На собир во Буенос Аирес, Аргентина, повеќе од 1.000 луѓе - сите облечени како култниот суперхерој „Спајдермен“, се обидоа да постават нов светски рекорд во бројност.

Настанот беше организиран од аргентинскиот „инфлуенсер“ Уки Дин, а целта беше да се собори светскиот рекорд за најголем јавен собир на луѓе облечени како „Спајдермен“.

Претходно, во јуни, во Малезија имаше рекордни 685 „спајдермени“ на едно место. Тоа влезе и во Гинисовата книга на рекорди.

Говорејќи пред новинарите, Дин изјави дека „планирал да повика 700 лица“, но дошле многу повеќе.

Имаме повеќе од 1.000 потписи (за присуство, з.п.). Лудо е тоа што сѐ „Спајдермен“ може да поттикне. Тоа ме радува многу!, додаде тој.

Гинисовиот рекорд допрва ќе треба да се провери и потврди. Организаторите побараа од учесниците да ги дадат своите потписи и да бидат фотографирани како дел од документацијата за рекордот.

The post Над 1.000 аргентински „спајдермени“ се собраа за да постават нов светски рекорд appeared first on Република.

Градењето автопат е нешто што во Македонија трае со години, а и со децении. Но, има земји на кои им се брза да ги поврзат со автопат „Скопје и Охрид“. Во Индија, на пример, толку многу им се брза што изградија автопат за помалку од пет дена.

За само 105 часа и 33 минути тие направија автопат долг 75 километри. Проектот, на кој работеле 720 лица, започнал на 3 јуни во 7:27 часот, а завршил на 7 јуни во 17 часот.

Неверојатниот успех влезе и во Гинисовата книга на рекорди.

Иако проектот се води како автопат, сепак тоа би можело да е малку и дискутабилно, бидејќи според достапните фотографии патот изгледа многу потесен. Коловозните ленти се физички одвоени, но патот е многу тесен, а не се предвидени ниту ленти за застанување.

The post На Индија ѝ се брза да ги поврзе „Скопје и Охрид“: Индијците изградија 75 километри автопат за пет дена appeared first on Република.