По наредба на Вишото јавно обвинителство во Белград, припадници на МВР и БИА извршија увид на лице место каде во гаража во станбена зграда во Нов Белград е пронајдено поголемо количество автоматско оружје, јавија белградските медиуми.

Пронајдени се неколку рачни бомби и автоматски пушки, рачен минофрлач, експлозив, поголема количина муниција, фантомка.

Во тек е оперативна работа на расветлување на сите околности на овој случај и откривање и гонење на сторителите на кривичното дело“, соопшти ВЈО. Оружјето било пронајдено претпладнето.

The post Автоматски пушки, бомби, минофрлачи – цел арсенал оружје пронајден во гаража во Белград appeared first on Република.

Едно од најбизарните судења оваа година, како што го опишаа германските медиуми, заврши со изрекување глоба од 420.000 евра за поранешниот легендарен фудбалски голман Јенс Леман, кој е казнет бидејќи со моторна пила ја оштетил гаражата на соседот во родниот град Штанберг.

Поранешниот германски репрезентативен голман е прогласен за виновен за оштетување туѓ имот, навредливо однесување и обид за измама.

Германските медиуми јавија дека Леман бил незадоволен поради тоа што гаражата на соседот му го попречувала погледот од неговата куќа на езерото Штанберг во Горна Баварија.

Леман провалил во гаражниот објект на својот сосед, откако претходно го извлекол струјниот кабел од безбедносната камера и со моторна пила исекол една од гредите.

Поранешниот голман на Шалке, Милан, Борусија Дортмунд, Арсенал и Штутгарт, сепак, бил снимен од безбедносната камера која функционирала со помош на резервна батерија.

На судскиот процес Леман признал дека влегол во гаражата со моторна пила во рацете, но рекол оти не се сеќава што потоа се случило.

Нема сомнение дека обвиненијата против поранешниот германски голман се вистинити, рече јавниот обвинител Штефан Кројцер.

Леман по завршувањето на фудбалската кариера беше член на Управниот одбор на берлинска Херта, од каде беше отпуштен поради навреди на расна основа кон поранешниот фудбалер Денис Аого.

The post Леман мора да му плати 420.000 евра на комшијата, оти му ја расече гаражата која му го попречувала погледот appeared first on Република.

Изгореа автомобил, трактор, гаража и шупа во Камендол, росоманско. Очевидци, за МИА велат дека пожарникарите спречиле поголеми штети.

Од Територијалната противпожарна единица за МИА изјавија дека интервенирале со пет пожарникари и две противпожарни возила и пожарот е ставен под контрола.

Подоцна во текот на денешниот ден, пожар избил и на ресавски пат, каде гореле сува трева и борови дрвја. И таму пожарот бил ставен под контрола.

The post Изгореа автомобил, трактор, гаража и шупа во Камендол appeared first on Република.