Во Скопје денеска се одржува самит на Глобалниот парламент на градоначалници 2023. Тема на самитот, на кој е најавено присуство на околу 150 градоначалници од целиот свет, е „Моќни, ангажирани и хумани градови: Обезбедување демократија и развој за идните генерации“.

Како што информираат од Град Скопје, самитот ќе го отвори градоначалничката на Скопје, Данела Арсовска, а се очекува да се обратат и претседателот Стево Пендаровски, амбасадорот на ЕУ во земјава, Дејвид Гир и генералниот секретар на Конгресот на локални и регионални власти на Советот на Европа, Матие Мори.

Претседателот Стево Пендаровски вчера ги прими членовите на Управниот одбор на Глобалниот парламент на градоначалници, кои престојуваат во земјава по повод одржувањето на самитот.

Градоначалниците го информирале претседателот Пендаровски за нивните очекувања и темите на дискусија на овогодинешниот самити истакнале дека целта на овој меѓународен собир е да ја поддржат и зајакнат улогата на градовите и локалните лидери во обезбедувањето на подобар, подемократски, поодржлив и поинклузивен свет за граѓаните. 

The post Арсовска домаќин на 150 свои колеги: Во Скопје има самит на Глобалниот парламент на градоначалници appeared first on Република.

Градоначалничката на Град Скопје, Данела Арсовска, е избрана за член на Управниот одбор на Глобалниот парламент на градоначалници.

Како што соопшти Град Скопје, Арсовска е избрана на Генералното собрание на кое присуствувале градоначалници од Америка, Европа, Азија, Блискиот исток и Африка.

Управниот одбор, како раководно тело на Глобалниот парламент на градоначалници има за цел да одлучува за стратешките насоки, политики и заложби на градоначалниците, и преку вмрежување да делува со конкретни заеднички проекти кон овозможување поголема инклузивност и одржливост на градовите на глобално ниво, велат од Град Скопје.

Арсовска учествуваше на глобалниот настан за градоначалници „СитиЛаб 2023“ во Вашингтон во организација на „Блумберг“. За време на посетата, Арсовска остварила средби со градоначалници од САД, креатори на политики, експерти и иноватори посветени кон изнаоѓање решенија за справување со предизвиците со кои се соочуваат градовите.

The post Арсовска избрана за член на Управниот одбор на Глобалниот парламент на градоначалници appeared first on Република.