Сите средни училишта во државата се подготвени за спроведување на државната матура, која почнува утре со полагање на тестот по мајчин јазик, соопшти Министерството за образование и наука.

Учениците годинава ќе полагаат во поголеми простори односно во холовите и спортските сали во состав училиштата каде го завршуваат средното образование или, пак, во најблиското училиште каде има соодветни услови согласно новиот правилник на Државниот испитен центар (ДИЦ).

Според известувањето на МОН, министерот Јетон Шаќири утре ќе биде во Струга, каде што ќе го посети основнто училиште „Нико Нестор“, а директорката на ДИЦ Билјана Михајловска ќе ја посети скопската гимназија „Орце Николов“ во 10 часот кога почнува полагањето.

Потсетуваме дека согласно Концепцијата за матура и завршен испит, учениците полагаат два екстерни предмета, два интерни предмета и подготвуваат проектна задача. Задолжителен за сите е мајчиниот јазик и тој се полага утре. Следниот испит ќе биде на 8 јуни, а прелиминарни резултати ќе има најдоцна на 8 јули, по што ќе следува можноста за поднесување приговори, наведува МОН.

Државната матура се спроведува од 2008 година како законска обврска и услов за упис на факултет.

The post Утре средношколците полагаат државна матура: Министерот за образование во „Нико Нестор“ во Струга, директорката на ДИЦ во скопската гимназија „Орце Николов“ appeared first on Република.

Зошто оваа година сe поништени 31 тендер, а лани 13 во рамки на град Скопје откако е дојдена новата администрација во градот, праша денеска советникот од ВМРО-ДПМНЕ во Советот на Град Скопје, Стефан Андоновски.

Дел од тие проекти се клучка на булеварот Словенија со булеварот Никола Карев, проект за набавка во делот на противпожарната единица на град Скопје, набавка на униформи, кружен тек на влез во Сарај, како и проекти за изградба на улици во Бутел и во Карпош.

– Дали сте свесни дека со поништување на овие постапки се случува блокада на град Скопје? Сомнежот е дека намерно се поништуваат затоа што се сака со промена на комисиите да се влијае во нивната работа, односно во избор на најдобар понудувач – рече Андоновски.

Тој праша и што станува со изборот на нов директор на средното училиште „Орце Николов“.

– Според Законот за средно образование три месеци пред истек на мандатот на постојниот директор се носи одлука да се распише оглас за нов директор. Во „Орце Николов“ мандатот на сегашниот директор истекол на 4 септември, а одлука е донесена на 25 август, десетина дена пред истекот на мандатот, и е прекршен законот. Од 4 септември до денеска нема в.д. директор што е спротивно законот кој вели дека во рок од 3 дена треба да се постави директор. Како сегашниот директор потпишува решенија и плати кога има истечен мандат? – праша Андоновски.

Тој ја праша градоначалничката Арсовска дали со нејзиниот однос придонесува вработени да го напуштаат Град Скопје затоа што досега 7,7% од вработени си заминале од работното место.

The post Како сегашниот директор на СГСУ „Орце Николов“ потпишува решенија и плати кога има истечен мандат? appeared first on Република.

Советничкатата од ВМРО-ДПМНЕ во Совет Град Скопје, Ирена Попова на денешната седница за советнички прашања укажа како средното училиште „Панче Караѓозов“ спровело јавна набавка за превоз на ученици од Куманово до Скопје по дневна цена за повратен билет за еден ученик од 530 денари, иако реалната цена на пазарот е 300 денари, со што е оштетен буџетот на државата.

Попова истакна дека за оваа јавна набавка важно е и да се напомене  дека била со само еден понудувач.

- Ја прашувам директорката дали направила истражување на пазарот за да види која е реалната цена, дали знае колку е цена на повратен билет Скопје-Куманово? Од тоа што јас истражував тој чини 300 денари. Што значи дека склучен е договор кој е поскап од реалната вредност. Зошто е склучен овој договор, бидејќи оваа понуда е прескапа и не е соодведна на цената на пазарот и зошто е свесно оштетен буџетот? – прашува Попова.

Попова исто така ја запраша и директортката на училиштето „Браќа Миладиновци“ зошто немаат лице за јавни набавки и колку чини тоа што набавките ги води консултантска куќа и како истата е избрана.

- Трето прашање е до директорот на средното училиште “Орце Николов“, гимназија која беше издвоена порано како една од најдобрите, но во учебната 2021/22 се доведе до ситуација да не се исполнат сите места, а порано се бараше место повеќе. Ова не се случило дваесетина години, дали директорот направил анализа на што се должи ова за да се намали интересот за упис во оваа гимназија? – запраша Попова.

The post Зошто квалитетот на „Орце Николов“ е паднат до таа мера што нема заинтересираност за упис на нови ученици? appeared first on Република.