Началникот на рускиот Генералштаб, генерал Валериј Василевич Герасимов, ја презел командата над руските војници во Украина, објави украинскиот портал „Дифенс експрес“, кој е тесно поврзан со украинската армија.

Според пишувањето на порталот, генералот Герасимов пристигнал во украинскиот град Изјум, од каде ќе командува со специјална воена операција, како што Русија ја нарекува интервенцијата во Украина.

Американскиот институт за воени студии (ISW), соопшти дека овие наводи не може да ги потврди од независни извори.

На почетокот на април западните медиуми објавија дека рускиот претседател Владимир Путин за командант на сите руски сили во Украина го назначил генералот Александар Дворников, кој претходно командувал со руските трупи во Сирија.

The post Украинците тврдат: Началникот на рускиот Генералштаб ја презеде командата во Украина appeared first on Република.