Отворањето на Меѓународниот фестивал на комедијата „Гола месечина“ поради временските услови се одложува за утре, 11 септември 2024 година, соопшти денеска Општина Аеродром.

Стендап-настапот на Антонио Ташковски и Никола Тодоровски се одложува за утре со почеток од 19:00 часот, по што ќе настапи Импров група, како што првично беше предвидено.

Следните настапи ќе се одржат според објавениот репертоар во паркот „Авионче“, а сите претстави почнуваат во 20:00 часот.

The post Отворањето на „Гола месечина“ се одложува за утре поради временските услови appeared first on Република.

11. Меѓународен фестивал на комедијата „Гола месечина“ оваа година ќе се одржи од 10 до 14 септември во паркот „Авионче“ во скопската населба Аеродром.

Фестивалот се отвора со стендап на Антонио Ташковски и Никола Тодоровски во 20 часот. Следниот ден, на 11 септември настап има Импров група со Наталија Теодосиева, Тони Денковски, Григор Јовановски и Дамјан Цветановски. Водител е Борјан Стојков.
На 12 септември (четврток) ќе наспати Кабаре Кабает: Мирослав Петковиќ, Чедомир Митевски, Марио Поповиќ и Мишо Димитриевски. В петок, на 13 септември е стендапот со Бојан Велевски
и Бојан Кирковски, а Фестивалот завршува на 14 септември (сабота) со настап на степдап комичарите од Србија Мишо Бабиќ  и Марјан Ѓорѓиевски од Македонија.

Фестивалот „Гола Месечина“ се одржува со финансиска помош од Општина Аеродром - Скопје.

The post Фестивалот на комедијата „Гола месечина“ од 10 до 14 септември во паркот „Авионче“ appeared first on Република.

Претставата „Прекрасна недела за Крев Коер“ од Тенеси Вилијамс, во режија на Здравко Митков, а продукција на Народниот театар „Иван Вазов“ од Софија ја освои наградата за најдобра претстава на 9. Фестивал на комедија „Гола месечина“.

Наградата за најдобра режија ја доби Синиша Евтимов за претставата „Да, инспекторе (претстава со грешки)“ на театарот ,,Војдан Чернодрински“. Наградата за најдобра женска улога ја доби Катерина Чакмакоска за Пеце во претставата „Да, инспекторе (претстава со грешки)“, а за најдобра машка – Миљан Прљета за улогата на сликарот Даниел Л’Торел во претставата „Опасна љубовна игра“ од Бранислав Нушиќ – Театар ,,Славија“, Белград.

За наградите одлучи жири комисијата во состав: Несрин Таир, Ева Скендеровска и Сергеј Димовски. Фестивалот го организира Театар Комедија во соработка со општината Аеродром.

The post „Прекрасна недела за Крев Коер“ е избрана за најдобра претстава на „Гола месечина“ appeared first on Република.

Во организација на Театар Комедија и Општина Аеродром, овој викенд почна деветтото издание на Меѓународниот фестивал на комедијата „Гола Месечина“. На репертоарот викендов се најдоа македонската претстава „Да, инспекторе“ и претставата на Театар Славија од Белград „Опасна љубовна игра“, при што беше забележана масовна посетеност од страна на аеродромци.

Програмата, како што информираат од Општина Аеродром, продолжува и во наредните денови, а сите љубители на театарската уметност можат да се смеат и забавуваат со претставите „Прекрасна недела за Крев Коер“ од Народен театар „Иван Вазов“ од Софија што ќе се одигра вечерва, утре (вторник) на репертоар е „Паника во Хотел Палас“ на струмичкиот театар, а во режија на Коле Ангеловски, во среда аеродромци ќе уживаат во претставата „Слуга на двајца господари“ од велешкиот театар. Со „Енергични луѓе“ на театарот „Григор Прличев“ од Охрид, во четврток ќе биде заокружен овој неколкудневен магичен спектакл под ведро небо.

Сите заинтересирани можат да ги подигнат картите за претставите во просториите на Општина Аеродром или на билетарницата на Театар Комедија. Влезот е бесплатен, а ве очекува многу смеа, забава и одлична атмосфера, велат од Општина Аеродром.

The post Со „Да, инспекторе“ и „Опасна љубовна игра“ почна фестивалот „Гола Месечина“ во Општина Аеродром appeared first on Република.

Претставата „Да, инспекторе“ на прилепскиот театар „Војдан Чернодрински“, а во режија на Синиша Евтимов ќе го отвори годинешното издание на меѓународниот фестивал на комедијата „Гола Месечина“.

Фестивалот ќе се одржи од 25 до 30 јуни на стадионот во Реонски Центар во Аеродром.

„Шесте ноќи ќе бидат исполнети со одлична забава и одлични претстави. Имаме две меѓународни гостувања, ‘Театар Славија’ од Белград и гостување од Бугарија на големиот национален театар ‘Иван Вазов’. Покрај нив, имаме и четири македонски групи – театри од Велес, Охрид, Струмица и од Прилеп“, вели Дарко Спасов, директорот на Театар Комедија во чија организација е фестивалот.

Репертоарот е следен:

25.06.2022 – „Да инспекторе“ во режија на Синиша Ефтимов

26.06.2022 – „Опасна љубовна игра“ (Позориште „Славија“, Србија) во режија на Велимир Митровиќ

27.06.2022 – „Прекрасна недела за крев коер“ (Народен татар „Иван Вазов“, Софија во режија на Здравко Митков

28.06.2022 – „Паника во хотел Палас“ во режија на Коле Ангеловски

29.06.2022 – „Слуга на двајца господари“ во режија на Ненад Витанов

30.06.2022 – „Енергични луѓе“ во режија на Александар Витанов

Картите се бесплатни и можат да се добијат почнувајќи од петок на пријавницата во Општина Аеродром, како и на билетарницата на Театар Комедија, секој ден, освен недела, а едно лице има право на две карти за конкретна претстава.

The post Од сабота во Реонски центар во Аеродром Фестивалот на комедијата „Гола месечина“ appeared first on Република.

Претставата „Да, инспекторе“ на прилепскиот театар „Војдан Чернодрински“, а во режија на Синиша Евтимов ќе го отвори годинешното издание на меѓународниот фестивал на комедијата „Гола Месечина“ што од 25. до 30. јуни ќе се одржи на стадионот во Реонски Центар во Аеродром.

Традиционалниот фестивал е во организација на Општина Аеродром и Театар Комедија, а годинава на репертоарот ќе бидат претстави од Македонија и регионот, сите со почеток од 21:00 часот.

Градоначалникот Тимчо Муцунски на денешната прес-конференцијата ги повика граѓаните да присуствуваат на деветтото по ред издание на овој фестивал и ја изрази заложбата за поголема поддршка од страна на Општината за надградување и успешна реализација на настани од културен карактер.

Наша обврска како локална власт е да обезбедиме подобра инфраструктура за во уште подобри услови, проекти слични на овој да се реализираат и Аеродром да стане центар на културата во главниот град. Како најурбана и најдинамична општина во Град Скопје, за мене е од огромно жалење што немаме свој театар. Затоа она што го ветувам е дека посветено работиме и преземаме чекори за до крајот на мојот мандат да го реализираме едно од клучните ветувања – Аеродром да го добие својот мултимедијален центар со кино, театар, простор за изложби, галерија, читална за младите лица и други содржини – рече Муцунски.

Фестивалот и програмата ги најави директорот на Театар Комедија Дарко Спасов, кој ѝ се заблагодари на Општина Аеродром за несебичната поддршка при реализацијата на овој културен настан.

Ние сме подготвени за почетокот, а шесте ноќи ќе бидат исполнети со одлична забава и одлични претстави. Имаме две меѓународни гостувања, „Театар Славија“ од Белград и гостување од Бугарија на големиот национален театар „Иван Вазов“. Покрај нив, имаме и четири македонски групи – театри од Велес, Охрид, Струмица и од Прилеп – изјави Спасов и изрази надеж дека и ова фестивалско издание ќе има огромна посетеност.

Картите се бесплатни и можат да се добијат почнувајќи од петок на пријавницата во Општина Аеродром, како и на билетарницата на Театар Комедија, секој ден, освен недела, а едно лице има право на две карти за конкретна претстава.

The post Претставата „Да, инспекторе“ на прилепскиот театар ќе го отвори фестивалот „Гола месечина“ appeared first on Република.