Уверен сум и се надевам дека без разлика на изборите во Македонија, патот кон Европа ќе продолжи, изјави денес претставникот на Стејт департмент за Западен Балкан Габриел Ескобар, на онлајн брифинг со новинарите. Денес се гласа за избор на претседател и нова влада на Македонија.

Ескобар најави дека овој месец заминува од позицијата заменик-помошник секретар за европски и евроазиски прашања и специјален претставник за Западен Балкан.

„Една од работите што сме многу среќни што ја постигнавме е тоа што неколку земји од Западен Балкан се солидно на патот кон евроатлантската интеграција, особено оние членки на НАТО - Албанија, Македонија и Црна Гора, се целосно ангажирани на целиот процес на пристапување во Европската Унија. Уверен сум и се надевам дека без разлика на изборите во Македонија патот кон Европа ќе продолжи “, рече Ескобар.

The post Ескобар на заминување: Уверен сум и се надевам дека без разлика на изборите во Македонија, патот кон Европа ќе продолжи appeared first on Република.

Претставникот на Соединетите Држави за Западен Балкан, Габриел Ескобар, во интервју за Радио Слободна Европа изјави дека не успеал да го убеди косовскиот премиер Албин Курти да одговори на загриженоста на Западот во врска со забраната за употреба на српскиот динар на Косово.

Потребно ни е решение. Затоа побарав од премиерот да ја суспендира одлуката додека ние, заедно со Европската Унија, односно со САД и Косово, работиме на долгорочно решение кое ќе ги задоволи вашите потреби. Тоа вклучува електронски трансфери во евра преку косовскиот систем. Но, сега мораме да направиме нешто итно. За жал, не успеав да го натерам да се посвети на тоа - рече Ескобар.

Специјалниот претставник на САД престојуваше во официјална посета на Косово, каде што оствари средби со државниот врв и претставниците на опозицијата. Тој се сретна со политичките претставници на Србите на Косово, со кои разговараше за проблемите со кои се соочува српската заедница.

На почетокот на посетата на Косово на 13 март, Ескобар се сретна со претседателката Вјоса Османи, по што рече дека во наредните денови „ќе се сретне со многу луѓе бидејќи има многу работа“.

Прашањето за динарот беше и тема на дијалогот меѓу Косово и Србија на 27 февруари во Брисел, кој заврши без конкретен резултат, а специјалниот пратеник на ЕУ Мирослав Лајчак изјави дека се потребни дополнителни средби.

Косово инсистира дека откажувањето на динарот е „техничка работа“ и оти не треба да се разговара за тоа во контекст на дијалогот за нормализација на односите, додека Србија бара политичко решение.

The post Ескобар: Курти го одби предлогот за динарите appeared first on Република.

Американскиот заменик-помошник државен секретар Габриел Ескобар изјави дека не успеал да го убеди косовскиот премиер Албин Курти да ја суспендира одлуката за забрана на српската валута во Косово додека Европската унија, САД и Владата на Косово не најдат долгорочно решение.

Премиерот рече дека тоа е одлука на независна институција, рече Ескобар во интервју за Радио Слободна Европа на крајот од неговата посета на Косово, што ја почна на 13 март.

Ескобар сепак рече дека се уште се надева оти решение ќе се најде во вторник, кога во Брисел ќе се сретнат главните преговарачи на Косово и Србија.

Тој додаде дека не добил никаква гаранција од премиерот на Косово во однос на подобрувањето на нацрт-статутот за формирање Заедница на општини со српско мнозинство на Косово.

Ескобар призна дека има, како што рече, „многу разочарување од оваа Влада на Самоопределување, не само во Вашингтон, туку и во Брисел, Рим, Берлин и Париз“.

Мислиме дека имаше одредени финансиски и организациски врски, но го истражуваме тоа во целина. Не бараме Србија да го истражи 24 септември (кога се случи нападот во Бањска), бараме одговорност, рече Ескобар, одговарајќи дали САД гледаат каква било поврзаност меѓу нападот на Бањска и државата Србија.

The post Ескобар: Курти го одби предлогот за динарите appeared first on Република.

Македонија треба да биде полноправен кандидат и веднаш да стане членка на Европската Унија. Македонија е многу цврст партнер, билатерално и во мултилатералнои сојузи како НАТО и ОБСЕ, изјави специјалниот пратеник на САД за Западен Балкан, Габриел Ескобар кој се наоѓа во посета на Приштина.

Ова на својата официјална Фејсбук страница го објави американската Амбасада во Скопје.

Ескобар вчера порача дека Македонија е многу солиден партнер на САД, како билатерално, така и мултилатерално во НАТО и ОБСЕ и Вашингтон очекува и по изборите земјата да добие влада посветена на членството во Алијансата и на интегрирањето во ЕУ.

Претходната Влада беше посветена на членство во НАТО и на пристапувањето во ЕУ и нашите очекувања се владата што ќе дојде по изборите да биде слично посветена на членството во НАТО, пристапувањето во ЕУ и на борбата против корупцијата, изјави Ескобар на брифинг во Брисел пред неговата посета на Приштина, Виена и Подгорица.

Тој изрази надеж дека по изборите ќе се создаде можност да допатува во земјата, бидејќи како што нагласи за време на сегашниот престој во регионот ќе биде посветен на актуелните прашања како оние поврзани со Косово и случувањата во Црна Гора.

Ескобар, на вториот ден од посетата на Косово, претпладнево го посети Дечанскиот манастир, еден ден откако Владата и наложи на Агенцијата за катастар да го запише имотот од 24 хектари земјиште на манастирот, а потоа ја посети и општина Пеќ, каде што се сретна со градоначалникот Газменд Мухаџери, претставници на граѓанскиот сектор и медиумите, како и со млади од албанската, српската и бошњачката заедница во таа општина, јави дописникот на МИА од Приштина.

Во интервју за тамошниот медиум на српски јазик Радио Гораждевац, американскиот емисар рече дека видел оти, поради новата регулатива на Централната банка на Косово, која го забранува користењето на српскиот динар, косовските Срби страдаат и имаат реални потешкотии да ги добијат пензиите и другите приходи кои им се исплаќаат од Србија.

Неколку часа пред средбата со косовскиот премиер Албин Курти, Ескобар истакна дека „навистина сака да работи со Владата на Косово со надеж дека ќе се најдат итни решенија“.

Американскиот емисар ѝ порача на српската заедница во Косово дека „САД се тука“ и дека „сакаат Србите во Косово да живеат во безбедни и достоинствени услови“.

The post Ескобар: Македонија треба веднаш да стане членка на ЕУ appeared first on Република.

Специјалниот пратеник на претседателот на Соединетите Американски Држави, Џо Бајден за Западен Балкан, Габриел Ескобар порача дека косовските Срби мора да живеат безбедно и достоинствено, нагласувајќи дека за одговорна ќе се смета Владата на Косово, јави дописникот на МИА од Приштина.

Ескобар, на вториот ден од посетата на Косово, претпладнево го посети Дечанскиот манастир, еден ден откако Владата и наложи на Агенцијата за катастар да го запише имотот од 24 хектари земјиште на манастирот, а потоа ја посети и општина Пеќ, каде што се сретна со градоначалникот Газменд Мухаџери, претставници на граѓанскиот сектор и медиумите, како и со млади од албанската, српската и бошњачката заедница во таа општина.

Во интервју за тамошниот медиум на српски јазик Радио Гораждевац, американскиот емисар рече дека видел оти, поради новата регулатива на Централната банка на Косово, која го забранува користењето на српскиот динар, косовските Срби страдаат и имаат реални потешкотии да ги добијат пензиите и другите приходи кои им се исплаќаат од Србија.

Сакав да дојдам во овој град, да ги слушам приказните на луѓето од прва рака за тоа како тие се погодени од одлуката на Централната банка на Косово. Тешко е да се слушаат овие приказни и да се остане рамнодушен. Тука постои заедница која навистина страда. Има луѓе кои се соочуваат со реални проблеми поради немањето можност да добијат пензии, рече Ескобар.

Неколку часа пред средбата со косовскиот премиер Албин Курти, Ескобар истакна дека „навистина сака да работи со Владата на Косово со надеж дека ќе се најдат итни решенија“.

Американскиот емисар ѝ порача на српската заедница во Косово дека „САД се тука“ и дека „сакаат Србите во Косово да живеат во безбедни и достоинствени услови“.

И ние ќе продолжиме да работиме на тоа. А што се однесува до Владата на Косово, тие имаат одговорност да го постигнат тоа и ние ќе бараме одговорност од нив за тоа. Мислам дека сите луѓе во Косово можат да сметаат на американската поддршка – Албанците, Србите, Бошњаците, сите кои живеат во оваа земја. Се надевам дека ќе ја почувствуваат американската поддршка и американското партнерство, додаде Ескобар.

Во интервјуто за Радио Гораждевац американскиот специјален пратеник накратко се осврна и на минатогодишниот француско-германски предлог за продолжување на дијалогот меѓу Приштина и Белград.

На подолг рок, сè уште треба да работиме напорно за да го имплементираме историскиот договор за нормализација што го постигнавме минатиот март (во Брисел и Охрид). Така што – ќе продолжиме да работиме, изјави Ескобар.

По пристигнувањето во Косово, вчера претпладне американскиот заменик-помошник државен секретар се сретна со претседателката на државата, Вјоса Османи, додека за денеска попладне е најавена средба и со косовскиот премиер, Албин Курти.

Вчера тој се сретна со лидерите на главните опозициски партии во земјата, како и со командантот на Мисијата на НАТО во Косово – КФОР, генерал Озкан Улуташ.

Пред доаѓањето во Косово, Ескобар на средба со новинарите во Брисел изјави дека со домаќините ќе разговара за дијалогот меѓу Приштина и Белград, за потребата од формирање на Заедницата на општини со српско мнозинство во Косово и за спорната одлука на Централната банка на Косово за забрана на српскиот динар за готовинско плаќање во земјата.

The post Ескобар: Србите во Косово мора да живеат безбедно и достоинствено appeared first on Република.

Гледано од перспектива на САД, не постои алтернатива на дијалогот меѓу Белград и Приштина што се води со посредство на ЕУ за надминување на предизвиците во нивните билатерални односи, изјави денеска американскиот заменик помошникот државен секретар за европски и евроазиски прашања и специјален претставник за Западниот Балкан, Габриел Ескобар.

- Продолжувањето на дијалогот е главниот механизам за надминување на разликите. Ги охрабрувам двете страни да ги почитуваат постигнатите договори и да ги имплементираат, особено оној постигнат во Охрид и да покажат добра волја за воздржување од провокации што би ги поткопале овие договори и би создале нови тензии, нагласи Ескобар на брифинг во Брисел пред неговата посета на Приштина, Виена и Подгорица.

Тој истакна дека во Брисел имал средби со претставници на НАТО и ЕУ, меѓу кои и со специјалниот претставник на Унијата за дијалогот Белград-Приштина и други регионални прашања од Западен Балкан, Мирослав Лајчак, по што ќе замине за Приштина каде со тамошните власти ќе разговара за можностите за надминување на проблемите предизвикани со одлуката на косовската Централна банка за забрана на употребата во Косово на други валути освен еврото. Ескобар нагласи дека потоа во Виена ќе има средба со претставници на ОБСЕ и ОДИХР, по што ќе замине за Подгорица, каде ќе изрази поддршка на сегашната Влада и нејзината посветеност на НАТО и членството на земјата во ЕУ.

Во врска со одлуката на косовската Централна банка со која се забрануваат трансфери на средства во српски динари во Косово, Ескобар нагласи дека таа предизвик многу проблеми за граѓаните, што претставува причина за сериозна загриженост на меѓународната заедница, која властите во Приштина треба сериозно да ја земат предвид.

Според него, САД не ја оспоруваат легитимноста на одлуката, туку начинот на која таа беше донесена и имплементирана без да се понудат алтернативи за плаќањата кои граѓаните ги добиваат од Србија, со што тие се ставени во неизвесност.

- Две недели пред објавувањето на оваа одлука, Косово и другите земји од регионот за време на Самитот ЕУ-Западен Балкан во Скопје се договорија за воспоставување механизам за плаќање до крајот годината. Ако Косово почекаше, тој механизам за електронски плаќања ќе беше воспоставен, изјави Ескобар, додавајќи дека меѓународната заедница се обидува со косовската Влада да најде решение за оваа катастрофална одлука што создаде хаос.

Ескобар нагласи дека со игнорирање на дијалогот, Косово ги игнорира партнерите во ЕУ и во такви услови не може да очекува напредок во процесот на евроинтеграција.

- Многу сум загрижен дека Косово не ја слуша американската понуда за партнерство и за понатамошна и побрза интеграција, додаде Ескобар, нагласувајќи дека доколку нема резултати и од двете страни, тие со тоа ќе ја забават својата евроинтеграција.

Според Ескобар, американската политика кон Западниот Балкан не е променета, но предизвиците по европската стабилност предизвикани од руската агресија врз Украина, ги поттикнала САД да го забрзаат решавањето на отворените прашања во регионот.

- Сакаме поголемо интегрирање на Србија во евроатланските структури, но сакаме и да бидеме сигурни дека со тоа нема да ги жртвуваме нашите други партнерства и сојузништва во регионот, а Косово е наш многу важен партнер. Би сакале и Србија и Косово да бидат продуктивни членки на евроатланската заедница и да имаат предвидливи и мирољубиви односи. Патот до тоа, како што реков и претходно, е дијалогот со посредство на ЕУ, додаде Ескобар.

Во однос на можноста за влез на Демократскиот фронт во црногорската Влада, Ескобар изјави дека на е на САД да решаваат кои партии ќе го формираат владиниот кабинет во земјата, но дека оваа партија не е вистински партнер каков што посакува Вашингтон во врска со евроатлантските интеграции.

- Црна Гора е предводник во евроинтеграцискиот процес и многу солиден партнер на НАТО, а оваа партија најавува дека ќе го преиспита членството на Црна Гора во НАТО, ги блокираа реформските пакети неопходни за членството во ЕУ и велат дека ќе ја повлечат одлуката за признавање на Косово, што би предизвикало дополнителни тензии во регионот, истакна Ескобар.

Според него, САД не гледаат промени во однесувањето на Демократскиот фронт и негова посветеност на евроатлантските вредности, па оттаму влегувањето на таква партија во Влада на земја партнер би било причина за загриженост.

The post Ескобар: Нема алтернатива за дијалогот Белград-Приштина со посредство на ЕУ appeared first on Република.

Cеверна Македонија е многу солиден партнер на САД, како билатерално, така и мултилатерално во НАТО и ОБСЕ и Вашингтон очекува и по изборите земјата да добие влада посветена на членството во Алијансата и на интегрирањето во ЕУ, изјави денеска американскиот заменик помошникот државен секретар за европски и евроазиски прашања и специјален претставник за Западниот Балкан, Габриел Ескобар.

- Претходната Влада беше посветена на членство во НАТО и на пристапувањето во ЕУ и нашите очекувања се владата што ќе дојде по изборите да биде слично посветена на членството во НАТО, пристапувањето во ЕУ и на борбата против корупцијата, изјави Ескобар на брифинг во Брисел пред неговата посета на Приштина, Виена и Подгорица.

Тој изрази надеж дека по изборите ќе се создаде можност да допатува во земјата, бидејќи како што нагласи за време на сегашниот престој во регионот ќе биде посветен на актуелните прашања како оние поврзани со Косово и случувањата во Црна Гора.

На прашање дали Предлог-резолуцијата на американскиот Сенат со која се бара отворање на првиот преговарачки кластер на ЕУ со земјава без дополнителни билатерални услови, претставува промена на позицијата на САД во однос на промената на Уставот, Ескобар нагласи дека и Македонија и Бугарија се важни членки на НАТО и сојузници на Вашингтон, па затоа американската Администрација сака мирно разрешување на сите прашања.

Според него, САД се залагаат за продолжување на дијалогот меѓу Македонија и Бугарија базиран на факти и се посветени на определбата за одржување на европска перспектива на земјава.

- Добивме уверување од Бугарија дека тие сакаат Cеверна Македонија да биде членка на ЕУ. Треба да ја искористиме предноста на овие можности, бидејќи Македонија треба да биде рамноправен кандидат за членство во ЕУ, додаде Ескобар.

Според него, токму отворените прашања во регионот го прават Западниот Балкан подложен на злонамерно мешање од страна, вклучително од Русија, па за намалување на опасноста од тоа треба да се работи на надминување на неразрешените прашања.

The post Ескобар: САД очекуваат по изборите да се формира Влада посветена на НАТО и на интеграцијата во ЕУ appeared first on Република.

Заменик-помошникот државен секретар на САД за Западен Балкан, Габриел Ескобар, денеска изјави дека САД имаат проблем во комуникацијата со премиерот на Косово Албин Курти.

Според него, проблеми имаат и Европската унија, НАТО, Велика Британија и многу други како Албанија и Македонија. Изјавата бешпе дадена во Брисел.

„Партнерството меѓу САД и народот на Косово не зависи од една личност или партија, но имаме проблем во комуникацијата со Курти. Имавме, уживавме во многу, многу блиско партнерство со Косово во минатото. Многу би сакале тој однос да се врати како што беше порано“, изјавил Ескобар.

„ Сепак, морам да кажам дека во моментов имаме проблеми во комуникацијата со премиерот  Курти. И не само САД, тоа е проблем што Косово го има и со ЕУ, НАТО, Велика Британија и повеќе партнери, вклучувајќи ги Албанија и Македонија“.

Ескобар ја нарече „катастрофална“ и „некомпетентна“ одлуката на косовските власти да ја спроведат регулативата на Централната банка на Косово со која еврото се дефинира како валута за плаќање во готовина.

На прашањето за Заедницата на српските општини, Ескобар рече дека Приштина никогаш не кажала дали го прифаќа предлогот за статут на Заедницата на српски општини предложен од Европската унија и дека на САД им е тешко да разберат зошто не го прават тоа така.

„Слушнавме многу различни причини зошто не е оформена или зошто не напредува, од кои ниту една не прифаќаме. Треба да продолжиме понатаму“, изјави Ескобар.

The post Ескобар: Имаме проблеми во комуникацијата со Курти appeared first on Република.

Постојат повеќе нивоа на проверка на усогласеност на законите, вклучувајќи ги и тие преку Европската Унија, а Македонија треба да се погрижи нејзините законите да бидат усогласени со европските стандарди и очекувања, порача заменикот помошник државен секретар на САД за европски и евроазиски прашања и специјален претставник за Западен Балкан, Габриел Ескобар во интервју за Радио Слободна Европа, во врска со измените во Кривичниот законик.

Што се однесува до конкретните информации за измените во Кривичниот законик, се што можам да кажам е дека постојат повеќе нивоа на проверка на усогласеноста на законите, вклчувајќи и преку ЕУ. Тоа би значело дека земјата треба да се погрижи нејзините закони да не бидат само во согласност со Уставот, туку и со европските очекувања и стандарди, вели Ескобар во интервјуто.

На прашањето дали САД се задоволни од борбата против корупцијата во Македонија во контекст на измените во Кривичниот, со кои се намалуваат казните за злоупотреба на службената должност, Ескобар нагласува дека корупцијата е најголем проблем за сите земји од Западен Балкан.

За почеток би кажал дека корупцијата е најголем проблем за државите од Западен Балкан и мислам дека сите земји можат да направат повеќе (во борбата против корупцијата), вклучувајќи ја и вашата земја. И тоа е една од причините зошто доследно се залагаме за тоа државата да ги спроведува реформите кои ЕУ ги бара од неа, изјави Ескобар.

Тој вчера во интервју за Гласот на Америка истакна дека Македонија игра многу важна улога во процесите во регионот. Исто така изрази загриженост поради тоа што Западниот Балкан се развива во „две брзини“.

Од една страна има членки на Северноатлантската алијанса кои се многу посветени на својот НАТО и европски пат. Тука се и преостанатите три кои се борат со потешкотии. За време на моите средби со нив, доследно им пренесував дека САД го поддржуваат нивниот евроатлантски пат. Би сакале и сакаме сите тие да ги решат внатрешните и регионалните разлики што ги спречуваат да напредуваат, потенцира соговорникот на Гласот на Америка.

Прецизирајќи го одговорот, тој укажа на, како што истакна, важната улога на Македонија во актуелните процеси.

Ние сме им благодарни за нивното регионално лидерство, и за нивното проевропско предводништво. Како претседавач со Организацијата за безбедност и соработка во Европа (ОБСЕ), мислам дека Македонија постојано се докажува како одличен партнер. Во оваа смисла, би сакале да ја видиме и во Европската Унија. Албанија имаше одличен пристап кон членството во Советот за безбедност, во билатералните односи, како и со НАТО, појасни Ескобар.

The post Ескобар: Македонските закони не треба да бидат усогласени само со Уставот, туку и со ЕУ appeared first on Република.

На вчерашните средби со Ескобар воопшто не се разговараше во однос на предвремени избори, се разговараше единствено за успешно завршување на уставните измени и продолжување на европскиот пат на нашата земја, изјави денеска вицепремиерот и министер за политички систем и односи меѓу заедниците Артан Груби.

Вицепремиерот на настан по повод отварање на третото издание на културно - научна манифестација „Деновите на Гонџе” одговарајќи на новинарско прашање истакна дека на средбите била истакната голема поддршка од Соединетите Американски Држави за зачленувањето на државата во ЕУ, како и за уставните измени.

Се надевам дека ВМРО-ДПМНЕ која има своја програмска определба да ја зачлени нашата земја конечно ќе смогне сили, ќе се надмине себеси, ќе гласа и ќе го тргне ова прашање од дневната политичка агенда затоа што тоа е во интерес на сите граѓани, изјави Груби.

Посочи дека два месеци откако се усвоени техничките амандмани во Влада и поднесување во Собрание, немало дебата во јавноста по однос на нивната содржина.

Гледаме дека два месци по усвојувањето на техничките амандмани на Уставот во Владата и поднесувањето во Собранието апсолутно нема никаква дебата во однос на содржината на тие амандмани во општеството, ниту од академската заедница, ниту од невладините организации, ниту медиумите, туку дебатата се води единствено по однос на политички прашања дали да има предвремени измени, дали да се формира ваква или таква Влада, а не по однос на тоа дали се добри или лоши, дали губиме или добиваме, истакна Груби.

Уверува дека истиот ден кога ќе се изгласаат уставните измени Собранието ќе се распушти и ќе се одржат предвремени избори.

Имаме контакти, средби со партијата се гледаме во Собранието секојдневно се обидуваме да ги убедиме, иако јас знам, длабоко сум убеден ги познавам и тие сами знаат дека ова не и прави ништо лошо на нашата заедничка држава и се надевам дека ќе се најде начин не само со дел од пратениците туку со цела ВМРО-ДПМНЕ да одиме напред, а потоа ако сакаат можеме истиот ден да го распуштиме Собранието и да одиме на предвремени избори уште на самиот ден кога ќе гласаме за уставните измени. Исто подготвени сме да дадеме сите оставки дадовме веќе, ги поднесовме до премиерот и се откажавме од идејата да имаме прв Албанец премиер на Владата на Република Макеоднија само да ја видиме зачленета во Европска унија, порача вицепремеирот. 

The post Груби: На средбите со Ескобар разговаравме исклучиво само за успешно завршување на уставните измени appeared first on Република.

Арсим Зеколи, поранешен амбасадор на Македонија во ОБСЕ, на својот твитер профил ја коментираше посетата на заменик-помошникот државен секретар на САД и специјален претставник за Западен Балкан, Габриел Ескобар. Ескобар вчера беше во посета на Македонија.

Во твитот кој го објави тој тврди дека Ескобар поддржува корумирани политчари во Македонија.

Пред едвај еден месец медиумите го обелоденија корупцискиот скандал на Соравија со А. Ахмети. Месец подоцна, оние кои држат предавања за 'опасноста од корупција' не можеа да се грижат помалку и да ни мавтаат во лице со средбата со Али. Ескобар е Ескобар“, напиша Зеколи.

Barely a month ago media revealed Soravia corruption scandal involving A. Ahmeti.
Month later, those who lecture about "danger of corruption" couldn't care less & wave a birdie into our face by meeting Ali. Escobar being Escobar.@USAmbNMacedonia is shelter of corrupt politicos. pic.twitter.com/dtOhFf6b16

— Arsim Zekolli (@ArsZek) August 26, 2023

The post Арсим Зеколи тврди дека Ескобар поддржува корумпирани политичари во Македонија appeared first on Република.

Американскиот заменик-помошник државен секретар, Габриел Ескобар во интервју за 360 степени отворено најави дека ќе има нови имиња од Македонија на црната листа на САД.

Дозволете ми само да кажам дека оваа администрација, администрацијата на Бајден, е посветена на борбата против корупцијата. Бидејќи корупцијата толку ги нагризува општествата. Не можеме да дадеме најава на санкции, но бидете сигурни дека ќе ги има, рече Ескобар.

Тој додаде дека за целиот регион, корупцијата е огромен проблем, и е срќен што пристапниот процес кон ЕУ му дава централно место на владеењето на правото како услов за влез.

The post Ќе има нови имиња на црната листа на САД, најави Ескобар appeared first on Република.

Американскиот заменик-помошник државен секретар Габриел Ескобар вели дека не дошол во државава за да му кажува на лидерот на опозициската ВМРО-ДПМНЕ Христијан Мицкоски што да прави или да му диктира услови, но дека сака јасно да стави до знаење дека САД ги избираат за партнери на Балканот оние што го приближуваат регионот поблиску до Европа.

Не дојдов овде за да им кажам на луѓето како да гласаат. Не дојдов овде за да им кажам на луѓето како да ја формираат владата. Не им го правиме тоа на нашите НАТО-сојузници. Тоа што го правиме е – поставуваме очекувања. Од една страна, му го пренесов истото ниво на ентузијазам што сакам да им го пренесам и на граѓаните на Македонија, а тоа е дека иднината на Јужна Европа е во Европската Унија. Тоа е иднина во која овој регион ќе придонесува значително во растот на Европа и со тоа ќе придонесе и во нашата економија. Па, во таа смисла, има огромни можности за Македонија да се приклучи кон ЕУ, вели Ескобар во интервју за „360 степени“.

Станува збор, дополнува Ескобар, за најголемиот трговски блок во светот и најголемиот трговски партнер на Америка.

-Четири милијарди долари дневно го минуваат Атлантскиот океан и сакаме вие да бидете дел од тоа. Тоа е тој ентузијазам, за придонесот што Македонија може да го даде во Европа, што сакав да го пренесам на сите мои состаноци. Во врска со лидерот на опозицијата, она што, исто така, сакам да го додадам, е дека не дојдов тука за да му кажам што да прави и не дојдов тука да му диктирам услови. Но, сакав да ставам јасно до знаење дека САД ги избираат за партнери на Балканот оние што го приближуваат регионот поблиску до Европа, оние кои ја покажуваат својата посветеност на НАТО и кои ја продолжуваат борбата против корупцијата. Тоа е нашето очекување. Тоа што се случува во моментов, со можностите кои се презентирани, да се придвижи кандидатскиот статус на Македонија кон Европската Унија, е дел од тој процес. Јас не барам од луѓето да ја поддржат Владата. Барам од луѓето – ве молам, работете со нас, за да го поддржиме европскиот пат. Затоа што ќе ни биде од корист и нам, посочува Ескобар.

Тој вели дека не е на САД да одредат дали брзи избори се решение, туку на граѓаните, а се надева дека тие „ја разбираат огромната можност која е пред нив и дека треба да ја искористат“.

Не е работа на САД да го одредат тоа. Тоа треба да го одредат граѓаните на Македонија. Се надевам дека граѓаните ја разбираат огромната можност која е пред нив и дека треба да ја искористат. Се надевам и дека ќе испратат сигнал до лидерите на Македонија дека го сакаат тоа и дека го сакаат тоа брзо, дека го сакаат сега, за да можеме да почнеме да ја градиме таа струкутра за Македонија да биде целосно и формално дел од секоја евроатлатнска структура. Затоа што ние таму ве посакуваме, вели Ескобар.

Во однос на тоа дали гледа закани по посебноста на македонскиот јазик и идентитет, со оглед на ставот на опозицијата за бугарска уцена, предавство од страна на Владата, загрозен македонски идентитет и барањето дополнителни гаранции, американскиот дипломат со став дека тоа никогаш не било ставено под знак прашање и оти сме го додадече македонскиит јазик кон семејството на прифатени јазици во Европската унија.

Не. Мислам, тоа е факт. Го почитуваме македонскиот јазик, идентитет и култура, посебноста во Европа. Тоа никогаш не било ставено под знак прашање. Всушност, мислам дека, после ова, вие го додавате (јазикот и идентитетот н.з.) кон Европа. Го додавате македонскиот јазик кон семејството на јазици кои се прифатени и официјални во Европската Унија, наведува Ескобар.

Тој верува во она што неодамна во Дубровник го слушнал од новата бугарска министерка за надворешни работи Марија Габриел. Таа, посочува, ме увери дека ако Македонија го исполни тоа што е предвидено во сегашниот договор, нема да има нови услови.

Ескобар во интервјуто оценува и дека за целиот регион, корупцијата е огромен проблем. Среќен е што гледа дека пристапниот процес му дава централно место на владеењето на правото како услов за влез во ЕУ.

Има уште една причина зошто сакаме да го видиме отворен европскиот пат за сите земји. Секоја земја што влегла во ЕУ е постабилна, подемократска и понапредна, а во исто време и поправична во смисла на правда за своите граѓани. Тоа е уште една причина поради која сакаме да ве видиме на патот кон членство во ЕУ, порачува Ескобар.

Според него, можеби наскоро ќе има нови имиња на т.н „црна листа“. - Дозволете ми само да кажам дека оваа администрација, администрацијата на Бајден, е посветена на борбата против корупцијата. Бидејќи корупцијата толку ги нагризува општествата. Не можеме да дадеме најава на санкции, но бидете сигурни дека ќе ги има, вели Ескобар, кој во тек на дводневната посета на земјава, покрај со Мицкоски имаше средба и со претседателот Стево Пендаровски и премиерот Димитар Ковачевски.

The post Ескобар:Не барам да се поддржи Владата, туку европскиот пат на земјата appeared first on Република.

За тоа колку власта е европска говори и вчерашниот настан кој веќе е рутина во главниот град, да се случуваат криминални пресметки меѓу криминални пулени на власта, додека во исто време Спасовски и Ковачевски не убедуваат за европските вредности, велат од ВМРО-ДПМНЕ.

Од партијата истакнуваат дека среде Скопје, во трговски центар преполн со луѓе се случи уште една пукотница додека Ковачевски го убедуваше Ескобар колку оваа криминална влада е европска.

Во оваа држава криминалците и политичкото водство на државата се едно. Криминалците и истите тие кои се пресметуваат се луѓето чии услуги ги користат властите и затоа е дрскоста со која среде главниот град си се пресметуваат а Скопје го претворија во вестерн стрелиште.

Со години влакно не им фали на криминалците кои се заштитени како бели мечки. Затоа се потребни промени, и затвор за сите кои се огрешиле кон законот, се наведува во соопштението на партијата.

The post На само 300 метри додека Ковачевски го убедуваше Ескобар колку власта е европска, се случи каубојска крими пресметка appeared first on Република.

Министерот за надворешни работи Бујар Османи имаше средба со Габриел Ескобар, заменик помошник државен секретар за европски и евроазиски прашања и специјален претставник на САД за Западен Балкан, кој е во посета на земјава.

Османи и Ескобар разменија мислења за актуелните политички случувања, со акцент на европското досие на Република Македонија, како и потребата од продолжување на процесот на преговори со ЕУ преку спроведување на уставните измени, соопшти МНР.

- САД имаат клучна улога во сите поважни внатрешни и надворешно-политички моменти од поновата историја на Македонија, давајќи цврста поддршка за нашето успешно етаблирање како независна држава, длабоко интегрирана во трансатлантското семејство на модерни и функционални демократии, истакна Османи додавајќи дека блокадата на евроинтегративниот процес нѐ чини една милијарди евра годишно финансиска поддршка од ЕУ.

Османи искажа благодарност и за долгорочната поддршка од САД за севкупните реформски процеси, нагласувајќи дека Владата и останатите институции продолжуваат да работат со силна посветеност на спроведувањето на реформите во областа на доброто владеење, владеењето на правото и борбата против корупцијата.

На средбата беше направен осврт на соработката меѓу двете земји, во рамки на Стратешкиот дијалог, а стана збор и за сојузништвото во рамки на НАТО, со акцент на поддршката за Украина, како и претседавањето на Македонија со ОБСЕ, САД – Јадранската повелба и Процесот за соработка во Југо-источна Европа, информираат од МНР

The post Османи изброи: Блокадата нѐ чини милијарди евра годишно финансиска поддршка од ЕУ appeared first on Република.

Ивор Мицковски излезе со коментар за посетата на Габриел Ескобар.Тој го праша дали Македонија му личи  на земја за ЕУ, според кој било стандард, според која било реформа, според квалитет на живот, образование или можности, дали демографски, финансиски, економски или индустриски?

The post Почитуван Ескобар, се надевам сфативте дека не се именуваме како северномакедонци или православни? appeared first on Република.

Заменик-помошникот државен секретар на САД и специјален претставник за Западен Балкан, Габриел Ескобар, рече дека нема никого да подложува на тортура, зборувајќи пред неговата денешна средба со лидерот на ВМРО-ДПМНЕ Христијан Мицкоски.

Мицкоски вчера кажа дека владата откако не успеала да испорача тоа што презела како обврска, оди по светот и ја моли меѓународната заедница да доаѓа во Скопје да прави тортура врз ВМРО-ДПМНЕ за да ги натера нејзините 44 пратеници да гласаат за уставните измени.

„Нема никого да подложувам на тортура овде. Сакам јасно да посочам дека САД не избира влади во земјите на НАТО, меѓутоа поставуваме очекување и единствената работа за која ќе зборувам е да ја дадам истата порака која што ширам во регионот – САД ги гледа како природни партнери оние кои што се посветени на евроинтеграциите, НАТО и борбата против корупција. Исто така, сакам да слушнам и да имам многу отворена размена на гледишта и се надевам дека ќе имаме повеќе по состанокот да ѝ кажеме на јавноста“, кажа Ескобар, одговарајќи на новинарско прашање на заедничката прес-конференција со премиерот Димитар Ковачевски.

https://republika.mk/vesti/makedonija/eskobar-sad-ne-izbira-vladi-za-zemjite-na-nato/

The post Ескобар: Не сум тука да правам тортура appeared first on Република.

САД ги гледаат како природни партнери оние што се посветени на европската интеграција на НАТО и на борбата против корупцијата, порача заменик-помошникот државен секретар на САД и специјален претставник за Западен Балкан, Габриел Ескобар, на заедничката прес-конференција со премиерот Димитар Ковачевски во Влада.

Прашан каква порака има за лидерот на опозициската ВМРО-ДПМНЕ Христијан Мицкоски, Ескобар рече дека нема никого да подложува на тортура овде, но дека очекува отворена размена на гледишта и дека ќе има нешто повеќе да каже за јавноста по состанокот.

-  Нема никого да подложувам на тортура овде. Сакам јасно да посочам дека САД не избира влади за земјите на НАТО, но поставуваме очекувања и единствената работа за која што ќе зборувам е да ја дадам истата порака што ја даваме на сите во регионот, дека САД ги гледа како природни партнери оние што се посветени на европската интеграција, на НАТО и на борбата против корупцијата. Сакам тоа да биде јасна порака, изјави Ескобар, одговарајќи на новианарско прашање.

The post Ескобар: САД не избира влади за земјите на НАТО appeared first on Република.

САД биле, се и ќе бидат со нас во текот на сите клучни процеси за демократскиот напредок на земјата, од независноста до денес и се најголем поддржувач на остварувањето на двете клучни стратешки цели на  државата а тоа е членството во НАТО,  кое што го остваривме и она што следи, членството во ЕУ, рече денеска премиерот Димитар Ковачевски на заедничката прес-конференција со заменик-помошникот државен секретар на САД и специјален претставник за Западен Балкан, Габриел Ескобар, кој е во посета на Скопје.

Тој информираше дека на денешниот состанок разговарале за развојот на настаните и процесот во однос на нашиот еврооинеграциски пат, како и за отпочнување на уставните измени. Нов договор, како што рече, нема да има, ниту ќе има можност за репреговарање на преговарачката рамка.

-Нов договор нема да има, ниту ќе има можност за репреговарање на преговарачката рамка, како што некои политичари истакнуваат. Она што ние треба да направиме како политичко лидерство е да обезбедиме непречен процес на зачленување на Македонија во полноправно членство во ЕУ. По членството во НАТО, Македонија треба да стане членка на Европската Унија, бидејќи Европската Унија е нашата единствена алтернатива и директен интерес на граѓаните и барање на граѓаните, рече Ковачевски.

Тој изрази благодарност за придонесот на САД во сите процеси, како и за личните заложби на Ескобар, како во однос на развојот на Македонија, така и во неговите лични заложби за унапредување на регионалната стабилност на Западен Балкан.

-На денешниот состанок разговаравме за развојот на настаните и процесот во однос на нашиот еврооинеграциски пат, како и за отпочнување на уставните измени. Раговаравме за успешниот тек на скрининг процесот, а пред се за процесот на отпочнувањето на уставните измени кои покрај ЕУ, и САД го сметаат за клучен и важен чекор во обезбедување на европската иднина и продлжување на процесот на европски интеграции на Македонија, рече Ковачевски

The post Ковачевски со Ескобар: По членството во НАТО, Македонија треба да стане членка на ЕУ бидејќи тоа е нашата единствена алтернатива appeared first on Република.

Очекувањето од официјален Вашингтон Македонија да го продолжи патот кон полноправно членство во Европската Унија, било изразено на средбата на заменик-помошникот државен секретар на Соединетите Американски Држави, Габриел Ескобар со претседателот Стево Пендаровски, што се одржа попладнево во Скопје.

На средбата е потврдена поддршката на САД за европските аспирации на нашата земја и се разговарани следните чекори кои треба да ги преземе нашата држава со цел да напредува во ЕУ интегративниот процес.

На средбата беше потврдена поддршката на САД за европските аспирации на нашата земја. Истовремено, беше изразено очекување од официјален Вашингтон дека Македонија ќе го продолжи патот кон полноправно членство во Европската Унија. Претседателот Пендаровски ја истакна важноста на поддршката која САД ја даваат за остварување на стратешките цели на нашата држава. Во таа насока, на средбата се разговараше за следните чекори кои треба да ги преземе Македонија со цел да напредува во ЕУ интегративниот процес, соопштуваат од Кабинетот на Претседателот.

Дополнуваат дека на средбата станало збор и за состојбите во поширокиот регион, во контекст на руската агресија врз Украина.

Со средбата со Пендаровски, Ескобар попладнето ја почна дводневната посета на државава.

Според најавите, Ескобар утре претпладне ќе се сретне со премиерот Димитар Ковачевски по која ќе одржат прес-конференција, а ќе има средба и со лидерот на опозициската ВМРО-ДПМНЕ, Христијан Мицкоски.

Доаѓањето на Ескобар во Скопје следува по започнувањето на собраниската процедура за усвојување на уставните измени за внесување на Бугарите во Уставот како услов земјава да ја одржи втората меѓувладина седница и да ги продолжи преговорите со Европската Унија.

The post Вашингтон очекува Македонија да го продолжи патот кон полноправно членство во ЕУ appeared first on Република.