По повод Денот на Факултетот за музичка уметност, во Филхармонијата вечер од 20 часот ќе се одржи традиционалниот годишен свечен концерт на кој ќе настапат студенти од сите студиски насоки на ФМУ. Тие ќе изведат дела од Шуплевски, Перт, Прокофјев, Глазунов, Пјацола, Даутовски и Костов.

-Концертот претставува една од централните воннаставни активности на факултетот, содржи стилски и жанровски богата програма изведена од студентите од речиси сите образновни профили, соопшти ФМУ за концертот за кој влезот е слободен.

Ќе учествуваат мешаниот хор при ФМУ „Драган Шуплевски”, симфонискиот оркестар на ФМУ, камерниот оркестар „Солисти на ФМУ”, студенти од одделите за народни инструменти и за популарни жанрови, од класите на професорите: Драган Даутовски, Сашо Татарчевски, Борјан Цанев, Кирил Туфекчиевски, Иван Иванов, Андријана Јаневска, Гордан Спасовски, Зоран Костадиновски.

The post Годишен концерт на Факултетот за музичка уметност appeared first on Република.

Традиционалниот годишен концерт на Ансамбл Билјана оваа година ќе се оджи по единесетти пат во предворјето на катедралната црква Света Софија денес на 05.09.2023година со почеток во 20:00 часот.

Оваа година самиот настан има еден малку поинаков концепт “Една песна една приказна ,“ на самиот концерт ќе бидат представени неколку приказни за Охрид и неговата музичка историја. Наратор на настанот ќе биде Професор Валентина Божиновска.

Билетите за овој настан се во ограничен број, по цена од 200 денари. Гости на настанот ќе бидат Мартина Костова и Професор Мухамед Бајрам (виолина).

The post Традиционален годишен концерт на ансамблот Билјана „Охридска Визита“ – една песна една приказна appeared first on Република.