Прекинато водоснабдување од 10.10 часот денеска ќе имаат корисниците од неколку улици во општина Гази Баба поради уличен дефект на водоводна цевка Ф 100мм на улица „Сава Михајлов“ 13-1.

Како што соопшти ЈП Водовод и канализација - Скопје, без вода ќе бидат корисниците од улиците „Сава Михајлов“, „Радован Ковачевиќ“, „Томас Минцер“, „Тодор Чопов“, „Фрушкогорска“, „Орово“, „Христофер Жефаровиќ“, „Спиро Црне“, „Катлановска“, „Кавадарска“, „Пролетна офанзива“, „Кожув“, „Неготинска“, „Надбискуп Чекада“ и „Трајко Китанчев“.

Прекинот на водоснабдувањето ќе трае до санирање на дефектот. 

The post Без вода корисници од неколку улици во Гази Баба appeared first on Република.

Премногу долго траеја овие монтажни бараки. Конечно по 6 децении ќе бидат заменети со нов, достоен објект за образување и за ова треба да му се честита на градоначалникот, на советот, на пратениците и на сите кои беа истрајни во изминатиот период за да стигнат до овој момент – конечно целта да почне да се реализира, рече министерката за образование и наука проф. д-р Весна Јаневска, на поставувањето камен темелник за изградба на нов училишен објект на ОУ „Крсте Мисирков“ во општина Гази Баба.

Инвестирањето во образованието е темел на секое современо и просперитетно општество. Нам како Влада тоа ни е сосема јасно и затоа оваа област е поставена меѓу високите приоритети во програмските определби“, рече Јаневска, додавајќи дека инфраструктурата е еден од трите столбови на кои се потпира квалитетот на образованието, покрај наставните програми и учебниците, и мотивираните наставници.

Министерството за образование и наука во моментов реализира 36 крупни капитални инвестиции, односно изградби на училишта и темелни реконструкции, како и 40 помали санации во училишни објекти.

Камо среќа да затекневме полна каса пред три месеци, наместо целосно испразнета, па да можевме уште повеќе да го помогнеме образованието и сите негови чинители. Затоа пак, следната година планираме буџет од над 40 милијарди денари што е значително зголемување во споредба со претходните кои достигнуваа до 30 милијарди. Уверувам дека ќе го вратиме образованието на вистинскиот пат, со добра стратегија и со поддршка на локалните самоуправи, на граѓанскиот сектор и на меѓународните партнери“ изјави министерката.

Новиот училишен објект ќе има два спрата со 30 училници и вкупна површина од 3.128 квадратни метри. Вредноста на инвестицијата е 170 милиони денари обезбедени од Владата. Изградбата на училиштето ќе се реализира за 24 месеци.

The post Јаневска: По шест децении се гради нов објект на ОУ „Крсте Мисирков“ во Гази Баба appeared first on Република.

Нашиот народ е скромен, благодарен, работлив, вреден и колку малку треба за човек да биде среќен. Јас сум благодарен што можам да го видам тоа денес на вашите лица и тоа за нас преставува инспирација да продолжиме да работиме уште понапорно за во периодот кој што следи да овозможиме уште поголеми пензии, да овозможиме уште поголема перспектива за вашите внуци, синови, ќерки да ги гледате вашите внучиња тука во Македонија затоа што нема поголема мака од тоа кога мајка, баба, се дели од своето чедо кое што поради бесперспективност, разочарување ја напушта својата држава, својата татковина, рече претседателот на Владата Христијан Мицкоски на денешната средба со пензионерите во Општина Гази Баба.

Ова денеска што се случува претставува навистина една потврда дека на овој мирољубив народ малку му треба да биде среќен, а нашата желба и нашата среќа е кога ве гледаме вас среќни. Ве молам вака да ве гледаме цело време, им се обрати премиерот на пензионерите.

Претседателот на Владата истакна дека Владата продолжува да работи посветено за сите граѓани

Продолжуваме и понатаму, тоа беше едно обично само предизборно ветување; многумина не прашуваа од каде ќе најдете пари, како ќе најдете пари- успеавме да најдеме пари, а пари најдовме на начин на којшто ние не сакавме да ги крадеме граѓаните, не сакавме да ве крадеме вас туку сакавме да работиме чесно, достоинствено и на тој начин да имаме поголем прилив во буџетот и со тој поголем прилив во буџетот да овозможиме вие да уживате во тоа што сте го заслужиле работејќи макотрпно целиот ваш работен век. И зашто требаше да поминат 100 дена? Затоа што овие 100 дена кога го правевме планот беа претпоставени дека ќе бидат доволни да можеме да акумулираме доволно заштеда да овозможиме да имаме најпрвин половина од онаа сума којашто ја ветивме, а потоа за уште 6 месеци со новиот буџет и втората половина што во рок од 9 месеци не од година го испорачаме тоа ветување коешто сме го дале, рече тој.

Мицкоски потсети и што наследиле од претходната власт потенцирајќи дека тоа што го ветиле сакале да го испорачаат. И полека но сигурно, со многу трпение, со многу мудрост, ум и стратегија тоа да го реализира.

Состојбата беше многу сложена, многу тешка, првиот ден кога дојдовме на работа, 24ти Јуни, сметката на владата беше – 200 милиони евра. Ниту една не затекнала такво цунами како што оваа Влада затекнала. Работевме многу, макотрпно, чесно и можам да кажам дека полека но сигурно приходите во буџетот се зголемуваат затоа што веќе народот никој не го краде, никој нема право да го краде, туку треба да работи за народот, да биде слуга на народот. УЈП ги зголемуваше своите приходи, Царината ги зголемуваше своите приходи, и на тој начин има повеќе за вас, повеќе за граѓаните. Тоа е она за коешто се заветивме како Влада и тоа е она што ќе го работиме. Но има и други работи коишто ги направивме, коишто вие можеби во меѓувреме не ги гледавте и не сакавме многу да зборуваме. Повеќе да работиме, помалку да зборуваме, истакна премиерот.

„Пред да се направи ребалансот на буџетот во кој што беа предвидени овие зголемувања и покачувања на пензиите, тој кажа дека претходната Влада заборавила во првата верзија од буџетот кој што беше тековен да предвиди ни повеќе ни помалку 5 милијарди денари. Тоа е 80 милиони евра за тековните, и не станува збор за покачените, за тековните недостасувале 5 милијарди денари. Така што со ребалансот не само што ги обезбедиле овие зголемувања коишто се мали , недоволно, но доволно за човек денеска да се почувствува малку горд.

Ги обезбедивме и оние 5 милијарди да исплата на досегашните висини на пензиите. Понатаму, не сакам да заборавите и една друга работа која со министерот за здравство ја промовиравме а тоа е дека после една деценија вклучивме нови 9 генерички лекови на позитивната листа, листа на којашто вие нема да плаќате партиципација ќе ви бидат бесплатни. Со тоа се заштедуваат милиони, милиони пари од граѓаните, истакна Мицкоски.

Премиерот кажа дека се продолжува со надградба на ова листа и понатаму се продолжува да се штеди за граѓаните. Граѓаните коишто ги користат тие лекови ќе бидат со помали трошоци, со поголема заштеда и ќе може да добиваат лекови со поголем квалитет.

Понатаму исто сакам да кажам дека успеавме со мерките коишто ги воведовме, за прв пат после две години инфлацијата да ја спуштиме на ниво за 2, 2 % , најниска во август во регионот и најниска во Европа. Не напаѓаа, платите не растеле. Видовте државниот завод за статистика во месец Јули излезе со податоци дека не само што растат платите туку дека растат споредбено со минатите години но тога цените и инфлацијата беа 25 % сега се само 2,2%. И тоа не е доволно, ќе биде уште пониско со новите мерки помалку трошоци, повеќе за вас, потенцира премиерот.

Тој кажа дека сето тоа што го работеле во изминатиот период, целта била само да се направиме нешто повеќе за граѓаните. За граѓаните истакна тој затоа што тие ја дале довербата на 8ми Мај, за да речиси за 5 месеци најмалку што може да се направи, и тоа што е ветено е и испорачано.

„За овие 100 дена некој ќе ми го постави прашањето: Дали сте задоволни? Секогаш може повеќе. Но, сум задоволен. Задоволен сум затоа што го оставивме срцето на терен, затоа што се боревме храбро, затоа што работевме чесно, вредно и макотрпно и затоа што во првите 100 дена најголем број од големите ветувања ние ги испорачавме, Во месеците и годините коишто следат имаме многу позитивни изненадувања, уште многу ваков тип на испораки, уште многу насмеани лица бидејќи тука ќе завршам како и што започнав, вашата насмевка е наша инспирација. Вашата насмевка е наша награда за сето тоа што го правевме досега, а јас ве уверувам и ви давам збор дека ќе продолжиме истото да го правиме за вас бидејќи вие тоа го заслужувате. Да сте ми живи и здрави, Бог да ни ја благослови Македонија и да се гледаме за убави работи, заклучи премиерот.

The post Мицкоски попладнево меѓу пензионерите во Гази Баба: За 100 дена ги покачивме пензиите, продолжуваме да работиме 100% посветено appeared first on Република.

На денешната редовна седница на Советот на општина Гази Баба, советничката Марија Ѓошевска која доаѓа од редовите на политичката партија Левица, изјави дека ја напушта партијата и ќе делува како независен советник кој ќе дава поддршка на развојот на општина Гази Баба.

Досега во Советот на општина Гази Баба делував како советник на Левица, а од денес ќе делувам како независен советник. Секогаш ќе останам на страната на народот и ќе ги поддржувам проектите кои ќе бидат во корист на граѓаните. Ќе работам со ист интузијазам како и досега, без притоа да трпам притисоци кои досега ги трпев за наводен отчет пред партијата, наместо пред граѓаните. Како Советник должам отчет пред граѓаните, а не пред партијата, изјави Марија Ѓошевска на почетокот на денешната седница на Советот на општина Гази Баба.

The post Левица се распаѓа: Советничка во Гази Баба ја напушта партијата, дава поддршка на развојот на општината appeared first on Република.

СВР Скопје поднесе кривична пријава против Б.Ј.(36) од Скопје поради постоење основи на сомнение за сторено кривично дело „убиство во обид“.

На 03.07.2023 на подрачјето на Гази Баба, пријавениот од автоматска пушка испукал 11 куршуми кон возило „бмв“ во кое бил Б.И. со неговата сопруга, при што го оштетил возилото, сооптшија од МВР.

The post Скопјанец ќе се гони за обид за убиство, од автоматска пушка испукал 11 куршуми кон „бмв“ appeared first on Република.

Првиот заменик председател на Владата и министер за животна средина и просторно планирање Изет Меџити, по повод одбележувањето на 28 Јули, Светскиот ден на заштита на природата, со низа активности во парк-шумата Гази Баба, го најави официјалното започнување на кампањата: „Делувај сега, за природата!“.

Министерот Меџити, заедно со група ентузијасти и поборници за здрава животна средина, со пример покажа како треба да се развиваат позитивните однесувања во природата која што значи живот, подобро здравје, место за релаксација и одмор, а воедно е и дом на богат животински и растителен свет.

На настанот беа засадени дрвни насади, поставени канти за отпадоци, обновена е бојата на реквизитите на игралиштето, а учесниците во акцијата направија прошетка низ парк-шумата Гази Баба и уживаа во оваа зелена оаза за  граѓаните на Скопје.

Гази Баба е ретко место во главниот град на државата што на урбаните заедници им овозможува зелен простор за одмор, за спортување, за прошетки и за играње на најмладите во природа и на чист воздух.

Кампањата ќе се спровдува преку различни активности во текот на целата година и има за цел да поттикне позитивни и одговорни однесувања во природа, да го поттикне волонтерството и грижата за природата, бидејќи грижата за животната средина мора да биде императив на секој од нас.

– Природата е нашето најголемо богатство и наша должност е да ја зачуваме за идните генерации – изјави Меџити најавувајќи дека во текот на едногодишната кампања   ќе се спроведат низа конкретни и ефекасни активности, како што се садење на дрвни насади за обновување на зеленилото во урбаните и руралните средини на територијата на целата држава, спроведување на редовни акции за чистење на реките, шумите и парковите со масовно вклучување на заедниците и волонтерите, мотивирање на селектирањето и рециклирањето на отпадот преку развивање на добри практики и понуда на нови и соодветни инфраструктури за сепарација на отпадот, спроведување на едукативни програми во училиштата и заедниците, за подигнување на свеста за важноста на заштитата на животната средина и одржливиот начин на живот и подобрување на законодавството за животната средина преку зајакнување на постоечките закони, усвојување нови политики што ја штитат и зачувуваат природата.

– Во овој контекст, „Делувај сега за природата“ има за цел да донесе одржлива и видлива промена во начинот на кој ја третираме и управуваме нашата животна средина – истакна Меџити и ја повика јавноста да се придружи на ова важно патување и да придонесе за заштита на нашата заедничка животна средина.

– Под наше водство, уверени сме дека „Делувај сега за природата“ ќе биде успешна приказна, доказ за нашата посветеност кон животната средина и извор на гордост за секој граѓанин на оваа земја. Со мали дела, можеме да постигнеме големи промени – додаде Меџити.

The post Министерот за животна средина, Изет Меџити, на Светскиот ден на заштита на природата ја почна кампањата „Делувај сега, за природата!“ appeared first on Република.

По повод одбележувањето на Светскиот ден на заштита на природата, првиот заменик-претседател на Владата и министер за животна средина и просторно планирање Изет Меџити, денеска на настан во парк-шумата Гази Баба официјално ќе го означи почетокот на кампањата „Делувај сега, за природата“.

Кампањата, како што соопштуваат од Министерството за животна средина и просторно планирање, ќе се спровдува преку различни активности во текот на целата година и има за цел да поттикне позитивни и одговорни однесувања во природата, да го поттикне волонтерството и грижата за природата која значи живот, подобро здравје, место за релаксација и одмор, а воедно е и дом на богат животински и растителен свет.

The post Со кампања „Делувај сега, за природата“ ќе се заштитуваат шумите appeared first on Република.

Премиерот Христијан Мицкоски, заедно со градоначалникот на Општина Гази Баба, Бобан Стефковски и министерот за социјална политика, демографија и млади, Фатмир Лимани, денеска го поставија камен-темелникот за изградба на нова детска градинка во Трубарево во општина Гази Баба.

На настанот по повод одбележувањето на изградбата на новата детска градинка во Трубарево, Мицкоски рече дека работата е белегот на новата Влада и дека ваквиот проект е првиот чекор за решавање на проблемот со недостатокот на градинки во поголемите населени места.

– Проблемот со недостаток на градинки, особено во големите населени места е хроничен. Листите на чекање преставуваат сериозен проблем и на овој начин преку изградба на вакви објекти ние го правиме првиот чекор за решавање на проблемот, рече премиерот.

Градоначалникот Стефковски посочи дека детската градинка ќе има капацитет да згрижи 60 деца и ќе се протега на површина од 720 метри квадратни во кои ќе се изградат три занимални за деца, административни простории и останати помошни простории. Тој додаде дека се работи за инвестиција со вкупна вредност од 19 милиони денари.

– Инвестицијата е во вредност од 19 милиони денари. Ќе се изгради детска градинка со вкупна површина од 720 метри квадратни, кое ќе може да згрижи 60 дечиња. Општина Гази Баба комплетно ја заврши урбанистичко-планската и проектната документација за изградба на нови детски градинки во Инџиково и на потегот помеѓу Маџари и Керамидница и со истите ќе аплицираме за добивање поддршка од Владата. Со изградбата на овие детски градинки во Гази Баба нема повеќе да има дете кое ќе чека за упис во градинка, изјави Стевковски.

Мотивот за работа е сега поголем, вели градоначалникот, бидејќи, како што рече, со премиерот Мицкоски општините добиле сојузник за реализација на повеќе проекти.

The post Со поставување камен-темелник Мицкоски го одбележа отпочнувањето на изградбата на нова детска градинка во Трубарево appeared first on Република.

The post ВИДЕО: Камен темелник на нова градинка во општина Гази Баба appeared first on Република.

Градоначалникот на општина Гази Баба Бобан Стефковски имаше средба со Министерот за локална самоуправа Златко Перински.

За средбата, градоначалникот Стефковски информираше на својата официјална страна на фејсбук на која напиша:

Средба со Министерот за локална самоуправа Златко Перински.

Денес во просториите на Министерството за локална самоуправа имав работен состанок со министерот Златко Перински на која разговаравме на повеќе теми.

Го информирав министерот Перински за подготвеноста на општина Гази Баба за најавениот јавен повик од премиерот Христијан Мицкоски за финансирање на капитални проекти на општините низ Македонија.

Во изминатите две и половина години посветено работевме на изготвување на урбанистичко - планска документација и денес слободно можам да најавам дека во општина Гази Баба во наредниот период ќе се реализираат голем број на капитални проекти.

Дел од тие проекти се:

Изградба на детска градинка во Трубарево;

Изградба на детска градинка во Инџиково;

Изградба на нова училишна зграда на ООУ Крсте Мисирков;

Изградба на нов модул од фекалната канализација во Јурумлери;

Комплетна реконструкција на Културниот дом во Ченто;

Реконструкција и ревитализација на улица Петре Филиповски Гарката во Триангла;

Реконструкција и ревитализација на улица Лазар Поп Трајков во Автокоманда;

Реконструкција и ревитализација на улица 519 во Керамидница;

Реконструкција и ревитализација на улица Палмиро Тољати во Ченто;

Изградба на атмосферска канализација и водоводна мрежа на улица Јоран Поп Јорданов во Маџари;

Реконструкција и ревитализација на дел од улица Жан Жорес (од Кино Маџари до надвозникот кај ООУ Наум Наумовски Борче).

Поддршката од Владата на Република Македонија е многу важна во процесот на реализацијата на капиталните проекти во општината.

Им благодарам на премиерот Христијан Мицкоски и министерот Златко Перински за нивната вистинска заложба за поддршка на општините, а преку тоа и за директна помош на граѓаните.

Среќен сум што Македонија доби Влада на која приоритет и се граѓаните и развојот на општините! – напиша Стефковски.

The post Гази Баба најавува изградба на 10 капитални проекти appeared first on Република.

Градоначалникот на Гази Баба Бобан Стефковски  објави дека неговата општина ќе го помогне ФК Вардар со 1.800000 денари.

Секоја чест

The post Oпштина Гази Баба ќе го помогне Вардар со 30.000 евра appeared first on Република.

„🙌 ПРЕКРАСЕН НАСТАН СО ПРЕКРАСНИ ЛУЃЕ ВО ГАЗИ БАБА!

🙂Насмеани и позитивни лица, забава и дружење со нашите пријатели на плоштадот во Автокоманда!

ℹ️ Победничкото расположение е присутно кај сите, одбројуваме уште неколку дена до големата двојна победа. На 8-ми мај заедно ќе донесеме радост и насмевки кај сите луѓе!

✍️На 8-ми мај гласаме за број 2!

Заедно до голема двојна победа! Победа за Македонија!

 Македонија повторно твоја!“„, стои во неговиот пост на Фејсбук.

The post Мисајловски во Гази Баба: Победничкото расположение е присутно кај сите, одбројуваме уште неколку дена до големата двојна победа appeared first on Република.

The post ВМРО-ДПМНЕ веќе слави во Гази Баба appeared first on Република.

„Победуваме силно затоа што во секој од вас се раѓа чувство на вознемиреност и длабоко во себе знаете дека е во прашање Македонија. За нашата татковина се работи“, порача претседателот на ВМРО-ДПМНЕ, Христијан Мицкоски од митингот во Гази Баба.

Мицкоски рече дека оваа власт со години го разграбува секое вредно парче слобода, печалат на грбот на работливиот народ, и се грижат единствено за личните џебови и богатење.

Посочи дека нема тука кај нив никаква идеологија, туку тендери, бизниси и матни зделки.

„Чувството на вознемиреност е што Ковачевски му ја сервираше Македонија на Али Ахмети, на Артан Груби и на Талат од Форино. Со 100 души од ДУИ се управува цела Македонија, а чираците од СДСМ исполнуваат се што ДУИ ќе посака. Го загубија идентитетот, се претопија во криминалот, некогаш големата партија СДСМ, ова раководство ја претвори во пудлица на Ахмети и неговите желби“, истакна Мицкоски.

Тој додаде дека на нивните митинзи играат оро, ама на Онкологија луѓе умираа затоа што немаше лекови.

-Тие играат оро, а 600 илјади граѓани живеат со само 150 денари на ден. Инфлацијата три пати го изеде секое покачување на платите. Рекордери сме по корупција и криминал, неславни рекордери во Европа, рече тој.

„И денес гледам правеле митинг пред зградата на делегацијата ЕУ во центарот на Скопје, небаре ако се поблиску до зградата ќе бидат и тие ЕУ. Каква пародија. И Ковачевски и Ахмети на чело да тетовираат знаме на ЕУ и да се качат на врв на зградата на ЕУ, тие не стануваат тоа затоа што до гуша се во криминал. И се прочитани од народот како буквар“, порача Мицкоски.

„Неспособни редат на одговорни позиции. Членови на ДУИ и СДСМ со купени дипломи стануваат директори, а учените млади луѓе си одат надвор од Македонија. На овие избори се одлучува или тие, или Македонија. Или 100-тина души од ДУИ со чираците од СДСМ или народот на Македонија, вредните луѓе на оваа земја. Не се тие посилни од народ, затоа и народ ќе им се случи“, истакна претседателот на ВМРО-ДПМНЕ.

Тој додаде дека по 8-ми мај Македонија ќе ја води способна влада предводена од ВМРО-ДПМНЕ и Коалицијата „Твоја Македонија“.

The post Мицкоски: И Ковачевски и Ахмети на чело да тетовираат знаме на ЕУ и да се качат на врв на зградата на ЕУ, тие не стануваат тоа зошто до гуша се во криминал appeared first on Република.

Ова позитивна енергија која ја има сега треба да продолжиме и да создаваме нова иднина. Сакам да се приклучите сите во оваа убава приказна, да се сплотиме. Затоа имаме една прекрасна програма „Платформа 1198“, платформа за сите да биде среќни и да имате подобар живот, вели потпретседателот на ВМРО-ДПМНЕ и носител на листата за пратеници од втората изборна единица, Владо Мисајловски од централниот митинг во Гази Баба.

Идејата ни е, вели Мисајловски, економијата да има раст, затоа ние ќе одиме кон тоа економскиот раст да биде до 5 %,  да има инвестиции и од домашни, но и странски.

„Планираме 50 илјади нови работни места, планираме и 500 нови вработувања  за решавање на проблемот  со работниот однос на здравствените работници, и ветување од  5.000 денари за сите пензионери уште во првата година“, рече Мисајловски.

Посочи, „ќе создадеме услови за секое дете да има место во градинка, а не да има листи на чекање и за секое дете ќе има учебник, додека за мајките кои се вработени ќе има финансиска поддршка“.

„За општините планираме за четири години, една милијарда евра или 250 милиони евра за секоја година на сите општини за да можат тие да се развиваат и да им овозможуваат достоинствени услови за живот во општините на своите граѓани“, истакна Мисајловски.

Мисајловски порача дека за тоа да се случи треба сите во што поголем да го дадат гласот за ВМРО-ДПМНЕ и за Христијан Мицкоски да биде иден премиер кој што ќе ја развива Македонија и кој ќе се погрижи да имаме жестока борба со криминалот и корупцијата.

The post Мисајловски: Платформа 1198 е програма за подобар живот на граѓаните, за економски раст до 5%, за 50.000 нови вработувања appeared first on Република.

„Иако народот е определен и е јасно дека власта ја чека пораз, сакам да предупредувам дека знаеме со кого си имаме работа. И забрзано овие денови спремаат повеќе сценарија со кои сакаат да ја изиграат волјата на народот и да го ублажат поразот“, истакна претседателот на ВМРО-ДПМНЕ , Христијан Мицкоски од митингот во Гази Баба.

Мицкоски додаде дека Ковачевски веројатно поучен од некои ментори со искуство внатре во партијата, игра една опасна игра.

-И не би предупредувал на ова доколку влогот не беше Македонија, и доколку оваа завера која ја подготвуваат не удира силно по темелите на државата, рече тој.

„Тој на ДУИ им нуди многу повеќе ресори, министерства и претпријатија отколку што самата ДУИ може да замисли. И ова го прави со една единствена цел, моли, коленичи, измеќари заедно со Стево Пендаровски за да добијат поддршка за вториот кург претседателски избори. Но, заборава дека колку и да измеќарат, колку и да бараат поддршка, овој народ овде и народот кој што изминативе 18 дена го гледам низ Македонија како се обединува околу коалицијата „Твоја Македонија“, ВМРО-ДПМНЕ и идниот претседател Гордана Силјановска Давкова, тогаш сум сигурен дека било какво понижување, било какво измеќарење ќе биде недоволно“, истакна Мицкоски.

„Ваквата завера е дополнета со последни информации кои ги добивам со намерата да уфрлат луѓе за потплата на гласови и да вршат притисоци за гласање, а не исклучувам и колективно гласање и нови рекорди за брзо гласање во некои средини и делови од Македонија какви сме гледале во минатото. Или што би рекол еден политичар кој што набргу ќе биде поранешен – како со сега“, рече Мицкоски.

Мицкоски запраша што е одговорот против оваа завера.

„Освен тоа што верувам дека МВР сериозно ќе си постапи, сакам да кажам дека најефикасниот начин на делување и одговор е да се излезе на гласање. Излезете и гласајте, гласајте масовно уште на претседателските избори затоа што така ќе го победиме секој поткуп и нерегуларности и така ќе спречиме да ја украдат народната волја“, порача Мицкоски.

Тој нагласи дека одговорот се граѓаните кои во овие одлучувачки и историски моменти за Македонија, контролата на државата ја земаат во свои раце. Тоа пенкало на 24-ти април ги дели од тоа дали Македонија ќе продолжи да тоне или ќе се извлече од калта во која се наоѓа.

The post Мицкоски: Власта спрема сценарија за изигрување на изборната волја на народот, најефикасен одговор за нивната завера е масовно гласање appeared first on Република.

https://www.youtube.com/watch?v=mP9AZYtWGHk

The post Следете во живо: Народен митинг на ВМРО-ДПМНЕ во Гази Баба – Македонија повторно твоја! appeared first on Република.

The post ВМРО-ДПМНЕ вечерва во Гази Баба appeared first on Република.

Без вода утре од 9 часот ќе бодат дел од жителите на населбата Камник, ресторанот и стрелиштето.

Како што соопшти ЈП „Водовод и канализација“ - Скопје, прекинот е поради уличен дефект ф-100 милиметри на улица „Љубиша Самарџиќ“ (поранешна „Камник“).

Корисниците ќе бидат без вода се до санирање на дефектот.

The post Дел од општина Гази Баба утре без вода appeared first on Република.

На 09.04.2024 во 17.30 часот во СВР Скопје С.С.(39) од Скопје, пријавил дека на 08.04.2024 околу 21.52 часот на подрачјето на Гази Баба дошле четири лица и едното од нив извадило пиштол и испукало еднаш во воздух.

Се преземаат мерки за расчистување на случајот.

The post Пукање во Гази Баба appeared first on Република.