Австриската компанија за игри на среќа „Новоматик“ ќе биде новиот сопственик на Вардар, објави „Спорт1“.

Информациите на „Спорт1“ велат дека преговорите се во завршна фаза, се очекува прецизирање уште на неколку детали по што зделката и официјално ќе биде објавена.

Ова значи крај на голготата на вардаровите навивачи кои кинеа живци во изминатите години по крајот на ерата на Сергеј Самсоненко.

Според најавите, клубот во наредните години треба да има милионски буџет.

„Новоматик“ е австриска компанија која е сопственик на 2.000 казина и останати места за игри на среќа во повеќе од 50 држави Голем дел од нив се преку брендот „Адмирал“, кој е присутен и во Македонија од 2009 година. Оваа компанија на светско ниво има преку 20.000 вработени и вкупен годишен приход од 1,8 милијарди евра.

The post Австриската компанија „Новоматик“ ќе биде новиот газда на Вардар! appeared first on Република.

Полицијата ноќеска во 01.45 часот го лишила од слобода Б.Ѓ.(34) од Гостивар, откако при претрес во неговиот угостителски објект и во помошни простории од објектот во Гостивар, извршен со судска наредба, биле пронајдени и одземени кокаин, марихуана, дигитална вага и повеќе предмети со остатоци од кокаин.

Б.Ѓ. е задржан во Полициската станица Гостивар и по целосно расчистување и документирање на случајот против него ќе биде поднесена соодветна пријава, информира Министерството за внатрешни работи.

The post Уапсен газда на гостиварски локал во кој му нашле повеќе дрога appeared first on Република.

Во понеделникот во 19.55 часот во СВР Скопје било пријавено дека пред угостителски објект на ул.„Аминта Трети“, едно лице физички го нападнало сопственикот на објектот С.Т.(56) од Скопје, при што употребило и тврд предмет.

Во 22.00 часот, пак, М.И.(42) од Скопје пријавила дека околу 19.25 часот на работното место во угостителски објект на ул.„Аминта Трети“ била физички нападната од сопственикот на објектот С.Т.(56) од Скопје.

Се преземаат мерки за расчистување на случајот и по целосно документирање ќе следи соодветен поднесок, велат од МВР.

The post Газда и вработена се истепале во Дебар Маало appeared first on Република.

ОВР Пробиштип поднесе кривична пријава против правно лице од Скопје и управителот М.Ш.(39), поради постоење основи на сомнение за сторено кривично дело „злоупотреба на постапка за јавен повик, доделување на договор за јавна набавка или јавно приватно партнерство, соопшти МВР.

Пријавеното правно лице и одговорното лице во текот на мај 2022 година, по пат на електронско јавно наддавање биле избрани за најповолен понудувач за отуѓување на градежно земјиште сопственост на РСМ. Но, тие не го уплатиле целокупниот износ поради што Општина Пробиштип била принудена да ја активира банкарската гаранција. При активирање на гаранцијата, Општината била известена дека во банката не постои банкарска гаранција, односно банкарската гаранција била фалсификувана“, се вели во полициското соопштение.

На тој начин, Општина Пробиштип од пријавените не успеала да го наплати своето побарување, при што ѝ е причинета материјална штета во вкупен износ од 932.400 денари (околу 15.000 евра).

The post Газда на скопска фирма фалсификувал банкарска гаранција за државно земјиште во Пробиштип appeared first on Република.

Вчера во 17.00 часот во СВР Тетово, И.И.(42) од Тетово пријавил дека во Тетово бил физички нападнат Е.П.(57) од Тетово, сопственичка на
станот каде живее тој под кирија. Според пријавеното, причина за нападот се должничко-доверителски односи.

Се работи на целосно расчистување на случајот, по што ќе следи и соодветен поднесок.

The post Кираџија нападнат од газдарицата за неплатена кирија appeared first on Република.

Готвачката во „Градска меана“ во Врање, Јована Јанковиќ за десетгодишната работа во познатата кафана од работодавците доби автомобил. За овој гест сопственикот Ивица Цветковиќ вели дека е нешто сосема нормално, особено затоа што добра работничка е вистинска реткост.

За 10 години напорнo, но пред сè убавo работење, за твојата лојалност, верност, посветеност кон работата, која ја постигна работејќи во „Градска меана“, овој подарок е знак на внимание! Со здравје да се вози, напиша тој споделувајќи го новиот автомобил.

Цветковиќ за „Нова.рс“ вели дека кај нив е пракса да се наградува добрата работа. Јанковиќ, пак, вели дека иако знаела дека ќе добие автомобил, зошто само што го положила возачкиот испит, не знаела дека тоа ќе биде нејзиниот омилен - „буба“.

Инаку, ресторанот секој Митровден им подарува часовник на вработените кои биле ангажирани пред една година.

The post Газда од Врање ѝ подари автомобил на готвачката за 10 години верност и работа appeared first on Република.