Аргентинецот Мауро Икарди (29) потпиша договор со Галатасарај, а во редовите на турскиот великан дојде и поранешниот шпански фудбалски репрезентативец Хуан Мата (34).

Икарди се пресели во редовите на Галатасарај како позајмен фудбалер од ПСЖ, додека Мата по осум години го напушти Манчестер јунајтед и потпиша двегодишен договор со турскиот прволигаш од Истанбул.

Според турските медиуми, Галатасарај ќе покрива дел од годишната плата на Икарди во износ од 750.000 евра, додека остатокот од шест милиони евра ќе го плаќа ПСЖ.

Мата, пак, во Галатасарај ќе заработува 1.9 милиони евра по сезона.

Претходно во летниот преоден рок за Галатасарај потпишаа Дрејс Мертенс од Наполи, Лео Дубоа од Лион, Сержо Оливеира од Порто и Харис Сеферовиќ од Бенфика.

The post Ванда ќе биде тажна, мора да се сели од Париз, сопругот потпиша за Галатасарај appeared first on Република.

Шпанска Барселона со 2-1 го победи Галатасарај во Истанбул и го надополни тоа што го пропушти на Камп Ноу, Црвена звезда не успеа да ја анулира високата негатива од Глазгов, триумфираше со 2-1, но Ренџерс оди понатаму со вкупни 4-2.

Барселона успеа брзо да одговори, со одличен продор Педри постигна гол за израмнување во 37. минута. 1-1 беше резултатот на полувремето.

По пет минути игра во вториот дел Обамејанг даде гол за комплетен пресврт и победа на Барселона од 2-1.

Црвена звезда и на овој меч со Глазгов Ренџерс пропушти многу шанси. Целиот меч напаѓаше, но реализацијата одеше тешко.

Српскиот тим поведе уште во 10. минута со гол на Иваниќ, погодок кој влеа надеж дека може да се анулираат високите 0-3 од првиот натпревар.

Црвена звезда напаѓаше и создаваше шанси, а Кент од контра напад во 56. минута постигна гол за израмнување на 1-1 и ги разочара фановите на црвено-белите.

Момците на Дејан Станковиќ напаѓаа до последните моменти, успеаа да постигнат уште еден гол, Бен погоди во 93. минута за победа од 2-1.

The post ЛЕ: Барселона ја помина Галатасарај, “пирова” победа на Црвена Звезда против Ренџерс appeared first on Република.