Според официјалните податоци, сопственик на фирмата „Еурека Бар“ која што денеска победи на аукцијата за кулата „Генекс“ е познатиот белградски угостител Александар Кајмаковиќ, попознат како Аца Босанац, пишуваат медиумите во Србија.

Така „Генекс“ падна во рацете на сопственикот на голем број познати белградски ресторани, кафеани, кафулиња и клубови како „Ботега“, „Темперамент“, „Ла Фајет“, „Казина“…

Инаку, некои од клубовите на Кајмаковиќ, како „Ла Фајет“, се омилена дестинација и на луѓе од Македонија, кои се подготвени за една вечер да платат и по неколку стотини евра за вечера проследена со атрактивна кабаре програма.

Белградските медиуми пишуваат дека Кајмаковиќ во 2021 година бил приведен за да даде изјава за неговата поврзаност со познат лик од тамошното подземје, Вељко Беливук, во врска со кривични дела извршени од членовите на неговата криминална група.

Кулата „Генекс“ денеска беше продадена за 2,4 милијарди динари или нешто повеќе од 20 милиони евра. За купување конкурирале седум купувачи, од кои најдобрата понуда ја дала „Еурека бар“.

Компанијата купувач е основана во 2011 година и се занимава со подготовка и послужување на пијалоци, а во трката за купување на Западната порта на Белград беа: НР Развој, Универзитет Сингидунум, Звонко Гобељиќ, Tardycon holding limited, Самерс, Ексеон и Бар Еурека.

 

View this post on Instagram

 

A post shared by Aleksandar (@aleksandar_kk)

The post Кој е човекот што ја купи Генекс кулата во Белград – пријател на криминалци како Веља Невоља appeared first on Република.

Кулата „Генекс“, односно Западната порта на Белград, е понудена на продажба по почетна цена од две милијарди динари, соопшти денеска стечајниот управник на „Генералекспорт“.

Кулата се состои од 14.943 метри квадратни во 28 посебни делови од зградата, деловен простор во непријавена сопственост од 1.450 м2 и деловни и гаражни простори како посебен дел од објектот на површина од 6.445 метри квадратни.

Јавниот тендер за западната порта Генекс во Белград е закажан за 23 мај, пренесе Танјуг.
„Генералекспорт“ е во стечај од 2015 година, а во 2017 година е донесена одлука за банкрот.

Како холдинг компанија со статус на општествено претпријатие се занимавала со меѓународна и домашна трговија, хотелиерство, угостителство и воздушен транспорт.

Агенцијата јавува дека на продажба е „Застава камиони“ која се нуди на продажба како правно лице по почетна цена од 71,7 милиони динари, соопшти денеска стечајниот управник.

Продажниот пакет вклучува неколку згради од металопреработувачката индустрија со вкупна површина од околу 6.800 метри квадратни.

Првата продажба ќе биде на јавно наддавање закажано за 24 мај.

Оваа компанија која се занимава со производство на комерцијални возила е во стечај од септември 2018 година.

The post Се продава кулата „Генекс“, еден од белезите на Белград appeared first on Република.