Државниот секретар Ентони Блинкен и претседателот на САД Џо Бајден излегоа денеска со соопштенија по повод 23 годишнина од „најразорниот напад на американска почва во историјата на нашата нација“.

На 11 септември 2001 годона група терористите ги одзеде животите на речиси 3.000 луѓе и повреди повеќе од 6.000 други, во најразорниот напад на американска почва во историјата на нашата нација, напиша Блинкен во денешното соопштение од Стејт департментот.

САД овој ден го прогласија за „Денот на патриотите“ на 25 октомври 2001 година, неколку недели по нападите.

-Денеска, на Денот на петриотите во 2024 година, ги почитуваме нивните сеќавања и стоиме во солидарност со семејствата и пријателите на оние што загинаа во Њујорк, Арлингтон, Вирџинија, и Шенксвил, Пенсилванија. Оддаваме почит на храбрите кои беа први одговорни и кои ги ризикуваа и ги жртвуваа своите животи за да спасат други.

-Исто така, се сеќаваме на нашите колеги кои беа убиени во Бенгази, Либија, на овој ден во 2012 година. Нивната храброст и посветеност продолжуваат да нè инспирираат и да ни служат како потсетник за издржливоста и жртвата кои ја дефинираат нашата мисија, изјави Блинкен

-Со одбележувањето на Денот на патриотите, потсетени сме на трајната сила на американскиот народ. Оваа издржливост ја поттикнува нашата постојана борба против тероризмот. Во годините од 11 септември, Соединетите Држави останаа решителни во одбраната на татковината, заштитата на нашиот народ и поддршката на нашите сојузници во оваа клучна мисија.

Во посебна изјава, претседателот на САД, Џо Бајден, рече дека САД се обединети во сеќавањето за „светата заклетва: никогаш да не заборавиме.“

-Никогаш да не го заборавиме секој од 2977-те драгоцени животи што ни беа украдени кога терористите ја нападнаа нашата земја. Никогаш да не ги заборавиме нивните семејства, кои сè уште ја носат тагата од тоа огнено септемвриско утро. Никогаш да не ги заборавиме херојските граѓани и преживеаните, кои се стрчаа да им помогнат на своите сонародници Американци. И никогаш да не заборавиме дека, соочени со злото и непријателот кој се обидуваше да нè раздели, ние останавме силни.“

Во својата изјава, шефот на Белата куќа нагласи дека под ударите на терористичките напади на 11 септември САД ја докажале издржливоста на американскиот народ.

-Граѓаните и војниците од Пентагон, кои се стрчаа во огнената пукнатина за да ги спасат своите колеги. Хероите од летот 93, кои му се спротивставија на теророт со апсолутна храброст и, несомнено, спасија уште повеќе животи на Американци. Соседите кои дојдоа за да им помогнат на своите соседи да се справат со тагата и да ја обноват својата сила, рече Бајден.

Пред 23 години, милитантите на терористичката организација „Ал Каеда“ киднапираа урнаа четири патнички авион во кулите-близначки на Светскиот трговски центар во Њујорк, како и во зградата на Пентагон. Четвртиот авион се урна на поле во Пенсилванија откако патниците кои се наоѓаа во леталото пружале отпор на киднаперите.

The post Блинкен и Бајден со соопштенија по повод годишнината од терористичките напади на 11 септември 2001 година appeared first on Република.

Принцезата и принцот од Велс Кејт Мидлтон и Вилијам денеска ја слават 13-годишнината од бракот. Оваа убава пригода дојде во тежок момент за целото семејство. Љубовта на славните сопружници е особено на испит откако беше откриено дека принцезата има рак и влезе во процес на лекување.

И со оваа тажна симболика на бројот 13, Кејт и Вилијам покажаа дека нивниот брак е силен. Имено, тие на својот официјален профил на социјалните мрежи објавија досега невидена фотографија од нивната гламурозна венчавка која ја следеше цел свет.

Младенците се смешкаат на оваа објава, полни со ентузијазам за се што им носи иднината. Обожавателите се воодушевени од оваа објава бидејќи со недели ја чекаат судбината на саканата принцеза.

Но, имаше и такви кои во коментар велат дека фотографијата е црно-бела и дека симболиката е мрачна знаејќи дека Кејт се бори за закрепнување.

– Зошто црно-бела фотографија?

– Се шокирав кога ја видов црната боја, таа навестува лоши работи.

– Зарем не можеше да има посреќна фотографија?

– Црно-белите фотографии не се објавуваат освен ако некој не умрел – ова се само дел од бројните коментари.

The post Фановите во шок: На годишнината од венчавката на Кејт и Вилијам, објавена црно-бела фотографија од свадбата appeared first on Република.

Германскиот канцелар Олаф Шолц изрази загриженост поради порастот на екстремно десничарските тенденции во неговата земја 79 години по ослободувањето на логорот за истребување Аушвиц.

Постојано има нови извештаи: за неонацистите и нивните мрачни мрежи“, рече социјалдемократот во снименото видео обраќање објавено денеска во знак на сеќавање на ослободувањето на Аушвиц. Логорот беше ослободен од советските трупи на 27 јануари 1945 година.

„Истовремено, десничарските популисти стануваат се посилни, поттикнуваат страв и сеат омраза“, рече Шолц, додавајќи дека тоа не смее да се прифати.

Протестите против екстремно десничарската партија Алтернатива за Германија (АфД) земаат замав по информациите дека двајца високи членови на партијата присуствувале на состанок на кој се разговарало за плановите за масовна депортација на граѓани од странско потекло. Протестите низ земјата влегуваат во третата недела.

Демонстрантите сакаат да ја ограничат поддршката за АфД, која е на второ место на национално ниво и прва во трите источни германски покраини каде што годинава се одржуваат избори.

Кохезијата на демократите ја прави нашата демократија силна“, рече Шолц.

„Добро е чувството самоуверено да се покаже во јавноста - како што се случува сега“, додаде тој.

Канцеларот, исто така, ја поздрави значајната одлука за прекин на финансирањето на радикалната десничарска партија Татковина, што ја поттикна дебатата за тоа дали може да се преземе сличен чекор против националистичката партија АфД, нарекувајќи ја одлуката „многу добра“.

The post Годишнина од ослободувањето на Аушвиц, Шолц загрижен поради јакнењето на екстремната десница appeared first on Република.

Претседателот на Собранието на Република Македонија, Талат Џафери, заедно со други претставници од политичкиот живот во земјата се приклучи на активностите кои традиционално се организираат во Република Косово за одбележување на годишнините од основањето на Ослободителната војска на Косово.

Како што информираат од од собраниската прес-служба, оваа година се чествува јубилејна 25. годишнина од таа Епопеја и покрај другите настани, претседателот Џафери, со положување на венец свежо цвеќе на гробот на основачот на ОВК, легендарниот херој Адем Јашари и целото храбро семејство Јашари во Меморијалниот центар во Преказ, Дреница, ја изрази неговата почит за храбриот отпор на целото семејство Јашари чија што пожртвуваност, борба за слобода и ослободување на татковината беше многу поважна од нивниот личен живот кој што го положија за отворање на патот кон една многу повисоката цел.

Целиот настан се одвива во присуство на истакнати актуелни и поранешни борци за слобода, политички претставници од земјата и регионот и членови на семејствата на соборците.

Меморијалниот центар во Преказ е најважниот и најтажен споменик на борбата за слобода и потсетник кој што ги инспирира и актуелните и идни генерации да не го заборават аманетот на претходните генерации.

Фото: Собрание на Република Македонија

The post Џафери, Ахмети и Груби на одбележувањето на годишнината од основањето на ОВК appeared first on Република.

Со претставата „Кир Јања“ од Јован Стерија Поповиќ, во режија на Аце Михајловски, на денешен ден  во 1950 година, точно пред 72 години, Прилепскиот народен театар „Војдан Чернодрински“ го означи постоењето како значајна институција во македонската театарска уметност. Во досегашното опстојување, Прилепскиот театар прикажал над 360 премиери, одиграни се преку 7.000 претстави кои ги гледале повеќе од 1,6 милиони луѓе.

Годишнината театарот „Војдан Чернодрински“ ќе ја одбележи со изведбата на претставата „Да, инспекторе, Претстава со грешки“ во режија на Синиша Ефтимов, вечер од 19:30 часот на матичната сцена на театарот.

Претставата „Да, инспекторе, Претстава со грешки“ е последната премиера во Прилепскиот театар работена по мотиви на текст од Хенри Џонатан Хенри, во која, како и во секоја претстава, сите грешки актерите се обидуваат сѐ поуспешно да ги прикријат без публиката да забележи, ама во оваа претстава сѐ што можете и не можете да замислите се одвива погрешно. Симболиката на дејството во претставата како да отсликува еден голем растеж на значајна театарска институција во земјава која дала бројни имиња, доајени на македонската театарска уметност.

Уште од рпвата претстава „Кир Јања“ во далечната 1950 година, бројните генерации актери, „вооружени“ со елан, самопожртвување и творечки занес го покренаа „плугот да ја ораат театарската ледина”, уверени дека ангажманот ќе даде плод. Така и би. Низ годините се ределе премиерите, се нижеле успесите и падовите на Театарот, а колективот се збогатувал со искуство во секојдневната практика. Денеска е ансамбл со врвни актерски имиња.

Во досегашните 72 години постоење на Прилепскиот театар најгледани и најиграни претстави се: „Солунски патрдии“ од Миле Попоски, во режија на Коле Ангеловски и „Од кол на кол“, исто во режија на Коле Ангеловски, претставите имаат преку сто изведби.

Голем успех театарот низ годините има постигнато  и со претставите „Силјан Штркот“ „Туѓо сакаме, свое не даваме“, „Колобан”, „Молам за секс”, „Спиро Црне” „Арсениј”, „Полковникот птица”, „Опера за три гроша“, „Змејовата невеста“ и други претстави.

Сепак,  претставата „Тапани во ноќта“ од Бертолд Брехт, во режија на Мартин Кочовски, го воздигна театарот и беше бренд не само на македонскиот, туку и на балканскиот театар. Со  „Тапаните во ноќта“ театарот освои три награди на фестивалот МЕСС во Сараево и беше победник на 44-то издание на МТФ „Војдан Чернодрински“. Претставата „Кавкаскиот круг со креда“ во режија на Мартин Кочовски во 2011 година беше прогласена за најдобра претстава на фестивалот „Екс Понто“ („Ех Понто“) во Љубљана, Словенија. Прилепскиот театар е првиот кој во десетгодишен период на МТФ „Војдан Чернодрински“ има освоено најмногу награди за најдобра претстава во целина.

Прилепскиот народен театар „Војдан Чернодрински“ во земјава го има приматот на театарска куќа во која има праизведби на текстови од македонски драмски автори. Тука првпат се поставени текстовите на Коле Чашуле, Томе Арсовски, Благоја Ристески – Платнар, на Трајче Крстески, на Петар Петрески.

При јубилејот на театарот во тек е дигитализација на фотографии, информации, статии за претставите до периодот на 2000-та година за да се зачуваат зошто се големо културно богатство. Ансамблот на Прилепскиот народен театар „Војдан Чернодрински“ неуморно работи на унапредувањата на театарската уметност, а голема радост е да помине пандемијата и публиката целосно да се врати во салите и со полн капацитет да ги следи претставите.

The post Прилепскиот театар „Војдан Чернодрински“ одбележува 72 години постоење appeared first on Република.