Македонската фудбалска репрезентација со ремито во Скопје против Италија ја прекина серијата од три порази во евроквалификациите, а на утрешното гостување во Малта ќе се обиде да ја забележи втората победа во петтиот натпревар во рамки на групата Ц.

Централниот дефанзивец Ѓоко Зајков посочи пред утрешниот дуел дека иако противникот е последен на табелата без освоен бод, Малта поседува квалитет и не треба да се потцени.

-На натпреварот во вторник треба да одиграме одговорно и сите да го дадеме максимумот, бидејќи Малта не е наивен противник, има доста квалитет и не треба да се потцени, изјави Зајков.

Црвено – жолтите на дуелот против Италија одигра подефанзивно, а според Зајков за победа против Малта ќе биде потребна офанзивна игра.

-Со Италија беше друг натпревар со квалитетен противник против кој мораш да одиграш подефанзивно. Но, утре ако сакаме да победиме, треба да нападнеме со сите сили, додаде Зајков.

Натпреварот во вторник е со почеток од 20:45 часот на Националниот стадиум „Та Кали“.

The post Зајков: Малта има квалитет и не треба да се потцени appeared first on Република.

Фудбалерот и македонски репрезентативец Ѓоко Зајков по 48 часа пат од градот Полтава на исток од Украина вечерва ја напушти земјата зафатена со војна преку Унгарија. Зајков потпиша да игра во клубот од Полтава. Зајков со неговата сопруга и малиот син патуваа од едниот крај на Украина на другиот со автомобил до граничниот премин Захони во Унгарија.

Патувањето било напорно патешествие со голема загриженост со оглед на руската инвазија. Сепак, долгиот пат поминал без поголеми проблеми. Тие патувале заедно со уште еден автомобил во кој имало хрватски фудбалери.

Во Унгарија биле пречекани од родителите на еден од хрватските фудбалери и сега се на безбедно и се подготвуваат да се вратат во Македонија. Зајков бил цело време во контакт со македонскиот амбасадор во Унгарија и владата.

The post Македонскиот фудбалер Ѓоко Зајков по 48 часа патување ја напушти Украина appeared first on Република.

Македонскиот фудбалски репрезентативец, Ѓоко Зајков кој е член на укранска Ворскла е безбеден по руската инвазија на Украина.

Стоперот овој јануари ја засили Ворскла по заминувањето од Софија, а во изјава за ФФМ, потврди дека е на безбедно и дека со организиран транспорот наскоро ќе ја напушти Украина.

-Градот Полтава каде што се наоѓаме не беше цел на напад. Во овој момент сме безбедни. Од клубот има најава за странците, кои сме тука да се организира превоз со мини бус и евентуално да бидеме спроведени до некоја граница. Но, мора да се создадат услови. Во моментот воздушниот простор е затворен, а нема ниту возови. Ги чекаме инструкциите од клубот. Во градот моментално работат само маркети и многу мал број на ресторани. Доколку има некои нови информации ќе се обидам да пренесам, изјави Зајков за ФФМ.

The post Фудбалерот Зајков е во Украина: На безбедно сум, чекаме инструкции од клубот appeared first on Република.