Командантот на Здружениот генералштаб на САД, генерал Марк Мили, вели дека е прерано да се каже дали летната офанзива на Украина не успеала.

Таа офанзива почна пред околу 90 дена. Се одвива побавно отколку што предвидуваа планерите. Но, тоа е разликата помеѓу она што (воениот теоретичар Карл фон) Клаузевиц го нарече војна на хартија и вистинска војна. Значи, ова се вистински луѓе во вистински возила кои се борат низ вистински мински полиња, и има реално смрт и уништување, а има вистински конфликт. И останува уште разумно време, веројатно околу 30 до 45 дена, вредно за борба против временските услови, изјави Мили во изјава за емисијата „Sunday With Laura Kuenssberg“ на Би-Би-Си.

Генералот додава дека Украинците не се готови.

Оваа битка не е завршена. Тие не го завршија борбениот дел од она што се обидуваат да го постигнат. Па ќе видиме, рано е да се каже како ќе заврши ова. Тие барем делумно успеаја во она што го зацртаа и тоа е важно. А потоа ќе почне да врне и ќе стане многу калливо. Ќе биде многу тешко да се маневрира во тој момент, а потоа ќе почне длабока зима. И тогаш во тој момент ќе видиме каде ќе одат работите. Но, сега е рано да се каже дали оваа офанзива пропадна или не“, вели американскиот генерал.

The post Шефот на американската војска има верба: Прерано е да се каже дали пропадна украинската офанзива appeared first on Република.

Украинската контраофанзива против руските сили ќе биде тешка и „многу крвава“, оцени претседателот на Здружениот Генералштаб на САД, генерал Марк Мили, пренесе денеска Би-Би-Си.

Генералот Мили рече дека не е изненаден што напредувањето на украинските сили е побавно од очекуваното, но додаде оти Украина „постепено напредува“.

Тоа оди малку бавно, но тоа е дел од природата на војната, изјави тој.

Украинскиот претседател Володимир Зеленски минатата недела призна дека офанзивата напредува бавно.

The post Украинската контраофанзива ќе биде долга и крвава, смета генерал Мили appeared first on Република.

Пентагон објави предвидување дека конфликтот во Украина ќе се одолговлекува и може да продолжи со години.

Мислам дека овој конфликт ќе биде многу долг. Сметам дека неговото времетраење ќе се мери со години. Не знам дали можеме да помислиме на една деценија, но барем неколку години сигурно - истакна претседателот на Советот на генералштабот на САД, генерал Марк Мили, за време на расправа за буџетот на Претставничкиот дом.

Генерал Мили нагласи дека тоа е долготраен конфликт меѓу Русија и Украина, во кој САД и сојузниците и партнерите на НАТО „ќе бидат инволвирани уште долго време“.

Еден ден претходно, американскиот советник за национална безбедност Џејк Саливан изјави дека според проценките на Вашингтон „следната фаза од украинскиот конфликт може да се мери во повеќе од месеци“.

The post Пентагон: Конфликтот во Украина ќе продолжи со години appeared first on Република.

Водечкиот американски генерал Марк Мили изјави дека евентуалната руска инвазија на Украина би била „страшна“ и ќе доведе до голем број жртви.

Мили ја опиша, како што рече, акумулацијата на 100.000 руски војници во близина на украинската граница како најголема од Студената војна.

Сепак, министерот за одбрана на САД, Лојд Остин вели дека конфликтот може да се избегне со помош на дипломатија.

На вчерашната прес-конференција во Пентагон, Мили истакна дека големиот број руски војници на границата со Украина значи дека нападот би имал сериозни последици.

The post Водечки американски генерал: Руска инвазија на Украина би предизвикала голем број жртви appeared first on Република.