Македонскиот ракометар Гоце Георгиевски постигна договор со Вардар за продолжување на соработката на уште една сезона.

Знаеме колку значи искуството што го има во себе Гоце, и среќни сме што прифати да биде уште една сезона дел од Вардар. Неговото искуство ќе биде од големо значење за играчите кои доаѓаат на сцената, и кои се повеќе се наметнуваат. Тој е расположен, освен што ќе игра, и да го пренесе своето искуство на помладите колеги. Вардар е веќе стабилизиран, сериозен, и нашите амбции секогаш се победа, и титули. Гоце е се уште гладен за победување, исто како и Вардар и заедно ќе чекориме кон нови победи, вели извршниот директор на Вардар, Борко Ристовски.

Георгиевски о екипата на Вардар беше и шампион на Македонија, го освои и Купот и Супер купот, играше и во Лигата на шампионите, и претставува легенда на македонскиот ракомет.

The post Гоце Георгиевски потпиша договор со Вардар за уште една сезона appeared first on Република.

Селекторот на македонската ракометна репрезентација, Кирил Лазаров, го објави поширокиот список на ракометари за претстојните натпревари во рамки на квалификациите за Европското првенство 2024.

„Црвено-жолтите“ се дел од група 1, заедно со репрезентациите на Португалија, Турција и Луксембург.

На списокот на Лазаров, помеѓу 35-те повикани играчи се најдоа и Филип Талески и Гоце Георгиевски кои ги пропуштија претходните две средби, со Португалија дома и на гостински терен.

Македонската репрезентација на 26 април му гостува на Луксембург, а четири дена подоцна ја пречекува Турција. Со една победа избраниците на Лазаров речиси сигурно ќе обезбедат место на Еуро 2024

Европското првенство ќе се одржи од 10 до 28 јануари 2024 година во Германија.

The post Талески и Георгиевски се враќаат во репрезентацијата: Лазаров го објави списокот за квалификациите за Еуро 2024 appeared first on Република.

Еден од најискусните во репрезентацијата на Македонија, десното крило Гоце Георгиевски во април ќе ја заврши репрезентативната кариера и ќе биде посветен само на клупските настапи, објави Ракомет24

Квалификациските натпревари против Луксембург и Турција ќе бидат последни во репрезентативната кариера за популарниот Џомба, кој остави свој белег во македонската репрезентација.

Македонија во последниот натпревар од квалификациите за пласман на Европското првенство 2024 на свој терен ќе ја пречека Турција и токму овој дуел ќе биде последен за членот на Вардар.

Георгиевски со репрезентацијата на Македонија настапи на шест Мундијали. Неговиот деби настап на големите натпреварувања беше на Светското првенство 2013 во Шпанија.

Десното крило освен на шест Мундијали, настапи и на пет Европски првенства.

Искусниот ракометар нема да биде дел од двата квалификациски натпревари против Португалија.

The post Гоце Георгиевски во април ќе ја заврши репрезентативната кариера! appeared first on Република.