Австриската владејачка коалиција се согласи целосно да го запре снабдувањето на земјата со руски гас до 2027 година.

Одлуката е донесена во согласност со Брисел и има за цел „намалување на зависноста од увоз на руски енергенти за да се заштитат економијата и домаќинствата од нови ризици поврзани со цените и снабдувањето“.

Во документот се истакнува дека постепеното укинување на рускиот гас ќе биде дел од општата стратегија за трансформација на енергетскиот систем, земајќи ја предвид декарбонизацијата, сигурноста на снабдувањето и пристапноста за домаќинствата, претпријатијата и индустријата.

„Посебно внимание ќе се посвети на тоа домаќинствата и претпријатијата да добијат најдобра можна поддршка во оваа промена“, се додава во документот.

Сепак, останува нејасно како Виена ќе го постигне ова до 2027 година, со оглед на тоа што Социјалдемократската партија на Австрија (СПО), втора по големина партија во парламентот, неодамна го отфрли Законот за гас предложен од Зелените, а претходната влада го продолжи договорот со Гаспром до 2040 година.

Гаспром, некогаш главен снабдувач на ЕУ со гас, во последните месеци го зголеми увозот на природен гас во Европа за речиси една четвртина.

Нивото на извоз драматично опадна во 2022 година по западните санкции и саботажата на гасоводот „Северен тек“. Во меѓувреме, Русија ги пренасочи испораките на гас кон исток, зголемувајќи ја продажбата на Пекинг за речиси половина од тоа што беше испорачано пред 2022 година.

The post Австрија со стратегија за енергетска независност од Русија до 2027 година appeared first on Република.

Бугарскиот технички вицепремиер и министер за транспорт Христо Алексиев за бТВ коментираше дека неговата земја не добила ништо од количества гас од „Гаспром“, што ѝ следувале согласно договорот меѓу нив.

Како што јави дописникот на МИА од Софија, Алексиев појаснил дека Бугарија нема потреба од овие количества гас од Русија.

Бугарската преодна влада за два месеци постигна целосна диверзификација, и тоа по многу добра цена, што можеше да се види по цените за ноември, што ќе бидат под 200 лева (100 евра) за мегават час, рече Алексиев.

Тој изјави дека на тендерите за природен гас за Бугарија учествув але 15 компании од Европа, САД и од Арапскиот Полуостров, а следната недела ќе се склучат два договори за течен гас за ноември по многу добри цени. Следната аукција треба да се отвори во декември.

Овој месец ќе ги отвориме и понудите за среднорочниот тендер што ќе ја покрие не само грејната сезона, туку ќе стигне и до крајот на следната година, рече Алексиев.

Од почетокот на август, кога почна со работа техничката влада на Бугарија, цената на бензините е намалена за 40 центи (20 евроценти).

Алексиев истакна дека просечната потрошувачка на струја од едно семејство во Бугарија е околу 200 киловат часови. Неговата земја ќе постави граница од 250-300 киловат часови за да можат нормалните семејства да имаат корист од тоа.

А кој сака и користи повеќе ќе плати повеќе, изјави бугарскиот вицепремиер.

The post Алексиев: Бугарија не земала гас од руската компанија „Гаспром” appeared first on Република.

Претседателот на ВМРО-ДПМНЕ, Христијан Мицкоски денеска порача дека „нема намера да биде трговец со гас или трговец со мазут“, во однос на понудените предлози до Владата за справување со енергетската криза.

-Ние во партијата немаме намера да се занимаваме со тоа, туку едноставно ова се позиции кои ги ставаме на располагање на Владата, со што им помагаме на граѓаните и стопанството. Гаспром не е позицијата, но на крајот од денот Гаспром е директниот извор за да дојде гасот во Македонија. Поразот на сите влади е што сме дозволиле само еден влез во државата. Гаспром мора да биде тој кој што ќе одлучи дали ќе се крене рампата. Позицијата со која што јас разговарав, обезбедува гаранција дека тоа ќе се случи, одговори Мицкоски на новинарско прашање по средбата со премиерот Димитар Ковачевски.

The post Контактот на Мицкоски гарантира дека Гаспром ќе ја крене рампата и Македонија ќе добие гас appeared first on Република.

Портпаролот на гасниот гигант „Гаспром“, кој е под контрола на Кремљ, во петокот изјави дека истекле 800 милиони кубни метри природен гас по експлозијата што погоди два цевководи под Северното Море, пренесе агенцијата Тас.

Портпаролот Сергеј Купријанов преку видео врска на седницата на Обединетите нации изјави дека количината на ослободениот гас е еднаква на тримесечната испорака на Данска.

За потсетување, рано наутро околу 2 часот по локално време, меурчиња почнаа да се гледаат на површината на Балтичкото Море меѓу Шведска и Данска, на околу 23 километри југоисточно од данскиот остров Борнхолм. Тоа утро беше објавено дека притисокот во гасоводот Северен тек 2 паднал од 105 бари на 7 бари во текот на ноќта, што укажува на истекување.

Гасоводот Северен тек 2 е долг 1.230 километри и се протега од Русија преку Балтичкото Море до Германија.

Данска распореди воени авиони за да бара знаци на истекување и да идентификува област на морето како опасна за бродови. Времето на истекување беше потврдено со читања на сеизмолозите од соседните земји, кои регистрираа настан сличен на земјотрес со јачина од 1,8 степени, а потоа го лоцираа на речиси истото место каде што истекувањето излегуваше на површината.

Околу 17 часа по првото отчитување околу Северен тек 2, сеизмолозите забележаа второ отчитување североисточно од Борнхолм, што укажува на друг инцидент.

Набргу потоа, Nord Stream AG, операторот на Nord Stream 1, соопшти дека ги истражува причините за падот на притисокот во гасоводот. Сеизмолошките читања повторно го лоцираа инцидентот на одредена локација – на околу 55 километри североисточно од Борнхолм.

Следното утро, Шведската поморска управа издаде предупредување за две истекувања од гасоводот Северен тек 1 во нејзините и данските води, со што вкупниот број на истекувања се искачи на три. Северен тек 1 следи слична, но не идентична рута од Русија до Германија и се користеше за транспорт на руски гас во Европа од 2011 година до избувнувањето на војната во Украина.

По руската инвазија на Украина, Европа почна да ја намалува зависноста од гас од Русија.

The post „Гаспром“: Од гасоводот истече гас колку што ѝ треба на Данска за три месеци appeared first on Република.

Демонстрантите бараат оставка од вршителот на должноста министер за енергетика на Бугарија, Росен Христов, јави дописникот на МИА од Софија.

Претседателот на БОЕЦ, Георги Георгиев најави дека блокадата ќе продолжи до доцна во ноќта и ги предупреди полицајците, кои ја чуваат зградата на бугарската Влада да не се обидуваат да ја уништат, бидејќи ќе преземат сериозни мерки.

Демонстрантите извикуваат „Ова не е Москва“ и „Оставка“, а на транспарентите пишува „Гаспром ги спонзорира руските војници“ и „Варвари, Путин е убиец“.

– Наместо сегашната Влада на Бугарија да ги преземе сите неопходни активности за да може нивната земја да ги реализира другите алтернативи, таа ја внесува земјата во убиствената прегратка на „Газпром“, нагласи Георгиев.

Демонстрантите скандираа и „Радев надвор“

The post „Ова не е Москва“: Демонстрантите во Софија скандираат против договорот со „Гаспром“ appeared first on Република.

Сега „веќе е неизбежно“ Бугарија да преговара со компанијата „ Газпром экспорт“, за испораки на гасот, изјави во понеделникот на брифинг со новинарите министерот во техничката влада Росен Христов по состанокот на кризниот штаб за надминување на проблемите во енергетскиот сектор.

„Бугарскиот бизнис не може да се справи со високата цена на гасот, што практично ги прави неизбежни преговорите со Газпром экспорт за продолжување на испораките на гасот според тековниот договор“, рекол Христов.

Притоа сугерирал дека постигнувањето договор ќе биде тешко, како и дека преговори за дополнителни испораки на гас ќе бидат водени и со гасните компании од Азербејџан, како и дека веќе е обезбеден еден танкер со течен природен гас (LNG) во октомври.

Меѓутоа преодната влада во Софија, предупредува дека претходната влада ги направила преговорите со руската компанија „речиси невозможни“ и дека крајно ги затегнала односите со Русија, со протерувањето на стотината руски дипломати за наводна шпионажа и со прекинувањето на секаква комуникација со Москва.

„Очигледно ќе треба да се обратиме кај нив, не очекуваме ниту лесни ниту брзи преговори, ниту којзнае каков резултат и покрај сите наши напори и со сите експерти. Можам сега да ви кажам дека ќе бидат многу тешки и сложени поради сѐ што е направено досега“, рекол Христов и реторички прашал зошто „Газпром“ треба да ѝ дава гас на Бугарија, со оглед на тоа што во Европа може да продава по многу повисока цена количества кои веднаш се земаат.

Претходно во неделата во интервју за агенцијата ТАСС, руската амбасадорка во Софија, Елеонора Митрофанова, коментирајќи го прашање за испораките на рускиот гас за Бугарија беше категорична дека решението на тоа прашање целосно зависи од позициите на бугарските политичари.

„Сметам дека доколку има политичка волја, нема да има проблеми со ‘Газпром’, бидејќи за обновувањето на снабдувањето со гас не е потребно да се потпише нов договор, тој важи до декември. Можно е и да се разговара и за испораките на количествата гас што беше прекинато во април поради неплаќањето во рубљи. Сепак, нема начин да се разговара за можноста гасот да се плаќа во долари или евра, а не во рубљи“, истакна Митрофанова.

На 27 април руски „Газпром“ целосно го прекина снабдувањето со гас за бугарската компанија „Булгаргаз“ поради одбивањето испораките да се исплаќаат во рубљи, според новиот модел што го одреди Москва поради западните санкции наметнати поради војната во Украина врз нејзиниот финансиски сектор. Според него, компанијата нарачател треба да отвори сметка во „Газпромбанк“ на која ја врши уплатата во евра или долар и втора преку која банката ги продава валутите на Московската берза за рубљи и се врши плаќањето. Но Софија, солидаризирајќи се земјите во ЕИ и НАТО, иако водечки компании од Европа се согласија на таквиот начин на плаќање, одби да ја променува таа шема.

Подоцна бугарската влада водена од Кирил Петков објави дека пронашла алтернативни правци на снабдување, вклучително и увоз на течен природен гас (LNG) од САД и испораки од Азербејџан, и тоа по значително пониски ценит отколку што ги нуди „Газпром“

Од друга страна, гасот во јули во Бугарија чинеше 186.17 (или 95.34 лева) без дополнителни давачки за мегават-час, а во август цената скокна на рекордните 297,89 лева (149 евра) за мегават час, а се прогнозира дека цената на енергенсот во септември ќе се зголеми за дополнителни 6 отсто. Според бизнис заедницата, во моментов прифатлива цена би била 250 лева (124 евра) за мегаватчас без давачките за пристап, пренос, акциза и ДДВ.

The post Неизбежно е: Бугарија ќе преговара со „Гаспром“ за обновување на испораките на гас appeared first on Република.

Вечерва се одржа нов протест пред бугарското претседателство против обновувањето на испораките на природен гас од „Гаспром“, кои еднострано беа прекинати од рускиот монопол поради одбивањето на Бугарија да го исполни барањето за плаќање во руски рубљи, јави дописникот на МИА од Софија.

Организаторите на протестот, кој е насловен #ГАЗwithme, најавија дека очекуваат одговори од претседателот Румен Радев за испораката на гас и за укинување на монополот на руските енергетски компании „Гаспром“ и „Лукоил“ во Бугарија.

Демонстрантите соопштија дека испратиле седум прашања до официјалната влада на Бугарија и до политичарите за актуелните проблеми за земјата, а одговори добиле само од двете партии „Продолжуваме со промените“ и „Демократска Бугарија“.

Бугарскиот претседател Радев беше исвиркан и почна протест за поддршка на Украина со основни барања да не се обновуваат врските на Бугарија со „Гаспром“ и да се организираат фер предвремени парламентарни избори.

Бугарската демократија мора да се брани секој ден, но претседателот Радев се обидува да ја покори - им порача на демонстрантите блогерот и политички коментатор Асен Генов.

Според него, претседателот владее со Бугарија од ТВ, по примерот на севернокорејскиот претседател Ким Џонг Ун и Русинот Владимир Путин.

Демонстрантите извикуваа „Радев, надвор!“.

Претседателот, според познатиот блогер, се јавувал на вршителот на должноста премиер на Бугарија и неговите министри и им наредувал што и како да прават.

Лидерот на граѓанското движење БОЕЦ Георги Георгиев, кој учествуваше на протестот, изјави дека почнува петиција за соборување на Румен Радев од функцијата претседател на Бугарија.

The post Бугари протестираа против можното обновување на испораките од руски „Гаспром“ appeared first on Република.

Интервјуто на привремениот заменик-министер за енергетика во владата на Гулаб Донев, Еленко Бошков, ги засили сомнежите дека претседателот Румен Радев ја избрал со задача да ја врати Бугарија под руско влијание.

Во интервјуто за бугарската телевизија Нова Бошков не ја исклучува можноста да преговара за нов долгорочен договор со руски „Гаспром“, вклучително и да се согласи да го плати рускиот природен гас во рубли, спротивно од санкциите на ЕУ.

„Гаспром„ е опција . Во исто време, преговорите со Азербејџан кои ги почна владата на Петков се во прекин додека новиот тим не дознае што е досега договорено – рече рече Божков, додавајќи дека „не гледа ништо лошо во тоа“.

Бугарија го добиваше најголемиот дел од природниот гас од „Гаспром“, но руската компанија ги прекина испораките на крајот на април бидејќи владата наКирил Петков одби да почне да плаќа во рубли.

Иако, владата на Петков обезбеди испорака на 1 милијарда кубни метри природен гас од Азербејџан, количество кое треба да биде испорачано пред завршувањето на гасната врска Грција-Бугарија, тоа е само една третина од годишната потрошувачка на Бугарија.

Бошков во интервјуто вели дека самата Бугарија е одговорна за запирање на снабдувањето на „Газпром“ бидејќи владата на Петков одбила да го плати гасот во рубли. Актуелниот договор со „Газпром“ истекува на крајот на 2022 година.

Во меѓувеме привремената влада на Гулаб Донев размислува за повторно потпишување на долгорочниот договор со Газпром.

The post „Гаспром“ е опција за новата бугарска влада appeared first on Република.

Поради тоа што „Гаспром“ повеќе не испорачува гас за полнење на еден од најголемите складишта за гас во Австрија, со стапувањето во сила на новиот закон за енергетска безбедност, австриските власти од 1 јули ќе го преземат складиштето во Хајдах.

Австрија годишно троши од 90 до 100 терават часови гас, а лани потрошувачката била 96,3 терават часови. Токму оваа количина на годишна потрошувачка Австрија може да ја има во резервоарите во сите свои складишта.

Во моментов во тек е полнењето на сите расположливи складишта за гас во кои дневно се инјектираат 0,2 терават часови. Зафатеноста на магацините на „ОМВ“ од околу 25 терават часови е веќе на 68 отсто, а малку помалиот магацин под раководство на компанијата „РАГ“ е исполнет со околу 60 отсто.

Меѓутоа, во моментов не се полни второто по големина складиште за гас во Австрија, тоа во Хајдах, кое е во сопственост на фирмата ќерка на „Гаспром“, „ГСА“, чиј капацитет е 21 терават часови. Според пишувањата на австриските медиуми, исполнетоста на магацинот во Хајдах во моментов е нула проценти. Австриската влада си постави за цел да го наполни магацинот пред зимата до 80 проценти.

Австриската влада веќе кон средината на мај испрати барање до „Гаспром“ да го наполни магацинот во Хајдах, со најава дека доколку не го сторат тоа, државата ќе го преземе складиштето. Засега нема реакција од руската компанија.

Откако Собранието го усвои новиот закон, со кој сопствениците на складишта за гас се обврзани да ги полнат, од 1 јули властите можат да ги преземат сите складишта кои не се полни повеќе од 10 отсто. Така, претстои пренос на правото на користење на складиштето Хајдах на компанијата „РАГ“.

Сепак, проблемот е што иако се наоѓа на територијата на Австрија, складиштето за гас има цевки само кон Германија. Сега Хајдах е на пат да се приклучи на австриската мрежа, која треба да биде имплементирана до крајот на годинава. Инаку, Австрија има направено план за вонредна ситуација во случај на неиспорака на гас. Планот предвидува рационализирање на снабдувањето со гас за индустријата.

Имено, големите концерни би се приклучиле во новиот систем за трговија со гас преку кој ќе се продаваат расположливите количини, а поканети се компаниите и електраните да го заменат гасот со нафта или јаглен.

Доколку сето ова не успее, ќе се воведат ограничувања за 35 големи потрошувачи, кои не се системски важни и кои трошат повеќе од 500.000 киловат часови гас, а и помалите компании кои трошат повеќе од 400.000 киловат часови гас годишно мора да сметаат на ограничувањата. Со мерката се ослободуваат домаќинствата, како и електраните, болниците и прехранбената индустрија.

The post Австрија ќе го заплени складиштето за гас на „Гаспром“: Се чека реакција од руската компанија appeared first on Република.

Во периодот од 21 до 28 јуни годинава ќе биде прекината испораката на гас преку Турски тек поради редовно одржување на гасоводот, соопшти денеска Газпром.

Суспендирањето на транспортот на гас е навремено договорено со сите заинтересирани страни, објави Гаспром на Телеграм, пренесе Спутник.

Проектниот капацитет на рускиот извозен гасовод Турски тек е 31,5 милијарди кубни метри гас годишно, а е наменет за испорака на гас во Турција и земјите од јужна и југоисточна Европа.

Според Гаспром, транспортот на гас преку двата крака на гасоводот Турски тек ќе биде привремено прекинат во периодот од 21 до 28 јуни 2022 година, поради планираното превентивно одржување.

The post Гаспром најави прекин на испораките на гас appeared first on Република.

По воведувањето на западните санкции, рускиот претседател Владимир Путин потпиша указ со кој воведе нова процедура за плаќање на рускиот гас на 1 април годинава.

Земјите кои одбија да платат за гас според новиот аранжман на Москва заснован на рублјата веќе се исклучени од снабдувањето, но не се планирани нови исклучувања, изјави денеска портпаролот на Кремљ, Дмитриј Песков.

Некои земји се веќе исклучени. Не се планирани нови исклучувања. Оние земји кои добиваат гас веќе функционираат според новиот систем, опишан во релевантниот декрет на претседателот на Русија. Овој систем функционира совршено, рече тој пренесува ТАСС.

По воведувањето на западните санкции, рускиот претседател Владимир Путин потпиша указ со кој воведе нова процедура за плаќање на рускиот гас на 1 април годинава.

Од тој датум, земјите кои сакаат да купат руски гас мора да се усогласат со новата шема за плаќање, која вклучува отворање две сметки, едната за плаќања во странска валута, а другата за претворање на тие средства во рубли.

Русија ќе продолжи да испорачува гас во количини и по цени утврдени со претходни договори, соопшти ТАСС.

Поради одбивањето да го платат гасот во рубли, Гаспром досега ги откажа испораките за Бугарија, Полска и Финска, како и за данските Орстед и Шел Енерџи за снабдување со гас за Германија и данската компанија ГасТера, наведува Ројтерс.

The post Песков: Системот за плаќање гас во рубли функционира совршено appeared first on Република.

Рускиот гасен гигант Гаспром објави дека ќе престане да го користи гасоводот во сопственост на ЕуроПол ГАС, заедничко вложување меѓу Гаспром и полската компанија PGNiG, која управува со полскиот дел од гасоводот Јамал-Европа.

Воведувањето руски контра-санкции значи забрана за користење на гасоводот што му припаѓа на Европол ГАЗ, изјави портпаролот на гасниот холдинг Сергеј Купријанов.

Воведена е забрана за трансакции и плаќања во корист на лица подложени на санкции, за Гаспром тоа значи забрана за користење на гасоводот во сопственост на Европол за пренос на руски гас преку Полска, рече портпаролот.

The post Гаспром престанува да го користи гасоводот Јамал-Европа за транспорт на гас низ Полска appeared first on Република.

Рускиот енергетски гигант „Гаспром“ сака засега да користи делови од руско-германскиот гасовод Северен тек 2, кој е ставен во мирување, за снабдување на сопственото население.

Со оглед на тоа што гасоводот во Балтичкото Море во моментов не се користи, „Гаспром“ одлучи да ги „искористи вишокот руски транспортни капацитети на копно за развој на снабдувањето со гас во регионите во северозападниот дел на Русија - соопшти компанијата.

Пораката, објавена на профилот на Телеграм на компанијата, содржи и предупредување до Берлин.

Доколку Германија сепак одлучи да го пушти во употреба Северен тек 2, најмногу што ќе може да се направи е првиот дел од подводната рута да биде поврзан во блиска иднина. Вториот крак сега нема да се користи пред 2028 година.

Гасоводот Северен тек 2 има два крака, секој со транспортен капацитет од 27,5 милијарди кубни метри гас годишно.

По руската воена операција во Украина, Берлин целосно го запре процесот на сертификација на гасоводот. Во новата енергетска стратегија на Германија се планира значително да се намали зависноста на земјата од рускиот гас

The post „Гаспром“ ќе го користи „Северен тек 2“ за снабдување со гас за домашни потреби appeared first on Република.

Имаме соодветни алтернативи во случај да дојде до прекин на снабдувањето со гас од „Гаспром“, на пример индустриските капацитети да можат да користат мазут, но каква одлука и да се донесе, Македонија во оваа фаза ќе се ублажи, се залагаме одлуката да биде донесена согласно договорот за употреба на гасоводот, изјави вицепремиерот задолжен за европски прашања Бојан Маричиќ за Би-Би-Си.

Маричиќ додаде дека земјава има договорени количини, но сепак не може да се предвидат чекорите на Русија, поради што се работи на диверзификација на нашите можности за снабдување.

Во случај „Гаспром“ да го раскине договорот со „Булгартрангаз“ во однос на нашите резервирани количини во интерконекторот, планираме увоз на природен гас преку интерконектор што Република Бугарија го има со Грција, кој е поврзан со ТАБ со авион и снабдува гас од Азербејџан, така што работиме заедно со САД и нашите партнери од ЕУ на замена на испораките на природен гас од Русија, рече Маричиќ.

Вицепремиерот додаде дека Македонија беше една од првите земји што се приклучи на одлуката на ЕУ за санкциите бидејќи, како што рече, сме земја која е кандидат за членство во ЕУ и сојузник во НАТО, но и за правење на морален избор за застанување покрај Украина.

The post Маричиќ за Би-Би-Си: Имаме соодветни алтернативи доколку се прекине снабдувањето од „Гаспром“ appeared first on Република.

Германскиот клуб, Шалке 04 денеска потврди дека е раскинат договорот со руската компанија Гаспром која беше главен спонзор тимот. 

Веднаш по нападот на Русија на Украина, Шалке 04 го тргна Гаспром од дресот, а денеска информира дека спонзорскиот договор со руската компанија е раскинат.

Преку својата веб страна тие соопштија дека бордот на директори одлучил перманентно да го раскине договорот со Гаспром.

Во моментов се водат преговори со други компании кои треба да дојдат на местото на Гаспром.

Die Partnerschaft zwischen dem #S04 und #GAZPROM wird vorzeitig beendet.

Alle weiteren Informationen auf https://t.co/tgdrSrMRHZ ⤵️

— FC Schalke 04 (@s04) February 28, 2022

The post Шалке го раскина договорот со Гаспром appeared first on Република.