На 8. Академија за здравство и здравствени системи прим. д-р Ленче Нелоска се осврна на современата геријатрија и геронтологија, состојбите во светот и во Македонија на ова поле, како и клучните предизвици со кои се соочуваат во Македонија и стратегиите на кои се работи.

Д-р Нелоска се осврна и на аспектот на долготрајната резиденцијална/институционална грижа во ЕУ.

До 2050 година најголемиот дел од популацијата ќе биде на возраст од 60-64 години. Европските здравствени системи ќе мора да ја редизајнираат грижата за старите лица и особено грижата за домот. Потребна заедничка стратегија/регионализација и планирање на геријатриски кревети во постојните болници во Македонија, посочи меѓуостанатото д-р Нелоска.

Таа меѓудругото се осврна на регионалниот пристап во планирање на капацитетите и кадарот - категоризација на пациентите, како и проекции за оптимални капацитети за долготраен престој и улога на општините –програми за услуги во домашни услови.

The post Д-р Нелоска: Потребна е заедничка стратегија и планирање на геријатриски кревети во постојните болници во Македонија appeared first on Република.

Повисоки плати, бенефициран стаж, инфективен додаток за сите без разлика кој на кое работно место е, промена на колективни договори, побараа денеска здравствените работници од ЈЗУ Специјализирана болница за геријатриска и палијативна медицина „13 Ноември“ во Скопје.

Лазо Костовски, претседател на Независен синдикат на геријатрија, во изјава за медиуми истакна дека ниедна влада немала слух за здравството.

Не само оваа влада, туку и наназад. Здравството пропаѓа, тоне. Првите наши барања, основни што се, тоа се покачување на платите линеарно за сите вработени, сакаме да се променат колективните договори. Особено општиот колективен договор, воопшто не е добар. Затоа што усогласување на минималната плата со колективниот договор и законот за минимална плата, не е усогласено. Треба да се направат измени и во законот за минимална плата и во општиот колективен договор. Договорците на дело, тие во овој момент страдаат повеќе затоа што доаѓаат на работа и саботи и недели и празници, работат за 20.175 денари, колку што е минималната плата, тие се криминални договори, рече Костовски меѓу другото.

Тој кажа дека условите за работа се катастрофални во некои здравствени установи, а апелираше и да се распишат огласи за нови вработувања.

The post Вработените во Геријатрија се пожалија на катастрофални услови за работа, бараат повисоки плати, бенифициран стаж и инфективен додаток appeared first on Република.

Независниот синдикат на ЈЗУ Специјализирана болница за геријатриска и палијативна медицина најави дводневен протест в петок и сабота, по повод незадоволството од платите и вработувањата.

Претседателот на Независниот синдикат на геријатрија на денешната прес-конференција најави дека ќе бараат порамнување на платите и потпишување нови договори.

Костовски нагласи дека протестот не би се одржал доколку Министерството за финансии, како што вели тој, имало слух за нивните потреби.

Протестот за Град Скопје ќе се одржи в петок, а за цела држава во сабота со почеток од 11 часот, и ќе започне од МРТ спрема Црвен крст, па се до Собранието на Македонија и Министерство за правда, и ќе заврши пред Владата каде што работниците ќе го изразат своето незадоволство.

The post Ќе штрајкуваат вработените во Геријатрија appeared first on Република.