Денеска остварив средба со амбасадорката на Германија, Н.Е. Петра Дрекслер и одбранбеното аташе, потполковникот Ханс Петер Вамслер, напиша на Фејсбук министерот за одбрана, Владо Мисајловски.

Им се заблагодарив за поддршката која ја добиваме од Германија во процесот на интегрирање во НАТО и за соработката меѓу двете Армии. Разговаравме за регионалната стабилност која е од голема важност за просперитет на земјите од Западен Балкан во евроинтеграциите. Заклучивме дека Македонија е доверлив партнер за соработка и е јасно позиционирана и почитувана од страна на сите членки на Алијансата, што беше забележливо на сите досегашни средби и состаноци на НАТО Самитот, истакна Мисајловски.

The post Мисајловски се сретна со Петра Дрекслер, амбасадорката на Германија appeared first on Република.

Министерот за внатрешни работи Панче Тошковски денеска заедно со директорот на БЈБ и дел од тимот оствари работна средба со амбасадорката на Сојузна Република Германија, Петра Дрекслер.

Искрено се заблагодарив за досегашната соработка и искрена поддршка од страна на Сојузна Република Германија, која треба да продолжи и во иднина притоа потенцирајќи ја нашата определба што поскоро да станеме дел од европското семејство. На амбасадорката и ги претставив главните цели кои ќе бидат во нашиот фокус во наредниот период како борбата против организираниот криминал и корупција која не треба да биде само декларативно туку вистински, реструктуирање на министерството и креирање на функционална систематизација, како и дигитализација на голем дел од процесите, истакнува Тошковски.

Амбасадорката покрај честитките, ја потенцираше успешната досегашна соработка, посебно во делот за Центарот за обука на МВР и опремата која ја имаат донирано на министерството и ги поздрави нашите заложби за реформи и модернизација на МВР.

Министерот истакнува дека на крај заеднички заклучиле дека директната соработка и пријателските односи ќе продолжат и ќе се интензивираат во следниот период, со цел засилување на борбата против криминалот, како и за владеењето на правото и зголемување на безбедноста на сите граѓани.

The post Тошковски на средба со германската амбасадорка appeared first on Република.