Подготовките за претстојното 31. издание на популарниот „Охрид фест - Охридски трубадури“ се во полн ек: годинава фестивалот ќе се случува на 30 и 31 август на добро познатата, величенствената сцена на Долни Сарај.
„Охрид фест“ е еден од најпознатите музички фестивали кои низ својата историја оставија сериозна трага во нашата музичка индустрија но е познат и надвор од границите: изминатите три децении допре до над 200 милиони гледачи, се емитуваше во педесетина земји во Европа и низ светот, во фестивалската биографија е запишано дека на него настапија пејачи од 37 земји, но тој е и значаен симбол на градот Охрид.

-Токму затоа „Охрид фест“ широко ги отвара вратите за сите охриѓани и за оние што во тој период ќе бидат во убавиот Охрид, бидејќи влезот е слободен- информира Григор Копров, првиот човек на фестивалот. „Што се однесува до ова издание, со целото искуство што го имам и со здружени сили на тимот со кој работиме со години, не очекува одличен фестивал, со многу добри песни, со настапи на нашите докажани имиња, гости од странство, ѕвездите од екс -ју но и многу млади пејачи. Новината е што од годинава имаме соработката со Канал 5, соработка на која искрено се радувам- заврши Копров.

Традиционално фестивалот ќе започне со Фолк вечер низ која ќе води шармантната Ирена Спировска и каде покрај докажаните Благоја Грујовски, Катерина Танева, Благица Павловска, Петар Нечовски, Милица Кузмановска, група „Биоритам“.., шанса за убав старт ќе имаат и нови музички надежи.
Интернационалната вечер е резервирана за поп- музиката и младите но и за етаблирани имиња од Србија, Хрватска, Босна, Словенија, Бугарија...
Омилената водителска двојка Марјана Станојковска и Васил Зафирчев ќе бидат на своите позиции а на фестивалот ќе ги видиме Јелена Томашевиќ, Дадо Топиќ, Гоца Тржан, Срѓан Марјановиќ, Брано Ликиќ, Тони Мишел, Принц од Врање...

Охрид- фест ги подржува младите но е познат и како фестивал кој има долга меморија и ги почитува уметниците кои оставиле трага во музиката, не го заборава квалитетот на уметниците кои за адутот го имаат траењето. Во тој контекст, за безвременска песна е прогласена „Одисеја“ што маестрално ја пее Лео Мартин, композиција која го издржа тестот на времето од 1973 година.

Организаторите најавуваат уште изненадувања, а
директниот пренос на „Охрид фест“, на 30 и 31 август, од 21 часот годинава ќе се случува на телевизија Канал 5.
„Охрид- фест“ останува доследен на себе си, да слушате, гледате и уживате во музиката!

The post Јелена Томашевиќ, Дадо Топиќ, Гоца Тржан…. на „Охрид фест“ appeared first on Република.

Гоца Тржан проговори за својата интимност и откри какoв секс сака.

Како што старееш, се трудиш да го направиш тоа брзо, едноставно и лесно
Не ги поднесувам оние што „лупааат“ четири часа.Има будали што се на цијалис, камагра, вијагра...Јас се дружам со мажи што ми зборуваат како да сум маж-се отвори Тржан.

The post Гоца Тржан откри каков секс сака appeared first on Република.

Поп-пејачката Гоца Тржан со години е во војна со Иван Маринковиќ нејзиниот поранешен сопруг, со кој ја има ќерката Лена.

Иван многупати јавно ја наклеветил поранешната сопруга во реалното шоу и упатувал бројни обвинувања против неа, зборувал за нивната интимност и други работи, па не треба да чуди што  рече дека ќе го „однесе“ господ. Додека живееле заедно полицијата гол го изнела од станот.

Би го издувала  бившиот сопруг.Благодарение на него 13 години трпам сериозно медиумско насилство иако 13 години сум разведен од него.Во брак бевме само четири години.Би сакала некој да го стави своето име и презиме, без да пишува бившиот сопруг на Гоца Тржан Еве нека напише таткото на детето Миљана Кулиќ.

The post Гоца Тржан: Мојот поранешен сопруг полицијата гол го изнесе од станот appeared first on Република.

„Мирно“, песната потпишана од Душан Бачиќ и Дејан Николиќ, што ја прати синергијата на Гоца Тржан и Стефан Здравковиќ- познат како Принц од Врање, ќе биде дел од Интернационалната вечер на „Охрид-фест“.

Ова вкрстено интервју на двајцата блескави вокали, само ја опишува страста со која тие ќе настапат на фестивалот. По фантастичниот дует со Тоше, во темата „1200 миља“ Гоца е во дует со Принц во песната „Мирно“. Како се случи овој музички „спој“: поради привлечноста на песната, взаемна енергија или можеби најдовте некоја сличност со Тоше?

Гоца Тржан: Тоше е незаменлив и хитот „1200 миља“ стана легендарен и ги обележи нашите кариери. Принц има посебна енергија но една заедничка црта помеѓу него и Тоше е прекрасна пристојност, достапност и леснотија со која соработувавме. Песната „Мирно“ допре на прво слушање а реакциите се повеќе од одлични. Нашиот композитор Душан Бачиќ ни ја пушти песната и кога е добра, се оди лесно. Всушност, се е лесно кога работиш со талентирани луѓе, а Принц е преталентиран.

Вистинска привилегија е да се има дует со Гоца Тржан, каков предизвик е на почетокот на кариерата да се настапи со вака познато име?

Принц: Соработката со Гоца Тржан навистина е привилегија. Како етаблирана уметница, таа создаде извонредна кариера и стекна голем број обожаватели. Да се пее со неа е голем предизвик, ама и неизмерна радост. Гоца има неодоллива харизма и неверојатна вокална експресија која може да измами емоции кај секој слушател. Се радувам што на публиката во Охрид заедно ќе и пружиме незаборавно доживување. Ќе биде тоа посебен момент за сите нас и за сите оние што ќе сведочат на нашата музичка синергија.

Гоца Тржан на “Охрид фест“ доаѓа по втор пат: во рани деведесети бевте гостинка на овој познат македонски фестивал... Затоа пак, Принц ќе го има официјалното пробивање на мраз на „Охрид фест“.

Гоца: Уште од многу одамна Охрид ми остана во срцето, но немав прилика често да го посетувам. Ама ете, кога слушнав дека постои можност, веднаш се одлучив да дојдам. Инаку, ја обожавам Македонија, уживање ми е дружење со колеги на фестивали, и едвај чекам „Мирно“ да ја претставиме на македонската публика. Потоа, во план ни е серија концерти низ Македонија, и искрено се надевам дека настапот на „Охрид фест“ само ќе ја зајакне мојата љубов со Македонија.

Принц: Учество на 30- то, јубилејно издание на „Охрид фест“ за мене е особено значајно. Да си дел од вака престижен настан со толку големи уметници е вистинска чест и прилика која не е честа. Дадо Топиќ, Неда Украден, Срѓан Марјановиќ.., се извонредни музичари и да си во нивното друшто, на иста сцена, за мене е голема инспирација. Инаку, пред десетина година имав прилика со друштво да пеам на плоштад во Охрид, направивме мал концерт и имавме добра реакција на публиката. Од бакшишот што го добивме, го продолживме одморот на уште два дена. Сега се чувствувам привилегирано што ќе бидам дел од фестивалот кој ја слави музиката и уметноста, и се надевам дека ќе и донесеме радост на публиката.

Што мислите, како македонската публика ќе ја прифатат „Мирно“?

Гоца Тржан: Македонците се еден особено музикален народ кој ја почитува добрата музика и добрите пеачи, чест е да се настапува пред таквата публика. Песната е модерна, ама во неа има многу од нашата балканска душа и емоција и луѓето тоа го препознаваат. Сигурна сум дека на македонците ќе им се допадне нашата песна и дека наскоро ќе се видиме на концерти.

Принц: Македонија има богата музичка традиција и љубов кон уметноста, а тоа посебно се чувствува на фестивалите. Очекувам дека македонската публика ќе биде особено срдечна и страствена кон музиката, верувам дека ќе не дочека со голем ентузијазам и радост... Со оглед на тоа што сум од Врање, македонската музика за мене, уште од дете е блиска и позната. Татко ми ја пееше „Зајди зајди“ а јас бев голем фан на Тоше Проески...Македонија има квалитетни изведувачи а со некои имав среќа да се запознам и делам иста сцена со Елена Ристевска, Даниел Кајмаковски, Тијана Дапчевиќ.

The post Гоца Тржан и Стефан Здравковиќ- Принц на „Охрид-фест“: Искрено се надевам дека настапот ќе ја зајакне мојата љубов со Македонија appeared first on Република.

Поранешното момче на Гоце Тржан, Дејан Драгојловиќ, своевремено беше главна тема во српската, но и балканската јавност, кога ги купи сите влезници за еден од нејзините концерти, за таа да пее само за него. Тој беше нејзината најголема љубов која сè уште не и е целосно преболена..

А, еве како денес, пејачката, за српските медиуми, зборува за Дејан.

Да, тоа е вистина. Билетите за првиот ден во Сава Центарот беа купенуи два дена по закажаниот концерт. Во тоа време го објавив албумот „Сакам да се сменам“. Работев вторник, среда, четврток, петок, сабота и воопшто не ми требаа никакви маркетинг трикови. Некој го направи тоа за мене. За мене како жена - вели Гоца во емисијата „Од профил“.

Сепак, нивната љубов не опстана, па Дејан Драгојловиќ и Гоца тргнаа по својот пат.

Нејзиното поранешно момче , на Гоца Тржан, покрај убавите спомени, во животот и остави и тешка траума. Иако таа никогаш не го именуваше лицето покрај кое претрпе сериозно насилство, Гоца, која зборуваше за тоа уште во 2017 година, велеше дека пред бракот со Иван имала исклучително тежок период во емотивниот живот, а многумина во нејзините зборови препознаа Драгојловиќ.

https://twitter.com/DDragojlovic0/status/851946630656012288?ref_src=twsrc%5Etfw%7Ctwcamp%5Etweetembed%7Ctwterm%5E851946630656012288%7Ctwgr%5E%7Ctwcon%5Es1_&ref_url=https%3A%2F%2Fwww.alo.rs%2Fzabava%2Festrada%2F610960%2Fgoca-trzan-pevacica-dejan-dragojlovic-bivsi-decko-stara-ljubav%2Fvest

Не ми е гајле дали тој се најде во приказната, тоа не е нешто што ме загрижува. Да сакав да се знае за кого станува збор, јавно ќе кажев, тоа е дел од мојот живот, од мојата личност, од она што мислам дека сум го преживеала и дека ме научило нешто. Не е важно кој го направил тоа, туку дека преживеав и дека успеав да се изборам со тоа - изјави тогаш Гоца за медиумите.

https://twitter.com/DDragojlovic0/status/567145830394900480?ref_src=twsrc%5Etfw%7Ctwcamp%5Etweetembed%7Ctwterm%5E567145830394900480%7Ctwgr%5E%7Ctwcon%5Es1_&ref_url=https%3A%2F%2Fwww.alo.rs%2Fzabava%2Festrada%2F610960%2Fgoca-trzan-pevacica-dejan-dragojlovic-bivsi-decko-stara-ljubav%2Fvest

The post Гоца Тржан отворено за својата најголема љубов, која во животот и остави многу убави спомени, но и тешки трауми appeared first on Република.