Катарскиот министер за енергетика Ал Каби вчера на меѓународниот форум во Доха најави дека на Европа ќе и требаат пет до седум години за да го замени рускиот гас, пренесе агенцијата РИА Новости.

Тој наведе дека пред почетокот на украинската криза Катар очекувал да испорача 60 милиони тони природен гас (ТНГ) во Европа, а по зголемувањето на капацитетот до 2027 година на 126 милиони тони годишно.

Ал Каби истакна дека Катар е подготвен да учествува во обезбедувањето дополнителни залихи за ЕУ ​​на покана на Соединетите држави, но дека 85% од сегашниот извоз се долгорочни договори, главно со азиските земји.

Пушков: Погледнете што кажаа од Катар

Русија се покажа како незаменлив играч на светскиот енергетски пазар и со тоа донесе пресуда за западниот свет, изјави денеска рускиот сенатор Алексеј Пушков на својот канал на Телеграм.

„Главната битка за нов светски поредок се води на енергетскиот фронт. Некој се надеваше дека ќе ги замени испораките на гас од Русија со испораки од Катар? Погледнете што рекоа од Катар“, напиша Пушков, пренесе РИА Новости.

The post Катар: На Европа ѝ се потребни пет до седум години за да го замени рускиот гас appeared first on Република.

Во јануари 2021 година, во Европа имаше околу 60 милијарди кубни метри гас во складиштата, што е исполнетост од 52 отсто. Споредено со истиот период годинава, количината на гас е намалена на 42 милијарди кубни метри, а исполнетоста во јануари изнесува 37,5 отсто, покажуваат податоците на „Гасната инфраструктура на Европа“, јави Анадолија.

Земја со најголемо количество складирано гас во Европа е Италија со 10 милијарди кубни метри (47 отсто), потоа Германија со 8,7 милијарди кубни метри (35 отсто) и Франција со 4,4 милијарди кубни метри (33 отсто).

Кога станува збор за процентот на складирање гас, лидер е Португалија, чие складиште од 200 милиони кубни метри е исполнето 80 отсто, а потоа следи Велика Британија, чие складиште од 750 милиони кубни метри е 75 отсто.

Пополнетоста во Европа денес е 36,6 отсто.

Податоците потврдуваат дека зголемувањето на побарувачката и студената зима биле ефекасни за намалување на залихите на гас во Европа.

Постудената зимска сезона од очекуваното и зголемената побарувачка за енергија доведоа до поголема употреба на гас. Намалувањето на количеството гас што Русија го испраќа во Европа преку Украина и намалувањето на производството во хидроцентралите исто така влијаеше на намалувањето на гасот во складиштата.

Експертите велат дека може да има дополнителни тешкотии во снабдувањето со гас поради тензиите меѓу Русија и Украина. Европските и американските власти се загрижени дека во случај на војна меѓу двете земји, Русија, која испорачува 40 отсто од европскиот гас, ќе одговори на санкциите со затворање на вентилот, посочува Анадолија.

Русија ја снабдува Европа со гас или преку долгорочни договори или еднократни договори со кои се продава одредена количина гас. Од друга страна, се наведува дека Русија има капацитет да испрати 15 отсто повеќе гас во Европа.

Експертите тврдат дека недостигот на гас е предизвикуван од Русија, која сака да покаже дека гасоводот Северен тек 2, кој Европа не го сака, е вистинска „потреба“.

The post Се намалуваат залихите на гас во европските складишта  appeared first on Република.

Германија мора да продолжи да се потпира на рускиот гас за да може да го исфрли од употреба јагленот и да ги ограничи цените на енергијата, предупреди извршниот директор на „Е.ОН“, водечката компанија за електрична енергија во оваа земја, Леонхард Бирнбаум, пренесе Хина.

Сметаме дека ни треба рускиот гас. Точка. Особено затоа што сега треба повеќе да се потпираме на гас бидејќи сакаме да престанеме да користиме јаглен, рече Бирнбаум.

Тој изрази поддршка за гасоводот „Северен тек 2“, што треба двојно да ги зголеми испораките на руски гас за Германија, но е критикуван во Вашингтон и од сојузниците, со оценката дека германската Влада направила стратешка грешка.

Гледано од перспектива на енергетска економија „Северен тек-2“ помага. Политичката оценка може да биде различна и за неа треба да се разговара на политичката арена, потенцира првиот човек на „Е.ОН“.

И САД и Германија предупредија дека „Северен тек 2“, проект што е завршен, но се уште не е ставен во функција, може да се соочи со санкции доколку Русија ја нападне Украина.

ДПА забележува дека гасот што доаѓа од Русија, преку гасоводот, во принцип е поевтин од течниот природен гас (LNG).

Доколку треба да се потпреме на ЛНГ, цените на бензинот во Европа ќе бидат многу повисоки од претходно. За да паднат цените, до Европа мора да стигне повеќе гас преку гасоводите. Тоа секако значи и увоз од Русија. Се надевам на разумно решение, и покрај сегашните тензии, објасни Бирнбаум.

The post Бирнбаум: Рускиот гас е неопходен за Германија за да се нормализираат цените на енергијата appeared first on Република.