Големите ланци на маркети треба да бидат почесто затворани, доколку не ги почитуваат одлуките на Владата, предлага директорот на Државниот пазарен инспекторат Горан Трајковски во „Дејли Клик“ на ТВ21.

Јас поднесов Закон за ДПИ. Еве на пример за голем ланец на маркет казната за непочитување на одлуки е 7000 евра, ако ја плати во рок од 7 дена е 3500 евра. Тоа не е ништо за големите ланци на маркети, ќе ја плати и ќе продолжи да работи без никаква штета, вели Трајковски.

Тој предлага да има затворање и забрана за вршење на дејност за да се свестат големите ланците на маркети.

Не им е важна казната на големите ланци на маркети, ги боли затворањето, рече Трајковски.

The post Не казни, големите ланци маркети ќе ги боли само ако бидат затворени, вели првиот човек на ДПИ appeared first on Република.

Директорот на ДПИ во заминување Горан Трајковски, во „Дејли Клик“ на ТВ21 зборуваше за есенската кошничка и за тоа како трговците манипулираат за да ги избегнат намалувањата на цените.

Трговците се итри, знаеме дека пред донесување на одлуката беше споменато во јавноста дека ќе се носат кошнички, и тие во меѓувреме ги зголемуваат цените, и се подготвуваат за таквите работи поажурно и побрзо отколку во минатото. И затоа има казни од наша страна. Повторно апелирам, конкретно кон големите и малите маркети, повторно како општествено одговорни компании, ако имаат простор на основните прехранбени производи да ги намалат цените самоиницијативно, а јас сум убеден оној кој прв ќе го направи, сите ќе пазариме од него и ќе пазирме и друго нешто покрај тие основни прехранбени продукти - рече Трајковски.

The post Трајковски: Трговците се итри, ги зголемуваа цените кога разбраа дека ќе се носи кошничката appeared first on Република.

Ќе има и одземање роба од нерегистрирани трговци на мало, изјави за МИА, директорот на Државен пазарен инспекторат, Горан Трајковски, истакнувајќи дека никој не е над законот.

Од утрово екипи на Државен пазарен инспекторат (ДПИ) вршат инспекциски надзори на увозници на овошје и зеленчук, како и на сите трговци на лице место. На терен се над 30 инспектори на ДПИ во координација со тимови на Управата за финансиска полиција, Министерството за внатрешни работи и Агенцијата за одземен имот.

Секој што ќе ги прекршува законите, ќе одговара без селекција. Сите акции ќе продолжат интензивно и нема да застанат на цела територија. Утврдено е дека на кванташкиот пазар, а и низ цело Скопје и на цела територија, се лоцирани нерегистрирани трговци на мало. Сите што вршат нерегистрирана дејност, ќе одговараат по законите за кои е надлежен ДПИ. Постапуваме по законот за трговија. Денеска одиме по друг принцип, ќе има и одземање на роба, по законите за кои сме надлежни, нагласи тој за МИА.

Тој нагласи дека системот мора да профункционира, во интерес на сите.

Никој не може да манипулира со населението. Системот ќе функционира по сите закони. Она што е увидено при деновите на контрола, дека се појавуваат покрај увозниците и нерегистрирани трговци кои вршат дејност, по законот за трговија, ќе им биде одземена робата, додаде Трајковски.

Тој изјави дека има трговци кои се обидуваат да ги манипулираат законите и граѓаните.

The post Трајковски: Ќе има и одземање стока од нерегистрирани трговци на мало appeared first on Република.

Непочитување на замрзнатата цена на лебот од 33 денари, несоодветна грамажа, немање најмалку 80 отсто од производите на рафтовите, се само дел од прекрошоците што ги констатира Државниот пазарен инспекторат (ДПИ) на терен при спроведувањето на контролите.

Како што рече денеска директорот на ДПИ, Горан Трајковски, имињата на фирмите кои ги сториле прекршоците ќе бидат соопштени, но откако постапувањата за нив ќе бидат целосно завршени.

Ќе ги кажам имињата на фирмите кои ги прекршуваат владините одлуки кога ќе завршат постапките. Имињата нема да бидат објавени денеска поради комплексноста на случаите. Се издаваат платни налози и до завршување на предметот нема да ги кажам имињата, туку после тоа, истакна Трајковски, одговорајќи на новинарски прашања по посетата на маркет во скопската населба Тафталиџе, заедно со премиерот Димитар Ковачевски и министерот за економија Крешник Бектеши.

Тој уште еднаш напомена дека сите инспектори се на терен, а ДПИ работи со полн капацитет.

Последните пет дена се извршени над 500 надзори, а 130 од нив се по одлуките на Владата. Притоа, констатирани се шест прекршоци во винина од 750 000 денари, соопшти директорот и најави дека ДПИ ќе продолжи да работи неселективно, согласно законите.

Трајковски во оваа прилика повторно апелира, трговците, ако имаат можност, да ги намалат цените и на другите производи зашто сите владини одлуки, како што подвлече, се носат во интерес на граѓаните.

Располагаме со вкупно 160 инспектори што е многу мал број, но постапуваме и на пазарите, а на нашата интернет страница информираме за контролите секој ден, рече директорот на Инспекторатот.

The post Трајковски: Ќе кажам кои фирми ги прекршуваат владини одлуки кога ќе завршат постапките appeared first on Република.

Директорот на пазарниот инспекторат, Горан Трајковски, на својот Фејсбук профил напиша дека леб има и се продава по 33 денари. Тој нагласи дека инспекторите се на терен и додаде дека дополнително ќе се замрзнуваат цени и на други производи.

Неодамна тој исто така напиша дека ако се утврди прекршување на Одлуките ќе следат казни во согласност со Законот за трговија!

Казните се високи и изнесуваат од 800 до 10.000 евра, затоа апелирам да се почитуваат Одлуките, а ние како институција и понатаму сме на терен да ја следиме состојбата и да постапиме при евентуални прекршувања на законските одредби!  Граѓаните не смеат да трпат заради туѓи лични интереси! Мерките се насочени кон тоа да им се олесни состојбата на граѓаните во ваков кризен период и нивната злоупотреба е апсолутно недозволива. Кризата не е време за мислење само на себе и на профит, туку потребно е да имаме разбирање едни кон други, да помагаме и да бидеме солидарни - напиша тој.

The post Директорот на пазарниот инспекторат, Горан Трајковски: Леб има и се продава по 33 денари, дополнително ќе се замрзнуваат цени и на други производи appeared first on Република.

Новиот директор на Државниот пазарен инспекторат Горан Трајковски Штраус студирал цели 18 години на Машинскиот факултет во Скопје, објави Ексрес.мк.

Порталот се повикува на извори во Деканатот на Машинскиот факултет во Скопје, според кои наводно Трајковски се запишал на факултетот во 2001 година, а студирал до 2018 година.

Според податоците што ги објави Владата, Трајковски е дипломиран економист и магистер по економски науки.

Новиот в.д директор Горан Трајковски е дипломиран економист и магистер по економски науки, а на позицијата в.д директор на Државниот пазарен инспекторат доаѓа од менаџерска позиција во приватниот сектор каде во своето повеќегодишно искуство остварува соработка со регионот и повеќе европски земји, обезбедувајќи нови пласмани и развој за матичната компанија. Неговата експертиза е во областа на сметководството и финансиите, со менаџерското искуство во раководење на компанија која има регионално присуство на пазарот, пишува во соопштението од Владата.

Дали Трајковски во меѓувреме го променил факулететот, а службите неажурно си ја вршеле работата, дали Трајковски истовремено бил запишан на два факултета, што е незаконски, или пак се работи за друг човек со истото име и презиме, оскудните информации од Владата за првиот човек на ДПИ оставаат простор за шпекулирање.

Трајковски доаѓа од општинската организација на СДСМ во Кисела Вода.

The post На Економски или на Машински: Не се знае ни колку ни каде студирал директорот на ДПИ appeared first on Република.

На денешната седница на Владата беше разрешена директорката на Државниот пазарен инспекторат (ДПИ), Анета Симеска Димоска и на нејзино место го назначи Горан Трајковски за нов в.д директор на ДПИ.

Новиот в.д директор Горан Трајковски е дипломиран економист и магистер по економски науки, а на позицијата в.д директор на Државниот пазарен инспекторат доаѓа од менаџерска позиција во приватниот сектор каде во своето повеќегодишно искуство остварува соработка со регионот и повеќе европски земји, обезбедувајќи нови пласмани и развој за матичната компанија. Неговата експертиза е во областа на сметководството и финансиите, со менаџерското искуство во раководење на компанија која има регионално присуство на пазарот.

На денешната седница, за нов директор на Агенцијата за национална безбедност, како што е веќе известено, е назначен Зарко Милошевски.

The post Владата ја разреши директорката на ДПИ, на нејзино место го именуваше Горан Трајковски appeared first on Република.

Молк од општинските власти во Делчево за  манипулациијата со улицата “3” во централното градско подрачје за чија што изградба градоначалникот на  Горан Трајковски потроши голема сума од околу 50.000 евра. Улицата сега е предмет на реконструкција од страна на локалната власт.

Сериозните проблеми на улицата кои се појавија набргу по изградбата претставуваа сообраќаен ризик за возачите па така наместо нова улица сега граѓаните ќе добијат крпена улица, со оглед на неспособноста на локалната власт предводена од градоначалникот Горан Трајковски квалитетно да биде во прв план изградена самата улица.

Инаку изградбата на оваа улица беше во рамки на проектот на МСИП преку кој градоначалникот на општина Делчево Горан Трајковски потроши над 8 милиони денари од кои што над 5 милиони денари се задолжување кое што во наредните години ќе треба граѓаните да го враќаат од парите на буџетот на општината.

Ваквиот аматеризам на неквалитетна реализација на градоначалникот со пари кои што ги нема на располагање а со чие што трошење се фали во јавноста со цел за добивање на некој политички поен повеќе е непосакувана пракса и истата треба да биде надмината во иднина.

За ваквата состојба реагираа и од ОК на ВМРО-ДПМНЕ Делчево.

“Фушерајското работење на градоначалникот Горан Трајковски од далеку се гледа

Не поминаа ниту осум месеци откако градоначалникот Горан Трајковски се фалеше дека со парите од граѓаните ја изградил улицата “3” во централното градско подрачје за веќе истата деновиве поради неквалитетната изведба ќе мора да се реновира и тоа повторно од парите наменети за граѓаните.

Новиот асфалт веќе е пропаднат и деновите интензивно се гребе

Зошто градоначалникот Горан Трајковски дозволил таков несериозен приста и изградба на улица “3” е прашањето кое ги мачи граѓаните на Општина Делчево

-За појаснување е само дека изградбата на истата улица, од парите на граѓаните на Општина Делчево беа потрошени скоро 3 000 000 денари, соопштија од ВМРО-ДПМНЕ ОК Делчево за јавноста.

https://republika.mk/vesti/makedonija/delchevskiot-gradonachalnik-lani-napravi-ulica-godinava-ja-rekonstuira-3-000-000-denari-vo-gjubre/?fbclid=IwAR327aMiRMRjG3ZqK3n7Ulf4LTRTbWv9KNHXzRaoxSxhurOr0VxWFYziS6I

The post Градоначалникот на Делчево Горан Трајковски крпи реконструирана улица за 50.000 евра пари на граѓаните appeared first on Република.