Емирџан Сумер е убиецот на водачот на Шкаљарскиот клан Јовица Вукотиќ. Го застрелал од мотоцикл во движење на автопат во близина на Истанбул. Во возилото биле уште сопругата Маша и ќерката, објававија турските медиуми.

Сумер испалил пет куршуми, од кои четири завршиле во Вукотиќ.

Полицијата прегледала 1.700 часа снимки од безбедносните камери од над 200 локации, почнувајќи од местото каде што беше убиен Вукотиќ. Утврдено е дека го следел мотор, но и друг автомобил. Со анализа на регистарски таблички е откриено дека мотоциклот го управувал извесен Јакуп Доан, а дека пукал Емирџан Сумер. Станува збор за членови на криминалната организација на Бариш Бојун, по кои е распишана црвена потерница. Тој годинава беше уапсен во Грузија. Меѓутоа, судот во таа земја подоцна го ослободи. Потоа се преселил во Италија, каде што во август годинава повторно бил уапсен во Римини на брегот на Јадранското Море. Бојун е познат по бројни вооружени напади, уништување имот и грабежи – дознаваат турските медиуми.

Под возилото во кое е убиен Вукотиќ, кое било изнајмено во Измир, бил поставен ГПС уред, со кој бил следен.

Сево ова го договрил братучедот на Радоје Звицер, кој на Турците им платил 1.5 милиони евра. Турската полиција реагираше и веднаш се уапсени Живковиќ и Сумер.

The post Ова е Емирџан Сумер, убиецот на водачот на Шкаљарскиот клан, „драчевецот Георги Андонов“ appeared first on Република.

Oткако вчера се објави дека во Истанбул е убиен Јовица Вукотиќ, водач на Шкаљарскиот клан се поставуваат неколку прашања.

Со каков пасош е тој убиен ако се знае дека МВР му издаде македонски пасош и тој стана Георги Андонов?

Токму со наш пасош Вукотиќ беше уапсен токму во Турција пред три години од каде беше со специјален авион однесен во Србија. При апсењето тој тврдеше дека има легален македонски пасош и ја говореше вистината.

Неговиот вистински лик беше додаден на идентитетот на извесен Георги Андонов. Веројатно станува збор за лице кое никогаш не извадил наш пасош или веќе не живее во Македонија.

Поранешниот премиер Зоран Заев тврдеше дека не знае кој е Вукотиќ а пак министерот за внатршни работи Оливер Спасовски лани на брифиг со новинарите убедуваше дека овие пасоши се поништени но не достави ниту еден доказ.

Затоа, МВР е должно да одговори дали Вукотиќ во Турција влегол со наш пасош!

https://republika.mk/vesti/balkan/raspishana-poternica-za-vukotikj-dali-vodachot-na-shkaljarskiot-klan-izbega-so-makedonskiot-pasosh/

The post МВР не докажа дека пасошите на криминалците се поништени, дали Вукотиќ е убиен со македонски пасош?? appeared first on Република.

Јован Вукотиќ, водач на Шкаљарскиот пред точно две години беше депортиран од Србија во родната Црна Гора откако претоходно беше уапсен во Турција со македонски пасош под име Геори Андонов.

Екстрадицијата на Которанин беше извршена со невидени безбедносни мерки од специјалните сили од Србија и Црна Гора, а кога со хеликоптер слетал во соседна земја, тој наводно рекол:

„Што е ова, како Ал Каеда да ми се заканува?!“

За тоа колку добро беше организирана депортацијата  доволно говори и фактот што првично не беше позната локацијата каде што ќе слета хеликоптерот со Вукотиќ. Исто така, бил организиран  вистински, но и лажен дочек за да се чува мисијата во тајност, но и да не се знае во кој конвој е Вукотиќ.

Локацијата во Црна Гора, каде што ќе слета хеликоптерот, во текот на летото неколку пати се менуваше. Конечно слетале на снегот, покрај шумата на северот на Црна Гора, каде во непосредна близина немало никаков предмет. Вукотиќ го чекаа вооружени црногорски обезбедувачи, кои заедно со српските колеги не дозволија никој да помине.

Тој инсистирал да не се транспортира по копно, па дури и понудил да биде депортиран со авион на свој трошок.

The post Шефот на Шкаљарскиот клан, „Македонецот“ Вукотиќ бил екстрадиран како водачите на „ Ал Каеда“ appeared first on Република.