Земјите членки на ЕУ се подготвени да ни помогнат во процесот на пристапување кон Унијата, со цел да го заокружиме колку што е можно најбрзо, изјави за МИА министерот за европски прашања Орхан Муртезани, кој денеска во Брисел учествуваше на состанокот на Советот за општи работи на ЕУ (ГАК).

Главна тема на заседанието на ГАК беше Извештајот на Европската комисија за владеење на правото за 2024 година, со кој годинава покрај земјите членки на ЕУ, првпат беа опфатени и четирите држави од Западниот Балкан вклучени во пристапниот процес – Македонија, Албанија, Србија и Црна Гора.

- Тоа што земјите кандидати од Западниот Балкан првпат се вклучени во механизмот на владеење на правото, којшто до сега беше исклучиво наменет само за земјите членки, е многу битен чекор во тоа што ние го нарекуваме „фејзинг ин“ (постепено вклучување) и ова е уште една потврда дека ЕУ се отвора кон земјите кандидати и постојано не вклучува во механизмите коишто се само за членките во ЕУ, порача Муртезани, кој воедно е и главен преговарач на земјава со Европската Унија.

Тој посочи дека главен акцент во дискусиите на состанок бил ставен на владеењето на правото, односно на состојбите во правосудството и реформите на правосудниот систем, борбата против корупцијата и организираниот криминал и слободата на говорот и медиумите.

- Досегашните напори на земјите кандидати, а во случајов и на Република Македонија, секако дека се добро прифатени и бевме охрабрени да продолжиме со реформите. Пред нас се големи пречки и предизвици, коишто сме цврсто решени да ги надминеме, рече Муртезани.

Министерот посочи дека новата Влада мора особено да посвети внимание и во скора иднина „да ги санира последиците нанесени од претходната Влада со донесувањето на Кривичниот законик“, кој, како што нагласи, во Брисел го гледаат како на антиевропски и во спротивност со европските вредности.

- Мора да донесеме Кривичен законик којшто е согласно стандардите на Европската Унија, за тоа да не стане пречка за понатамошното напредување на земјата кон полноправно членство, потенцира Муртезани.

Во однос на забелешката во Извештајот за злоупотреба на инструментот „европско знаменце“ за носење закони по забрзана постапка, Муртезани нагласи дека партиите од сегашната владина коалиција уште кога беа во опозиција ја критикуваа ваквата пракса и за усвојување на законски решенија коишто немаа никаква врска со ЕУ и европското законодавство.

- Таа пракса веќе се напушта во Собранието. Ние мора, и Собранието и сите институции, да ги хармонизираме со начинот на функционирање којшто го бара ЕУ. Во Извештајот, а и денеска на состанокот, беше упатена многу силна порака дека во Собранието не треба да се гледаат тесните политички интереси, туку дека помеѓу сите во Собранието мора да постои дијалог за стратешката определба, односно за стратешките насоки на државата, потенцира Муртезани во изјавата за МИА.

За време на денешниот престој во Брисел, Муртезани имаше и куси средби и со колегите од трите други земји кандидати за членство во ЕУ од Западниот Балкан, како и со некои од министрите учесници на заседанието на ГАК, меѓу кои и со германската државна министерка за Европа, Ана Лирман и со новиот француски министер за Европа и надворешни работи Жан-Ноел Баро.

На средбите било договорено Муретзани и Лирман да одржат билатерална средба на 14 октомври во Брисел, додека новоименуваниот француски министер најавил интерес да ја посети земјава.

- Постојат голем број на сфери и области каде што ние може да учиме од нив и од сите европски земји. Мојата импресија од состанокот е дека сите се спремни да ни помогнат, со нивна експертиза или со каква било помош, во овој процес (на евроинтеграција), којшто за нашата земја станува предолг, за да го заокружиме колку што е можно најбрзо, порача Муртезани.

The post Муртезани: Членки на ЕУ се подготвени да ни помогнат за побрзо заокружување на пристапниот процес appeared first on Република.

Доктор Ирена Алексиоска Папестиев е новиот директор на Клиниката за гинекологија и акушерство.

Таа завршила Медицински факултет на УКИМ во 2006 година, како најдобар студент на генерација со просек 9,97 за што добива награда од УКИМ и македонското Лекарско друштво.

Специјализација по гинекологија и акушерство завршува во 2012 година на Клиниката за гинекологија и акушерство на која има долгогодишно работно искуство од 2007 година.

Во текот на своето образование има бројни престои за стручно усовршување во реномирани центри во Велика Британија, Израел, Швајцарија, и Хрватска.

Паралелно со стручното усовршување има и академска кариера на Медицинскиот факултет при УКИМ каде ги поминува сите степени на академско унапредување од асистент, доцент, а моментално е избрана за професор.

Член е на повеќе стручни меѓународни здруженија преку кои има одржано повеќе стручни предавања од актуелните теми од гинекологијата на разни домашни и меѓународни конгреси, симпозиуми и стручни конференции.

Во целиот тек на своето работно искуство е докажана како професионалец, почитуван од пациенти и колеги, со истакнати организациски способности. Автор е на бројни научни публикации и коавтор на повеќе академски учебници.

The post Ирена Алексиоска Папестиев е нова директорка на ГАК appeared first on Република.

Пред неколку дена предвремено родените бебиња – близначињата Марија и Василиј си заминаа дома како здрави бебиња, информираат од скопска Клиника за гинекологија и акушерство (ГАК).

Родени се во 27 гестациска недела, Василиј со родилна тежина од 900 грама, а Марија со 940 грама.

По 72 дена престој на ОИН, каде секојдневно ја добиваа медицинската нега и безграничната љубов од педијатрите, медицинските сестри и од целиот персонал на ОИНТ, Василиј го испративме дома со 2000 грама, а Марија со 2250 грама. На малите борци близначиња им посакуваме многу здравје, безгрижно детство и само радости да им носат на своите родители, велат од ГАК.

The post Близначињата Марија и Василиј родени со 900 и 940 грама си заминаа дома како здрави бебиња appeared first on Република.

И нашиот Тони си замина дома во Кочани по 58 дена борба и предизвици на одделот за интензивна нега и терапија на ЈЗУ У ГАК – Скопје, велат од ЈЗУ Универзитетска Клиника за Гинекологија и Акушерство - Скопје.

Тони е роден предвремено, во 31-та гестациска недела со само 1100 грама.

На голема радост на сите нас, педијатри и медицински сестри акушерки успешно се избори со сѐ она што ги носи предвременото раѓање и со 1840 грама првпат влезе во својот дом.
Биди среќен наш мал борецу и имај детство исполнето со љубов и здравје.
Уживај во прегратките на твоите родители додека растеш во среќно и здраво дете, му посакаа од клиниката.

The post Малиот борец Тони по 58 дена борба си замина дома во Кочани appeared first on Република.

Директорката на Гинеколошко-акушерската клиника во Скопје, Викторија Јовановска попладнево во изјава за медиуми рече дека бебето, кое се здоби со повреда на раката при породување, е во добра состојба и дека се работи за лесна пареза која најчесто се повлекува до 48 часа.

Јовановска денеска се сретнала со семејството на бебето и им објаснила како е настаната повредата.

Им објаснував како е настаната повредата, дека тоа е можна и предвидена компликација, рече Јовановска, појаснувајќи дека ова може да се случи како компликација при попречена поставеност на плодот и дека мајката уште при прием била заведена како мајка со ризик.

Во случајов, како што рече Јовановска, родителите не прават проблем затоа што настанала фрактурата на коската, бидејќи се работи за втор царски рез после две години.

Плодот е роден во одлична кондиција со многу добра оценка за виталност. По раѓањето, бебето било дадено на проценка кај педијатар. Педијатарот проценил дека се работи за лесна пареза. Таква пареза најчесто се повлекува за 24 до 48 часа, нагласи Јовановска.

Денеска се состанала и Комисијата формирана од страна на ГАК, која ја разгледувала историјата и првично е проценето дека нема стручна грешка.

Бебето беше родено во саботата, на 30 декември. Родителите се од Скопје.

https://republika.mk/vesti/makedonija/vmro-dpmne-za-edna-nedela-tri-skandali-na-gak-potrebno-e-restart-na-zdravstvoto-vednash/

The post Д-р Јовановска: Бебето со повреда на раката е во добра состојба, се работи за лесна пареза appeared first on Република.

За една недела на Клиниката за гинекологија и акушерство се случија три скандали. Никогаш не било полошо, потребен е рестарт на здравството веднаш, реагираат преку соопштение од најголемата опозициска партија ВМРО ДПМНЕ.

Власта предводена од СДС и ДУИ направи пустош во сите области, меѓу кои и во здравството.
Грижата на луѓето во власта предводена од СДС и ДУИ е сведена само на грижа за нивниот сопствен џеб и за сопствените интереси. Власта предводена од СДС и ДУИ за седум години власт направи пустош во здравството. Инвестиција немаше речиси никаква ниту во медицински кадар, ниту опрема, ниту инфраструктура.

Цената за негрижата на власта предводена од СДС и ДУИ ја плаќаат граѓаните. Цената за нивната негрижа која ја плаќаат граѓаните е многу висока. Особено скапо чини негрижата за постоечкиот медицински кадар, неинвестирање во нов медицински кадар. Дополнително, особено голем проблем е водењето грижа менаџерите да бидат исклучиво партиски лица без докажан минат труд.

Токму поради сите нивни пропусти јавноста за многу краток период, период од една недела е сведок на ужасни вести. Скршена рака на новороденче, на новороденче му е исечен прст, починува новороденче, а потоа и мајката. Ова се само неколку вести за краток период, а сите се случиле на Клиниката за гинекологија и акушерство која е во рамки на кампусот клиники Мајка Тереза во Скопје.

Едно е јасно, од назадување во сите сегменти во здравството, особено во јавното здравство и низа немили настани, беше доволно! Никогаш не било полошо време е да ги поразиме!
Приоритет на ВМРО-ДПМНЕ е итно рестартирање на здравствениот систем!, се вели во соопштението на ВМРО ДПМНЕ.

The post ВМРО ДПМНЕ: За една недела три скандали на ГАК, потребно е рестарт на здравството веднаш appeared first on Република.

Директорката на Клиниката за гинекологија Викторија Јовановска најави формирање посебна комисија на гинеколошкото одделение која темелно ќе го разгледа случајот со новороденчето на семејството Дамјановски и ќе ги испита причините како дошло до скршеницата на раката кај бебето.

Родителите претходно во изјава за порталот „Скопје1“ тврдеа дека персоналот се обидувал да го прикрие случајот како и дека не им било дозволувано да го видат своето дете.

Јовановска тврди дека биле запазени сите медицински протоколи и според неа, во периодот на набљудување стандардна процедура е да не се откриваат информации во реално време на родителите.

Родилката Анета Дамјановска, која била породена на 31 декември не можела да си го види бебето бидејќи докторите не и дозволувале. Нејзиниот сопруг Благојче Дамјановски посочува дека бил избркан од Клиниката за гинекологија и акушерство кога, како и сите родители, побарал да си го види своето бебе. Според неговите кажувања, по низа инсистирања, само мајката успеала да отиде кај бебето, кога и било и кажано дека тоа има скршена рака.

Според Јовановска причина била лошата поставеност на бебето и дека во таква ситуација станува збор за предвидена компликација која не се случува често.

The post Бебе со скршеница на раката криено од мајката на ГАК, ќе се формира посебна комисија за случајот со новороденчето appeared first on Република.

Во огласот за вработување на здравствени работници на неопределено време се вели дека ГАК има потреба од двајца доктори на специјализација по гинекологија и акушерство, еден од турска и еден до албанска националност, двајца специјализанти по педијатрија од албанска националност и специјализанти по анестезија и интензивна медицина каде што се бараат Ром и Албанец.

„Не е битно дали е професионален и стручен лекар, туку да е Албанец, Турчин, Ром… Добро, луѓе, дали сте нормални?“, прашува д-р Ненад Лазаров во реакција на Фејсбук.

Тој тврди дека ваков преседан не постои во медицинскиот свет.

„Каква врска има националност со гинекологијата и акушерството?“, прашува тој.

Конкурсот е распишан врз основа на Законот за вработени во јавниот сектор. Министерот за здравство Фатмир Меџити вели дека пред објавување на конкурсот огласот, тој се одобрува од Управниот одбор на клиниката и дека Законот го предвидува тоа, но знаењето и искуството имаат поервенмствено значење.

И премиерот Димитар Ковачевски изјави дека законот е таков, иако етничката припадност според него не може да биде професија.

Според претседателката на Уставниот суд, Добрила Кацарска, неуставни и незаконски се сите огласи за вработувања во јавната администрација во кои се бара кандидатите да бидат припадници на соодветна националност, пишува А1он. Кацарска смета дека ваквите огласи се противуставни.

The post Македонци не смеат да се пријават, се бараат Албанец и Турчин за лекари на ГАК! appeared first on Република.

Почина родилка од Делчево на Клиниката за гинекологија и акушерство во Скопје.

Родилката прво била донесена во болницата во Штип, а лекарите поради итноста на случајот веднаш ја имаат внесено во сала, каде што го извршиле породувањето, но настапило масивно крвавење кај родилката, по што веднаш и е извршена интервенција.

Мајката и новороденчето веднаш се транспортирани во Клиничкиот центар во Скопје.

Од Клиничка болница-Штип најавија повеќе информации во писмено соопштение во текот на утрешниот ден.

The post Родилка од Делчево почина на ГАК, била донесена од штипската болница appeared first on Република.

Малата Анабела Блажеска е родена во 26 гестациска недела со тежина од само 600 грама.

По 129 дена поминати во Клиниката за гинекологија денеска таа си замина за Охрид во прегратките на мама, тато и на дада.

Заедно со докторите и со медицинските сестри успешно ги помина сите препреки кои пред неа ги стави животот и дома си замина со тежина од 2080 грама. Нејзината силна борба беше мотивација за целиот персонал да верува дека чудата постојат и овој голем борец им одржа лекција на сите возрасни што значи вистинска борба за живот, без да потклекнеш. Расти Анабела во многу љубов, здравје и среќа. Биди им гордост на твоите родители, објавија од ГАК.

The post Анабела, родена со 600 грама, по 129 дена поминати на ГАК замина дома appeared first on Република.

Бебе починало пред четири месеци на скопската Клиника за гинекологија, а мајка му два месеца подоцна.

Од Министерството за здравство за случајот информираа дека пациентката била примена во август со проблеми во бременоста поради што бебето починало во утробата на мајката.

Потоа, постоперативно почнуваат серија последователни компликации, кои условувале повеќекратни хируршки ревизии.

Како последица на придружните болести индицирано било завршување на бременоста со царски рез. Во лекувањето на пациентката биле вклучени повеќето од најискусните лекари на ЈЗУ У ГАК – и од гинеколошки и од анестезиолошки профил, како и дежурните тимови. Тешките одлуки во врска со здравјето на пациентката се донесуваа конзилијарно од најискусните лекари почитувајќи ги најсовремените медицински протоколи. За жал, и покрај речиси двомесечен интензивен ангажман и третман, пациентката им подлегна на придружните комликации“, велат од Министерството.

Се чека потврда од обдукцискиот и од хистопатолошкиот наод, кои прецизно ќе дадат информации за состојбата на пациентката.

Во државата е формирано стручно тело, кое ги испитува сите случаи со неповолен исход за бебето во утробата и за породени новородени со фатален исход.

The post Трагедија на ГАК: Пред четири месеци почина бебе, два месеца умре и мајката appeared first on Република.

Новороденче пред 10 дена останало без дел од прст на скопската Клиника за гинекологија и акушерство ГАК, откако акушерка ненамерно му нанела повреда, а за немилиот настан добила суспензија.

Дежурниот педијатар постапил максимално професионално и одговорно и веднаш е повикан детски хирург. Новороденото е префрлено на Клиниката за детска хирургија, каде му била санирана повредата. Акушерката била суспендирана, дадена на Дисциплинска комисија и ѝ била изречена максимална казна според Законот за здравствена заштита, како и промена на работното место, соопштија од Министерството за здравство.

The post Акушерка на ГАК е суспендирана, откако ненамерно му отсекла дел од прст на новроднече appeared first on Република.

Клиниката за гинекологија и акушерство објави дека вчера во сигурните раце на мама и на тато, дома заминале четирите бебиња од Штип, Леонтина и нејзините тројца браќа Михаил, Теодор и Ведран.

Нашите мали, но големи борци родени во 31 гестациска недела си заминаа во добра состојба по 38 дена поминати на одделението за интензивна нега и терапија. Михаил е роден со 1170 грама, а дома си замина со 1860 грама. Леонтина е родена со 1100, а ја испративме со 1810 грама. Теодор е роден со 1200 грама, а дома си замина со 1920 грама. Ведран е роден со 1370 грама, а од ОИНТ го испративме дома, во Штип, со 2000 грама. Докторите и медицинските сестри и акушерки од Клиниката за гинекологија и акушерство на овие мали јунаци им посакуваат среќно детство исполнето со многу здравје, а на среќните родители Благица и Александар полна куќа детска смеа, многу радости и топлина во домот што ќе им ја донесат овие четири мали сонца, велат од ГАК.

Доктор Елена Ѓоргиевска Николовска, која „на свет“ ги донесе Михаил, Леонтина, Теодор и Ведран вели дека е прекрасно чувството сите четири бебиња заедно да се испратат дома и порача дека за сите кои беа дел од оваа среќна приказна, тоа било огромен предизвик.

The post Четворката од Штип родена на ГАК замина дома appeared first on Република.

Во прегратките на своите родители, вчера во стабилна состојба и со телесна тежина од 2320 грама дома си замина уште едно предвреме родено бебе, информираат од Клиниката за гинекологија и акушерство.

После 48 дена поминати на одделението за интензивна нега и терапија (ОИНТ), нашата Мила Атанасова, која заедно со докторите и со сестрите ги надмина сите препреки, како здраво бебе, на наша огромна радост, ја испративме од Клиниката за гинекологија. Мила е родена во 27 гестациска недела, со тежина од само 1260 грама. И посакуваме да биде иста како што е и значењето на нејзиното име и да се бори низ животот со истиот жар што го покажа уште од првиот миг од своето раѓање, во текот на овој еден и пол месец поминат на ОИНТ. На мама и тато да им носи само убави моменти и радости, велат од ГАК.

The post Мила е голем борец: По 47 дена интензивна нега на ГАК, вчера си замина дома appeared first on Република.

По 77 дена поминати на Одделението за интензивна нега и терапија (ОИНТ) на ЈЗУ У ГАК, вчера малиот Едон Спахију си замина дома во добра општа состојба и со уреден наод на виталните функции, информираат од Клиниката за гинекологија и акушерство.

Оттаму информираат дека тој е роден е во 27 гестациска недела со тежина од само 940 грама, а го испратиле со телесна тежина од 2110 грама.

На Едон му посакуваме многу здравје, радосно детство и среќа. На неговите родители им благодариме за трпението и за соработката во периодот на заедничката борба во која најголема заслуга има малиот борец Едон, велат од ГАК.

The post По 77 дена на Интензивна нега на ГАК си замина дома Едон, кој се роди тежок 940 грама appeared first on Република.

Штипјанката Благица Зикова од Штип вчера на свет донесе три момчиња и едно девојче на Универзитетската клиника за гинекологија и акушерство – Скопје.

Бременоста на родилката ја следела докторката Елена Ели Николовска, која го извршила и породувањето.

Бебињата на брачниот пар Благица и Александар Зикови се родени во 31-недела од бременоста и се во добра здравствена состојба.

Оваа четворка е втора по 27 години во Штип. Првата родена четворка била во 1997 година.

Пред 21 година, на 3 март 2002 година се роди првата петорка во Македонија. на ГАК се породи Лилјана Илиевска од селото Вевчани, која донесе на свет три ќерки и два сина. За жал, едното женско бебе починало, а Марта, Бисера, Бојана и Марко ја добиле битката. Породувањето тогаш го извршил проф. д-р Јован Тофовски, со асистенција на д-р Видео Димиторв и инструментарката Весна Радинска. Кумови на децата биле тогашниот премиер Љубчо Георгиевски и неговата сопруга Снежана.

The post Штипјанката Благица Зикова на ГАК роди четворка, три момчиња и едно девојче appeared first on Република.

По повод Светскиот де на менопаузата - 18 октомври, на Клиниката за гинекологија и акушерство (ГАК) во Скопје од 16 до 20 октомври ќе се организираат бесплатни прегледи за жените кои се во перименонауза или пак веќе се во менопауза.

Прегледите се бесплатни, не е потребно закажување и не е потребен упат. Прегледите ќе се одржуваат од 16 до 20 октомври од 14 часот до 20 часот во амбуланта бр. 11, а ќе прегледуваат докторите:  ас. д-р Даниел Милковски (16 октомври), доц. д-р Анета Сима (17), ас. д-р Димитар Калчовски (18), ас. д-р. Наташа Илиева (19) и ас. д-р Ива Малахова-Ѓореска на 20 октомври.

Перименопауза е период кој претходи на менопаузата, а почнува неколку години порано, главно во раните четириесетти години, но може и порано. Во тој период се намалува нивото на женските полови хормони, што значи дека јајниците постепено почнуваат да произведуваат помалку естроген.

https://republika.mk/zivot/zdravje/skoro-30-otsto-od-zenite-koristat-boleduvanje-poradi-simptomi-na-menopauza-ama-ne-kazuvaat-deka-ja-imaat/

The post Од 16 до 20 октомври на ГАК бесплатни прегледи за жени кои се во менопауза appeared first on Република.

Комисијата која вршеше стручен надзор за случајот со родилката која скокна од прозорец на скопска гинекологија не утврди пропусти во третманот на пациентката. 5- члената комисија формирана од министерот за здравство констатирала дека со нејзе разговарал клиничкиот психолог, не примала психијатриска терапија и никаде не било регистрирано дека жената покажувала халуцинации, ниту знаци за суицидалност.

Биле направени сите неопходни медицински процедури, кај сега покојната пациентка и не била регистрирана депресивна психотична симптоматологија. Според Комисијата пациентката не изгубила контакт со реалитет и не можело да се предвиди ваков немил настан, стои во извештајот на Комсиијата испратен од мз.

Претходно, веднаш по немилиот настан ДСЗИ констатираше пропуст бидејќи дежурните на ГАК не инсистирале пациентката да ја прегледа психијатар и наложи одговорните на Клиниката да спроведат постапка за утврдување одговорност од страна на здравствените работници кои биле на смена.

39 годишната родилка почина на КАРИЛ од здобиените повреди две недели откако скокна од прозорецот на првиот кат на гинекологија.

The post Нема пропуст во лекувањето на родилката која скокна од гинекологија appeared first on Република.

Наместо одговорност и преземање мерки од Клиника за гинекологија за непочитување на процедурите на Клиника за гинекологија и оставки од двајцата директори за случајот со пациентката која по породувањето скокна низ прозорец, Клиниката за гинекологија праќа дописи до ДСЗИ, реагираат од Комисијата за здравство на ВМРО ДПМНЕ.

Две недели по немилиот настан за случајот со пациентката освен што нема одговорност иако се евидентирани пропусти, директорите Викторија Јовановска и Јетон Шаќири немаат преземено ништо за безбедност и заштита на родилките во оваа терциерна установа и со тоа го доведуваат во прашање нивното здравје.

Се грижат ли надлежните институции за психичкото здравје на трудниците што е од исклучително значење.

Можел ли да се превенира со навремен преглед овој немил настан?

Дали за Клиника за гинекологија има достапен 24 часа конзилијарен психијатар и дали викендите се покриени со достапен конзилијарен специјалист психијатар?

Зошто Јовановска дури откако се случи овој немил настан предлага психијатар да ги посетува родилките еднаш во неделата и да разговара со мајките за да се увиди нивната состојба, а не го иницирала истото претходно?

Каде е Комитетот за безбедно мајчинство да иницира корективни мерки за заштита на мајките и бебињата по последните актуелни случаи за кои во јавноста нема информации за нивно расчистување?

The post Комисија за здравство на ВМРО-ДПМНЕ: Наместо оставки на Гинекологија се праќаат дописи до ДСЗИ appeared first on Република.

Почина 39-годишната родилка која пред две недели скокна од прозорец од Клиниката за гинекологија и акушерство во Скопје. Според информациите таа починала синоќа околу 21 часот. Лекарите се обиделе да ја реанимираат, но безуспешно.

Родилката била донесена во ГАК во 36-та недела од бременоста, и за само 14 минути потоа била породена со царски рез. Се породи на крајот на јини, а на 2 јули се обиде да си го одземе животот

Бебето е во добра состојба. Детето на родилката ѝ било прво и станувало збор за посакувана бременост.

Поради трагичниот настан, беше испратена и инспекција на клиниката. Од самата клиника рекоа дека не можат херметички да ги затвораат просториите и дека и психолозите не советуваат да не се остават отворени прозорци.

The post Почина родилката на ГАК appeared first on Република.