Вчера во Велес полициски службеници од Отсекот за недозволена трговија со дрога при СВР Велес ги лишиле од слобода М.Т.(48) и Ѓ.Д.(39), двајцата од Велес.

Околу 09.00 часот, Ѓ.Д. бил затекнат како му продава две пакувања со кафена прашкаста материја на М.Т., кој пак ги проголтал пакувањата откако ги забележал полициските службеници, по што бил пренесен во болница во Велес.

Подоцна, со судска наредба, бил извршен и претрес во домот на Ѓ.Д., при што биле пронајдени и одземени 14 пакувања со кафеава прашкаста материја и пари. По целосно документирање на случајот, во координација со јавен обивнител, против Ѓ.Д. ќе биде поднесена кривична пријава по член 215 од Кривичниот законик – „неовластено производство и пуштање во промет на наркотични дроги, психотропни супстанци и прекурзори", соопшти МВР.

The post Велешки дилер во болница: Голтнал две пакувања дрога кога забележал полицајци appeared first on Република.

Хрватската полиција денеска на аеродромот во Загреб уапси шверцер на кокаин, 45-годишен Бразилец, кој проголтал вкупно 117 капсули полни со 1,17 килограми кокаин.

Тој утрово пристигнал на аеродромот „Фрањо Туѓман“ со лет од Сао Паоло преку Лисабон.

При царинскиот преглед во 24 капсули кои природно ги исфрлил при летот биле пронајдени 240 грама кокаин, а недолго потоа при службени мерки и дејствија пријавениот извадил уште 31 капсула полни со кокаин со тежина од 310 грама.

Заради заштита на здравјето и животот, на осомничениот му била укажана соодветна лекарска помош, при што била направена рендгенска снимка на желудникот на која биле забележани уште неколку капсули во дигестивниот тракт на осомничениот, пренесува „Јутарњи лист“.

За време на престојот во болница се оправдани сомнежите на цариниците и полицајците и се докажа дека тој во телото имал уште 62 капсули полни со кокаин.

The post Драма на аеродром: Голтнал 117 капсули кокаин, полицијата во шок appeared first on Република.