Светската програма за храна соопшти дека 733 милиони луѓе во светот се соочуваат со глад, односно секој 11-ти жител на Земјата.

„Додека глобалните предизвици растат, помошта во храната е спас за милиони погодени од конфликти и кризи“, се вели во пораката на Светската програма за храна по повод Светскиот ден на храната, кој се слави следната среда.

Светската програма за храна објави апел на повеќе социјални медиуми, повикувајќи на поголеми напори за да се обезбеди храната да стигне до сите луѓе на кои им е потребна, како и да се спречи понатамошно ширење на катастрофата од глад.

The post Светска програма за храна: Во светот 733 милиони луѓе се соочуваат со глад appeared first on Република.

Агенциите за пружање помош денеска предупредија дека Судан се соочува со вонредна состојба со глад среде граѓанска војна, но меѓународната заедница воопшто не реагира на ситауцијата.

Не можеме да бидеме појасни - Судан доживува криза со глад од историски размери. Молкот е заглушувачки“, се наведува во соопштението на Норвешкиот совет за бегалци и другите партнери.

Дали Судан го преживува тоа што експертите го опишуваат како глад е сложено прашање, но хуманитарните агенции веруваат дека светот не може да чека на официјална потврда пред да почне со дополнителна помош.

Луѓето умираат од глад секој ден, а фокусот останува на семантичките дискусии и правните дефиниции“, се додава во соопштението.

Критериумите за прогласување криза со глад подразбираат дека четири од 10.000 деца умираат од глад секој ден или дека повеќе од 30 отсто од населението е неухрането. Ова е тешко да се одреди во конфликтни ситуации како Судан, каде што работата на хуманитарните организации е тешка и каде што не може да се допре до сите луѓе.

Раскараните ривалски генерали од април 2023 година се впуштија во брутална борба за власт во Судан. Во крвавите борби се раселени над 10 милиони луѓе и убиени се илјадници.

Производството на храна е сериозно погодено. Многу полиња се уништени, минирани или земјоделците се избркани, а добитокот е убиен.

Според хуманитарните агенции, повеќе од 25 милиони луѓе, што е повеќе од половина од населението, немаат доволно храна.

Многу семејства јадат лисја и инсекти и имаат само еден оброк дневно, наведува Норвешкиот совет за бегалци.

Апелите за донации достигнаа само половина од потребното.

The post Судан се соочува со криза со глад од историски размери appeared first on Република.

Воените судири, економската нестабилност и се почестите временски услови придонесоа за недостиг на храна а 733 милиони луѓе ширум светот минатата година се соочиле со глад, се наведува во новата студија на Организацијата за храна и земјоделство (ФАО).

Приближно 29 проценти од глобалното население е принудено да прескокне еден оброк дневно. Секој 11 жител на Земјата се соочува со проблем на гладот, а најизразено е во африканските земји, каде секој петти граѓанин страда од глад.

Во документот на ФАО се наведува дека хроничниот недостиг на храна во светот и понатаму е голем проблем и оти предвидувањата на Обединети нации дека гладот ќе биде искоренет до 2030 година е под голем знак прашалник.

Ние сме во полоша ситуација од пред девет години, кога ОН одлучи да го искорени гладот во светот до крајот на оваа деценија. Доколку продолжи овој тренд, приближно 600 милиони луѓе ќе бидат хронично ненахранети до крајот на 2030 година, од кои половина ќе бидат жители на Африка, изјави еден од авторите на студијата, економистот Дејвид Лаборд.

Податоците покажуваат дека минатата година здравата храна била прескапа за повеќе од една третина од жителите на нашата планета. Дури 75,1 отсто од жителите на сиромашните земји не можеле да си дозволат квалитетна храна, за разлика од состојбата во побогатите земји каде само 6,3 проценти од граѓаните немале доволно средства за здрава исхрана.

- Според последните процени ќе бидат потребни речиси четири трилиони долари инвестиции на глобално ниво за да се искорени гладот до крајот на деценијата и наместо повремени итни пратки на вреќи со ориз и со брашно, со здружени сили треба да се финансираат малите земјоделски производители, да се обезбеди евтина енергија за многу рурални делови на светот и економски да се поддржи изградбата на големи системи за наводнување, особено во посиромашните земји, посочи Лаборде.

Извештајот на ФАО ќе биде презентиран и на овогодишниот Самит на Г-20, што ќе се одржи на 18 ноември во Бразил.

The post Станува се полошо: Гладува секој 11. жител на Земјата appeared first on Република.

Речиси половина милион луѓе се уште се соочуваат со катастрофало ниво на глад во Газа, се нагласува во извештајот на Класификацијата на фазата на безбедност на храната (Food Security Phase Classification, IPC), агенцијата на ОН што ја следи глобалната безбедност на храната.

Предупредувањата за неизбежен глад на северот на палестинската територија во март не се остварија, но извештајот поддржан од ОН објави дека 495.000 луѓе, околу 22 отсто од населението во Газа, се уште се соочуваат со „катастрофално ниво на акутна несигурност со храна“.

Во соопштението се додава дека уште 750.000 луѓе се во вонредна ситуација поради несигурно снабдување со храна.

Светската програма за храна на ОН (ВФП) вели дека новиот извештај „дава јасна слика за гладта“.

Зголемените испораки на храна во северниот дел на Газа помогнаа да се намалат најлошите нивоа на глад, но ситуацијата останува опасна, наведува ВФП, предупредувајќи дека ситуацијата се влошува на југ.

Во соопштението се вели дека ВФП сега стравува дека јужниот дел на Газа наскоро може да се соочи со катастрофалните нивоа на глад што претходно беа забележани во северните области.

The post Половина милион луѓе во Газа се соочуваат со катастрофален глад appeared first on Република.

Поради екстремните временски услови, над 20 милиони луѓе се соочуваат со глад во јужна Африка каде сушата достигна критично ниво.

Замбија и Малави ја прогласија сушата за национална катастрофа, а соседен Зимбабве, каде околу 2,7 милиони луѓе се соочуваат со глад, е блиску до донесување на таква одлука.

Сушата зафати широка област од Боцвана и Ангола на запад до Мозамбик и Мадагаскар на истокот на јужна Африка.

Сушата во тие земји ги уништи посевите на кои се потпираат десетици милиони луѓе за да преживеат.

Претседателот на Замбија, Хакаинде Хичилема, изјави дека се уништени еден милион хектари од 2,2 милиони на главните посеви на пченка во неговата земја. Претседателот на Малави Лазарус Чаквера побара 200 милиони долари хуманитарна помош.

Со катастрофално лошата жетва оваа година, милиони луѓе во Зимбабве, јужен Малави, Мозамбик и Мадагаскар нема да можат да се прехранат до следната година. УСАИД проценува дека 20 милиони луѓе ќе имаат потреба од помош во храна во јужна Африка во првите неколку месеци од 2024 година.

Многу луѓе нема да добијат помош, бидејќи хуманитарните агенции имаат ограничени ресурси во услови на глобална криза со глад и сè помалку пари.

Пред една година, голем дел од овој регион беше погоден од големи тропски бури и големи поплави. Целиот регион е во еден вид маѓепсан временски круг: прво премногу дожд, а потоа недоволно.

Детскиот фонд на Обединетите нации (УНИЦЕФ) наведува дека има „преклопени кризи“ на екстремни временски услови во источна и јужна Африка, при што двата региона во изминатата година беа меѓу „два огна“ – бури и поплави, а потоа топлина и суша.

УНИЦЕФ проценува дека околу девет милиони луѓе, од кои половината се деца, имаат потреба од помош во Малави, што претставува речиси половина од тамошното население, додека бројот во Замбија е повеќе од шест милиони, од кои три милиони се деца.

Покрај климатските промени предизвикани од човекот, регионот е нападнат и од климатскиот феномен Ел Нињо, кој затоплува делови од Тихиот Океан на секои две до седум години, а во јужна Африка тоа значи потпросечни врнежи и суша.

The post Поради екстремните временски услови, повеќе од 20 милиони луѓе се соочуваат со глад во јужна Африка appeared first on Република.

Секое трето дете на возраст под две години во северниот дел на Појасот Газа е акутно неисхрането и е на работ на глад, предупреди денеска Агенцијата на ОН за помош и работа за палестинските бегалци (УНРВА).

„Неисхранетоста кај децата брзо се шири и достигнува невидени нивоа во Газа“, се вели во соопштението на УНВРА објавено на социјалните мрежи, објави „Тајмс оф Израел“.

Повеќе од пет месеци по израелската воздушна и копнена кампања во Газа, предизвикана од разорниот напад на Хамас на 7 октомври, голем дел од енклавата е во урнатини, при што повеќето од нејзините 2,3 милиони жители се раселени и се соочуваат со голема хуманитарна криза.

Западните земји го повикаа Израел да стори повеќе за да дозволи пристигнување на хуманитарна помош, при што ОН велат дека се соочува со „огромни пречки“, вклучително и затворање на граничните премини, комплицирани процедури за проверка, ограничувања на движењето и немири во Газа.

Израел тврди дека не поставува ограничувања за хуманитарната помош за цивилите во Газа и ја обвинува бавната испорака на неспособноста или неефикасноста на агенциите на ОН.

The post Секое трето дете на возраст под две години во Газа е акутно неисхрането и е на работ на глад appeared first on Република.

Децата во северна Газа умираат од глад, тврди Светската здравствена организација (СЗО). Во пост на „Х“, генералниот директор на СЗО, Тедрод Аданом Гебрејесус пишува за мрачните сознанија до кои дошле по посетата на СЗО на све болници во регионот.

„Ужасно ниво на неухранетост, деца умираат од глад, серизеннедостиг од гориво, храна и од медицински матријали, уништени болници,“ напиш тој во пост од понеделникот.

Недостигот од храна резултирал со смрт на 10 деца во болницата „Камал Адван“, единствената педијатарска болница во северна Газа, во која ситуцијата е особено запрепастувачка, а една од болничките згради е целосно уништена.

Ова е прва посета на СЗО на болницата од почетокот на октомври, кога изби војната меѓу Израел и Хамас.
Постот на Гебрејесус следи по скорешните извештаи дека шест деца починале од дехидрираност и неухранетост во две болници кои престанале да работат поради немањето гориво за работа на нивните генератори.

„Апелираме да Израел да се погрижи хуманитарната помош да биде редовно и безбедно доставена. Цивилите, особено децата, и медицинскиот пресонал имаат итна потреба од засилена помош, но клучен лек за сите овие пациенти е мирот. Прекинот на огнот,“ истакна тој.

Во северна Газа живеат најмалку 300.000 луѓе со малку храна или чиста вода. Областа е речиси целосно отсечена од помошта од почетокот на војната, а израелските сили рутински ги блокираат доставените продукти.

Висок претставник на ОН предупреди дека најмалку 576.000 луѓе во Појасот Газа – една четвртина од населението- се соочува со катастрофален недостиг од храна, а секое шесто дете помало од две години во регионот страда од акутна неухранетост.

Претходно во февруари и УНРВА, организацијата за палестински бегалци при ОН, престана да доставува помош во северна Газа, а и Агенцијата за храна на ОН престана да доставува помош во регионот на 20 феврури пораи израелскиот оган и целосниот хаос и насилство кои резултираа од колапсот на граѓанскиот поредок.

Предупредувањата од ОН за можен глад во јануари го зголемија и бројот на очајни луѓе кои се обидуваат да дојдат до храна од камионите што поминуваат.

Минатата недела израелските војници пукаа во толпата што се доближа до еден конвој со храна во централниот дел на Газа, предизвикувајќи стампедо кое, заедно со куршумите, уби десетици луѓе.

The post Децата во северна Газа умираат од глад appeared first on Република.

Палестина денеска ги повика Обединетите нации официјално да прогласат глад во Појасот Газа, кој од 7 октомври е под израелски напади.

Меѓународните извештаи покажуваат ширење на гладта меѓу палестинските семејства кои поминуваат цели денови без храна“, се наведува во соопштението на палестинското Министерство за надворешни работи.

Оттаму додаваат дека повеќе од милион луѓе во Појасот Газа гладуваат, пренесе Анадолија.

Генералниот секретар на ОН Антонио Гутереш претходно изјави дека четири од петте најгладни луѓе во светот се во Газа.

Околу 1,9 милиони раселени лица се во засолништа и се изложени на силен глад, а 50.000 бремени жени се во засолништа без вода, лекови и здравствена заштита“, објави палестинското Министерство.

Израел го нападна Појасот Газа по прекуграничен напад на палестинската милитантна група Хамас, на 7 октомври, при што досега загинаа најмалку 20.915 Палестинци, главно жени и деца, а беа повредени повеќе од 54.918.

The post Палестина ги повика ОН да прогласат глад во Газа appeared first on Република.

Заменик-директорот на Светската програма за храна на ОН, Карл Скау денеска предупреди дека половина од населението во Појасот Газа гладува поради вооружените борби меѓу Израел и палестинската милитантна група Хамас.

Според него само дел од потребните залихи може да влезат во Појасот Газа. Скау вели дека „девет од 10 луѓе не можат да јадат секој ден“, пренесува Би-Би-Си.

„Условите во Појасот Газа ја направија испораката на помош речиси невозможна“, посочи Скау, додавајќи дека е отворен само граничниот премин Рафа кон Египет, преку кој до палестинската енклава стигнуваат ограничени количини помош.

Скау рече дека за време на неговата посета на Газа оваа недела, тој и неговиот тим виделе „страв, хаос и очај“ и биле сведоци на „хаос во магацините и местата за дистрибуција, со илјадници очајно гладни луѓе“.

Скау посочи дека виделе „целосно празни продавници“ и „пренаселени засолништа“.

The post Светска програма за храна: Половина од населението во Појасот Газа гладува appeared first on Република.

Амбасадорката на САД во Обединетите нации, Линда Томас-Гринфилд, денеска изјави дека руската инвазија на Украина ќе предизвика недостиг на храна за 40 милиони луѓе и дека најтешко ќе биде погодена субсахарска Африка.

САД обезбедија 4,5 милијарди долари за прехранбена безбедност на Самитот на Г7, од кои веќе придонесоа со 2,76 милијарди долари.

-Исто така, има планови САД да придонесат со 150 милиони долари во нов пакет помош за хуманитарен развој во Африка, но сè уште е потребно одобрување од Конгресот, додаде таа.

Африканците „не треба да бидат принудени да избираат страна“ во повторувањето на Студената војна, но тие мора да ги знаат фактите, посочи амбасадорката.

Посочувајќи дека енергијата, климатските промени, пандемијата и конфликтот се клучни причини за глобалниот проблем за снабдување со храна, Томас-Гринфилд рече дека „најподмолната причина за глад“ е „кога се користи како оружје при војна“.

-Не видовме индикации дека Русија ќе прифати дипломатско решение за војната во Украина, рече таа.

The post САД: Руската инвазија на Украина ќе предизвика глад за 40 милиони луѓе appeared first on Република.

Шефицата на британската дипломатијата Лиз Трас, која е и фаворит за наследник на Борис Џонсон, денеска изјави дека рускиот претседател Владимир Путин го користи рускиот гас за да го држи во заложништво целиот свет.

На новинарско прашање дали таа верува дека „Владимир Путин практично го држи остатокот од светот како заложник со драстичното намалување на испораката на гас за Германија“, Трас одговори: „Токму тоа го прави. Исклучително е важно да останеме силни во борбата против неговата застрашувачка агресија“.

– Ако дозволиме Владимир Путин да успее, тоа ќе предизвика невидена беда низ Европа, рече Трас.

– Знаеме дека Путин нема да застане само на Украина. Тој и се заканува на цела Источна Европа и демократијата, изјави шефицата на британската дипломатија.

The post Трас: Ако Путин успее, ќе имаме невидена беда низ Европа appeared first on Република.

По две години суша, 18,4 милиони луѓе во областа на Рогот на Африка се соочуваат со закана од глад, покажуваат објавените податоци од Канцеларијата на ОН за координација на хуманитарни прашања (OCHA).

До септември, бројот на погодени луѓе во Етиопија, Сомалија и Кенија може да се искачи на 20 милиони. Веќе 7,1 милион деца во погодените области се сметаат за неухранети, а околу два милиони тешко неухранети, покажуваат објавените бројки.

Кризата се влошува со фактот дека недостигот на вода и храна предизвика смрт на околу седум милиони животни. За номадските и полуномадските народи во овие региони, загубата на говеда, овци и кози не само што им ја одзема економската основа, туку недостигот на млеко придонесе и за неисхранетост на децата.

Војната во Украина, исто така, создаде тешки последици по цената на храната во регионот, а недостигот на испораки на жито ја влоши ситуацијата со снабдувањето со храна и ги соочи програмите за хуманитарна помош со дополнителни предизвици.

Многу бунари пресушија, а цените за испорака на вода се зголемиле за 71 отсто од ноември 2021 година, покажуваат податоците на OCHA. Покрај тоа, недостигот на вода доведува до влошување на хигиената, а со тоа и до здравствени проблеми. Од јануари 2021 година, повеќе од еден милион луѓе ги напуштиле своите села, вклучувајќи 805.000 само во Сомалија.

The post Двегодишна суша предизвикува сериозна закана од глад за над 18,4 милиони луѓе на Рогот на Африка appeared first on Република.

Холандската кралица Максима, која е и специјален претставник на Обединетите нации, е загрижена за семејствата ширум светот поради континуираното зголемување на цената на производите за егзистенцијални потреби.

Остриот раст на цените започна поради руската агресија врз Украина. Според Светската банка (СБ), годинава се очекува цените на енергијата да бидат поголеми за 50 отсто, а пченицата за 40 отсто. Кралицата Максима стравува дека семејствата ќе бидат принудени да ги прескокнуваат оброците.

„Степенот на поскапување на цените на храната, цената на енергијата, во основа значи дека многу семејства ќе бидат принудени да имаат еден наместо два оброка дневно. Ова ќе резултира со нестабилност во некои региони. Ова многу ме загрижува“, таа рече за време на неодамна одржаниот Светски економски форум за CNBC.

Максима, кој е специјален пратеник на генералниот секретар на ОН за инклузивно финансирање на развојот, истакна дека пандемијата на коронавирусот турна голем број луѓе во екстремна сиромаштија.

Со оглед на севкупните економски околности ширум светот, таа очекува производите за егзистенцијални потреби да бидат уште поскапи.

The post Доаѓа екстремна сиромаштија: Семејствата ќе бидат принудени да прескокнуваат оброци appeared first on Република.

Светската програма за храна на ОН (WFP) денеска објави дека луѓето ширум светот ќе гладуваат доколку украинските пристаништа на Црното Море наскоро повторно не се отворат.

Треба да ги отвориме овие пристаништа за да може храната да доаѓа и да излегува од Украина. Светот тоа го бара бидејќи стотици милиони луѓе ширум светот зависат од овие резерви, рече извршниот директор на WFP, Дејвид Бисли, цитиран од Би-Би-Си.

Тој додаде дека во моментов украинските силоси за жито се полни.

WFP е загрижена дека ова лето нема да има простор за складирање ако силосите не се испразнат сега, што ќе значи дека ако силосите не се испразнат наскоро, нема да има простор за складирање на новата реколта, што ќе генерира големи количини отпад и понатамошно покачување на цените на храната на светско ниво.

Организацијата на ОН за храна и земјоделство проценува дека 25 милиони тони жито во моментов се во Украина додека нејзините пристаништа на Црното Море се затворени.

Од февруари, Украина, еден од водечките светски производители на пченка и пченица, не може да извезува жито со воз.

The post ОН: Ако не се отворат украинските пристаништа, светот ќе гладува поради недостиг на жито appeared first on Република.

Светската програма за храна на ОН (WFP) денеска објави дека луѓето ширум светот ќе гладуваат доколку украинските пристаништа на Црното Море наскоро повторно не се отворат.

„Треба да ги отвориме овие пристаништа за да може храната да доаѓа и да излегува од Украина. Светот тоа го бара бидејќи стотици милиони луѓе ширум светот зависат од овие резерви. Во моментов, украинските силоси за жито се полни“, рече извршниот директор на WFP, Дејвид Бисли, цитиран од Би-Би-Си.

WFP е загрижена дека ова лето нема да има простор за складирање ако силосите не се испразнат сега, што ќе значи дека ако силосите не се испразнат наскоро, нема да има простор за складирање ова лето, што ќе генерира големи количини отпад и понатаму покачување на цените на храната на светско ниво.

Организацијата на ОН за храна и земјоделство проценува дека 25 милиони тони жито во моментов се во Украина додека нејзините пристаништа на Црното Море се затворени.

Од февруари, Украина, еден од водечките светски производители на пченка и пченица, не може да извезува жито со воз.

The post Светот ќе гладува ако не се отворат пристаништата на Црното Море appeared first on Република.

Војната во Украина доведе до „џиновски скок“ на цените на храната минатиот месец на уште едно рекордно ниво, велат Обединетите нации.

Војната го прекина снабдувањето на најголемиот светски извозник на сончогледово масло, што значи дека се зголемија и трошоците за алтернативите, јавува „Би-Би-Си“.

Украина е исто така главен производител на житарки како пченка и пченица, чии цени исто така драстично се зголемија.

ОН соопштија дека „војната во регионот на Црното Море предизвика шокови на пазарите на основните житарки и растителни масла“.

Индексот на цените на храната на ОН ги следи најтргуваните прехранбени производи во светот, мерејќи ги просечните цени на житариците, растителното масло, млечните производи, месото и шеќерот.

Цените на храната се на највисоко ниво откако беа поставени рекорди - пред 60 години, според индексот кој скокна за речиси 13 отсто во март, по рекордното високо ниво во февруари.

https://twitter.com/BBCWorld/status/1512425536185901060?ref_src=twsrc%5Etfw%7Ctwcamp%5Etweetembed%7Ctwterm%5E1512425536185901060%7Ctwgr%5E%7Ctwcon%5Es1_&ref_url=https%3A%2F%2Fwww.kurir.rs%2Fplaneta%2F3909491%2Fun-o-dramaticnom-poskupljenju-hrane-rat-je-blokirao-najveceg-izvoznika-suncokretovog-ulja-a-evo-sta-je-sve-poskupwelo-u-svetu

Растителните масла поскапеле за 23 отсто, а житариците за 17 отсто. Шеќерот поскапе за 7 отсто, месото за 5 отсто, додека млечните производи - кои беа помалку погодени од војната - поскапеа само за 3 отсто.

Според индексот, цените на храната веќе беа на највисоко ниво во последните 10 години пред војната во Украина, поради проблемите со глобалната жетва.

Ова поттикна криза на трошоците за живот што ги загрижува политичарите и предизвика предупредувања за социјални немири ширум светот, пишува „Би-Би-Си“.

Во Велика Британија, експертите од индустријата предупредија дека трошоците за храна може да се зголемат до 15% оваа година.

Организацијата на ОН за храна и земјоделство (ФАО) минатиот месец предупреди дека цените на храната може да се зголемат до 20 отсто како резултат на конфликтот во Украина, зголемувајќи го ризикот од зголемена неухранетост ширум светот.

ФАо ја намали својата светска проекција на пченица за 2022 година од 790 милиони тони на 784 милиони, поради можноста најмалку 20 отсто од зимата во Украина да не се соберат поради „директно уништување“.

Сепак, се наведува дека глобалните залихи на житни култури би можеле да ја завршат годината за 2,4 отсто повеќе од почетокот поради акумулацијата на залихи во Русија и Украина, бидејќи извозот на двете земји ќе се намали.

The post ОН за драматичното поскапување на храната во светот: Војната го блокира најголемиот извозник на сончогледово масло и житарки appeared first on Република.