На денешната трибина во организација на ВМРО-ДПМНЕ во Кичево „Инфраструктурна платформа за иднина“ на тема „Концепт за инвестиции во инфраструктурата“ свое обраќање имаше Ѓорѓија Сајкоски, генерален секретар на ВМРО-ДПМНЕ кој што истакна дека владата на СДСМ и ДУИ нанесе огромни штети во инфраструктурата поради неработењето, криминалот и корупцијата а вети дека идната влада на ВМРО-ДПМНЕ ќе реализира многу проекти како патната делница Кичево -Битола, рехабилитација, реконструкција и асфалтирање на делницата Крушево и патот што го поврзува Кичево со Битола, експресниот пат кој што ќе ги поврзува Меџитлија граничен премин со Грција и автопатот Прилеп – Битола обиколница кај Ресен и реконструкција на пристаништето во Охрид.

„Драги Кичевчани секогаш кога ќе поминувате по автопатот Кичево Охрид присетете се на владата која што направи огромна штета за овој регион сетете се на владата која што има невидена не работа од сите влади до сега, сетете се на една влада која што ветуваше брз проток на стоки а направи нај спор проток на стоки и услуги, сетете се на една влада која зборуваше за раст и развој а донесе невидена стагнација. Сетете се на една влада која  што зборуваше дека ќе има безбедност во сообраќајот а денес ние имаме безброј жртви по патиштата низ Македонија а особено на автопатот Кичево Охрид. Затоа имаме можност таа влада да ја казниме на 24 април и 8 мај заедно сите да укажеме дека ваква влада не треба да има никогаш повеќе“, нагласи Сајкоски.

Сајкоски посочи за огромните штети што ги нанесе оваа влада на СДСМ и ДУИ во инфраструктурата поради неработењето, криминалот и корупцијата.

„Во 2014 година се отпочна со работа патната делница Кичево- Охрид и до 2016 се направи пробивање на патот за околу 55 проценти. За жал наназад кога ќе гледаме ќе видиме дека од 2016 воопшто ништо не е сработено, бараа разни образложенија. Бараа изговори, но вие ќе видите дека таму има корупција не работа криминал, има менување на подизведувачи и тоа е причината, не работата и криминалот зошто не е завршена делницата. Железничкиот сообраќај е на исто така лошо ниво низ нашата држава. Кичево имало железнички сообраќај 1920 година и наместо денес да е модернизиран и да не поврзува сега во 2020 година таа можност им е ускратена затоа што денес ние немаме воопшто сообраќај до Кичево“, истакна Сајкоски.

Сајкоски посочи и неколку проекти кои ќе ги реализира идната влада на ВМРО-ДПМНЕ како патната делница Кичево -Битола, рехабилитација, реконструкција и асфалтирање на делницата Крушево и патот што го поврзува Кичево со Битола, обиколница кај Ресен и реконструкција на пристаништето во Охрид.

„Можам да ветам дека во идната програма на ВМРО-ДПМНЕ ќе се направи рехабилитација и реконструкција на патната инфраструктура, железничка на Скопје -Кичево и ќе се отпочне со редовно сообраќање на воз на оваа делница. Помош и за граѓаните и стопанството затоа што ова е важна делница. Ќе ја реализираме и патната делница Кичево -Битола рехабилитација, реконструкција и асфалтирање, реконструкција и на делницата Крушево и патот што го поврзува Кичево со Битола и да има поврзување какво што заслужуваат Крушевчани. Ќе се направи и реконструкција на патниот правец Крушево и Кривогаштани на тој начин тој регион ќе го заокружиме. Во план за следниот мандат на ВМРО-ДПМНЕ е и патниот правец, експресниот пат кој што ќе ги поврзува Меџитлија граничен премин со Грција и автопатот Прилеп – Битола. Проект за обиколница во Ресен и реконструкција на пристаништето во Охрид во соработка и препораки со УНЕСКО“, истакна Сајкоски.

The post Сајкоски: Владата на СДСМ и ДУИ направи огромни штети во инфраструктурата appeared first on Република.

Изборите се лесни кога се има тим кој е силно мотивиран!, вели генералниот секретар на ВМРО-ДПМНЕ, Ѓорѓија Сајкоски.

Заедно со организационите секретари сме и повеќе од подготвени да го истрчаме и последниот дел од трката за враќање на достоинството на граѓаните на Македонија.
На денешниот успешен состанок ги поставивме темелите на борбата за редемократизација на Македонија.
Одиме кон победи!, пишува Сајкоски на Фејсбук.

The post Сајкоски: Изборите се лесни кога се има тим кој е силно мотивиран! appeared first on Република.

Ова е значаен датум, бидејќи на 11 октомври 1941 година партизанскиот одред од 16 луѓе во Прилеп ја нападна полициската станица, го нападна затворот, ги нападна и ги прекина телефонските и електричните врски и со тоа нанесе силен удар на бугарскиот фашистички окупатор и со тоа фактички во Македонија се одбележува денот кога започна македонското народно востание, востанието за самостојност, за посебност, востанието кое беше континуитет на долгата борба на македонскиот народ уште од периодот на формирањето на македонската револуционерна организација, рече Ѓоргија Сајкоски, генерален секретар на ВМРО-ДПМНЕ на денешната дебата насловена како „Образовни процеси-мост од историјата кон иднината“ која е во рамки на кампањата на ВМРО-ДПМНЕ „Важно е! Од тебе зависат промените“.

Затоа, додаде Сајкоски, ова е најзначаен датум, бидејќи македонскиот народ и граѓаните на Македонија во долгиот континуитет на борба успеаја да ја донесат слободата, да ја никнат македонската држава.

Овој датум е значаен зошто ни е и вековен и милениумски аманет за да ги споменуваме борците, жртвите, и за да се потсетуваме како сме ја добиле слободата, државата и како треба да ја браниме и градиме државата сега. И нашето Кичево е револуционерен град. Кичево е град кој е прв ослободен на 11 септември во 1943 година, Кичево е најпркосен град и во Илинден и во НОБ, кажа Сајкоски.

Сајкоски укажа дека историјата не може да биде предмет на било какви преговори и договори во комисии и слично.

Денес кога зборуваме за историјата сакаме да кажеме дека историјата не може да биде предмет на договор на некоја комисија. Историјата се фактите, историјата се жртвите, историјата се сведоштвата, историјата ни е културниот идентитет со кој се поистоветуваме. Ние кога зборуваме за историја зборуваме за археологијата, фактите, документите, затоа ние не можеме да се откажеме од историјата“, изјави Сајкоски.

Според Сајкоски многу е јасно дека не може други да ни ја креираат историјата, затоа што историјата е исцртана и во светски рамки.

Нашиот народ се дефинираше во 1941 година, и нашата страна е да имаме слободна, суверена Македонија, да имаме Македонија каде суверенитетот нема да биде нападнат од комисија која ни ги креира учебниците, треба ние сами да си работиме на учебници, да си го дефинираме образовниот процес и како што ја почнавме битката така денес треба да се бориме за посебноста на Македонија, заклучи Сајкоски.

https://www.youtube.com/live/Rm6SATKLpJs?si=XR_5EjWDOHgKXSgB

The post Сајкоски: Историјата на Македонија не може да биде предмет на договор на некоја комисија appeared first on Република.

Денес остваривме средба со Македонците во Мала Преспа, Пустец. На средбата разговаравме за положбата и правата на Македонците во Република Албанија, за негувањето и афирмацијата на македонската посебност и македонскиот национален дух, за поголема прекугранична соработка за која цел сме во план за отворање на задграничен комитет, информира Ѓорѓија Сајкоски од ВМРО-ДПМНЕ.

-Република Македонија и Република Албанија негуваат и градат пријателски односи на соработка базирана на обострано почитување. Посетивме и дел од училиштата кадешто дониравме книги на македонски јазик за деца на училишна возраст, додава тој.

The post Сајкоски во посета на Македонците во Албанија: Разговаравме за положбата и правата на Македонците, за националната посебност и поголема прекугранична соработка appeared first on Република.

Кога зборуваме за ВМРО-ДПМНЕ ние зборуваме за историја, традиција, посебност и ние го оцртуваме континуитетот на нашата борба и нашиот континуитет кој потекнува од 1893 година кога се прокламираше идејата за посебност, автономија и наша суверена македонска држава. За тоа се бореа илинденците, луѓето од АСНОМ, за тоа имаше многу жртви и за тоа во 1991 година по предлог на ВМРО-ДПМНЕ станавме независна, суверена Република Македонија“, истакна Генералниот секретар на ВМРО-ДПМНЕ Ѓорѓија Сајкоски на трибината на ВМРО-ДПМНЕ насловена „33 години ВМРО-ДПМНЕ и Македонија“.

Сајкоски додаде дека периодов што следеше беше со предизвици, но се беше во она што е нашиот континуитет.

ВМРО-ДПМНЕ во изминатите 33 години е разумот на државата. ВМРО-ДПМНЕ е заштитникот на македонските национални интереси на македонските државни интереси. ВМРО-ДПМНЕ во изминатите 33 години е градителот на нашата Македонија затоа треба да продолжиме онаму каде што застанавме“, кажа Сајкоски.

Тој потенцираше дека на изминатите локални избори ВМРО-ДПМНЕ го направи првиот чекор и сега ни следи уште еден завршен чекор. Првиот чекор беше делегитимирање на оваа ненародна власт, а вториот чекор треба да биде преземање на власта под раководство и работа на ВМРО-ДПМНЕ.

Сајкоски упати порака и порача на сите добронамерници да се приклучат на ВМРО-ДПМНЕ.

Следниот период е специфичен да го поддржат визионерството на ова раководство и Македонија како држава онака како што заслужуваме сите. Ние како раководство ги оставаме вратите отворени за секој член и поединец кој размислува како нас да влезе со нас и заеднички да ја градиме државата“, дециден е Сајкоски.

The post Сајкоски: ВМРО-ДПМНЕ во изминатите 33 години е разумот на државата бидејќи е заштитникот на македонските национални и државни интереси appeared first on Република.

Генералниот секретар на ВМРО-ДПМНЕ, Ѓорѓија Сајкоски во рамките на активноста за посета на населени места и средби со граѓани, денеска беше во Општина Маврово и Ростуше каде што ги посети населените места Маврови Анови и Врбен.

Истакна дека од денешните средби со граѓаните може да слушнат и да констатираат дека во овој македонски туристички центар изминатите шест години, ниту локалната, ниту централната власт нема ништо инвестирано и дека единствено што е направено од градоначалникот е урбанистичкиот хаос.

Сајкоски се осврна и на проектот за коридорот 8 со кој владата не ја поврзува општина Кичево, туку дека истиот ќе завршува само до Зајас, со што остануваат уште 16 километри до Кичево кои нема да бидат опфатени во автопатското решение Гостивар – Букојчани.

„Граѓаните се загрижени и за проектите кои што владата ги најавува, односно автопатите од коридорот 8 и коридорот 10, за средствата кои ќе бидат потрошени милијарда и 300 милиони, средста кои што неотчетно оваа влада ќе ги троши. Но, исто така, сакам да им порачам на владата дека манипулира со граѓаните со овој проект, бидејќи кажува дека ќе се направи автопатско решение со кое ќе се затвори коридорот 8. Меѓутоа, од она што го презентираа и кажаа дека ќе прават автопатско решение Гостивар – Букојчани, а не го поврзуваат Кичево или остануваат уште 16 киломентри кои нема да бидат поврзани. Ова автопатско решение е автопатско решение од коридорот 8 кој ќе завршува, најверојатно, само до Зајас“, истакна Сајкоски.

The post Сајкоски: Владата не гради автопат до Кичево, туку до Зајас appeared first on Република.

Голема благодарност на сите што сте денес тука во Велес, да се слушнеме, да поразговараме на теми кои што се наметнаа изминатиов период и кои што посегнаа по нашата посебност, по нашиот јазик, по нашата култура, историја. И кои што за жал не се првпат отворени, меѓутоа со склучувањето на договорот со Бугарија како да се отвори една Пандорина кутија, која што почна да отвора проблем по проблем, и секогаш одеше на штета на нас како македонски народ и македонска држава - истакна Ѓорѓија Сајкоски, генерален секретар на ВМРО-ДПМНЕ на трибината насловена „Македонскиот јазик е континуитет и заедничка борба“, организирана од Патриотскиот институт на ВМРО-ДПМНЕ во Велес.

Денешна трибина е по повод настан кој што се случува пред 81 година, поточно на 14-ти март 1942 година кога Велешките гимназијалци се побунуваат не сакаат да учат на бугарски јазик, сакаат да учат на свој мајчин македонски јазик.

Сајкоски додаде дека Патриотскиот институт на ВМРО-ДПМНЕ со организирање на овие трибини ќе допре до македонските граѓани. Македонија има своја посебност како држава.

Чудно е што во овој момент ни се случуваат такви настани и зошто бугарската држава со сегашната администрација врши негирање на македонскиот јазик, македонската посебност, македонската култура. А, знаеме ние дека денес навршуваме 130 години од формирањето на македонската револуционерна организација, ако знаеме дека денес ние имаме 120 години од Илинденското востание. И формирањето на македонската револуционерна организација, и Илинденското востание, ја докажува нашата посебност и нашата борба за автономија за посебна држава во која што ќе живее македонскиот народ - нагласи генералниот секретар на ВМРО-ДПМНЕ.

Тој посочи дека на Берлински Конгрес 1878 година се разговарало за македонското прашање.

Сајкоски рече дека бугарската држава треба да ги осуди политиките на нивната администрација која што ги водела од 1941 – 1945 година.

Но, за жал Бугарија сака нас да не нападне и бугарската администрација сегашна само не напаѓа нас, меѓутоа тоа е затоа што сегашната Влада потпиша еден договор, при што не водеше сметка за нашата посебност, нашата историја, за нашето постоење. Потпиша договор кој што сега ни прави од чекор во чекор проблеми и ние се соочуваме секојдневно со некој проблем, некое негирање што е резултат на тој договор кој што го потпишаа - нагласи Сајкоски.

The post Сајкоски: Формирањето на македонската револуционерна организација и Илинденското востание ја докажува нашата посебност и борбата за автономија за посебна држава appeared first on Република.

ВМРО-ДПМНЕ од утре почнува со акцијата „Заедно со народот“.

Генералниот секретар на партијата, Ѓоргија Сајкоски, објави дека стотици тимови на партијата низ целата земја, ќе ја отпочнат една од најголемите кампањи и теренски посети некогаш направени во Македонија.

Тимови од партијата во прва фаза ќе остварат состаноци со сите ажурирани членови на ВМРО-ДПМНЕ, а потоа и со голем број на граѓани кои се опозициски расположени и кои сметаат дека државата се движи во погрешен правец.

Власта ја уништува државата за свои лични потреби, тие крадат, а народот пати. Основните услуги на државата често се под знак прашалник, основните потреби на граѓаните често не се подмирени. Додека власта се богати, народот е се посиромашен. За да се промени болната реалност, и да почнеме да чекориме напред, потребни се промени, а за промените, неопходни се граѓаните, истакна Сајкоски.

Генералниот секретар на партијата истакна дека претставници на ВМРО-ДПМНЕ ќе разговараат со граѓаните и ќе ги слушнат нивните проблеми и потреби.

Изворно ќе ги собереме предлозите на граѓаните и ќе ги преточиме во политики и акции за идно делување. Да се заложиме сите заедно за развој на Македонија, изјави Сајкоски.

The post Сајкоски најави дека ВМРО-ДПМНЕ утре почнува акција „Заедно со народот“, стотици тимови ќе имаат теренски задачи appeared first on Република.

Генералниот секретар на ВМРО-ДПМНЕ, Ѓорѓија Сајкоски, порача дека на изминатите локални избори се обврзале пред граѓаните дека заедно ќе ги градат општините, поради што е покрената кампањата за отворени денови.

Од Охрид, Сајкоски истакна дека ваквите отворени денови се можност за граѓаните да сугерираат свои предлози и проекти за тие да бидат вградени во идните буџети на општините.

Во Охрид гледаме дека има голем одзив на граѓани кои што се приклучија на оваа идеја за давање на свои предлози идеи за да можат да се решат клучни проблеми за подобрување на квалитетот на живот на луѓето од средините онаму од каде што доаѓаат.

 

Навистина изминатите 365 дена видовме дека се може поинаку, може да се сработи, може да се изгради, може да се реализираат проекти, може да се имаат идеи, тоа е пример за општина Охрид и од она кое што го видовме на политичкиот саем на општини покажа дека се реализирани голем број на проекти иако општината знаеме дека долг период нема средства и е блокирана.

 

На ваков начин заедно со граѓаните веруваме дека и кога ќе дојдеме централна власт ќе може да ги решаваме проблемите и нивните идеи и предлози да бидат вградени во идните буџети кои што ќе ги правиме, порача Сајкоски.

https://www.youtube.com/watch?v=HBJ4tRKE378

The post Сајкоски: Во Охрид има голем одзив на граѓани кои со своите предлози и идеи даваат придонес за решавање на проблемите во нивните населени места appeared first on Република.

Ѓорѓија Сајкоски, генерален секретар на ВМРО-ДПМНЕ на заклучоците од политичкиот саем „Саем на промени што носат иднина“ истакна дека посветената работа на градоначалниците од ВМРО-ДПМНЕ овозможи да може да се одржи еден ваков импозантен настан кој прв пат се случува во Македонија, и настан во којшто пред се тие се препознаени, знаејќи дека функцијата градоначалник игра силна улога во нивните средини и тие како такви се двигатели на процесите и носат развој за самите општини.

Сите општини водени од градоначалници од ВМРО-ДПМНЕ и сите граѓани, чувствуваат дека во тие општини има новости, има разлика, проекти инвестиции. За година дена е реализирано онолку колку што не е реализирано за претходните 4 години. Тргнавме и сме на прав пат. Преку градоначалниците кои се претставници на ВМРО-ДПМНЕ, преку вас се добива слика за партијата во средините од каде доаѓате, потенцираше Сајкоски обраќајќи се до градоначалниците.

Тој посочи дека на улогата градоначалник една од најзначајните работи е да се направи увид во работата на претходната самоуправа и претходната администрација за се утврдат грешки, недостатоци за да се утврдат работи за како новата локална самоуправа не треба да ги прави.

Затоа неопходно беше да се направи таков увид и се што ќе биде земено предвид да биде пренесено до надлежните институции. Тоа е ваша задача, обврска и ќе ви биде од голема помош за понатамошното работење како локална самоуправа, како администрација и вие како одговорни за раководење. Функцијата градоначалник носи предизвици, вие треба да бидете балансери, да градите кохезија во општините, треба да се има соработка со советот, малцинските заедници, и да правите проекти потребни за граѓаните од општината, истакна Сајкоски.

Сајкоски посочи дека радува фактот што сите проекти досега се значајни и носат придобивка на граѓаните и ја зголемуваат вредноста и го подобруваат квалитетот на живот и таков тренд треба да има понатака.

The post Сајкоски: Граѓаните гледаат дека во сите општини водени од градоначалници на ВМРО-ДПМНЕ, има новости, разлика, проекти, инвестиции, за една година е сработено повеќе отколку 4 години претходно appeared first on Република.

Револуционерната идеологија има за задача да ја јакне македонската држава и сите нејзини задачи и атрибути кои во денешно време се ставени под знак прашалник, беше истакнато на научниот симпозиум 129 години ВМРО „Борбата за Македонија која трае“, што денеска го организираше политичката партија ВМРО-ДПМНЕ во Скопје.

На симпозиумот лидерот на ВМРО-ДПМНЕ Христијан Мицкоски во своето обраќање денеска го честита 23 Октомври, и напомена дека 129 години од постоење на Организацијата е сериозна бројка за која многумина животот го дале, многумина животот го даваат, и многумина ќе го даваат во иднина.

-На новата генерација политичари во Македонија, новата генерација на политичари во ВМРО-ДПМНЕ е честа, обврска и привилегија да го брани најмалиот народ на Балканот, а тоа е македонскиот народ. И тоа можеби е голем предизвик, но јас сум убеден дека ние сите можеме да одговориме на тој предизвик, онака како што само знаееме и умееме – цврсто, храбро и мотивирано да го одбраниме најмалиот народ на Балканот, а тоа е македонскиот народ, рече Мицкоски.

Тој напомена дека одговорноста на ВМРО-ДПМНЕ е да се задржат младите тука, да се направи здравство кое ќе биде конкурентно, да се задржат луѓето со знаење и вештини во државата.

-Македонскиот народ, но и граѓаните во Македонија, сите останати, не само Македонци туку и Албанци, Турци, Роми, Власи, Срби, Бошњаци и останати кои денес живеат во Македонија сакаат да знаат што понатаму во иднината и каков план има ВМРО-ДПМНЕ, како наследник на организацијата, за иднината и што се чекорите кои ВМРО-ДПМНЕ ќе ги преземе за таа иднина, бидејќи денеска секој во Македонија очекува од ВМРО-ДПМНЕ државничко и одговорно однесување, без разлика што на централно ниво е ВМРО-ДПМНЕ е опозиција, додаде лидерот на ВМРО-ДПМНЕ.

Тој порача дека иднината е она за која сите ние треба да се бориме, да обезбедиме иднина на поколенијата кои ќе дојдат после нас, а за тоа, како што рече, потребен е голем општествен договор.

Тој договор, како што рече, значи обединување и отворање на ВМРО-ДПМНЕ кон општествените елити, различни структури на луѓе, кон младите, кон оние кои се во посериозни години, кај оние кои се во поодминати години, кај професорите, кај работниците, адвокатите, медицинските работници, кај сите оние кои во општетсвето се уште не го дале својот последен збор.

Генерален секретар на ВМРО-ДПМНЕ Ѓорѓија Сајкоски на симпозиумот говорејќи за идејата за автономна и самостојна држава, посочи дека земјата треба да биде водена од борбата за овозможување на подобро место за живеење, економски подобра земја и држава во која идните генерации ќе сакаат да останат и да ја развиваат онака како што сакаат.

Според него денешните предизвици со кои се соочува државата во однос на докажувањето на својата посебност, автономија и суверенитет се слични на оние во 19 век.

-Нашиот континуитет, нашата посебност и постоење се преговарала и кон крајот на 19 век, а сега сакаат да не оспоруваат. Во вакви тешки услови, во услови каде сега соседите се независни, во налет на голем број пропаганди во тој период се формира во Солун, Македонската револуционерна организација која начелата ги доби по тоа да биде организација која ќе се бори за македонска автономна држава, организација во која главно начело е да се солободи Макеоднија и да биде независна од сите други држави. Она што се охрабрија револуционерите во тој период го продолжија илјадници граѓани после тоа, бидејќи начелата од организацијата се пренесоа во секој дом, човек на организацијата беше секој човек кој живее на теритрорија на Република Македонија и беше организација отворена за секој без разлика на вера и народност, најважно беше да се формира силна држава во која ќе можат да живеат и да се развиваат, оцени Сајкоски.

Рече дека континуитетот за борба за просперитетна држава која ќе биде лидер во регионот треба да продолжи.

Професорката во Институтот за национална историја Наташа Котлар порача дека постоењето на револуционерната борба, но и организација е прилично комплексен процес кој не се создал лесно и не се одвивал праволиниски, како и дека влијанијата од тоа време се исти како и денешните.

-Геостратегијата во тоа време и тогаш како и денес и влијанието на големите сили, и тогаш и денес влијааат врз историските настани, а особено врз македонската историска вертикала, и нивната судбина е резултат на тие силни влијанија, како што денеска доживуваме влијание во ова наше современо живеење. Револуционерно значи коренити промени и во општеството и во политиката и во економскиот систем, револуционерна борба може да постои само доколку има идеологија, Македонската револуционерна идеологија во тие такви услови внесува идеологија, изјави Котлар.

Котлар исто така истакна дека Македонската револуционерна организација е логична последица на она што претходело и има своја идеологија.

-Македонската револуционерна организација која се појавува во 1893 година е една логична последица на она што претходело, револуционерна борба. Но, револуционерна борба може да постои само ако има идеологија. Македонската револуционерна организација при нејзиното создавање па и во понатамошниот нејзин развој има идеологија и многу ми се допаѓаат определбите на Петар Поп-Арсов и на Ѓорче Петров во однос на тоа. Петар Поп-Арсов, еден од оосновачите кои што ги спомнавме вели дека Организацијата се создаде токму за да одговори на македонските потреби и ова не го измислувам, туку е дел од неговите искази пишувања. А Ѓорче Петров вели дека Организацијата се појави токму во моментот кога беа потребни моменти и акции за да одговорат на подлабоки, поблиски и пореални потреби на македонското население во тој период, рече Котлар.

На денешен ден во 1893 година се формирало Македонското револуционерно движење со цел создавање современа македонска држава.

The post Мицкоски: Убеден сум дека новата генерација политичари ќе го одбрани најмалиот народ на Балканот appeared first on Република.

Ѓорѓија Сајкоски, генерален секретар на ВМРО-ДПМНЕ и доктор по историски науки на денешниот научен симпозиум 129 години ВМРО „Борба за Македонија која трае“ говореше за идејата за автономна и самостојна Македонија каде посочи дека ние денес имаме 129 години континуитет, борба за автономија, борба за посебност, борба за своја автономна држава.

-Ние денес имаме 129 години континуитет, ние денес имаме 129 години борба, борба за автономија, борба за посебност, борба за своја автономна држава, така отпочнаа нашите револуционери, така отпочнаа луѓето кои што на 23 октомври 1893 година започнаа со идејата за автономна, самостојна Македонија, со идејата за формирање на македонска револуционерна организација, со идејата за формирање на внатрешна македонска револуционерна организација. Морам да истакнам дека предизвиците со кои што соочуваме ние денес во 21 век за докажување на својата посебност, на својата автономија, на својот суверенитет биле слични како тие што соочија во 19 век, ние во своја држава, а тие во борба за своја држава. Имено почетокот на 19 век беше Македонија во составот на османлиската империја, османлиска империја која во овој период е во една тешка, економска, политички-општествена криза со многу задолжување кај странските инвеститори, со многу лоша инфраструктура, со поместување на поморските патишта и со будење на дел од народите за кои што почна борба за своја самостојност, рече Сајкоски.

Сајкоски при своето обраќање укажа на преговори помеѓу Санстефанскиот договор и помеѓу Берлинскиот конгрес, Австрија каде заедно со германската дипломатија предлагаа да се формира македонска автономна држава во границите на природните географски граници на тогашна Македонија со која што народот кој што живее тука ќе добие своја држава и ќе има своја посебност. На ова Сајкоски потсети дека предлогот за формирање на автономна македонска држава кон крајот на 19 век не бил прифатен од Руската дипломатија.

-Овој период и оваа борба што ја водеа народите доживеа империјата да дел по дел да губи од својата територија. Ваквото губење на територијата го искористија сите империјални сили во тој период за да можат се повеќе да одземаат од османлиската империја. Во 1877 година започна една војна помеѓу Русија и османлиската империја која заврши со пораз на османлиската империја, руските војски дојдоа до портите на Истанбул и ја принудија османлиската империја да потпише мировен договор кој што не беше меѓународно признат и одма се пристапи кон ревизија. Ова го кажувам за да ве воведам во еден документ кој што не е тука јавно експониран, но е значаен документ затоа што во овој период помеѓу Санстефанскиот договор и помеѓу Берлинскиот конгрес се водат интензивни преговори помеѓу најголемите тогашни светски сили. Во овие преговори помеѓу Санстефанскиот договор и помеѓу Берлинскиот конгрес Австрија заедно со германската дипломатија предлагаат да се формира македонска автономна држава во границите на природните географски граници на тогашна Македонија со која што народот кој што живее тука ќе добие своја држава и ќе има своја посебност. Но ваквиот предлог не бил прифатен во тој период и покрај инсистирањето на Димитар Робев кој е тогаш е пратеник во Османското Собрание, предлогот за формирање на автономна македонска држава кон крајот на 19 век не беше прифатен од Руската дипломатија, кажа Сајкоски.

На крај тој додаде дека во Солун 1893 година се формираше македонската револуционерна организација која начелата ги доби по тоа да биде организација која што ќе се бори за македонска автономна држава, организација која што ќе биде внатрешна, која главно начело е да се ослободи Македонија и да биде независна од сите други држави.

-Во вакви тешки услови каде што сега Македонија има свои соседи кои се независни, голем број на пропаганди кои што ги има во тој период се формира во Солун 1893 година македонската револуционерна организација која начелата ги доби по тоа да биде организација која што ќе се бори за македонска автономна држава, организација која што ќе биде внатрешна, која главно начело е да се ослободи Македонија и да биде независна од сите други држави. Она што се охрабрија да го направат револуционерите го продолжија илјадници граѓани после тоа затоа што начелата и она што произлезе од организацијата се пренесе во секој дом и она што е најбитно организација беше отворена за сите без разлика на вера и нација. Тие ја започнаа битката за автономна држава, пред 78 години се продолжи еден друг континуитет и бевме во состав на една друга држава повторно автономни, пред 31 година станавме самостојна држава за денес да можеме да го продолжиме континуитетот на борба за една просперитетна Македонија, економски јака Македонија и Македонија која ќе биде пример и лидер во регионот а тоа го можеме и тоа го знаеме. Да живее ВМРО, да живее Македонија, вели Сајкоски.

The post Сајкоски: Македонската револуционерна борба се темели на начелото за независност на Македонија, идејата ја следеа илјадници граѓани и таа влезе во секој дом appeared first on Република.

Договорот помеѓу Република Македонија и Република Бугарија е извор на сите проблеми што се случуваат во моментов и посегнува по посебноста и суверенитетот на нашата држава, ние како ВМРО-ДПМНЕ одлучивме да го повикаме народот да излезе на референдум на кој ќе каже дека е против овој штетен договор. Односно за престанок за важење на Законот за ратификација на договорот помеѓу Република Македонија и Република Бугарија - изјави генералниот секретар на ВМРО-ДПМНЕ, Ѓорѓија Сајкоски за вестите на ТВ24.

Сајкоски истакна дека овој договор наместо да биде за добрососедство, тој направи упад во посебноста на македонскиот народ, бидејќи културата, традицијата, обичаите, јазикот, историјата се карактеристика на посебноста на народите.

Преку историската комисија Бугарија да ни го одземе овој дел и се наметнува прашањето на суверенитетот. Со овој договор, дали некоја држава може да биде независна ако не може да си го организира образованието, да води своја меѓународна политика или да ја организира државата онака како што граѓаните се изјасниле за суверенитет во 1991 година. Бугарија на овој начин сака да направи и упад во раководењето на Македонија како држава. Затоа го повикуваме народот да излезе масовно да даде поддршка на референдум - потенцираше Сајкоски.

Тој посочи дека радува фактот што членството и симпатизерите даваат силна и огромна поддршка за референдумот, но како што рече моментов дури и од контактите со други партии кои се дел од владејачката коалиција и пратеници на СДСМ гледаат добронаклоно кон референдумот и даваат поддршка.

Референдумот е највисок чин на демократија, а бидејќи и албанските политички партии се за демократија, развој, напредок на државата, влез во ЕУ бараме од сите да го поддржат овој референдум за да се послуша гласот на мнозинството граѓани во Македонија - изјави Сајкоски.

Toj додаде дека Македонија е единствена земја која така се условува со историски прашања, се бараат историски моменти да влезат во преговарачка рамка.

Тоа не треба да биде услов. Ние веруваме дека референдумот ќе биде успешен и ќе работиме кон тоа да успее овој референдум - нагласи Сајкоски.

The post Сајкоски: Договорот со Бугарија наместо добрососедство направи упад во посебноста на македонскиот народ и суверенитетот на Македонија appeared first on Република.

Генералниот секретар на ВМРО-ДПМНЕ, Ѓорија Сајкоски, истакна дека партијата ќе повика да се гласа ЗА престанување на важноста на Договорот со Бугарија, затоа што е штетен договор за Македонија.

Референдумското прашање предлагаме да гласи и како такво денеска го усвои и потврди ИК на партијата:

 

Дали сте за напуштање на важноста на ЗАКОНОТ ЗА РАТИФИКАЦИЈА НА ДОГОВОРОТ ЗА ПРИЈАТЕЛСТВО, ДОБРОСОСЕДСТВО И СОРАБОТКА МЕЃУ РЕПУБЛИКА МАКЕДОНИЈА И РЕПУБЛИКА БУГАРИЈА објавен во Службен весник бр: 12/2018 од 18.01.2018 година?

 

ВМРО-ДПМНЕ ќе повика да се гласа ЗА престанување на важноста на овој штетен договор - вели Сајкоски.

The post Сајкоски: Да се гласа за престанување на важноста на штетниот договор со Бугарија appeared first on Република.

Генералниот секретар на ВМРО-ДПМНЕ, Ѓорија Сајкоски упати честитки за големата победа на ОК на ВМРО-ДПМНЕ на изборите за нов Совет на општина Тетово.

-Ја надополнивме победата од локалните избори.

Граѓаните на Тетово покажаа дека се спремни за промени,проекти и победи за подобро Тетово.

Според резултатите предвремени парламентарни извори се повеќе од неопходни, напиша Сајкоски.

The post Сајкоски: Според резултатот во Тетово, предвремени парламентарни избори се повеќе од неопходни appeared first on Република.

За договорот, за комисијата, за континуитетот и за штетите предизвикани кон македонскиот народ! Во неколку наврати апелирав за штетноста од Договорот за добрососедство, укажав дека вакви договори имало, но тие се правеле на рамноправна основа. Денес имаме историска Комисија која повикувајќи се на Договорот од наша страна се труди на секој можен начин да го прекине континуитетот на постоење на македонскиот народ на овие простори, истакна Ѓорѓија Сајкоски од ВМРО-ДПМНЕ.

-Затоа се бара момент во средновековието каде ќе може да се направи ваков преседан за да може да се негира целокупното постоење на македонскот народ. Ова е главна и основна цел на бугарската страна и не е нешто ново, туку со формирањето на бугарската држава главна задача е негирањето на македонскиот народ.

Денес, ние како држава со штетноста на Договорот и работата на Комисијата ги доведовме во прашање суверенитето кој го добивме од народот. Бидејќи суверенитетот на државата е да ги регулира своите внатрешни работи како што се јазикот, националноста, образованието, учебниците.

Историјата не може да биде прашање за преговори меѓу две држави, од потписите на државите не зависи вистината за историјата.

Вистината за историјата ја граделе генерации наши претходници кои со својот живот со борбата за самостојност ја докажале нашата посебност, пишува Сајкоски на Фејсбук.

The post Сајкоски: Историјата не може да биде предмет на договор помеѓу две држави appeared first on Република.

Продолжуваме со протестите и денес низ цела Македонија и во Скопје. Ги блокираме патните правци Градско – Прилеп, патниот правец Велес – Штип, го блокираме и патниот правец Струмица – Радовиш и исто така во градот Скопје пред Владата е организиран исто едночасовен прекин на сообраќајот.Со тоа сакаме да укажеме дека цврсто стоиме на тоа дека овој француски предлог е лош. Овој француски предлог треба да биде отфрлен од страна на Владата. И овој француски предлог е само еден нов предизвик кон патот кон ЕУ што ни носи нови и нови препреки, кои што ќе траат можеби и повеќе децении, изјави Ѓорѓија Сајковски од ВМРО-ДПМНЕ.

Според него,затоа укажуваат таквиот француски предлог е само замка која што не носи добро ништо на евроинтегративните процеси на Република Македонија.

https://www.youtube.com/watch?v=perYxIbEOBA

Изминатиов период, изминатите шест дена имавме протести во Скопје кои што навистина беа народни протести, протести поддржани од сите категории на граѓани, не само од ВМРО-ДПМНЕ. Денес продолживме и во цела Македонија по барање на граѓаните. Ние укажуваме дека Владата не треба да го прифати овој предлог. Но доколку го прифати францускиот предлог кој е лош, ние во Собрание нема да дозволиме да има уставни измени. Со тоа можеме да им укажеме на граѓаните дека ние нема да прифатиме уставни измени со 80 пратеници. А 80 пратеници во моментов ги нема владата.

Во делот на она што е насилство и што се случуваше изминативе денови, ние силно го осудуваме насилството, и како политичари кои сега го предводат ВМРО-ДПМНЕ, укажуваме дека силата не е во насилството, силата е во масовноста, силата е во единството на сите граѓани и силата е ако сите денес, утре и периодот кој следи кажеме НЕ.

The post Сајкоски со порака од пред барикадите: Нема да прифатиме уставни измени со 80 пратеници appeared first on Република.

Денеска ги повикавме граѓаните да ни се приклучат на овој голем сенароден, мирен и достоинствен протест против политиките на сегашната Влада. А, политиките на сегашната Влада се цело време поразителни. Можам да истакнам дека дојде време да кажеме дека е доста и дека е премногу од криминалот што го прават, од корупцијата што ја вкоренија во сите институции. Премногу е од потрошените средства на граѓаните на Македонија, премногу е од мешањето во судството, премногу е од партизирање на институциите, вели Генералниот секретар на ВМРО-ДПМНЕ, Ѓорѓија Сајкоски во линковското вклучување за македонскиот јавен сервис МРТВ, од протестот за промени пред македонската Влада под мотото „Премногу е“.

Тој истакна дека со денешниот масовен протест им укажуваме на владата дека и е доста и дека треба да си замине веднаш, додавајќи дека ова е вллада предводена од СДСМ е влада која во изминатите пет догини потрошила најмногу народни пари, околу 20 милијарди евра, без при тоа да даде отчет и без ниту еден реализиран капитален проект во инетер на граѓаните.

Ние денес кажуваме дека на оваа Влада и е доста и треба да си замине веднаш, бидејќи е Влада која што потрошила до сега најмногу народни пари. Оваа Влада има потрошено за пет години 20 милијарди евра народни пари за кои што нема ниту отчет, ниту некој проект што е видлив и ние што можеме да кажеме дека, еве овој проект е од интерес за граѓаните. Затоа викаме, доста и е на оваа Влада, оваа Влада премногу направи штета на Македонија, затоа треба веднаш да си оди, истакна Сајкоски.

Додаде дека со оваа поддршка што ја имаме на денешниот собир и со интересот што е пројавен измнатите денови, верувам дека владата и луѓето кои што ја водат, ќе се убедат во насоката што ја движат Македонија дека е погрешна и дека ќе најдат разум за предвремени парламентарни избори.

Во однос на оценувањето како владата се справува со економската криза, вели дека ВМРО-ДПМНЕ веќе неколку пати укажуваше на катастрофалните економски политики кои што ги прави оваа и при тоа даваше конкретни предлози и стручни тимови како таа да се надмени, но владата се одби.

Уште во септември минатата година укажавме и во Собранието, меѓутоа и со пораките кои што ги дадовме како партија за тим економски што може и што знае да ја помогне владата, пред се граѓаните ние ги помагаме, понудивме на владата за да може да ја извадиме државата од оваа економска криза. Исто така, ние преку Собранието, преку поднесување амандмани укажавме на владата дека за енергетската криза има решение. Ние како држава имаме свои сопствени ресурси на јаглен, кои што може да ги искористиме во периодот за да не увезуваме јаглем, меѓутоа и тоа не беше прифатено од страна на сегашната власт, потенцираше Сајкоски.

Што се однесува на прашањето за меѓународните договори, Сајкоски истакна дека сме сведоци дека оваа Влада е препознатлива по лоши меѓународни договори, по прифаќање на се.

Од она што сега можевме да го видиме, бидејќи немаме официјално соопштение од владата и каков документ е стигнат, можам да кажам дека владата се согласила на она што го донесло бугарското Собрание, рече Сајкоски.

Сајкоски додаде дека власта предводена од СДСМ државата ја носи од една во друга криза, при што на кракот на година се очекува сериозно продлабочување на економската и за тоа во интерес и на граѓаните и на државата е, час поскоро да има предвремени парламентарни избори.

Власта ја носи државата од една во друга криза и мислам дека најтешката криза ќе биде економската, која што ќе ја зафати државата од октомври, ноември, декември, затоа јас им укажувам на владата и сите ние укажуваме дека со нови предвремени избори ќе им помогнеме сите на граѓаните и тие како сегашно владеачко мнозинство кое што беше делегитимирано на локалните избори и со протестот сега што ќе биде тука, ито така ќе им биде укажано дека не е легитимна Влада, ние им укажуваме дека мора и треба да има предвремени парламентарни избори во инттерес на граѓаните и во интерес на државата, рече меѓу другото Сајкоски.

The post Сајкоски: Денес ѝ кажуваме на оваа Влада ѝ е доста и треба да си замине веднаш appeared first on Република.

Радувај се Македонијо! Автокефална Македонска православна црква, пишува Ѓорѓија Сајковски, генералниот секретар на ВМРО ДПМНЕ во својот статус н фејсбук, откако денеска Српската православна црква ја призна автокефалноста на МПЦ-ОА.

Автокефална Македонска православна црква-Охридска архиепископија!!!
Да се радуваме денеска, радувај се македонски народе, со нас денеска се радува целата црква, се радува и небото и земјата, се радуваат сите кога браќата се сакаат и кога го слават името Божјо, пишува Сајковски.

The post Сајкоски: Радувај се Македонијо! Автокефална Македонска православна црква appeared first on Република.

The post Сајкоски со барање: Централната власт да го следи примерот на градоначалниците на ВМРО-ДПМНЕ и да почне да реализира проекти appeared first on Република.