Ѓоко Хаџиевски веќе не е спортски директор на Вардар.Toj се врати во  Саудиска Арабија во тимот на Хаџер кој настапува во втората лига.

Тој вчера беше на прес-конференцијата на Вардар каде напомена дека клубот се наоѓа во тешка финаниска состојба.

The post Без пари нема љубов: Ѓоко Хаџиевски си замина од Вардар appeared first on Република.

Поранешниот македонски селектор и тренер Ѓоко Хаџиевски од пред два дена се врати во ФК Вардар. Тој во следниот период ќе ја извршува функцијата спортски директор. Хаџиевски се надева дека ќе помогне Вардар да излезе од незавидната позиција во која се наоѓа.

- Јас отсекогаш сум се гледал како дел од Вардар иако сум работел во многу клубови и држави. Вардар се наоѓа во тешка ситуација со неизвесна иднина. Се нафатив на волонтерска работа со цел колку можам да му помогнам на клубот. Сакам со моето име, со мојата краиреа во која немам ниту една црна дамка и афера, да успеам да донесам инвеститори кои ќе го вратат Вардар на местото на кое заслужува. Комитите изминатиот период успеаја да го одржат во живот и со својата љубов кон клубот да го одржуваат да може да функционира. Апелирам до сите институции, компании, сите кои можат да помогнат, без да размислуваат да го сторат тоа. Вардар е институција, Вардар е бренд во Македонија, изјави Хаџиевски на денешната прес-конференција.

Тој повика обединување околу Вардар за да се врати на старите патеки кога беше амбасадор на нашата држава насекаде каде настапуваше на меѓународна сцена.

Новиот тренер Александар Васовски е оптимист дека тимот ќе се издигне над проблемите и по лошиот старт со три порази и едно реми, да постигнува подобри резултати.

- Чест и задоволство ми е што се враќам во Вардар. Чувствувам морална одговорност да му помогнам на Вардар кога му е најтешко. Вчерашниот бод освоен по три врзани порази е чекор напред. Мислам дека ако успееме да донесеме едно-две засилувања, дека до крајот на првиот дел од сезоната ќе успееме да стигнеме до респектабилен пласман, а потоа што ќе биде не знае никој, потенцира Васовски.

Здружението 35 години Вардарци кои поседуваат 100 насто од акциите на клубот уште еднаш апелираат дека се подготвени мнозинскиот пакет да го предадат на сите они кои сакаат да вложат во Вардар со цел формирање еден Управен одбор кој на долг рок ќе гарантира успеси

The post Хаџиевски: Вардар е бренд во Македонија appeared first on Република.

Поранешниот селектор на македонската фудбалска репрезентација, Ѓоко Хаџиевски, е еден од најтрофејните македонски тренери, кој во моментов работи во Хаџер од Саудиска Арабија, а во својата богата кариера уште водел и екипи од Јапонија, Обединетите Арапски Емирати, Бугарија, Србија, Азербејџан, Грција ...

Во интервју за српски „Ало“, искусниот стратег зборува за многу теми, претстојното Светско првенство, но и за причините за неговото напуштање на селекторската позиција.

Бев селектор на Македонија во два циклуса. За СП 1998 и Европскотo првенство во 2000 година. Игравме одлично, на пример со Хрватска, третата селекција во светот, извлековме реми (1-1). Тогаш политиката преку Фудбалската федерација на Македонија почна да се меша во фудбалот, а јас никогаш не сум го сакал тоа. Затоа не бев на чело на селекцијата на двата натпревари против Југославија и потоа и против Ирска.

 

Новите лидери на федерацијата мислеа дека сум близок со Србите, сентиментално врзан и дека ќе тргувам. Беа национално настроени. Југославија победи со 3-1, а потоа по четириесет минути во Македонија водеше со 4-0! Толку од нивниот потег. Тие се покајаа, ме повикаа да се вратам, но јас им реков да прават што сакаат и отидов во Јапонија. Од 2000 година, мојата нога не стапнала во просториите на федерацијата - вели Хаџиевски.

The post Хаџиевски: Добив отказ како селектор на Македонија зашто мислеа дека сум близок со Србите и ќе „пуштам“ на дуелите со Југославија appeared first on Република.