Украинскиот претседател Володимир Зеленски отпуштил еден од командантите на вооружените сили на Украина, само еден месец по неговото назначување

Зеленски на почетокот на март најави кадровски промени во армијата. Притоа, го смени командантот на силите за поддршка на вооружените сили на Украина, Дмитри Герег, назначувајќи го Александар Јаковец на негово место.

Во таа оригода, Зеленски изјави дека сега „вистинските борбени команданти“ ќе се занимаваат со проблемите на украинската армија.

Сепак, деновиве указот за разрешување на Јаковец се појави на веб-страницата на Кабинетот на претседателот на Украина. Причините не се наведуваат, но се знае дека командирот е поставен за началник на управата на Државната специјална сообраќајна служба.

The post Зеленски се премисли: Сменет командант на украинската војска само еден месец по неговото назначување appeared first on Република.

Највисокиот руски генерал на воздухопловните сили e убиен во нападите врз Крим во средата, јавува Newsweek, повикувајќи се на локални извори.

Информација ја потврдија и повеќе руски телеграми, вклучувајќи го и Кримскиот ветер, објавувајќи дека генерал-полковникот на руските воздухопловни сили Александар Татаренко бил убиен за време на украинскиот напад на воениот аеродром Белбек во Крим.

Како резултат на ударот загинале 10 – член руски воен персонал, вклучително и командантот на авијациската ескадрила, генерал-полковник Александар Татаренко.

And another one bites the dust...

Russian media report that the commander of the aviation unit at Belbek air base in Ukraine's Russian-occupied Crimea, Lieutenant General Alexander Tatarenko, was killed in a Ukrainian missile strike on the air base. pic.twitter.com/iPD93tRB0F

— Euan MacDonald (@Euan_MacDonald) February 2, 2024

Татаренко беше генерал задолжен за воздухопловната база Белбек, најразвиената база на воздухопловните сили на Руската Федерација во регионот на Црното Море.

Инаку Татаренко (63) служел на Далечниот Исток на Русија, Урал, Сибир и северните региони на земјата. Тој бил назначен за командант на 14-тата воено-воздухопловна армија на Русија на Централниот воен округ на Руската Федерација во 2016 година.

The post Во нападите врз Крим загина највисокиот руски генерал на воздухопловните сили appeared first on Република.

Претседателот на руската република Чеченија, Рамзан Кадиров изјави дека неговиот врвен генерал во Украина бил отруен откако земал плик, пишува „Њузвик“.

Кадиров на својот канал на социјалните мрежи Телеграм напиша дека на 8 февруари Апти Алаудинов, кој командува со специјалните сили Ахмат, зел писмо кое било заситено со супстанција со силен мирис.

На Алаудинов, како и на другиот персонал кој дошол во контакт со пликот, им бил укажан медицински персонал чии постапки значеле „избегнати сериозни последици“, се вели во соопштението на Кадиров.

Чеченскиот лидер рече дека е во тек истрага за, како што рече, „обид за атентат“.

Алаудинов ги предводи силите на Кадиров кои се борат за Владимир Путин во Украина, а исто така е редовен гостин на руската државна телевизија, каде што обезбедува ажурирања од бојното поле.

Тој ја нарече руската военаоперацја во Украина „света војна“ против „сатанските“ вредности на Западот.

The post Кадиров: Апти Алаудинов, кој командува со специјалните сили Ахмат е отруен откако земал плик appeared first on Република.

Русија денеска го разреши генерал Дмитриј Булгаков задолжен за логистика, во време кога се одвива кампањата за мобилизација и во време кога руската офанзива во Украина се соочува со потешкотии.

Армискиот генерал Дмитриј Булгаков е разрешен од должноста заменик-министер за одбрана бидејќи се прераспределува на друга функција. На негово место доаѓа генерал-полковник Михаил Мизинцев, кој ќе биде одговорен за материјално-техничкото снабдување на вооружените сили, соопшти руското Министерство за одбрана, без да наведе повеќе детали.

Генерал Мизинчев (60) во текот на својата долга воена кариера извршувал многу одговорни функции во Генералштабот. Тој е цел на санкции од Западот поради неговата улога во опсадата на пристаништен град во југоисточна Украина, Мариупол.

The post Русија го смени генералот за логистика на вооружените сили appeared first on Република.

Украинскиот претседател Володимир Зеленски денеска го смени командантот на силите за територијална одбрана без да ја наведе причината за одлуката, три месеци по почетокот на конфликтот во Украина, јави ДПА.

Украинското Министерство за одбрана денеска соопшти дека Зеленски го назначил генерал-мајор Игор Танкура на местото на Јуриј Галушкин.

Министерството го опиша Танкура како искусен офицер кој претходно бил началник на Генералштабот на копнените сили на Украина, а сега ќе командува со силите што и помагаат на украинската армија во одбраната на земјата по руската инвазија.

Во него се наведува дека силите за територијална одбрана брзо ја зголемиле својата бројност откако биле основани, непосредно пред инвазијата и дека играле важна улога во војната со Русија

Експлозивниот раст на структурата, особено во услови на интензивна борба, е огромно искуство, (со)грешки и достигнувања. Има успеси и, за жал, загуби, се вели во соопштението на Министерството.

The post Не открива зошто: Зеленски го смени командантот на силите на територијалната одбрана appeared first on Република.

Бугарскиот генерал, Димитар Шивиков, во гостување на Националното радио на Бугарија, изјави дека претседателот на Украина, Володимир Зеленски, наскоро ќе објави дека се предава.

Се ближи моментот кога претседателот на Украина ќе објави дека се предава. Не се сомневам дека Руската Федерација и нејзиниот воен контингент ќе победат во овој конфликт - изјави генерал Шивиков.

Тој посочи дека смета оти Бугарија не треба да и дава оружје на Украина, бидејќи таквите акции само ќе ја интензивираат ескалацијата.

Генерал Шивиков истакна и дека целта на Русија е демилитаризација и денацификација на Украина, а не нејзина окупација или уништување на државноста. Во исто време, Шивиков укажа на „екстремно русофобната политика“ што ја водат украинските власти од 2004 година.

Според него, Киев бил испратен на таков курс од „трансатлантски играч“.

The post Бугарски генерал тврди дека Зеленски наскоро ќе објави предавање appeared first on Република.

Портпаролот на армијата на Доњецката Народна Република, Едуард Басурин, соопшти дека шатбот на оперативно-тактичката група „Север“ на оружените сили на Украина е уништен во заедничка офанзива на руските сили и народните милиции на Доњецката и Луганската Народна Република.

Поголемиот број штабни офицери загинаа. Според нашите разузнувачки информации, меѓу загинатите е и командантот на групата „Север“, генерал Дмитриј Красиљников - изјави Басурин.

The post Загинал украинскиот генерал Красиљников: Силите на Добас го уништиле украинскиот оперативен штаб „Север“ appeared first on Република.