Министрите за одбрана на Групата седум индустриски најразвиени земји (Г7) денеска упатија апел до Иран да престане да ја поддржува палестинската група Хамас, но и нејзините сојузници – Хезболах во Либан и Хутите во Јемен, кои се ангажирани на фронтовите против Израел.

Г7 апелира Иран да се воздржи од давање поддршка на Хамас, Хезболах, Хутите и другите недржавни актери, како и од преземање какви било дополнителни мерки кои би можеле да го дестабилизираат регионот и да иницираат процес на „неконтролирана“ ескалација, се наведува во заедничката изјава по состанокот во Неапол.

Министрите повикаа и на „значително и одржливо зголемување“ на хуманитарната помош за Појасот Газа.

Земјите од Г7 се обединети во нивната поддршка за потребата од итен прекин на огнот во Газа, ослободување на сите заложници, значително и одржливо зголемување на протокот на хуманитарна помош низ Појасот Газа и пат кон решение со две држави, се наведува во заедничка изјава.

Министрите ја потврдија својата „непоколеблива“ поддршка за Украина, вклучително и воена поддршка.

Ја потврдуваме нашата непоколеблива поддршка за слободата, суверенитетот, независноста и територијалниот интегритет на Украина, сè додека е потребно. Ја нагласуваме нашата намера да продолжиме да обезбедуваме помош за Украина, вклучително и воена, на краток и долг рок, се додава во заедничката изјава.

Земји-членки на Г7 се САД, Франција, Германија, Италија, Канада, Велика Британија и Јапонија.

The post Г7: Иран да престане да ги поддржува Хамас, Хезболах и Хутите appeared first on Република.

Шефовите на дипломатиите на членките на Групата седум индустриски развиени земји (Г7) и високиот претставник на ЕУ за надворешна политика и безбедност, Жосеп Борел ги повикаа сите инволвирани страни на Блискиот Исток да се воздржат од продолжување на тековниот деструктивен циклус на одмазднички насилство, да ги намалат тензиите и конструктивно да се ангажираат кон деескалација на состојбата.

Ние, министрите за надворешни работи на Канада, Франција, Германија, Италија, Јапонија, Велика Британија и САД и високиот претставник на ЕУ, ја изразуваме нашата длабока загриженост поради зголеменото ниво на тензии на Блискиот Исток, што се заканува да разгори поширок конфликт во регионот, се наведува во изјавата на шефовите на дипломатиите на Г7 во врска со најновиот развој на настани на Блискиот Исток.

Како што соопшти Европската служба за надворешни работи, во изјавата во која се апелира за прекин на насилството, се додава и дека ниту една земја или нација нема да имаат корист од понатамошната ескалација на состојбата на Блискиот Исток.

Тензиите на Блискиот Исток, кои се зголемија по нападот на припадници на Хамас врз Израел во октомври минатата години и одмаздничката акција на израелските сили во Појасот Газа и неколкуте поединечни напади низ земји во регионот, минатата недела дополнително ескалираа со убиството на лидерот на Хамас, Исмаил Ханија во Техеран, кое им се припишува на агенти на израелската тајна служба Мосад.

The post Г7 повика на запирање на деструктивниот циклус на насилство на Блискиот Исток appeared first on Република.

Г7 денеска соопшти дека стои зад постојаниот мировен договор на американскиот претседател Џо Бајден и го повика Хамас да го прифати.

Ние, лидерите на Групата седум (Г7), целосно го поддржуваме планот на Бајден „што ќе доведе до итен прекин на огнот во Газа, ослободување на сите заложници, значително и одржливо зголемување на хуманитарната помош за дистрибуција низ Газа, и траен крај на кризата, со загарантирани безбедносни интереси на Израел и цивилна безбедност во Газа, се вели во соопштението.

The post Г7 го поддржува мировниот договор на Бајден и го повикува Хамас да го прифати appeared first on Република.

Групата од седум индустриски најразвиени земји Г7 ќе ја испита можноста за користење на идните приходи од замрзнатите руски средства за помош на Украина, пишува во нацрт заедничката изјава на министрите за финансии на земјите од Г7, во која имаше увид новинската агенција Ројтерс.

Групата Г7 е името на консултативниот форум на седумте најважни индустриски земји во светот. Се состои од премиерите на САД, Канада, Јапонија, Германија, Италија, Франција и Обединетото Кралство.

Г7 замрзна околу 300 милијарди долари од руските средства набргу откако Русија ја нападна Украина во февруари 2022 година.

Постигнуваме напредок во нашите дискусии за потенцијалните начини за добивање извонредна добивка што произлегува од блокираните руски државни средства во корист на Украина“, се вели во нацрт-изјавата, објави Ројтерс на 25 мај.

Нема да има големи промени пред конечната верзија која ќе биде објавена подоцна денеска, изјави дипломатски извор од Г7 за Ројтерс.

На министрите од Г7 ќе им се придружи и украинскиот министер за финансии Серхи Марченко. Министрите за финансии и гувернерите на централните банки, на состанокот во Стреса, северна Италија, каде имаат за цел да ги претстават опциите за финансирање на Украина што ќе ги разгледаат лидерите на Г7.

Тие ќе разговараат за ова прашање на самит во средината на јуни, се вели во соопштението.

Во согласност со нашите правни системи, руските суверени средства во нашите јурисдикции ќе останат блокирани додека Русија не ја плати штетата што и ја нанесе на Украина, се вели во соопштението.

Растечката извозна моќ на Кина и она што министрите на Г7 го нарекуваат нејзиниот индустриски „прекумерен капацитет“ се другите клучни теми на дводневниот собир во северниот италијански град Стреса.

Загрижени сме поради сеприсутната употреба на непазарните политики и практики од страна на Кина кои ги поткопуваат нашите работници, индустрии и економската отпорност, се вели во соопштението.

Ќе продолжиме да ги следиме потенцијалните негативни ефекти од прекумерниот капацитет и ќе разгледаме преземање чекори за да обезбедиме рамноправни услови за игра за сите, во согласност со принципите на Светската трговска организација (СТО), се додава.

The post Г7 има нов план како да и помогне на Украина appeared first on Република.

Министрите за енергија, животна средина и клима на земјите-членки на Г7 се согласија постепено да ја укинат употребата на јаглен за производство на електрична енергија до 2035 година.

Одлуката на Г-7 доцна синоќа ја потврди и Министерството за економија и клима на Германија. Според портпаролот на Министерството, Германија одиграла клучна улога во одлуката да се одреди јасен краен датум за производство на електрична енергија на јаглен за сите земји од Г7.

Британскиот државен секретар за енергетска безбедност и јаглеродна неутралност Ендрју Боуви претходно го објави договорот.

Да, имаме договор за постепено исфрлање на јагленот во првата половина на 30-тите години. Ова е историски договор што не успеавме да го постигнеме на Конференцијата на Обединетите нации за климатски промени (КОП 28) во Дубаи минатата година, изјави Боуви.

The post Министрите за енергетика од Г7 се договорија за постепено укинување на производството на електрична енергија од јаглен од 2035 година appeared first on Република.

Министрите за надворешни работи на земјите од Г7 денеска се собраа на италијанскиот остров Капри на тридневни разговори.

Континуираната ескалација на тензиите меѓу Израел и Иран и војните во Газа и Украина ќе доминираат на агендата на состанокот на министрите од САД, Велика Британија, Франција, Италија, Германија, Канада и Јапонија.

Италија, која моментално заседава со групата Г7, се залага за прекин на огнот во Газа и за деескалација на тензиите на Блискиот Исток, но Израел се чини многу веројатно ќе возврати на нападите на Иран, и покрај повиците на Западот за воздржаност.

- Наспроти големите меѓународни тензии, задачата на Г7 под италијанско раководство е да работи на постигнување мир, рече италијанскиот министер за надворешни работи, Антонио Тајани.

Земјите од Г7 ветија поддршка на Израел по нападот од Иран, за кој се смета дека е одговор на израелскиот воздушен напад врз комплексот на иранската амбасада во Дамаск на 1 април, во кој загинаа двајца генерали и неколку други ирански офицери.

Воведната седница вечерва ќе се фокусира на Газа и Иран, а ситуацијата во Црвеното Море ќе биде разгледана утре. Пред да се фокусираат на Украина, министрите ќе ги разгледаат начините за зајакнување на врските со Африка.

Министрите на Г7 ќе разговараат за стабилноста во индо-пацифичкиот регион, за инфраструктурното поврзување, кибер безбедноста, вештачката интелигенција и борбата против лажните вести.

The post Шефовите на дипломатиите на Г7 се собраа на островот Капри во Италија appeared first on Република.

Лидерите на земјите-членки на Г7 на денешниот вонреден состанок го осудија нападот на Иран врз Израел и повикаа на „воздржаност“ од сите страни.

- Едногласно го осудивме нападот без преседан на Иран против Израел, напиша претседателот на Европскиот совет, Шарл Мишел на Икс.

Ќе продолжиме со сите наши напори да работиме на деескалација. Завршувањето на кризата во Газа што е можно поскоро, особено преку итен прекин на огнот, ќе направи разлика“.

The post Г7 го осуди иранскиот напад врз Израел и повика на воздржаност appeared first on Република.

Италија како претседавач на групата седум најразвиени земји во светот (Г7) закажа средба на лидерите на оваа организација.

Италијанската премиерка Џорџа Мелони објави на социјалните мрежи дека Италија го осудува иранскиот воздушен напад врз Израел, пренесува АНСА.

„Да изразиме голема загриженост за понатамошна дестабилизација во регионот и да продолжиме да работиме за да ја избегнеме“, апелира Мелониева на социјалните мрежи.

Американскиот претседател Џо Бајден претходно денеска остро го осуди иранскиот напад врз Израел и најави дека ќе ги покани лидерите на земјите од Г7 да дадат заеднички дипломатски одговор.

„Ќе ги повикам моите колеги, лидерите на Г7, да координираат обединет дипломатски одговор на дрскиот напад на Иран. Мојот тим ќе соработува со колегите од целиот регион“, изјави Бајден.
Тој нагласи дека официјален Вашингтон ќе остане во близок контакт со израелските власти.

„Иран и неговите сојузници кои оперираат од Јемен, Сирија и Ирак извршија воздушен напад без преседан врз воени објекти во Израел. „По моја наредба, со цел да се поддржи одбраната на Израел, американската војска распореди авиони и уништувачи со балистички ракети во регионот во текот на изминатата недела“, рече Бајден во изјава утринава.

The post Италија закажа седницата на Г7 поради иранскиот напад врз Израел appeared first on Република.

Авиокомпанијата „Иран Ер“ може да биде забранет во Европа доколку официјален Техеран испрати ракети во Русија.

Земјите од Г7 се подготвени да преземат нови тешки мерки кои би можеле да вклучат забрана за летови на „Иран Ер“ кон Европа доколку Иран продолжи да пренесува балистички ракети со краток дострел во Русија.

Доколку Иран продолжи да и доставува балистички ракети или сродни технологии на Русија, ние сме подготвени да одговориме брзо и на координиран начин, вклучувајќи нови и значајни мерки против Иран“, стои во соопштението на Г7.

Висок американски функционер, кој сакал да остане анонимен, изјавил дека една од опциите што ги разгледува Г7 „би вклучувал запирање на главниот ирански авиопревозник да лета ко Европа.

The post Групата Г7 сака да ги забрани летовите на „Иран Ер“ во Европа appeared first on Република.

Лидерите на Г7 на средба со претседателот на Украина Володимир Зеленски изјавија дека украинската влада и нејзиниот народ можат да сметаат на поддршката на Г7 сè додека тоа е неопходно и оти ќе продолжат да ја зголемуваат „цената на руската војна“.

Како што се наведува во соопштението објавено на денот кога се одбележуваа две години од почетокот на војната во Украина, тие се сретнаа со Зеленски за да ја потврдат нивната „непоколеблива поддршка за Украина“.

Ќе продолжиме да ги зголемуваме трошоците за руската војна, да ги деградираме изворите на приходи на Русија и да ги попречуваме нејзините напори да ја изгради својата воена машина, како што покажаа нашите неодамна одобрени пакети санкции, рекоа лидерите на Г7.

Тие додадоа дека се посветени на целосна примена и спроведување на санкциите против Русија и усвојување нови мерки по потреба.

Лидерите на Г7 рекоа дека, во тесна соработка со трети земји, продолжуваат да се спротивставуваат на сите обиди да се избегнат и заобиколат санкциите и мерките за контрола на извозот и предупредија дека ќе воведат дополнителни санкции за компании и поединци во трети земји кои и помагаат на Русија да набави оружје или клучни суровини за оружје, како и дека ќе воведе санкции „против оние кои ѝ помагаат на Русија да набави алатки и друга опрема што го помага производството на оружје или воено-индустрискиот развој на Русија“.

Тие, исто така, рекоа дека ќе продолжат да вршат „значителен притисок“ врз приходите на Русија од енергија и други производи и ќе преземат чекори за заострување на усогласеноста и спроведувањето на ограничувањата за цената на нафтата.

Тие поачаа дека ќе ја засилат безбедносната помош за Киев и ќе го зголемат капацитетот за производство и испорака за да и помогнат на Украина, како и дека ќе и и помогнат да ги задоволи нејзините финансиски потреби.

Тие ја повикаа Русија веднаш да ја прекине војната и „целосно и безусловно да ги повлече своите воени сили од меѓународно признатата територија на Украина“, а сите земји да го почитуваат меѓународното право и „на никој начин да не ги потврдуваат или одобруваат обидите на Русија да стекне територија со сила“.

Тие, исто така, побараа од руската влада да ги ослободи сите „неправедно притворени затвореници“ и „да го запре прогонот на политичката опозиција и систематската репресија на правата и слободите на Русите“.

Додека Украина влегува во третата година од оваа безмилосна војна, нејзината влада и нејзиниот народ можат да сметаат на поддршката на Г7 сè додека тоа е потребно, заклучија лидерите на Г7.

The post Г7 најави дека ќе продолжи да ги зголемува трошоците за војната во Украина appeared first on Република.

Војната во Украина, блискоисточната криза предизвикана од нападот на Хамас врз Израел на 7 октомври и вештачката интелигенција (АИ) ќе бидат во фокусот на италијанското претседавање со организацијата Г7 во 2024 година, изјави денеска италијанскиот вицепремиер и министер за надворешни работи Антонио Тајани.

„Западот продолжува да покажува голема солидарност со Украина, а фокусот на организацијата Г7, со која ќе претседава Италија од 1 јануари, ќе бидат Украина, Блискиот Исток и вештачката интелигенција (АИ)“, рече Тајани во интервју за информативната програма Матино Чинкве (Matino Cinque), пренесува италијанската новинска агенција АНСА.

Според Тајани, приоритет останува помагањето на Украина да го одбрани својот територијален интегритет.

„Италија ќе продолжи да дава свој придонес (со обезбедување) сеопфатна помош за Украинците“, додаде Тајани.

The post Тајани: Во фокусот на италијанското претседавање со Г7 се Украина, Блискиот Исток и вештачката интелигенција appeared first on Република.

Долгорочниот ангажман за безбедноста на Украина, што денеска ќе го усвојат земјите од Г7, ќе и покаже на Русија дека времето работи против неа, изјави советничката за европски прашања во Белата куќа, Аманда Слоат.

Планот ќе и помогне на Украина да изгради војска, која ќе може да се одбрани и да го одврати секој иден напад, наведе Слоат, додавајќи оти се работи за „долгорочна инвестиција“.

Американскиот претседател Џо Бајден и другите лидери на Г7 (Франција, Германија, Италија, Јапонија, Велика Британија и Канада) ќе се сретнат со украинскиот претседател Володимир Зеленски на крајот од Самитот на НАТО во Вилнус и ќе презентираат пакет кој содржи безбедносни гаранции.

The post Г7 ќе испрати силна порака до Русија, на која и истекува времето appeared first on Република.

The post Веидонг: Сакаат да ја уништат Кина, го нарушуваат нашиот суверентитет appeared first on Република.

Групата седум најбогати земји во светот (Г7) денеска ја повика Кина да изврши притисок врз својот стратешки партнер Русија за да ја прекине војната против Украина.

Во заедничкото соопштение лидерите на Г7 нагласиле дека не сакаат да и нанесат штета на Кина и дека бараат „конструктивни и стабилни односи“ со Пекинг, препознавајќи ја важноста на искрениот ангажман и изразувајќи загриженост директно до Кина.

„Ја повикуваме Кина да изврши притисок врз Русија да ја запре својата воена агресија и веднаш, целосно и безусловно да ги повлече своите трупи од Украина“, се вели во соопштението. 

The post Г7 од Хирошима ја повикаа Кина да ја убеди Русија да ја прекине војната во Украина appeared first on Република.

Групата на седмите најразвиени индустриски земји во светот (Г7) предупреди да не се преземаат какви било акции за насилно менување на светскиот поредок.

- Силно ќе се спротивставам на секакви еднострани обиди за насилна промена на „статус кво“. Ќе му ја покажам на светот непоколебливата решителност на Г7 да го зачува светскиот поредок, заснован на владеење на правото, изјави шефот на јапонската дипломатија Јошимаса Хајаши на средбата со неговите колеги од Г-7, посветена на ситуацијата во индо-пацифичкиот регион.

По работната вечера, првите дипломати од Г7 денеска ги продолжуваат консултациите во јапонското летувалиште Каруизава, префектурата Нагано.

Тие ќе разговараат за кинеските притисоци врз Тајван, за дејствувањето на Северна Кореја, како и за насилството во Судан.

Средбата на министрите за надворешни работи се одржува во пресрет на средбата на шефовите на држави и влади на Г7, што треба да се одржи во мај во Хирошима.

Јапонија е ротирачки претседавач на Г7, во која членуваат Велика Британија, Канада, Франција, Германија, Италија и САД.

The post Г7: Да не се преземаат акции за насилно менување на светскиот поредок appeared first on Република.

Министрите за животна средина на Групата седум индустриски најразвиени земји во светот (Г7), на крајот од дводневниот состанок во јапонскиот град Сапоро, се обврзаа да се стави крај на загадувањето со пластика до 2040 година, јави германската новинска агенција ДПА.

Планот на Г7 е поамбициозен од договорот на Г20 од 2019 година, кој предвидува крај на загадувањето со пластика до 2050 година.

- Евтината пластика за еднократна употреба стана исклучително вообичаен производ во индустријализираните земји. Поради тоа е исклучително важно земјите од Г7 да се обврзат брзо да стават крај на пластичниот отпад, изјави германската министерка за животна средина Штефи Лемке.

Правно обврзувачкиот договор треба да биде договорен до крајот на 2024 година.

Според еколошката организација „Светски фонд за дивата природа“ (World Wildlife Fund) од 19 до 23 милиони тони пластичен отпад годишно завршуваат во океаните.

The post Г7 се договорија до 2040 година да престане загадувањето со пластика appeared first on Република.

Министрите за животна средина на Групата седум индустриски најразвиени земји во светот (Г7), на крајот од дводневниот состанок во јапонскиот град Сапоро, се обврзаа да се стави крај на загадувањето со пластика до 2040 година, јави германската новинска агенција ДПА.

Планот на Г7 е поамбициозен од договорот на Г20 од 2019 година, кој предвидува крај на загадувањето со пластика до 2050 година.

Евтината пластика за еднократна употреба стана исклучително вообичаен производ во индустријализираните земји. Поради тоа е исклучително важно земјите од Г7 да се обврзат брзо да стават крај на пластичниот отпад, изјави германската министерка за животна средина Штефи Лемке.

Правно обврзувачкиот договор треба да биде договорен до крајот на 2024 година.

Според еколошката организација „Светски фонд за дивата природа“ (World Wildlife Fund) од 19 до 23 милиони тони пластичен отпад годишно завршуваат во океаните.

The post Г7 се договорија до 2040 година да престане загадувањето со пластика appeared first on Република.

Министрите за надворешни работи на земјите-членки на Групата седум (Г7) соопштија денеска дека нивните земји ќе продолжат да наметнуваат економски санкции кон Русија и ја повикаа меѓународната заедница да го осуди „бруталниот експанзионизам“ на Москва.

Во соопштението на Г7 се наведува дека најбогатите земји ќе продолжат да наметнуваат дополнителни економски санкции за поединци и ентитети во и надвор од Русија кои пружаат политичка или економска поддршка на кршењето на меѓународното право.

Западните земји воведоа економски санкции кон Русија поради нападот на Украина, со цел да ги ослабат руските сили.

The post Г7: Ќе продолжиме да воведуваме економски санкции кон Русија appeared first on Република.

Земјите-членки на Г7 и Австралија вчера се договорија за ограничување на цената на руската нафта на 60 долари за барел.

Одлуката уследи откако земјите-членки на Европска Унија исто така постигнаа политички договор за ограничување на цената на руската нафта.

Г7 и Австралија најавија дека ограничувањето на цената ќе стапи во сила на 5 декември, истиот ден кога стапува во сила и европското ембарфо на руската нафта.

Целта на ограничуавње на цената, што е идеја на Г7, е да се намалат приходите на Русија од продажбата на нафта, а во исто време да се спречи порастот на глобалните цени по стапувањето во сила на ембаргото на ЕУ на руска нафта на 5 декември.

Ограничувањето ќе им овозможи на земјите надвор од ЕУ да продолжат да увезуваат руска нафта, но ќе им забрани на транспортните и осигурителните компании да тргуваат со руска нафта ширум светот, освен ако не ја продава по цена под ограничувањето.

The post Г7 и Австралија ѝ се придружија на ЕУ во ограничувањето на цената на руската нафта на 60 долари за барел appeared first on Република.

Кина ги повикува земјите од Г7 да престанат да се мешаат во работите на другите земји и да провоцираат конфликти и конфронтации, изјави на брифинг портпаролот на министерството за надворешни работи на Кина, Жао Лиџијанг.

Ставот на Пекинг за прашањата што се однесуваат на Хонг Конг, Ксинџијанг и Тајван е конзистентен и јасен. Таканаречената заедничка изјава на дипломатите на Г7 ја игнорира позицијата и објективните факти на Кина, грубо мешајќи се во нејзините внатрешни работи, а исто така злонамерно ја клевети и оцрнува Кина. Пекинг изразува силно незадоволство и силно се спротивставува, рече дипломатот.

Тој исто така посочи дека кинеските власти ги повикуваат Г7 да престанат да се држат до менталитетот на Студената војна и идеолошките предрасуди, како и да престанат да се мешаат во внатрешните работи на другите земји, да престанат да повторува лаги, но и да не провоцираат регионални конфликти и создавање блок конфронтација.

Тој ги повика и земјите од Г7 да создадат поволни услови за развој на глобална соработка.

The post Кина до земјите од Г7: Престанете да се мешате во работите на другите земји appeared first on Република.