Криумчар на мигранти бил дел од несреќата во која синоќа загина маж по судир на четири автомобили на патот Гевгелија - Богданци.

Како што соопштува МВР, во 19.30 часот во Полициската станица Гевгелија било пријавено дека на патот Гевгелија – Богданци, на мостот на реката Вардар, се случила сообраќајна несреќа помеѓу патничко возило „мерцедес“ со регистарски таблички од друго возило, управувано од Б.М.(48) од Македонска Каменица, во кое превезувал и криумчарел седум лица мигранти од Сирија, патничко возило „опел корса“ со гевгелиски регистарски ознаки, управувано од Б.Ј.(63) од с.Богородица, гевгелиско, патничко возило „хјундаи“ со гевгелиски регистарски ознаки, управувано од Д.Т.(42) од Гевгелија и патничко возило „мерцедес“ со гевгелиски регистарски ознаки, управувано од Ѓ.Ќ.(37) од с.Стојаково.

Во несреќата, од здобиените повреди починал Б.Ј., а смрт констатирал лекар од Итна медицинска помош. Со тешки телесни повреди се здобиле возачот Б.М. и Е.Ј.(63), сопатничка во возилото „опел корса“, додека со телесни повреди се здобиле мигрантите, констатирани во болницата во Гевгелија, соопшти МВР.

Увид на местото извршиле екипа на Полициската станица Гевгелија и јавен обвинител, по чија наредба телото на починатиот било дадено на обдукција.

The post Криумчар на мигранти со нелегален „мерцедес“ дел од несреќата во која загина возач од Богородица appeared first on Република.

Едно лице загина во тешката сообраќајна несреќа што се случи вчеравечер во 19:45 часот на патот Гевгелија-Богданци. Во сообраќајката учествувале четири патнички возила, соопшти портпаролката на СВР Струмица, Алекснадра Трајанова.

Во Полициската станица Гевгелија е пријавено дека на регионален пат Гевгелија - Богданци се случила сообраќајна несреќа во која учествувале четири патнички возила - две марка „мерцедес“, „опел корса“ и „хјундаи“. Во несреќата на самото место починал возач на едно од возилата. Увид на местото врши јавен обвинител и екипа на Полициската станица Гевгелија, изјави Трајанова.

Според известувањето од Регионалниот центар на ЦУК-Струмица, патот беше затворен до 23:40 часот, а сообраќајот се пренасочуваше преку селото Богородица.

ТППЕ Гевгелија интервенираше на местото на несреќата со едно противпожарно возило и тројца пожарникари.

The post Интервенираа и пожарникари: На самото место загина возач по судир на четири возила на патот Гевгелија – Богданци appeared first on Република.