Даночното затајување е предизвик присутен во сите земји, како во неразвиените, така и во развиените, затоа соработката помеѓу земјите и размената на инфорамции е клучна во борбата со овој феномен, порача министерката за финансии Гордана Димитриеска-Кочоска на Глобалниот форум за транспарентност и размена на информации за даночни цели што се одржува во Парагвај.

Даночното затајување е насекаде присутно, дури и во развиените земји, затоа поддршката е потребна на сите, не само на земјите како мојата. Кога се зборува за даночно затајување не е важно само законодавството што ќе се усвои, туку многу поважна е волјата на Владата да успее во борбата со него, рече министерката.

Наведуваќи дека Македонија е членка на ОЕЦД од 2011 година и дека тоа што се уште има висок процент на економска даночна евазија, корупција, сива економија, криминал, значи дека се прави нешто погрешно.

Овие пет месеци по преземање на функцијата ги искористив да ги анализирам работите и забележав дека се започнува со политичката волја и даночната администрација. Како пример во 2022 година до нашата даночна администрација имало 24 барања за размена на податоци, а од наша страна само 5. Тоа го покажува интересот на нашата администрација за ова прашање. Затоа приоритет на новата Влада е да се бори со корупцијата и криминалот што претставува единствениот начин како да ги зголемиме приходите во нашиот буџет. Имаме рамни и многу ниски даночни стапки и огромна сива економија и врз основа на тоа одлучивме дека е време да се работи на намалување на сивата економија. Во таа насока, а со цел ефикасно собирање на приходите потребно е да разменуваме информации и користење на сите капацитети што ни се на располагање - истакна министерката и додаде дека даночната и царинската администрација се фокусирани на собирање на приходите и борбата со даночното затајување.

Министерката посочи дека размената на информации е многу важна и дека таа треба да се одвива автоматски, а не по барање, особено имајќи го предвид воведувањето на глобалниот минимален данок.

Министерката учествуваше на панел-дискусија посветена на напредокот на имплементација на стандардите за автоматска размена на информации.

The post Димитриеска-Кочоска: Даночното затајување е предизвик на сите земји, клучно во борбата е соработката и размената на податоци appeared first on Република.

Буџетот за 2025 година ќе биде развоен, но нема да биде занемарена и социјалната компоненета. Капиталните расходи ќе бидат проектирани на ниво над 44 милијарди денари, а проекциите за буџетски дефицит и раст на БДП се поставени со Фискалната стратегија, најави министерката за финансии Гордана Димитриеска-Кочоска.

Според неа, станува збор за развоен буџет, затоа што иднината на држвата е во таа насока, односно со поголем развој ќе има подобар живот за сите.

Социјалата не може да се исклучи комплетно. Предвидена е поголема контрола, но ако сакате да ја намалите треба да преземете нешто. Затоа планирани се мерки за преквалификација на примателите на социјална помош, со цел да почнат со работа.Исто така поголем фокус ќе се стави на дигитализација на процесите во Министерството за социјална политика, демографија и млади - рекла министерката во гостување во Дневникот на МТВ.

Таа додала дека дел од проекциите коишто ќе бидат пренесени во Буџетот за 2025 година беа прзентирани со усвојување на Фискалната стратегија, односно 4% буџетски дефицит и 3,7% проценти раст на БДП.

Се што е предвидено во рамки на Буџетот ќе биде реализирано. Капиталните расходи се планирани некаде над 44 милијарди денари , што во овие услови претставува одлично ниво. При тоа за разлика од претходно ќе се фокусираме на квалитетни проекти, како што се општинските за кои се потпишаа договорите. Нема да отстапиме од таа реализација на проектираниот економски раст, бидејќи нашиот фокус се поддршка на инвестиции. При тоа кога зборуваме за инвестиции зборуваме за вистинска реализација на инвестиции. Тоа го потврдив и на состаноците во Вашингтон со високи претставници на Меѓународниот монетарен фонд и Светска банка - истакнала министерката.

Димитриеска-Кочоска додала дека се очекува поголема активност кај проектите од Коридорите 8 и 10д, коишто ќе се реализираат во подолг период од првично планираното за 4 години, што, како што рекла, било поздравено и од страна на ММФ.

Таа посочила дека раст на платите ќе има во образованието и здравството, а во однос на минималната плата навела дека таа треба да биде врзана со продуктивноста.

Во однос на јавниот долг министерката за финансии посочила дека тој на крајот на годината ќе биде најверојатно на ниво од 64%, но оти тоа ќе зависи од реализацијата на крајот на годината, односно обврските кои ќе бидат доставени за исплата.

The post Димитриеска-Кочоска: Буџетот за 2025 развоен, фокусот е на инвестициите, капитални расходи на ниво над 44 милијарди денари appeared first on Република.

Низ годините наназад постојано зборуваме за фантом пензионери, за фантом осигуреници, но никој досега не извади податоци. Очекувам во периодот кој следи најпвин да се направат ревизии, да ја видиме реалната состојба на Пензискиот фонд, а потоа може да размислувате каква политика ќе воведувате, вели министерката за финансии Гордана Димитриеска Кочовска.

-За да може да носите одредени одлуки, вие мора да ја имате реалната слика. За жал во изминатиот период можам само да констатирам дека ние никогаш не сме ја имале реалната слика. Јас сега имам постојана комуникација со министрите, бидејќи го подготвуваме буџетот за 2025 година, разговаравме за одредени работи кај нив и она што најмногу ме загрижува е неодговорноста на поедини институции во делот на тоа како треба да си ги третираат своите обврски и реализации на буџетот. Ние сето тоа тоа треба да го смениме, и токму во таа насока МФ веќе прави план и почнува со работа со Академијата за јавни финансии каде што ќе има постојано предавања и обуки за вработените во делот на финансии по институциите, бидејќи навистина имаме големи недоразбирања и потоа се појавуваат обврски за кои што тие дури не се ни свесни. Често одговорот им е вака било 30 години, тоа треба да го смениме, да застанеме на нозе и да ја видиме реалната слика и да најдеме механизам како тоа ќе го менуваме, вели министерката за финансии на новинарско прашање дали Владата работи во насока на креирање политики во наредниот период за зајакнување на Фондот за пензиско и инвалидско осигурување и негова самоодржливост.

Во однос на пензиите, напоменувајќи дека е во надлежност на Министерството за социјала, по ново демографија и млади, таа посочи дека лицата со најниски пензии се токму лицата од периодот на транзицијата, кои останаа без работа или имаат малку стаж.

За барањето на синдикатите за минимална плата од 450 евра, таа кажа дека не би коментирала однапред за прашање кое ќе се разгледува на денешната прва седница на Социо-економскиот совет која ја води министерот за економија и труд, каде треба да се донесат одредени политки.

The post Димитриеска Кочовска: Треба да го смениме неодговорното однесување на поедини институции кон обврските за реализација на буџетот appeared first on Република.

Парите од договорот за заем од 500 милиони евра со унгарската Експорт-импорт банка што денеска во Будимпешта во име на Владата, го потпиша министерката за финансии Гордана Димитриеска-Кочоска, се очекува наредната недела да легнат на девизната сметка на Министерството за финансии.

Таа во Тема на денот на Сител, од Будимпешта повтори дека станува збор за кредит од 500 милиони евра со каматна стапка од 3,25 проценти, со период на отплата од 15 години, односно вклучен грејс период од три години. Тие ќе влезат како средства во буџетот, од каде 250 милиони евра ќе бидат насочени кон Развојната банка, а таа преку комерцијалните банки ќе ги пласира на приватниот сектор за инвестиции, а останатите 250 милиони евра ќе останат во Буџетот и ќе бидат наменети за инфраструктурни проекти, односно за финансирање на проектите на општините.

Ние денес го искористивме моментот да поразговараме и околу пополнување на дополнителни документи за да се изврши исплатата. Очекувам во четврток кога ќе бидеме вратени назад во Македонија да ги испечатираме тие документи и да ги проследиме до Унгарската банка и во текот на следната недела средствата да бидат префрлени на девизната сметка на Министерството за финансии, рече Димитриеска-Кочоска, прашана кога треба да стигнат парите на државната сметка.

Таа наведе и дека условите под кои ќе бидат достапни за користење на средствата од овој кредит од страна на бизнисот, преку комерцијалните банки ќе бидат ставени на располагање за компаниите под истите услови како и за државата.

Тие (компаниите) ќе треба да аплицираат кај Развојната банка, Развојната банка понатаму ќе стапи во комуникација со нив. Најважно од се е тоа што приватниот сектор треба да знае дека средствата ги обезбедивме, дека штом ќе легнат на сметка ќе ги пренасочиме кон Развојната банка и понатаму таа ќе се договори со комерцијалните банки како ќе бидат распределени средствата по комерцијалните банки, вели Димитриеска-Кочоска.

Прашана дали фирмите ќе имаат некакви дополнителни обврски кон комерцијалните банки, бидејќи првично беше најавено дека условите коишто ги користи државата од Унгарија ќе ги имаат и компаниите во земјава, министерката за финансии одговори потврдно.

Истите услови. Тука нема дилема. Значи, остануваат истите услови – каматната стапка, исто 15 години рок на отплата со вклучени три години грејс период, но она што е важно што и компаниите го знаат и претходно сме го зборувале, станува збор за компании коишто се производни, коишто ќе инвестираат во машини и опрема. Зошто е тоа така, ние рековме нема да ставиме само акцент на извозните компании, може да се и домашните компании коишто произведуваат и продаваат на домашниот пазар. Целта е или да го поттикнеме извозот или да го намалиме увозот. Ефектот е потполно ист. Затоа велиме производни компании под истите услови под коишто и ние го обезбедуваме кредитот, подвлекува Димитриеска-Кочоска.

Таа беше прашана и за тоа дали комерцијалните банки нема да побараат некаков процент за да ја овозможат услугата околу доделување на кредитите на фирмите.

Првичните разговори ни беа сепак и тие да учествуваат во целата оваа работа за да ја заживееме економијата, бидејќи знаеме дека во изминатите години го достигнавме нивото, очекувањата на приватниот сектор беа многу лоши затоа и инфлацијата се влошуваше и сега тука заеднички ќе се потрудиме да најдеме начин како и комерцијалните банки да ја поддржат целата оваа работа со минимални или речиси никакви заработки. Секако ќе разговараме, Развојната банка ќе разговара со нив и ќе видиме понатаму како ќе оди целата постапка, вели министерката за фианнсии.

Таа посочи дека во Будимпешта било разговарано и за втората транша за дополнителните 500 милиони евра под истите услови што, вели, за нас како држава е многу важно, затоа што во јануари доспева еврообврзница од 500 милиони евра и се договориле. Министерството за финансии, најави таа, следната недела ќе ја почне процедурата за одобрување на дополнителните 500 милиони евра којшто договор таа очекува да биде потпишан до средината на декември, а исплатата да се заврши до средината на јануари, наредната година.

Значи следната недела започнуваме повторно постапка затоа што исто така треба да биде одобрено од страна на Собранието на Република Македонија, вели министерката за финансии.

Во однос на обвинувањата од опозицијата дека власта зема сомнителни пари кои не ставаат во должничко ропство, таа наведува дека целатат постапка за кредитот била транспарентна и одобрена со закон во Парламентот,

Па јас не знам што е сомнително кога Собранието го гласало, како може нешто да биде сомнително. Второ, премногу транспарентно кажуваме на што ќе се трошат парите и мислам дека опозицијата треба малку повеќе да се грижи за парите како ги трошеле во минатото. Државниот завод за ревизија излезе со извештаи, очекувам дека ќе има и одредени предмети коишто ќе се процесуираат понатаму, така што јас би била загрижена повеќе за тоа. Во овој дел транспарентно зборуваме, а мислам дека премиерот Орбан кога беше во Македонија многу јасно објасни дека тие пари коишто тие ги добиле од кинески кредит се наменети точно за конкретни проекти. Ова се унгарски пари, а кога зборуваме за унгарски пари зборуваме за пари на Европската унија и не гледам тука ништо спорно, потенцира министерката за финансии Гордана Димитриеска-Кочоска.

Унгарскиот кредит го договорија премиерот Христијан Мицкоски и унгарскиот премиер Виктор Орбан за време на учеството на Самитот на НАТО во Вашигтон, а Законот за заем беше изгласан во македонското Собрание на 17 септември годинава.

The post Димитриеска-Кочоска: Парите од унгарскиот кредит следната недела ќе легнат на девизната сметка на Министерството за финансии appeared first on Република.

Министерката за финансии Гордана Димитриеска-Кочоска оствари работна средба со новоназначените директори на Управата за јавни приходи Елена Петрова и на Царинската управа Бобан Николовски.

Ова е прва средба што ја одржуваме со првите луѓе на УЈП и Царината како клучни институции во прибирање на приходите во Буџетот. Ги поставуваме основите на работа и начинот на меѓусебна соработка со цел ефикасно прибирање на приходите и ефикасно управување со парите на граѓаните, рече министерката за финансии.

На средбата заеднички е констатирано дека најзначaјно е подигнување на институционалните капацитети, вложување во човечкиот капитал и дигитализација на процесите. На таков начин ќе се постигне ефикасност во работењето, испорачување на квалитетни услуги кон граѓаните и бизнисот и повисоки стапки на економски раст.

The post Средба на Димитриеска-Кочоска со Петрова и Николовски: Eфикасноста во прибирање на приходите во фокусот на работењето на УЈП и Царината appeared first on Република.

„Додека го чекаме ние судството да се реформира, да се подобри или не знам што, ние имаме на располагање еден друг механизам, по еден друг закон, а тоа е законот којшто е во надлежност на Управата за јавни приходи и вели дека Управата за јавни приходи има право да ги контролира граѓаните на Македонија и да го контролира потеклото на имот. Е сега во таква ситуација си го поставувам прашањето зошто досега УЈП не проконтролира потекло на имот на функционери, на судии, на јавни обвинители, на сопственици на компании коишто работат на големи тендери со државата, па да видиме дали сите тие математики се совпаѓаат“, истакна потпретседателката на ВМРО-ДПМНЕ, Гордана Димитриеска Кочоска, во нејзиното гостување во емисијата „Дејли клик“, на ТВ 21 говорејќи за тоа дека, не само судството, туку и власта е крива за лошата ситуација во која што се наоѓа државата што се однесува на правдата.

„Не мора секогаш да го чекаме само судството да биде тоа. Да ги погледнеме првин бројките, да ги видиме и да видиме тогаш што ќе каже судството. Но треба да сработите, да дадете квалитетен предмет за потоа и судството да го продолжи понатаму. Судството има вина, има пропусти огромни и треба да се реформира, меѓутоа во еден дел треба да се види и како се подготвуваат ие предмети кога се доставуваат до судот“, додаде Димитриеска Кочоска.

Таа исто така потенцираше дека ВМРО-ДПМНЕ предвидува основање на тело кое што во континуитет ќе ги следи транскакциите на функционерите, судиите, јавните обвинители и бизнисмени коишто работат со државата.

„Покрај ова имаме исто така предвидено во коешто ќе учествува министерот за финансии, министерот за внатрешни работи, директорот на Финансиска полиција, на Царина, на УЈП, Организиран криминал и Управа за перење пари. Тоа тело ќе има задача во континуитет исто така да проверува трансакции и следи функционери, судии, јавни обвинители, бизнисмени коишто работат со државата, бидејќи фокус сега во моментов се тие“, истакна Димитриеска Кочоска и додаде:

„Да видиме. Кој работи во согласност со законите, тука нема што да зборуваме, секоја чест и за поздравување. Но да видиме што се случува и во другиот дел, кој не работи или работи спротивно на закон, ќе има постапки и за нив соодветни“.

The post Димитриеска-Кочоска: Ќе формираме тело коешто ќе ги проверува трансакциите на функционерите, судиите, јавните обвинители – секој што работи спротивно на закон ќе одговара appeared first on Република.

Нема место каде професорката Силјановска Давкова нема огромна предност и водство, ова во изјава за МТВ го истакна потпретседателот на ВМРО ДПМНЕ Гордана Димитриеска Кочовска.

Според првичните неофицијални информации кои таа ги спомена, од 10 проценти од обработените податоци, 44 проценти гласале за професорката Силјановска Давкова, 18 проценти за Стево Пендаровски и другите се за останатите кандидати.

Потпретседателката на ВМРО ДПМНЕ Кочовска наброја неколку избирачки места каде кандидатот на оваа политичката партија е во убедливо водство.

The post ВМРО ДПМНЕ: Првите резултати покажуваат убедливо водство на Гордана Силјановска Давкова appeared first on Република.

-Стево Пендаровски во оваа кампања ништо не кажа за ДУИ, Ахмети и артаноидниот режим кој го создадоа и го потхрануваат. Во замена за понуда, нудат лаги како оваа… па така, чувствувам обврска да демантирам дека сметката на ВМРО-ДПМНЕ е блокирана. Сметката на ВМРО-ДПМНЕ никогаш не била блокирана од СЈО, ниту пак сега е блокирана како што тврди тој!, објави, Гордана Димитриеска Кочоска, потпретседател на ВМРО-ДПМНЕ, на својот фејсбук профил.

Таа потенцира дека, ВМРО-ДПМНЕ со новата гарнитура политичари има позитивни ревизорски извештаи за избори, особено за изборите во 2020 година кога ниту една друга политичка партија немаше. Му препорачувам на Стево Пендаровски да си го погледне финансискиот извештај за кампањата во 2024 година каде како донации нема пријавено ништо и веднаш да одговори како ја финансира својата кампања.

-На крај, колку повеќе лажат, толку подебело ќе загубат. Го советувам Стево да излезе од скутот на ДУИ и ДА СЕ ИЗВИНИ ЗА ОВАА ЛАГА!, нотира во објавата Гордана Димитриеска Кочоска во објавата.

The post Димитриеска Кочоска: Во недостаток на понуда, Пендаровски шири лаги, го демантирам и тврдам дека сметката на ВМРО-ДПМНЕ никогаш не била блокирана, ниту пак сега е блокирана appeared first on Република.

Исценираните и однапред договорени прашања и одговори од страна на идната опозиција, кои изобилуваат со навреди кон професорката Гордана Сиљановска Давкова дефинитивно ја потврдуваат паниката која владее помеѓу нивните редови, коментира Гордана Димитриевска-Кочовска.

Се удираат во гради дека се за ЕУ и дека се прозападни, но од тие вредности немаат ништо, голема нула! Со ваков говор ги навредија и политичарите од западот, од ЕУ… Дали се свесни?До крајот на кампањата уште што треба да очекуваме? Дали има дно кое не го пробија?Почитувани идни опозиционери, додека не си ја промените менталната матрица на која робувате, никогаш повеќе нема да ја добиете довербата на народот.Македонскиот народ има вредности и принципи, истиот тој народ нема да дозволи да биде претставуван од луѓе како вас.Доаѓа крајот за навредите и понижувањата!Македонија ќе биде повторно горда!

The post Димитриеска Кочоска: Навредите кон Силјановска Давкова ја потврдија паниката и стравот од пораз кој владее кај Пендаровски и СДСM appeared first on Република.

Денес, претставници на Извршниот Комитет на ВМРО-ДПМНЕ, потпретседателката Гордана Димитриеска Кочоска, членот на ИК, Маја Кадиевска Војновиќ и Трајко Славески присуствуваа на заедничка средба во Американската Стопанска комора на Македонија – AmCham, со останати претставници на политичките партии.

Со задоволство може да констатираме дека клучните препораки за политиките во периодот од 2024-2028 година коишто беа преставени од страна на претставниците на AmCham се целосно содржани во Програмата #1198 на ВМРО-ДПМНЕ.

Главната цел на нашата политичка програма е постигнување на повисок животен стандард на граѓаните во Република Македонија. За да се постигне ова, претставниците од ВМРО-ДПМНЕ истакнаа дека се потребни силни системски промени и се надеваат дека ќе се обезбеди национален консензус во економските политики со останатите политички партии, коишто би останале во опозиција.

Исто така, беше истакнато дека дијалогот со AmCham и со останатите стопански комори и здруженија во Македонија ќе биде значаен за ВМРО-ДПМНЕ, а воедно ќе се очекува силна вклученост на претставниците од коморите во трансформирањето на македонската економијата.

Стабилните јавни финансии, борбата со сивата економија, создавањето на услови за поголема конкурентност, инвестиции и иновации на приватниот сектор, јавни инвестиции во подобрување на транспортната и енергетската инфраструктура, одржување на предвидливо даночно и регулаторно опкружување, според најдобрите ЕУ практики и директиви, се едни од главните столбови на нашата програма, коишто во најголем дел беа опфатени и од страна на претставниците на AmCham.

Градењето на силни институции, беспрекорна борба со корупцијата, ефикасно владеење на правото, дигитализацијата на јавните услуги, професионализацијата на јавната администрација се нашите големи заложби за подобра бизнис околина, и за поефикасни и достапни услуги за сите граѓани.

Свесни за климатските промени и потребата за заштита на животната околина, Програмата #1198 содржи мерки за зелена транзиција и зголемување на енергетската ефикасноста на ниво на држава. Ваквите заложби се во линија на препораките на AmCham.

Како главен проблем на нашата денешница, покрај негативните демографски промени т.е ниската стапка на наталитет, иселувањето на младите и на работоспособно население, е и ниската продуктивност на трудот во Македонија – тема којашто беше опфатена во денешните разговори. Во таа насока, голем дел од мерките во Програмата #1198 на ВМРО-ДПМНЕ се насочени кон развој на човечкиот капитал, почнувајќи од најмладите во градинките, па се до студентите. Наредната влада на ВМРО-ДПМНЕ ќе спроведе длабоки и суштински реформи во образовниот процес којшто треба да биде насочен кон новото време. Во рамки на програмата имаме мерки за воведување на СТЕМ образование, за финансиска едукација и стекнување на дигитални вештини уште од најраните години на населението, како и за преквалификација и доквалификација, за создавање на соодветни вештини на повозрасните кои се потребни на пазарот на труд. И за крај, големи напори ќе вложиме за зацврстување на здравствениот систем, едно од барањата на претставниците на AmCham, којшто тековно беше оценет како неефикасен и нетранспарентен.

The post Кочовска Димитриеска, Кадиеска Војновиќ и Славески на средба со Американската Стопанска Комора appeared first on Република.

„Буџетот е далеку од добар и состојбата која ќе ја наследиме е многу тешка. Во изминатиот период некаде почетокот на јануари економскиот тим работеше многу интензивно на проекции кои ги правеше до 2028 година бидејќи програмата ни е многу внимателно работена врз точни податоци и сериозни проекции кои се претставени“, истакна потпретседателката на ВМРО-ДПМНЕ Гордана Димитриеска Кочоска во гостување на телевизија Алфа во емисијата „Заспиј ако можеш“.

Таа продолжи и додаде дека програмата на ВМРО-ДПМНЕ е темелена врз неколку основи.

„Појдовната основа како е правена програмата беше тоа дека ќе имаме стоп корупција и нема да има толеранција со корупција, борба со криминал, сива економија на највисоко ниво. Сериозна борба затоа што сметаме дека ние мора да останеме на нивото на рамни ниски даноци“, рече Димитриеска Кочоска.

Таа истакна дека 1198 проекти не сите бараат финансиски средства , туку во нив има и кратење на финансиски средства.

„Тие 1198 проекти не сите тие бараат финансиски средства, туку значат и кратење на финансиски средства. Во проектите имаме намалување на бројот на пратеници, управни и надзорни одбори, заменици директори итн., ќе направиме централизирање на клиничкиот каде економските директори понатаму нема да ги има. Секаде каде што сметаме дека непотребно се „функционери“ сето тоа ние се потрудивме на некој начин да го избришеме и тргнеме настрана. Дел од институциите ќе ги поврземе во една за да скратиме максимално од трошоците колку можеме“, децидна е Димитриеска Кочоска.

Таа вели дека секоја една мерка е внимателно срочена со кос бенефит анализа. Таа додаде дека ќе создадат фер услови во бизнис секторот затоа што тој е моторот на државата.

„Многу се внимаваше да не оштетиме и направиме штета на никого, но во исто време секоја една злоупотреба да биде казнета“, изјави Димитриеска Кочоска.

Таа заклучи дека се нема простор да се оптоваруваат граѓаните со даноци. Мора да се каже стоп со корупција и да работиме на борба со сивата економија, тоа се алтернативите во моментов.

The post Димитриеска Кочоска: Програмата 1198 на ВМРО-ДПМНЕ предвидува создавање на фер услови во бизнис секторот appeared first on Република.

Може да зборуваме за катаклизма во буџетот, за банкрот затоа што навистина состојбата е алармантна. Дојдовме до ситуација од 1% раст на БДП, а се фалеа дека се грижеле во континуитет за инвестициите, дека растат инвестициите, изјави потпретседателката на ВМРО-ДПМНЕ, Гордана Димитриеска Кочоска за „360 степени“ на МТВ.

Димитриеска Кочоска истакна дека ако ги гледаме податоците ние имаме 62,1% јавен долг и веќе се надмина оној дозволен, според фискални правила во Законот за буџет каде стои дека се дозволува нивото на јавниот долг да оди до 60% од БДП, а сега сме 62,1%. 3% ќе биде буџетскиот дефицит, и тоа покажува дека состојбата е алармантна.

Има потрошено над 700 милиони евра пари кои не дале никаков резултат, а на тоа мислам на капиталните расходи. Прашањето е за што се потрошиле парите. Ако се потрошиле наменски за капитални инвестиции, немаше БДП да биде 1% туку повисок. Реалноста е дека многу мал дел од овие средства отидоа за капитални инвестиции, сето останато се најразлични трансфери кои се даваат по претпријатијата. Последните 3 години има 360 милиони евра трансфери дадени на ЕСМ, а со тие пари ќе направеа огромна централа. Тоа се пари да се покријат криминалите и корупцијата, а не да се субвенционира струја. Криминалот и корупцијата ги изедоа парите. Дојде да не може плати да се исплатат, потенцираше таа.

Димитриеска Кочоска истакна дека нема оправдувања дека било криза затоа што претходно за време на владата на ВМРО-ДПМНЕ за време на кризите во 2009 и 2012 кои беа огромни финансиски, тогаш бевме лидери во справување со кризата во земјите од Западен Балкан сега сме на дното.

236 милиони евра има аванси за коридорите 8 и 10 дадени за работа која не е ни почната. Доколку тие пари беа искористени за нешто што реално ќе се направеше ќе имаше поголем раст на БДП. Да се вратиме во 2020 година и да не заборавиме дека воопшто немаше никакви мерки за штедење, јас бев во техничката влада во 2020 година кога не внимаваа на ниту еден трошок. Голем дел од компаниите беа затворени, а не се преземаше ништо расходната страна да се скрати и се однесуваа како да нема криза. Државниот завод за ревизија имаше еден куп забелешки како беа потрошени парите и тој кажува дека се давани пари на компании за кои немало контрола како се потрошени, а требало да бидат вратени. Давани се пари на компании кои не исполнувале критериуми и услови. Се трошело без усул, нагласи Димитриеска Кочоска.

The post Димитриеска Кочоска: Криминалот и корупцијата на власта ги изедоа парите, се трошело без усул appeared first on Република.

Потпретседателката на ВМРО-ДПМНЕ, Гордана Димитриеска-Кочоска, во интервју за „360 степени“ на МРТ 1, одговара на прашања за нејзиното учество на претстојните избори, исходот од нив и евентуалната функција ако ВМРО-ДПМНЕ е дел од идната влада

Претседателот на ВМРО-ДПМНЕ, Христијан Мицкоски, добро ги познава моите квалитети и стручност и најдобро знае каде можам да одговорам со мојот ангажман, вели потпретседателката на опозициската партија Гордана Димитриеска-Кочоска како одговор на прашањето – зошто, иако е потпретседателка, нема да биде носителка на пратеничка листа на претстојните парламентарни избори.

Јас, покрај тоа што сум потпретседател на партијата и, на некој начин, одговорна за финансискиот дел, да не заборавиме дека уште од назначувањето за претседател на партијата на проф. д-р Христијан Мицкоски, бев претседател на комисијата за надзор на материјалното и финансиското работење и тоа, впрочем, е договорот што го постигнавме ние двајца уште во 2017 година кога беше неговиот избор. Како резултат на тоа, мојата приоритетна цел и задача тука е надзор на материјалното и финансиското работење на партијата“, рече Димитриеска-Кочоска, дополнувајќи дека за неа е логично да биде повеќе присутна во седиштето на ВМРО-ДПМНЕ и да ги следи финансиите во текот на изборите.

The post Димитриеска-Кочоска: Ќе победиме со 61 пратеник appeared first on Република.

Како ВМРО-ДПМНЕ порачуваме дека имаме поразличен пристап од тоа што го имаат СДСМ и ДУИ, односно во исто време, секој проект го гледаме од различни аспекти, односно правиме длабински анализи и гледаме се што може позитивни да се искористи. Ова го кажувам навраќајќи се на последниот тендер на Марковски во износ од 46 милиони евра што е за 30% повисока од вообичаената, за што јас кажувам дека 46 милиони евра е комплетна пљачка, односно тоа е на некој начин фиктивен договор преку кој ќе се вршат исплати, вели потпретседателката на ВМРО-ДПМНЕ, Гордана Димитриеска Кочоска на денешната дебата во Битола „Енергетска платформа за иднина“ на тема „Концепт за инвестиции во енергетиката“.

Таа додаде дека ако се погледне тендерската документација, ќе се види дека со истите машини, истата компанија аплицирала на три тендери, што е невозможно тие машини во исто време да работат по три тендери, што значи дека нешто се случува таму, се врата празни камиони, се даваат фиктивни фактури, се врши исплати.

“За мене, криминалот не е ти 30 проценти, туку вкупниот износ на тој тендер, затоа што треба да ги гледаме работите малку подлабоко. Значи не само тој тендер, туку и уште еден друг од сите три е со истите машини на овие 46 милиони евра имаме плус уште дополнителен износ од друг тендер, кој што повторно функционира на истиот начин. Истата таа компанија доби уште еден тендер за префрлање на некаква опрема од Осломеј во Битола, покрај тоа што нема квалификации да го направи тоа. Сега ќе треба да размонтира нешто таму, ќе треба да го пренесе, и не е сега прашањето дали навистина толку вреди тоа размонтирање и тој пренос, туку ќе го направат нестручно, дополнително ќе ја оштетат и ние ќе имаме многу поголем проблем, после тоа, со целокупната таа опрема. Значи, покрај тоа што се краде, се прават штети кој што дополнително ќе прават трошоци и ќе го оптеретуваат претпријатието, вели Димитриеска Кочоска.

Во однос на квалитетот на јагленот кој што го увезуваат, Кочоска посочи дека ВМРО-ДПМНЕ како партија многупати зборуваше дека квалитетот на јагленот не е соодветен и дека не е добар за постројките и дека се случуваат проблеми, за што од власта негираат,

„Меѓутоа, има еден факт кој што е непобитен. Кока ќе ги погледнете финансиските извештаи на сегашно ЕСМ ќе видите дека приходите од наплата на штети, а тоа во суштина е активирањето на осигурувањето, е многу зголемено што јасно покажува дека компанијата има штети на својата опрема. Од каде доаѓаат тие штети? Токму од овој проблем. И сега доаѓаме до клучниот момент, ние не увезуваме јаглен, увезуваме земја“, рече Кочоска.

Може да замислите, додаде Димитриеска Кочоска, колку криминал има во тој дел имајќи во предвид колку чини јагленот, а колку земјата, затоа што ние реално не добиваме соодветен ресурс, за производство, туку добиваме земја која што е многу поевтина

https://www.youtube.com/watch?v=W7iWGECa01U

The post Димитриеска Кочоска: Последниот тендер од 46 милиони евра за компанија Марковски е комплетна пљачка и фиктивен договор преку кој ќе се вршат исплати appeared first on Република.