Раководството на македонскиот фудбалски шампион Шкупи денес одлучи да ја прекине соработката со тренерот Гоце Седлоски. Ова е втор отказ за поранешниот македонски репрезентативец кој на тимот од Чаир минатата година му ја донесе титулата, прва по „ерата“ на Слога Југомагнат.

Седлоски еднаш беше отпуштен во есенскиот дел од сезоната во Првата македонска фудбалска лига, но набргу потоа беше вратен на тренерската позиција.

Информацијата за разделбата со Седлоски, Шкупи се очекува официјално да ја потврди попладнево

The post Шкупи пак го отпушти Седлоски appeared first on Република.

Само десет денови откако му беше прифатена оставката на тренерското место на Гоце Седлоски, 48-годишниот стратег се врати на клупата на Шкупи, потврди денеска актуелниот македонски фудбалски шампион. 

Седлоски подбесе оставка по неуспешните настапи на европската сцена и бледиот старт на Шкупи во Првата македонска фудбалска лига, но серијата слаби резултати на клубот од Чаир продолжи и по неговото заминување со два врзани порази. 

Клупското раководство одлучи да го врати Седлоски на тренерската должност, а за негопв заменик го назначи поранешниот фудбалер на Шкупи, Арбен Нухиу. 

–Драги фанови, сакаме да ве информираме дека прв тренер на Шкупи ќе биде Седлоски, додека за прв асистент е поставена клупската легенда Арбен Нухиу. Заедно со нив, на позицијата претседател се враќа Суат Алија“, се наведува во клупското соопштение.

По шест одиграни натпревари Шкупи е шестопласиран со седум бодови, а следен противник на актуелниот шампион е Работнички, в недела

The post „Иди ми дојди ми“: Седлоски се врати во Шкупи по десет денови откако замина appeared first on Република.

Тренерот на Шкупи, Гоце Седлоски е оптимист пред пресметките со Балкани од Косово во плејофот од Конференциската лига на УЕФА.

Со евентуален успех, македонскиот шампион ќе стане втората екипа од нажата држава која изборила учество во групна фаза во еврокуповите. Првиот тим е Вардар кој во ерата на Сергеј Самсоненко играше во групите во Лига Европа.

Седлоски смета дека неговите играчи со настапите на евро-сцената сезонава покажале дека со право можат да се надеваат на победа над Балкани.

– Ќе дадеме максимални напори да се радуваме на крајот на пресметките со Балкани. Противникот ни е познат од пријателскиот натпревар во подготвителниот период. Тие покажаа дека се квалитетен тим. Кај нас е позитивно тоа што сме комплетни без повредени играчи. Очекувам добро наше издание и со трпелива игра да дојдеме до посакувана цел, изјави Седлоски.

Слично како тренерот Седлоски, размислува и Бесир Демири кој вети максимално залагање на сите играч кои ќе добијат шанса да настапат.

Натпреварот Шкупи – Балкани ќе се игра утревечер од 21 часот на Национална арена „Тодор Проески“ во Скопје.

The post Седлоски oчекува Шкупи да се пласира во Конференциската лига appeared first on Република.

Македонскиот фудбалски првак Шкупи утре ќе го игра реваншот од третото квалификациско коло за Лигата на Европа. Противникот на чаирчани, Шамрок од Ирска на првиот меч пред четири дена победи со 3:1.

Тренерот на Шкупи, Гоце Седлоски верува дека неговите избраници можат да ја анулираат предноста на Шамрок.

Одиме на победа со два гола разлика. Немаме друг избор. Мора да дадеме максимум во текот на целиот натпревар. Уште од самиот почеток треба да тргнеме агресивно. Грешките да ги сведеме на минимум. Видовме и во Ирска, и на претходните средби како се казнуваат грешките во евро-куповите. Верувам во мојот тим, но се надевам дека со помош на нашите навивачи можеме да ја анулираме негативата од два гола од првиот меч, изјави Седлоски.

Натпреварот Шкупи – Шамрок е закажан за утревечер од 21 часот на Национална арена „Тодор Проески“ во Скопје.

The post Седлоски: Одиме на победа со два разлика appeared first on Република.

И покрај тоа што на Максимир беше 2:2, сепак Динамо е голем фаворит вечерва од 21 часот против Шкупи, кој рака до срце вечерва ќе направи пеколна атмосфера.Се очекува на стадионот  20.000 фанови.

Тренерот на Чирчани Гоце Седлоски истакнува:

- Знаеме дека 2:2 не треба да не измами бидејќи пред нас е многу сериозен противник како Динамо Загреб, за кој знаеме што и како значи во европски рамки. Но, тоа значи и дека притисокот е врз нив и дека треба да го искористиме тоа. Веруваме во историска победа и пласман, но за да го постигнеме тоа потребна ни е поддршката од јавноста и нашите навивачи кои се дванаесетти играч.

The post Може ли Шкупи до изнанадување против големиот Динамо? appeared first on Република.