Претседателот на Владата Христијан Мицкоски денеска ќе присуствува на започнување на третата фаза од инвестицискиот циклус на германската компанија КОСТАЛ Македонија во Охрид.

Третата фаза на инвестициски циклус на КОСТАЛ е во износ од 45 до 50 милиони евра и најмалку 250 нови работни места до 2028 година.

Со тоа, вкупната инвестиција на КОСТАЛ во Македонија ќе надмине 150 милиони евра со околу 1300 работни места. Веќе се реализирани дел од новите вработувања и е донесена дел од потребната опрема за производство.

Проектот е насочен кон вложување во најсофистицирана опрема во сегментот „енергетска електроника” за автомобилска електроника наменета за најновите модели на електрични и плуг-ин хибридни возила на групацијата „Фолксваген“, како и за напредни мехатронски системи за Мерцедес, соопштија од владината прес-служба.

КОСТАЛ во 2023 година беше 9-ти најголем извозник од земјава. Компанијата работи веќе осум години на македонскиот пазар и бележи континуиран развој и раст. Клиентите на КОСТАЛ Македонија се „Фолксваген“ Групација (Фолксваген, Ауди, Порше, Шкода, Сеат), Мерцедес, БМВ, Јагуар, Ланд Ровер.

The post Германската компанија „Костел“ почнува трета фаза од инвестицискиот циклус appeared first on Република.

Претседателот на Србија, Александар Вучиќ, денеска присуствуваше на свечената церемонија на поставување камен-темелник за изградба на новата фабрика на компанијата Muehlbauer Group во Стара Пазова.

Инвестицијата Muehlbauer Automation" изнесува 29,5 милиони евра .Фабриката до крајот на 2025 година ќе вработи 150 нови работници.

Планирано е производство на машини за производство на батерии и горивни ќелии, како и комплетни производни линии.

The post Вучиќ промовира нова германска инвестиција: Во Стара Пазова ќе се произведуваат батерии и горивни ќелии appeared first on Република.