На 4. ноември (петок), со почеток во 21.30 часот, во клубот „Станица 26“ скопската публика ќе може да проследи неповторлив гиг на кремот на андерграунд клупската музика. Целовечерен настан, со концертна изведба на уникатна современа електронска музика, проследена со хипнотизирачки deep house до утринските часови.

За првпат во Скопје со настап во живо ќе се претстави магот на германската електронска сцена Tolouse Low Trax, зад кој стои Детлеф Вајнрих од Дизелдорф, еден од основачите на култниот пост-рок бенд Kreidler. Tворештвото на Tolouse Low Trax е објавено на неколку изданија на етаблираните лејблови Idle Press, Infiné, Karaoke Kalk, Kunstkopf, Neubau, Themes For Great Cities, Antitote и Cómeme. Детлефе и човекот кој стои зад озогласениот Salon des Amateurs во Дизелдорф, каде што е резидент диџеј.

Свој настап во „Станица 26“ ќе има и њујоршкиот продуцент и DJ, Фред Петеркин, кој е попознат под псевдонимот Fred P. По 11 албуми иголем бројразлични изданија, и декади диџејска кариера, Фред секојдневно продолжува да го развива својот препознатлив звук кој плови низ најдлабоките фреквенции, во кои хаус музиката се провлекува како основа.

За локална противтежа ќе се погрижат двајца искусни локални дејци, веќе интернационално етаблираниот артист Herzel (Александар Гроздановски) со негов live настап и диџеј сет на Ивана Драгшиќ, која и повеќе од доволно го познава њујоршкиот хаус звук.

Настанот е во организација на ROTKO books&music во колаборација со LONGBUS, а билетите ќе се најдат во претпродажба на повеќе продажни места и онлајн, почнувајќиод овој петок, 21. октомври.

The post Магот на германската електронска сцена Tolouse Low во „Станица 26“ appeared first on Република.