Професорот Гордан Калајџиев на својот „Фејсбук“ профил информираше дека членови на комисијата за помилување поднеле колективна оставка.

-Со ова ја известуваме јавноста за нашата колективна оставка од позициите членови на комисијата за помилување. Оваа одлука ја донесовме во согласност со нашите лични и професионални принципи, објави универзитетскиот професор Гордан Калајџиев, на својот фејсбук профил.

-Со почит,
Проф.др Методија Каневчев, Проф.др. Гордан Калајџиев, Проф.др. Арлинда Кадри Шахиновиќ, Др.Зора Митиќ, М-р Ана Ѓорѓиева Ивановска, Ајтен Шаќири.
26.10.2024 година, пишува универзитетскиот професор Гордан Калајџиев.

The post Членовите на комисијата за помилување си поднесоа колективна оставка appeared first on Република.

Универзитетскиот професор и член на Комисијата за помилување, Гордан Калајџиев, во изјава за 24инфо.мк вели дека бројот на помилувања во земјава е мал, а краток е и рокот на ослободување од издржување казна затвор.

Мој став, како професор, е дека помилувањата ги даваме малку и кратко, со оглед на тоа дека и условен отпуст не им даваат на луѓето, казните се многу строги, а условите во затворите се лоши и заслужуваат многу повеќе да се доделуваат помилувања, условни отпусти, па и амнестија како компензација и како утеха, вели тој.

https://republika.mk/vesti/makedonija/siljanovska-komisijata-se-vodela-po-deloto-a-ne-po-lichnosta-kalajdhiev-nie-davame-mislene-pretsedatelkata-odluchuva/

Калајџиев вели дека условите во македонските затвори се катастрофални, а дека казнената политика е многу поостра споредено со земјите на ЕУ. Тој додава дека во затворите со години луѓе лежат за сообраќајки или за симболично количество дрога што го поседувале.

За вакви прекршоци во ЕУ, според него, казните се помали. Притоа додава дека Идризово е најлош затвор во Европа.

Врз основа на овие сериозни проблеми што ги имаме во затворите и строгата казнена политика што ја имаме, мислам дека тоа е нехумано, а помилувањата ги даваме на толку ограничени случаи, што дури мене лично и ми е непријатно. Недавањето помилување или намалување казна на човек кој е осуден на доживотен затвор, Совет на Европа го смета за нехуман третман, вели Калајџиев.

The post Калајџиев: Во Македонија има малку помилувања appeared first on Република.

Претседателката Давкова вчера помилува 10 затвореници меѓу кои и лица кои се поврзуваат со нарко подземјето, за кои како што вели таа не ги знае кои се, со име и презиме,туку и верувала на Комисијата за помилување составена од врвни експерти во таа област.

-Околу помилувањата прво јас кога ја конституирав комисијата за помилување која е составена од врвни експерти во оваа област и познавачи реков дека ќе ја почитувам нивната работа. Мислам дека кога се даваат коментари се заборава на што. Значи вие делото го анализирате така? Пред се делото. Кога се работи јас веќе и имињата не ги знам да бидам искрена меѓутоа кога јас ги потпишав овие одлуки по што се водев? Се водев од тоа дека во првиот случај не го знам ни името како беше да бидам искрена делото е, пресудата е 1 година и 3 месеци и делото се однесува на поседување неовластено поседување на оружје и на 5 куршуми. Тоа е делото. Веројатно тие се воделе по ова. Да личноста знам која е таа личност, но лично јас зборувам за работата на комисијата. Кај вториот случај се работи за дело кое е врзано со насилство или на некоја наплатна станица некоја тепачка и казната е 6 месеци. Веројатно тие се воделе од ова заменувајќи ги обете кај првата е година и три месеци значи кога ги замениле овие казни со условна од три години. Да личностите се навистина интересни во негативна смисла на зборот тоа е факт сега гледам јас тоа, но јас велам дека тие се воделе од конкретните дела. Претпоставувам дека има начин значи да се санкционира бидејќи да било делото членство во злосторнички здруженија и јас не знам какви опасни веројатно поинаку би било. Значи јас почитувам знаење, јас потпишувам одлуки меѓутоа јас велам дека никогаш директно нема да се мешам во работата на комисијата, точно е дека го имам последниот збор но мора да се има ова во предвид, изјави Давкова.

Професорот Гордан Калајџиев кој воедно е и член на Комисијата, во изјава за 24 инфо цели дека кога биле разгледувани осудениците за помилување морале да одлучат за 10 од околу триесетина лица кои им биле доставени од Министерството за правда, но не знаеле за кои лица се работи и биле разгледувани само нивните дела, однесувањето во затвор и должината на затворската казна.

Сепак Калајџиев истакна дека тие се само советодавно тело и даваат свое мислење, претседателката е таа која одлучува и има право да ја промени нивната одлука или времетраењето за кое се скратува од казната. Тој се сомнева дека воопшто му била дадена информацијата дека се работи за лица кои се поврзуваат со нарко подземјето.

Вчера претседателката донесе одлука за помилување на поранешниот градоначалник на Битола, Владимир Талески, Шенол Маслани, брат на познатиот Шенки Версаче, Акиф Рваманоски, член на наркокланот „Барон“, и Марјан Ефремов, првоосомничен во аферата „Шпион“

The post Силјановска: Комисијата се водела по делото, а не по личноста, Калајџиев: Ние даваме мислење, претседателката одлучува appeared first on Република.

Претседателката Гордана Сиљановска Давкова донесе одлука за составот и за именување претседател и членови на Комисијата за помилување.

За претседател на Комисијата за помилување именуван е проф. д-р Методија Каневчев, а за членови на комисијата се именувани проф. д-р Гордан Калајџиев, проф. д-р Арлинда Кадри Шахиновиќ, д-р Зора Митиќ, м-р Ана Ѓорѓиева Ивановска, Саше Димовски и Ајтен Шаќири.

При изборот и именувањето на членовите на Комисијата за помилување претседателката Сиљановска Давкова се водеше по критериумите за стручност, компетентност и конкурентност. Именуваните членови се истакнати експерти и познавачи од областа на правото.

The post Сиљановска Давкова именуваше претседател и членови на Комисијата за помилување appeared first on Република.

Извршната власт преку Законот за рестриктивни мерки ќе го озакони влијанието врз судството, спротивно на уставот и загарантираните човекови права. Правната фела е изненадена, да не речам згрозена од незрелоста на овој пропис. Упаѓањето во оваа сфера од извршната власт со оставена можност пред Управен суд да се водат некакви управни спорови коишто долго траат би значело на некој начин неуставно зафаќање во човековите права“, изјави универзитетскиот професор по кривично право Гордан Калајџиев за Канал 5.

Калајџиев вели дека сè што е предвидено со овие измени е погрешно, почнувајќи од тоа што МНР и безбедносните служби ќе имаат одлучувачка моќ, бидејќи се предлага да се надлежни органи кои ќе доставуваат предлози за воведување на рестриктивни мерки.

Овие правни акти од странска држава прво директно никаде не се применуваат во трета држава, се мисли на црните листи, тие во суштина се една политичка одлука и тешко би можело било каква црна листа од една држава да има директни последици во друга, па макар и да се признае. Обврската за обвинителството да мора да поведе постапка е исто така спротивно на уставот и законот за кривична постапка. ЈО треба да поведе постапка, да, но тогаш кога има докази“, вели Калајџиев.

Тој оценува дека измените на овој закон имаат политичка цел, по бројните забелешки од јавноста дека домашните органи не преземаат ништо за лицата кои САД ги стави на нивната „црна листа“.

Многу е јасно, политички гледано е собирање на некои поени. Демек еве сега ние сме сериозни, на сите овие критики ќе одговориме со некоја мерка која ќе биде оригинална и ќе даде резултати, ама на погрешна патека е. Би било фино кога би нашле некое решение, меѓутоа ова сигурно не е такво решение“, вели Калајџиев.

The post Калајџиев остро против измените на Законот за рестриктивни мерки: Правната фела е згрозена од незрелоста на овој пропис appeared first on Република.

Откако министерот за надворешни работи Бујар Османи предложи функционерите од „црната листа“ на САД да бидат ставени под рестрикции и во Македонија, се огласи професорот Гордан Калајџиев.

„ Ова со законот за „рестрикции” ми мириса на напад врз уставниот поредок! Без знаменца и будалаштини молам!“, напиша тој на фејсбук.

The post Калајџиев за законот за рестрикции: Без знаменца и будалаштини молам appeared first on Република.

Професорот по кривично право, Гордан Калајџиев, во врска со предложените измени на Кривичниот законик со кој се намалуваат казните за делата злоупотреба на службената должност и овластување, во интервју за „Слободен печат“ вели дека ефикасноста на казнената политика не ја постигнува целта и работи под притисок на јавноста.

Не се постигнува ефект со строги и долги затворски казни, туку со редовни казни, со осигураност дека до казната ќе дојде. Треба да е извесно дека ќе бидат фатени и казнети, како што е извесно дека пајакот ќе ви го собере неправилно паркираниот автомобил. Значи, за лукративни, коруптивни дела против службената должност поважно е да има олеснет пристап до конфискација на имотот отколку висока затворска казна, вели Калајџиев.

Тој додава дека стравот од строга казна не го дава посакуваниот ефект, затоа што ако се казнува еден од 100 функционери, другите повторно ќе ризикуваат во вакви околности.

Голема е можноста да профитираат, а мала да ги казнат. Многу е подобро да имаме почесто казнување и олеснет пристап до проширена конфискација на имот – вели професорот Калајџиев и појаснува дека сега тешко се докажува дека конкретен имот е стекнат од кривично дело, а со измените се олеснува товарот на докажувањето.

Како што вели Калајџиев, со затворски казни како од 19. век, само се зголемуваат проблемите, затоа што нашите затвори се со катастрофално лоши услови.

Јас сум за целосна промена, казнената политика за сите дела од Кривичниот законик да се намали за една третина. Сега во пракса во анонимни случаи судовите многу ја користат условната казна што не е лошо, ама во јавно експонирани случаи судат под притисок на јавноста, вели професорот Калајџиев.

The post Калајџиев: Поважно е да има олеснет пристап до конфискација на имотот отколку висока затворска казна appeared first on Република.

Универзитетскиот професор по кривично право Гордан Калајџиев смета дека судската одлука поранешниот директор на Царинската управа да добие ново судење е чудна и мириса на изигрување на законот.

Одлуката е во најмала рака чудна. Да не речам дека отворено мириса на изигрување на законот, некој вид злоупотреба. Од кои мотиви не знам. Луѓето прво што помислуваат се лукративни мотиви. Да се тврди дека два совети се поткупени е исто така тешко обвинение… Да се јави лицето откако ќе истече можноста за гонење, односно застарување на делото по 20 години и да му се одобри со верување дека лицето кое 20 години живеело во Белград не знаело за сите постапки за него. Па нема човек во Македонија кој не знае дека Даравелски е во бегство и бил осуден. Станува смешно, да не речам трагично, вели за ТВ Телма професорот Калајџиев.

https://republika.mk/vesti/crna-hronika/daravelski-izleze-od-idrizovo/

The post Mириса на изигрување на законот, вели Калајџиев откако Даравелски беше пуштен од затвор appeared first on Република.

Чудно ми делуваат сите тие згрозувања од одредени политичари откако Апелациониот суд ја укина пресудата за предметот „Таргет-тврдина“, а истите тие политичари со прст не мрдаат за да се воспостави посериозна контрола врз прислушувањето, вели универзитетскиот професор Гордан Калајџиев во емисијата „Трилинг“ на ТВ24.

Тој смета дека не може прстот да се впери само во еден човек доколку се случи да застари делото.

Работите не се црно-бели. Не можете да кажете кој конкретно ќе биде одговорен доколку се случи застарување на делото. Не е само еден човек одговорен за сѐ – истакна професорот.

Калајџиев посочува дека предметот „Таргет-Тврдина“ е прилично комплициран предмет со обемен материјал.

Сашо Мијалков не го призна делото што му се товари во предметот „Таргет-Тврдина“. Правно е проблематично дали тој всушност можел како директор на Управата за безбедност и контраразузнавање да го изврши делото „злоупотреба на службената положба и овластување“, бидејќи, и покрај тоа што е директор, сепак тој немал такви надлежности. Верувам дека има еден куп правни прашања и самиот случај е многу деликатен – вели Калајџиев.

The post Се згрозуваат од укинувањето на пресудата, а со прст не мрдаат: Калајџиев зборува за деликатноста на предметот „Таргет-Тврдина“ appeared first on Република.

По суспензијата на обвинителката Вилма Рускоска висат односно заглавени се предистрагите за најмалку два случаи во кои се инволвирани двајца функционери на СДСМ, „Беса транс“ и за финансиската полиција во која се гони Арафат Муареми.

Порталот мкд.мк пишува дека при крај е собирањето докази во предистрагата за министерот за внатрешни работи Оливер Спасовски, кој чекал 3,5 месеци да ја забрани работата на станицата во која бил регистриран автобусот на „Беса транс“ во кој во Бугарија загинаа 46 патници.

https://republika.mk/vesti/makedonija/dali-joveski-ja-suspendira-ruskovska-poradi-dokazite-koi-gi-poseduva-za-kriminalot-na-muaremi-koi-vodat-do-krimnali-na-visoki-vladini-funkcioneri/

Во тек беше и предистрагата за работата на директорот на Управата на финансиската полиција Арафат Муареми. По суспензијата на шефицата на Обвинителството за гонење на организиран криминал и корупција Вилма Русковска засега не се знае кој обвинител ќе ги води одие предмети, пишува порталот кој открива скандалозни наоди на истрагата кои одат директно до министерот за полиција Оливер Спасовски.

„Виа комерц“ од Глумово, техничката станица во која беше регистриран автобусот на „Беса транс“ во кој загинаа 46 патници, пред регистрацијата на автобусот веќе имала непотпишано решение за затворање поради бројни пропусти во работењето. Оливер Спасовски, министерот за внатрешни работи, потпишал решение за затворање на станицата за технички преглед три дена по трагедијата, 23 ноември 2021 година, но за пропусти во работењето на станицата откриени уште во август. На 5 октомври во „Виа комерц“ се регистрирал автобусот на „Беса транс“. Во извештајот во август било запишано дека во „Виа комерц“ „се овозможува во сообраќајот на патиштата да учествуваат технички неисправни возила, односно возила кои може да претставуваат опасност по безбедноста на сообраќајот на патиштата“, пишува МКД.мк.

Русковска потврди дека доказите за овој предмет биле собрани, се чекало на распит на сведоци, информира Русковска која вели дека поради суспензијата и одморите на обвинителките засега не се знае кој ќе ја преземе предистрагата за овој случај.

https://republika.mk/vesti/makedonija/kalajdziev-joveski-zastana-na-drugata-strana-namesto-na-stranata-na-obvinitelite/

Професорот по кривично право Гордан Калајџиев објасни дека наместо државниот обвинител Јовески да ѝ даде поддршка на Рускоска да расчисти со криминалот, тој застанал на другата страна.

Повеќе на мкд.мк

Фото: Твитер

The post Висат истрагите за „Виа комерц“ и Арафат Муареми откако ,,Јовески застана на другата страна” appeared first on Република.

Професорот Гордан Калајџиев во интервју за Радио Слободна Европ беше прашан дали со последните случувања шансите на Русковска да го наследи Јовески се уништени, професорот рече дека тоа е можно само доколку се промени власта.

„Да биде заменик на Јовески шансите практично се минимални, ако остане ова решение обвинителот да го предлага Владата. Шансите се можни само доколку се смени власта. Ова може да и донесе поени како борец против влијанија политички, ако успее добро да ги аргументира и ако ја поддржат. До сега гледаме дека нема поддршка, за жал, многу резервирано го следат и меѓународната заедница, и странските амбасади и ЕУ, зачудувачки, можеби бараат повеќе информации. За мене оваа состојба е алармантна во смисла дека се распаѓа правниот систем.

https://republika.mk/vesti/makedonija/kalajdziev-joveski-zastana-na-drugata-strana-namesto-na-stranata-na-obvinitelite/

The post Калајџиев: Русковска може да стане главен обвинител само ако се смени власта appeared first on Република.

Професорот Гордан Калајџиев во интервјуто за Радио Слободна Европа вели дека невообичаено е што Јавниот обвинител на Република Македонија, Љубомир Јовески не застанал зад шефицата на Обвинителството за организиран криминал и корупција, Вилма Русковска.

„Вообичаено е обвинителот да ги поддржи своите, да даде поддршка на своите луѓе и да ги онезможи притисоците кон нив. Во овој случај некако како државниот обвинител да застана на другата страна. Дали тоа значи негова коруптивност врзана со изборот во Уставниот суд или некоја друга… Ние знаеме дека едноставно нашиот начин на поставување на главниот обвинител, кој го назначува, односно го предлага владата, е суштински погрешен и воведува до постојани проблеми на влијание на извршната власт и политичката елита врз Обвинителството, што е многу штетно со оглед на хиерархијата внатре во Обвинителството.“,рече Калајџиев.

https://republika.mk/vesti/makedonija/kalajdziev-poslednite-sluchuvanja-se-sudir-vnatre-vo-vlasta/

The post Калајџиев: Јовески застана на другата страна наместо на страната на обвинителите appeared first on Република.

Професорот Калајџиев вели дека кризата која произлезе од случувањата меѓу Обвинителството за организиран криминал и корупција (ОЈОГОКК) и Финансиската полиција е многу проблематична и оти можеби треба да се свика и Советот за безбедност.

Според него, чудно е што ниту Владата, ниту Министерството за правда не го коментираат случајот.

Случувањата помеѓу Обвинителството за гонење на организиран криминал и корупција и Финансиската полиција покажуваат судир внатре во власта, смета универзитетскиот професор по Кривично право, Гордан Калајџиев. Тој во интервју за „Радио Слободна Европа“ рече дека во целиот случај изгуби Обвинителството.

„Најдобро беше да продолжи постапката за сомневањата во Финансиската полиција колку е можно без големи потреси, со некакво суспендирање и давање на предметот на друг обвинител, што е можно. Меѓутоа, се разреши на многу неочекуван начин, во смисла дека практично обвинителот вината ја префрли врз своите обвинителки и се води дисциплинска и кривична постапка против нив, а доколку беше доследен требаше да ја сопре постапката против Финансиската полиција и нејзиниот в.д. директор, бидејќи ако навистина има тешки злоупотреби тогаш таа постапка е незаконска“,вели Калајџиев.

Прашан кој е помоќен во државата, Обвинителството или организираниот криминал, Калајџиев вели дека организираниот криминал има сериозни врски со политичката елита и оттаму се можни вакви невообичаени комбинации.

„Повеќе мислам дека е загрижувачки во моментот како државата реагира на имплементацијата на законите и борбата против криминалот и корупцијата. Во моментот е загрижувачки, да речам, тргање на добар дел, практично половина од Обвинителството за организиран криминал, што е практично распад на системот. Малку е чудно е што имаме молк од надлежните институции, Владата, Министерството за правда, па дури и претседателот. Јас да сум на местото на претседателот, ценејќи ја оваа криза како многу проблематична за државата вооопшто, би свикал Совет за безбедност.“,

рече Калајџиев појаснувајќи дека ова е длабока криза на власта и оти очигледно има некаков судир внатре.

Професорот Калајџиев вели дека невообичаено е што Јавниот обвинител на Република Македонија, Љубомир Јовески не застанал зад шефицата на Обвинителството за организиран криминал и корупција, Вилма Русковска.

„Вообичаено е обвинителот да ги поддржи своите, да даде поддршка на своите луѓе и да ги онезможи притисоците кон нив. Во овој случај некако како државниот обвинител да застана на другата страна. Дали тоа значи негова коруптивност врзана со изборот во Уставниот суд или некоја друга… Ние знаеме дека едноставно нашиот начин на поставување на главниот обвинител, кој го назначува, односно го предлага владата, е суштински погрешен и воведува до постојани проблеми на влијание на извршната власт и политичката елита врз Обвинителството, што е многу штетно со оглед на хиерархијата внатре во Обвинителството.“,

рече Калајџиев.

Прашан дали со последните случувања шансите на Русковска да го наследи Јовески се уништени, професорот рече дека тоа е можно само доколку се промени власта.

„Да биде заменик на Јовески шансите практично се минимални, ако остане ова решение обвинителот да го предлага Владата. Шансите се можни само доколку се смени власта. Ова може да и донесе поени како борец против влијанија политички, ако успее добро да ги аргументира и ако ја поддржат. До сега гледаме дека нема поддршка, за жал, многу резервирано го следат и меѓународната заедница, и странските амбасади и ЕУ, зачудувачки, можеби бараат повеќе информации. За мене оваа состојба е алармантна во смисла дека се распаѓа правниот систем.“,

рече Калајџиев.

Прашан дали овие случувања дополнително ќе ја намалат довербата во правосудството, тој рече дека во оваа држава правдата ве стига само доколку паркирате погрешно.

The post Калајџиев: Последните случувања се судир внатре во власта appeared first on Република.

Случајот Русковска негативно влијае во натамошната борба против криминалот и корупцијата. Ја намалува довербата во правосудниот систем и остава лоша порака, анализира универзитетскиот професор Гордан Калајџиев.

https://republika.mk/vesti/makedonija/dali-joveski-ja-suspendira-ruskovska-poradi-dokazite-koi-gi-poseduva-za-kriminalot-na-muaremi-koi-vodat-do-krimnali-na-visoki-vladini-funkcioneri/?fbclid=IwAR1NH6EivtKTI3eFZepuf84Kgy3XdWBrkzD8FBpxTJ0Qd9eaVLMWZhnBLr8

Ситуацијата е покритична отколку што изгледа, вели професорот, бидејќи сега нема кој да го гони високиот криминал.

https://republika.mk/vesti/makedonija/ruskoska-suspendirana-edna-nedela-pred-da-pochne-raspitot-za-stanicata-za-tehnichki-pregled-predmet-zaglaven-vo-fiokite-na-mvr-na-spasovski/

Јас би рекол дека ситуацијата е посериозна затоа што во прашање е фунционирањето на системот. Практично, ударната тупаница против организираниот криминал и корупција, поточно ова обвинителство, сега станува дисфункционално со суспензијата на пола обвинители токму во моментот кога зафаќаат сензитивен случај, вели Калајџиев за „Сител“.

Во систем како нашиот кој се покажа како нестабилен, смета Калајџиев, поддршката од меѓународниот фактор во спроведувањето на правдата е неопходна. Ќе има ли сили Обвинителството за организиран криминал и корупција брзо да се врати во функција и како ќе влијае суспензијата на Русковска за нејзиниот наследник?

Јас ќе цитирам еден обвинител кој има речено – „јас сум последната будала која ќе се нафати на оваа функција“. Обвинителската позиција е тешка, и самиот кога едно време се мислев за ваква функција, прво што човек размислува е дали навистина може да се потпре на институциите. Ова е сериозна борба, голем ризик, тоа се сериозни противници кои немаат многу обзири. Дека некој ќе се нафати секако да користи привилегии, ќе се нафати, но тоа не е доволно, треба да се нафати некој кој ќе ја заврши работата, смета тој.

The post Kaлајџиев: Се суспендира ударната тупаница против криминалот токму во моментот кога зафаќаат сензитивен случај appeared first on Република.

Јавноста знае дека наша препорака беше обвинителките и директорот на некој начин да се суспендираат со цел случајот со сомневањата за Финансиската полиција да се расчисти и да добие професионална процесна завршница. Ова навистина и се случи, но многу драматично, со дисциплински и кривични постапки со што вината однапред се префрла врз обвинителките од ЈООКК, што практично влијае врз постапката против директорот Арафат Муареми и евентулно други од Финансиската полиција, вели професорот Гордан Калајџиев во неговата реакција за случајот со Русковска и Муареми објавена на Трилинг со наслов „Крамер против Крамер – Дали Јовески ја предаде Вилма?“.

Русковска направи три грешки, првата – процесната видовме е вообичаена и за неа никој досега не одговарал. За ова треба да одлучи суд а Државниот обвинител можел да издаде некакво упатство во иднина да се избегнуваат вакви практики на штета на човековите права.

Втората, посериозна повреда, се чини беше непромислениот и очајнички повик до странските амбасади и ЕУ. Сериозен обвинител, ако не може да се справи со корупцијата во власта, треба едноставно да си даде оставка. Вака останува еден лош впечаток за системот, дека тој се распаѓа, но тоа впрочем и не е ништо ново.

Третата, најсериозна „грешка“ на Вилма Русковска е што згазила врз нечија нога каде што не требало. Јас барем така мислам, а верувам истото го чувствува и јавноста. И оттаму сета оваа лакрдија, братоубиствена војна, прогласи, дисциплински постапки…

Ако постапката против ВД директорот на Финансиската полиција Арафат Муареми навистина е толку загрозена од злоупотреби и непрофесионалност, тогаш РЈО треба истата да ја сопре како злоупотреба на постапката (Аbuse of Process) и да се отвори нова страна во концептот за фер судење пред нашите судови. Во таков случај, одговорност треба да се бара и од судијата што го наредил претресот.

Јовески има и друг проблем, одземањето на предмет на ЈООКК согласно чл. 29 од ЗЈО е многу ограничено, и можно само по согласност на Русковска и тоа заради одолговлекување на постапката, а не и во случаи на непрофесионалност, нестручност и сл. како кај другите обвинителства.

Рака на срце, од Советот на јавните обвинители не очекуваме принципиелно да го разреши судирот, зошто така не учи минатото. Принципиелен став не може да очекуваме ниту од Владата, која согласно чл. 52 од ЗКП инаку е надлежна за споровите помеѓу ЈО и правосудната полиција, бидејќи е очигледно дека истиот е политички обоен.

А на правна држава сепак ќе почекаме. Дотогаш, прво треба да добиеме главен државен обвинител што нема да го поставува Владата (партијата на власт) и судии кои правата на човекот ќе ги земат сериозно, без да прифаќаат сė што од нив го бараат обвинителството или полицијата. Но, за тоа потоа, вели професорот во реакцијата.

The post Калајџиев: Русковска направи три грешки, најсериозната е што згазила врз нечија нога каде што не требало appeared first on Република.

Професорот Гордан Калајџиев смета дека фрлањето на македонското знаме од страна на македонската претставничка на „Евровизија“ беше ненамерно, но смета и дека ова е добра прилика да се прашаме од кого младите ќе учат како се сака татковината.

Девојката очигледно се збуни и немаше намера да го омаловажи знамето, второ тоа сувенир знаменце и не е баш „знаме“ и повеќето го фрлаат по настанот. Ова е добра прилика да се прашаме од кого младите ќе учат како се сака татковината и четврто, сите се јаки патриоти на прсти, а инаку „многу на број, малку за бој!”, вели тој.

The post Калајџиев: Добра прилика да се прашаме од кого младите ќе учат како се сака татковината appeared first on Република.

Несоодветна и недемократска е заканата на претседателот на Собранието Талат Џафери преку органи на прогон да повикува да се решава политичка битка и функционирање на Собранието, смета Гордан Калајџиев, проферсор-кривичар на Правен факултет „Јустинијан Први“, откако Џафери во интервју на Сител повика институциите да го штитат Уставот за да може Собранието непречено да работи, алудирајќи на одбивањето на пратеникот Антонијо Милошоски да ја свика комисијата за  надворешни работи за избор на амбасадори, пишува „Слободен печат“.

Несооодветна е заканата на претседателот на Собранието. Ова е повеќе политичка борба и несоодветно е да се решава  со органи на прогон како МВР или обвинителство. Интервенција на органи на принуда за функционирање на Собрането е недемократски чин. Ултимативно дејствување во Собранието ни како закана не е прифатливо. Не ценам дали дејствувањето на претседателот на комисијата е оправдано или не, но решенијата треба да се бараат во парламентот, а не преку органите на прогон – вели Калајџиев.

Целиот текст овде.

The post Калајџиев: Недемократска е заканата на Талат Џафери преку органи на прогон да повикува да се решава политичка битка appeared first on Република.