Новинарот Фуркан Салиу заработи кривична пријава по инцидентот во неделата кога беше приведен за време на фудбалски натпревар во селото Средно Коњаре.

Кривичната пријава е против него и уште едно лице со Н.Ј. и за сторено кривично дело „Спречување службено лице во вршење службено дејствие“ по членот 382 од Кривичниот законик кој предвидува парична казна или затворска казна до три години. Салиу вели дека е сигурен оти истражните органи нема да можат да го докажат делото, но можно е работата на неговиот портал да биде оневозможена.

Најверојатно ќе се бара претрес во просторите на ПорталХ и во моето живеалиште. Делото не верувам дека можат да го докажат меѓутоа најверојатно работата на ПорталХ ќе биде оневозмоена одреден период. Ги повикуваме сите релевантни институции, меѓународните организации добро да пазат како ќе се одвива целата ситуација, вели Салиу.

The post Новинарот Салиу заработи кривична пријава по инцидентот на фудбалскиот натпревар appeared first on Република.

Новинарот Фуркан Салиу, за Сител, изјави дека секој ден оди на стрелиште и дека тоа го планирал и по фудбалскиот меч во Долно Коњари каде што за време на мечот се случија инциденти меѓу навивачките групи, а тој беше приведен со образложение од полицијата дека нападнал полициски службеник.

-Преку адвокат уште утре ќе поднесам поднесок до внатрешпната контрола на МВР, особено за делот на отворањето на моето возило без мое присуство и без судски налог. Како знаеле дека е тоа моето возило? Како знаеле дека јас имам пиштол и дека секој викенд одам на стрелиште? Доказ дека одам на стрелиште може да се најде во стрелиштето каде се запишува и потпишува секој поединец. Го искористија моментот за да ми ‘вратат’ за прилозите кои што ги објавив на Порталикс, а кои се однесуваат на лажните анкети“, изјави Салиу.

The post Фуркан одел на стрелиште, затоа пиштолот го чувал во автомобилот appeared first on Република.

Внатрешна контрола ќе го испитува постапувањето на полициските службеници во врска со приведувањето на новинарот Фуркан Салиу, изјави денеска во одговор на новинарски прашања министерот за внатрешни работи Панче Тошковски. Според него, се работи за кривично-правен настан.

-Внатрешна контрола ќе си постапи во целост согласно нејзините надлежности, внатрешна контрола за овие три месеци покажа дека можело и поинаку да се работи од тоа досега, и во целост ќе биде испитано секое едно дејствие што е преземено од страна на полициските службеници, а е поврзано со овој кривично правен настан, рече Тошковски.

Повика, како што кажа, на овој кривично правен настан да се го гледа таков каков што е, а тоа е дека станува збор за пресметка на две навивачки групи, за пресметка која што како таква доколку полицијата не интервенирала таму можело да биде многу сериозно.

-Таму можело да биде многу сериозно. Таму со камења е фрлано спрема полициски службеници, со камења е фрлано од една навивачка група спрема друга навивачка група и откога е воспоставен редот од страна на полициските службеници многу е битно да се каже дека натпреварот е завршен, односно фудбалерите го доиграле натпреварот, како што го доиграле, и притоа, нели, секако немало да го доиграат натпреварот ако не било воспоставен соодветен безбедносен ред во рамки на постапувањето, посочи Тошковски.

Тошковски сподели детали од вчерашниот настан, кои, како што рече, ги говори исклучиво само врз основа на факти коишто можел лично да ги констатира и дека станува збор за напад врз полициски службеник.

-Многу е битно да се знае дека навивачките групи почнуваат физички да се пресметуваат помеѓу себе и од тој момент интервенира полицијата да ги раздвои. Трет факт е дека во рамки на физичкото пресметување помеѓу себе е констатирано едно лице кое што потоа е приведено, кое што на повеќе наврати физички напаѓа припадници на другата навивачка група и притоа физички напаѓа и еден овластен полициски службеник кој го соборува потоа приведеното лице, а притоа при соборувањето на приведеното лице околу овластениот полициски службеник се присутни и други овластени полициски службеници припадници на интервентна полиција и на ЕБР, при што во моментот на приведување на ова лице кое што напоменувам на повеќе наврати физички удира и мава како по припадници на друга навивачка група, така и се бори со дел од полициските службеници, изјави Тошковски.

Исто така, додаде, факт којшто е констатиран во текот на вчерашниот ден е дека во рамки на возило, сопственост на еден од приведените, е пронајдено огнено оружје -пиштол при преглед од страна на овластените службени лица.

-Огненото оружје е со дозвола на имателот на истото, значи истиот поседува дозвола за негово поседување, која што во никој случај не може да амнестира во најмала рака прекршочна одговорност во овој дел заради тоа што таквото оружје во никој случај не може да биде во рамки на возило кое што како такво било на предметното место во рамки на селото Средно Коњаре, односно точно се знае согласно закон како се поседува огнено оружје, како се транспортира од точка А до точка Б, како се носи истото, дали со полн шаржер, дали со празен шаржер..., кажа Тошковски

The post Toшковски за Фуркан Салиу: Toa што имал дозвола за пиштолот не може да амнестира прекршочна одговорност бидејќи таквото оружје во никој случај не може да биде во возило appeared first on Република.

Следете ја во живо изјавата на министерот за внатрешни работи Панче Тошковски, по работната посета на полициската станица во Шуто Оризари, во која зборува и за вчерашното приведување на новинарот Фуркан Салиу:

The post ВО ЖИВО: Тошковски за апсењето на Салиу appeared first on Република.

Оливер Спасовски од СДС во ситуација кога беше нападнат од навивачи, полициски началник изјави „нападот кон полицаец, е напад кон државата“. Оттука прашањето до СДС, зошто за СДС нападот врз полицаец, за кој се сомничи Фуркан Салиу, не е напад врз државата?, прашуваат од ВМРО-ДПМНЕ.

Што е различно во овој случај?

Наместо да води лицемерна политика СДС одговорите нека ги побараат во признанието на самиот Фуркан Салиу кој призна дека поседувал оружје, и дека со своето однесување придонел кон ескалација на настаните.

Зошто СДС е засегната партија во овој случај?

Дали СДС заговара непочитување на законите?

Тоа што се случувало пред 15 години не е никакво оправдување, ниту пак причина да не се сменат работите кои продолжуваат да бидат катастрофални овие 7 години власт на ДУИ и СДС.

Македонија според „Економист“ е хибриден режим се уште, со загрозени права и слободи.

Ова е она на што треба СДС да се посвети.

Промените доаѓаат. Тоа значи дека народот ќе си ја земе контролата во свои раце. Македонија повторно горда, значи Македонија повторно твоја, додаваат од партијата.

The post Фуркан Салиу сам си призна дека носел пиштол и дека придонел за ескалација на настаните, зошто сега СДС не мисли дека напад врз полицаец не е напад врз државата? appeared first on Република.

Новинарот Фуркан Салиу, бара полицијата да докаже дека тој нападнал полицаец и како е отворено неговото возило, со оглед дека тој не бил присутен, како што тврди. Салиу тврди дека отишол на трибините на натпреварот, оти знаел дека ќе има нереди.

„Поради вашата поддршка бев ослободен, но во некоја различна ситуација немаше да бидам. Без никаков доказ. Нека докажат дека сум нападнал полицаец, јас утре ќе се повлечам, не ме гледате на екран. Нека докажат. Информиран сум сега дека мојот пиштол е најден во багажот, расклопен целосно, а најден е без мое присуство, во обид да избришат снимки“, велат Салиу.

Појасни дека имало нереди на трибините на натпреварот на кој присуствувал.

„Имаше малку полицајци, многу публика, тоа не е мој проблем. Цел настан почна кога тепаа млад дечко кој седеше до мене, а не направи ништо“, рече Салиу па посочи дека тој ја смирувал публиката.

„Јас навистина не сакам да помислам дека се обидуваат да ме замолчат. Јас се уште не сум ја завршил изјавата овдека“, додава Салиу.

Вели дека му се избришани снимки но најави дека ќе се обиде да ги врати и да ја докаже вистината.

„Ова е грда слика на полицијата што ја гледаме со години“, рече тој во изјава за медиумите.

https://republika.mk/vesti/makedonija/toshkovski-za-apseneto-na-novinarot-pronajden-mu-e-pishtol-vo-negoviot-avtomobil/

The post Фуркан Салиу излезе од полициска станица appeared first on Република.

Новинарот Фуркан Салиу преку фан страницата на „Порталикс“ се огласи за инцидентот во селото Средно Коњаре каде беше уапсен за време на фудбалски натпревар.

Информираше дека во моментот се наоѓа во Полициската станица Автокоманда.

-Се извинувам што моето однесување можеби придонесе до ексалација на ситуацијата за да завршам во лисици. Извинете ако ве разочарав да верувате во мојата работа. Но Ве уверувам, не нападнав полицаец. Иако се беше снимено полицијата ги избриша материјалите во полициска станица.

Во однос на пиштолот кој е пронајден во неговото возило, Салиу тврди дека поседува дозвола, но вели дека претресот бил незаконски извршен.

-Околу пиштолот што беше најден во моето возило… Пиштолот има дозвола и е најден во автомобилот. За време на апсењето ми паднаа клучевите, а мојот снимател ги зеде. Без судски налог и без јас да бидам присутен, како сопственик на возилото, беше претресено од страна на специјалците. Делото кое ми го товарат, напад врз полициски службеник не држи вода и не може да се докаже, вели Салиу.

https://republika.mk/vesti/makedonija/toshkovski-za-apseneto-na-novinarot-pronajden-mu-e-pishtol-vo-negoviot-avtomobil/

The post Се огласи Фуркан Салиу: Се извинувам што моето однесување можеби придонесе до ексалација на ситуацијата appeared first on Република.

Македонската асоцијација на новинари (МАН), без да навлегува во детали за шокот од веста за Фуркан Салиу, член на Здружението на новинари (ЗНМ) поддржани од ССНМ, ја изразува својата длабока загриженост за состојбите во новинарството кои се последица на непрофесионалното делување на ЗНМ и ССНМ, изразени со последниот случај токму со Фуркан Салиу.

-Користољубие и лицемерие за потребите на ЗНМ и ССНМ е да се тврди дека Фуркан Салиу е новинар кој бил лишен од слобода. Токму ЗНМ и ССНМ се главните противници на регистрација на онлајн медиумите и професионалните независни новинари кои работат во дигиталните медиуми, каде што работи и колегата Фуркан Салиу.

-МАН ја поздравува транспарентноста на МВР во најкус можен рок да ги објави сите информации за лишувањето од слобода на лицето Фуркан Салиу, кој ќе беше подведен во категоријата новинар (лице со службена одговорност, согласно одредбите од КЗ) за кои толку силно се противат и ЗНМ и ССНМ.

-Без да навлегуваме во детали дали Фуркан Салиу пиштолот го поседувал со дозвола или без дозвола (за што очекуваме информации од надлежните органи), од повеќе аспекти загрижува фактот дека лицето/новинар имал огнено оружје.

Новинар е општествено одговорна работа и единственото оружје на новинарите и медиумските работници е слободата на говорот, и независното и професионално новинарство.

ЗНМ и ССНМ имаат долга историја на негување непрофесионалност во вкупното делување, па оттука, ја искажуваме нашата длабока загриженост за нивното членство и нивното делување.

Македонската асоцијација на новинари (МАН) секогаш се грижела за правата и слободите на новинарите и сите медиумски работници, додека ЗНМ и ССНМ, секогаш делуваат од користољубие со лицемерие.

The post МАН: Единственото оружје на новинарите е слобода на говорот, користољубие е однесувањето на ЗНМ appeared first on Република.

Во врска со случајот поврзан со новинарот Фуркан Салиу, Агенцијата за аудио и аудиовизуелни медиумски услуги го повикува Министерството за внатрешни работи веднаш, односно во најскоро време да го расчисти случајот и да ја информира јавноста за причините за неговото приведување.

Истовремено, очекуваме МВР доследно да ги почитува законските процедури и правата на новинарот Салиу, а политичките партии да не го користат овој случај за дневно партиски цели, за да не се шират шпекулации и дезинформации се до целосно расчистување на случајот, велат од Агенцијата.

The post АВМУ го повика МВР да го расчисти случајот со Фуркан Салиу и ги повика партиите да не го користат за политички поени appeared first on Република.

Министерот Панче Тошковски излезе со реакција по повод денешното приведување на новиварот Фуркан Салиу.

Министерот нагласува дека посоченото лице бил на фудбалски натпревар кој бил прогласен за меч од висок ризик а полицијата  интервенирала бидејќи дошло до обид домашната публика да се пресмета со гостинските играчи.

The post Тошковски за апсењето на новинарот: Пронајден е пиштол во неговиот автомобил appeared first on Република.

Ја браниме и во целост ја почитуваме новинарската дејност и слободата на новинарите да известуваат и пишуваат за настаните и темите од јавен интерес, без било какви пречки, велат од ВМРО-ДПМНЕ.

-Секој еден новинар ја има нашата поддршка. ВМРО-ДПМНЕ не поддржува насилство, и осудуваме било каков напад врз службено лице на МВР. Тоа треба да се осуди од сите чинители и доколку се потврди дека тоа е сторено, тогаш сторителот треба да ги сноси сите последици согласно законите и Уставот. Бараме целосно да се расветли случајот со приведувањето на новинарот Фуркан Салиу и да се почитуваат сите негови права и слободи како новинар, велат од партијата.

The post ВМРО-ДПМНЕ бара целосно да се расветли случајот со приведувањето на Фуркан Салиу appeared first on Република.

Попладневно на социјалните мрежи и на неколку онлајн медиуми беше објавено видео од кое се забележува како повеќе униформирани специјалци од МВР апсат лице кое се наоѓа на земја и не пружа отпор. Непосредно по оваа објава, следеа неколку сензационалистички наслови од медиуми, кои се блиски до политички партии, кои шпекулираат разни основи за притворање на новинарот Фуркан, а притоа се повикуваат на наводни полициски извори, соопшти попладнево ЗНМ.

ЗНМ и ССНМ апелираат случајот веднаш да биде расчистен, да се внимава да не се повредат правата на колегата Салиу, а политичките партии да не го користат во своите дневно-политички препукувања и за партиски цели на изборната кампања.

-Пред малку беше објавена информација на PortaliX, онлјан медиумот во кој Фуркан Салиу е основач и уредник. Уредничкиот тим на медиумот информира дека денешниот акт на специјалната единица против новинарот Салиу е целосно диригиран и претставува обид за притисок врз слободното новинарство што го практикува PortaliX, стои во соопштението на ЗНМ.

МВР претходно објави дека денеска околу 17 часот на фудбалскиот стадион во с. Средно Коњари за време на фудбалскиот натпревар помеѓу ФК „БВК Коњаре“ и ФК „Куманово“, на дваесетина минути пред крајот на натпреварот дошло до обид домашната публика да се пресмета со гостинските играчи. Обидот е спречен од страна на службите кои го обезбедуваа натпреварот и натпреварот бил прекинат, соопшти МВР.

За време на интервенцијата, како што стои во соопштението, од страна на две лица нападнати се припадници на Единицата за брзо распоредување. Лицата кои го извршиле нападот веднаш се приведени и утврдено е дека станува збор за Ф.С.(33) од с. Арачиново и Н.Ј. (26) од с. Арачиново, додека С.Б. (40) од с. Арачиново е приведен за учество во тепачка.

The post ЗНМ бара Фуркан Салиу да биде пуштен на слобода appeared first on Република.

Кандидатот за претседател од редовите на ВЛЕН, Арбен Таравари преку соопштение во јавноста го осудува апсењето на новинарот Фуркан Салиу, спротивставувајќи се на акцијата спроведена под сомнителни услови.

Таравари бара итно ослободување на новинарот Салиу и целосно расчистување на случајот.

„Го осудувам апсењето на новинарот Фуркан Салиу. Според сите докази, неговото апсење е извршено под услови на извршување на неговата професија. Барам што поскоро ослободување на новинарот Фуркан Салиу и расветлување на случајот, се сеќавам и на изјавата на Леке Дукаѓини: Гласникот не е виновен за веста што ја дава! Не го осудувајте Гласникот туку Веста“, реагира Таравари.

The post Арбен Таравари го осуди апсењето на Фуркан Салиу: Гласникот не е виновен за веста што ја дава appeared first on Република.

Денеска околу 17 часот на фудбалскиот стадион во с. Средно Коњари за време на фудбалскиот натпревар помеѓу ФК “БВК Коњаре” и ФК “Куманово”, на дваесетина минути пред крајот на натпреварот дошло до обид домашната публика да се пресмета со гостинските играчи, информираат од МВР.

Обидот е спречен од страна на службите кои го обезбедуваа натпреварот и натпреварот бил прекинат.

За време на интервенцијата, од страна на две лица нападнати се припадници на Единицата за брзо распоредување. Лицата кои го извршиле нападот веднаш се приведени и утврдено е дека станува збор за Ф.С.(33) од с. Арачиново и Н.Ј. (26) од с. Арачиново, додека С.Б. (40) од с. Арачиново е приведен за учество во тепачка.

Дополнително, околу 18 часот, при преглед на патничко возило “дачија дастер”, сопственост на Ф.С., а управувано од Ф.А.(34) од с. Кондово со сопатник А.Р. (21) од с. Кондово, во багажникот е пронајден пиштол, велат од МВР.

СВР Скопје презема мерки за целосно расчистување и документирање на случајот.

The post Фуркан нападнал полициски припадник на фудбалски меч appeared first on Република.

Попладнево бил уапсен новинарот Фуркан Салиу, објави 4NEWS.mk.

IN7.tv објави видео снимка од апсењето.

Се уште не е соопштена причината за апсење на Салиу.

The post Уапсен новинарот Фуркан Салиу appeared first on Република.

Новинарот Фурхан Салиу денеска објави дека е повреден откако физички бил нападнат од извршителката Весна Јакимовска во тек на извршна постапка во Кичeво, каде тој со своја екипа на ПорталиИкс бил за да постави новинарски прашања во врска со бројни поплаки од граѓани на адреса на оваa извршителка. Салиу нападот го пријавил во полиција. Здружението на новинари и Самостојниот сидникат на новинарите ја осудија ваквата реакција на извршителката, потсетувајќи дека напад врз новинар е кривично дело. Со соопштение се јави и Јавното обвинителство.

Новинарот Салиу објави видео додека чека да влезе во полициска станица за да даде изјава за настанот, во кое на албански и на македонски јазик го објаснува немилиот случај.

На ПорталиИкс се објавени инсерти од инцидентот во канцеларијата на извршителката.

А ЗНМ наведува дека овој скандалозен настан следува по серијата истражувачки стории поврзани со извршителката од страна на ПорталИкс и Салиу, кој денеска при земање на изјава од извршителката бил физички нападнат од неа и притоа добил повреда на раката, но и скршен микрофон од неговата опрема. Од ЗНМ додаваат дека колегата Салиу на местото на настанот повикал полиција и во моментов дава исказ во полициската станица. За овој настан известен е и обвинител од Кичево.

ЗНМ веднаш стапи во комуникација со контакт точките во МВР и ОЈО поврзани со вакви случаи за да го следи случајот одблизу.

Контакт точките, односно лицата во МВР и ОЈО се од голема важност во контекст на брза и ефективна комуникација со ЗНМ кога станува збор за повреда на право на новинар или медиумски работник и овозможува поголема институционална заштита.

Потсетуваме дека напад на новинар или медиумски работник при вршење на професионални задачи е кривично дело каде што МВР и ОЈО имаат обврска да постапуваат по службена должност. Бараме од МВР и ОЈО да спроведат брза и ефикасна истрага во интерес на санкционирање на напаѓачот, во овој случај извршителката Јакимовска.

ЗНМ за овој случај освен за кривична одговорност, ќе побара и дисциплинска мерка, согласно кодексот на професионалната етика на извршителите за одземање на лиценцата за работа од страна на Комората на извршители на Република Македонија“, се вели во реакцијата на ЗНМ.

Во врска со настанот се огласи и Јавното обвинителство:

Јавен обвинител од Основното јавно обвинителство Кичево е известен за нападот врз новинарот Фуркан Салиу и ги дава сите потребни наредби и насоки за целосно расчистување на случајот.

Предметот е евидентиран во статистиката на пријавени напади врз новинари што ја води Јавното обвинителство и по преземање на сите дејствија ќе биде донесена одлука за натамошниот тек на постапката, соопшти попладнево Јавното обвинителство.

 

The post Новинарот Фуркан Салиу нападнат од извршителката Јакимовска: Остри реакции од ЗНМ и ССНМ, известен е и ЈО од Кичево appeared first on Република.

Фуркан Салиу, новинар на „Портали X“ детално објанува што се случувало денеска во просториите на М-НАВ и како групата на Беким Незири нападнале вработени само затоа што се солидаризирале со барањата на Синдикатот.

Салиу открива дека ова не бил прв инцидент на Незири и оти во 2010 година го плиснал со вода тогашниот директор.Незири не одговарал на повиците на Салиу и други луѓе се јавувале наместо него

Новинарот открива и дека во моментот на тепачката имало авиони на небото над Скопје.

Токму во тој период имало два лета од Турција-вели Салиу.

The post Салиу: Во моментот на упадот во М-НАВ имало два авиони од Турција на небото над Скопје appeared first on Република.

Документарецот на ИРЛ за трагедијата во тетовската модуларна болница вчера го привлече вниманието на граѓаните.

Со реакција на социјалните мрежи се јави и новинарот Фуркан Салиу кој побара оставка од владата на СДСМ и ДУИ.

Една компанија, еден човек успеа да ви го корумпира цел систем и да се извлече со 14 извршени убиства.#СДСМ, #ДУИ да ви се мочам во европските вредности што не ги вадите од уста.
ОСТАВКА!!!#УбиствоВоТетово #VrasjeNëTetovë
Një kompani, një person arriti që ta korruptojë një…

— FurKlan (@FurkanSaliu) August 13, 2023

 Државата уби 14 луѓе во модуларната болница во Тетово. Ако и овој настан нема да не собере на улица тогаш не заслужуваме подобро, Обвинителството за одбрана на криминалот должи одговори! Монструмот Јовевски и неговата криминална банда треба да одговорат зошто го прикриле убиството на 14 невини луѓе. На улица луѓе, сите на улица се додека овие криминалци не си поднесат оставки и не седнат на обвинителна клупапорача Салиу.Една компанија, еден човек успеа да ви го корумпира цел систем и да се извлече со 14 извршени убиства. #СДСМ, #ДУИ да ви се мо*ам во европските вредности што не ги вадите од уста. ОСТАВКА!!!, порача новинарот.

https://www.youtube.com/watch?v=6EIyQKTyc8Q&embeds_referring_euri=https%3A%2F%2Fnewz24live.com%2F&source_ve_path=MjM4NTE&feature=emb_title

The post Една компанија и еден човек успеа да го корумпира целиот систем и да се извлече со 14 извршени убиства appeared first on Република.

Новинарот Фуркан Салиу жестоко ја нападна градоначалничката на Скопје Данела Арсовска. Тој на социјалните мрежи праша "Зар стварно Данела мисли дека скопјани се глупи и дека 4 години ќе поминат со оправдувања“.

Овие барања не се од вчера, оваа криза и овој долг не е од вчера, а Данела гласно нудеше решение за време на кампањата". Според новинарот, со тврдоглавост не се менаџира една маалска задруга, а не па главниот град. "Кога ќе престане со тврдоглавоста Данела? Па едноставно, "кога удри со глава во ѕид", нагласуваСалиу.

The post Фуркан Салиу до Арсовска: Зарем Данела стварно мисли дека скопјани се глупи и дека четири години ќе поминат со оправдувања? appeared first on Република.

Новинарот Фуркан Салиу ја искоментира оставката на директорката на Детска клиника Аспазија Софијанова.

Многу ме интересира како ја коментираат оставката на Софијанова тие што упорно ја бранеа и инсистираа дека прилогот е по нечија нарачка? Ех тек кога ќе го прочитате ревизорскиот извештај сакам да го чујам вашето мислење, пишува Салиу на Фејсбук.

Оставката на Софијанова доаѓа по неговиот новинарски прилог, во кој открива дека директорката на Детската клиника земала надоместоци за дежурства на кои не дежурала.

The post Салиу до оние што ја бранеа Софијанова: Кога ќе го прочитате ревизорскиот извештај, сакам да го чујам вашето мислење appeared first on Република.