеземе во ЕУ“, рече тој.

Сајкоски додаде дека ВМРО-ДПМНЕ укажува дека Бугарија треба да си преземе и обврски, да ги почитува меѓународните права, да ги почитува одлуките од Судот за човекови права и да ги реализира оние судски одлуки кои што се донесени од Европскиот суд за човекови права во Стразбур.

Во текот на својата изјава Сајкоски се осврна и на економските теми.

Изминатиот период направивме повеќе средби, направивме исто така и средби со Стопанска комора, и со граѓани, и внатрешни средби во партијата со економскиот тим. И од средбите заклучивме дека периодот што следи во следните четири години ние гарантираме дека ќе направиме инфлацијата да биде под 3%, исто така гарантираме дека ќе имаме економски раст над 5%, ќе ја намалиме невработеноста до 7 ипол проценти, ќе донесеме најголем број на инвестиции странски во нашата држава. И исто така кажуваме дека ќе имаме реализација на капитални проекти во висина од три милијарди евра од кои што милијарда евра ќе одат до општините и локалната самоуправа, вети Сајкоски.

Тој посочи дека на ваков начин ВМРО-ДПМНЕ сака да покаже дека во Македонија може да се има економски раст и развој. ВМРО-ДПМНЕ ќе покаже дека има надеж да се живее и да се работи во Македонија.

The post Сајкоски: Идната Влада на ВМРО-ДПМНЕ гарантира дека инфлацијата ќе биде под 3%, а економскиот раст ќе биде над 5% appeared first on Република.