Универзитетскиот професор и поранешен потпретседател на СДСМ, Гордан Георгиев, во гостување на ТВ21 ја коментираше темата околу распределбата на парите од кредитот од Унгарија за општините, и посебно тоа што Владата не додели пари за ниту еден проект на Град Скопје, кој е меѓу само четири локални самоуправи што годинава нема да добијат дел од 65 милиони евра.

Георгиев вели дека е исправна одлуката да не се финансираат проекти во Град Скопје.

„Јас денар не би му дал на Град Скопје и на оваа градоначалничка. Затоа што ситуацијата во градот е очајна, и не верувам дека ќе се поправи. Дури парите би ги тргнал на страна и би чекал следни избори и би му ги дал нја следниот градоначалник“, рече Георгиев.

The post Георгиев: Јас денар не би му дал на Град Скопје и на оваа градоначалничка appeared first on Република.

Гордан Георгиев, член на стратешкиот совет во МНР и поранешен потпретседател и пратеник на СДСМ ги коментира актуелните случувања во Град Скопје. Според него, градоначалничката Данела Арсовска е срам за сите нас.

Ретко искажувам дневно- политички ставови, ама дечки дај стварно тргнете ја некако Данела, не знам како, иако знам како. Ова е таква брука секојдневно што ја гледаме и барем ова не мора да го трпиме, кога веќе сме одлучиле да трпиме ваков франкенштајнски град. Обесчестен град, град кој скапува и град кој нема никогаш да си го врати својот идентитет, ниту веројатно ќе изгради нов. Стајте или некој со чизми што ќе биде градски хаус мајстор (и со тоа сум дури ок после данела) или некој што има некаков план (визија е претежок збор за било кој на повидок). Ова со Данела е срам за сите нас. Ете уште една прилика, покрај многуте, СДСМ и ВМРО-ДПМНЕ да се обединат:), пишува Георгиев на Фејсбук.

The post Гордан Георгиев: Еве шанса да се обединат СДСМ и ВМРО-ДПМНЕ, тргнете ја Данела, таа е срам за сите нас appeared first on Република.

Поранешниот пратеник Илија Димовски вечерва во дебатниот магазин „Click plus“ на ТВ21 посочи дека ДУИ треба најмногу да инсистира за брзи избори

Според Димовски, ДУИ ја има таа комоција уште во одредено ограничено време од аспект на тоа дека разликата во анкетите кои што ги гледаме во јавноста, помеѓу ВМРО-ДПМНЕ и СДСМ сериозно се раздвојува.

„Веќе добива размер на бројки кои достигнуваат 70-80-90 илјади гласа разлика. Мислам дека ДУИ е малце и во цајтнот заради тоа што може да се случи на следни парламентарни избори разликата меѓу ВМРО-ДПМНЕ и СДСМ да биде толкава за да биде доволна ДУИ сам како политичка партија да не биде клучен фактор. И тука јас ја гледам логиката дека и ДУИ не е во толку комотна позиција колку што сакаме ние да ја перцепираме“, вели Димовски.

Поранешниот пратеник Гордан Георгиев, пак, смета дека не треба да има избори затоа што Владата треба да ја расчисти „маглата“ околу почетокот на преговорите на Македонија со Европската Унија.

„Оваа магла околу почетокот на преговори на Македонија со Европската Унија треба да се расчисти и мислам дека треба да расчисти оваа Влада за да можеме со следната Влада да почнеме на чист терен“, вели Георгиев.

Според него, мантрата ЕУ предолго се поставува како алиби за сите политички елити за нечинење.

The post Димовски: Ако ВМРО има над 55 пратеници, ДУИ нема да биде клучен фактор за формирање на Влада appeared first on Република.