Министерот за внатрешни работи, Панче Тошковски изјави дека МВР ќе ги провери информациите за 500 функционери за кои постојат индиции дека сториле нешто што не е во согласност со законските прописи во смисла на соодветни докази кои не соодветствуваат со потребни законски процедури.

Тошковски го изјави ова по прашањето дали МВР ќе го провери сертификатот за англиски јазик на директорот на АБН, Бојан Христовски, за кој постојат наводи дека е невалиден. Тој истакна дека МВР ќе постапува согласно законските прописи и дека се преземени процесни дејствија во неколку постапки.

Во изминатиот период од МВР се преземени процесни дејствија во неколку постапки, тие се како завршно дејствие на претходни предистражни дејствија кои што траеле многу повеќе од десетина дена. Така што сметам дека во рамки на она што ни е надлежност ќе настапиме, рече тој во изјава за медиуми по денешната прес-конференција на ЗНМ по повод Меѓународниот ден за ставање крај на неказнивоста за злосторствата против новинарите.

Во однос на прашањето дали смета дека Христовски треба да поднесе оставка, министерот одговори дека смета дека, како што рече „не треба да навлегувам во тој дел“.

Државниот јавен обвинител, Љупчо Коцевски, потврди дека се стигнати анонимни пријави против Христовски, кои се здружени во еден предмет и ќе бидат предмет на истрага.

Минатата недела во ОЈО се стигнати анонимни пријави против сегашниот директор на АНБ. Тие се здружени во еден предмет и ЈО ќе постапува. Во овој момент не можеме да ви дадеме никакви информации со оглед дека пријавите се штотуку распоредени, односно дадени на одреден јавен обвинител, изјави државниот јавен обвинител.

Директорот на Агенцијата за национална безбедност (АНБ), Бојан Христовски, е под истрага поради наводи дека неговиот сертификат за англиски јазик е фалсификуван. Според информациите, Христовски поседува ТОЕФЛ-сертификат издаден од непостоечки испитен центар во Пловдив, Бугарија.

The post МВР ќе проверува 500 функционери за потенцијални прекршоци appeared first on Република.

Претседателот на Владата, Христијан Мицкоски вели дека „едно е сигурно“, а тоа е дека функционерските плати нема да се зголемат. Според него, тоа ќе се направи преку корекција на коефициентите на платите.

Не знам како е, треба да видат одговорните лица. Едно е сигурно, покрај онаа работа дека еден ден сите ќе заминеме од овој свет, е дека од догодина нема да има зголемување на платите на функционерите, кажа премиерот пред почетокот на Првата годишна конференција на „Блумберг Адрија“ во Скопје насловена: „Back to business: Економски потенцијал и развојни можности за Македонија“.

Беше предвидено платите на функционерите од јануари 2025 година повторно да се зголемат согласно растот на годишната просечната плата, која е основица за пресметување и тоа од околу 330 евра за највисоките функционерски плати за премиерот, претседателот и спикерот, до околу 130 евра за најниските.

The post Мицкоски категоричен: Едно е сигурно, платите на функционерите нема да се зголемат appeared first on Република.

Ги штипе ли малце повишицата од 78%, сите тие набавки на коли за глумење политичари, украдените пари, насобраниот рекет, запоставените пожарникари, депониите на отворено и изгорените шуми.
Курац ги заболе, ја да ви кажам.
Да можат, а и ќе можат, се би повториле, коментира Ивор Мицковски.

Аналитичарот ги коментираше и амандманите поднесени од СДСМ за финансиска награда за пожарникарите, војниците, полицајците, за сите кои учествуваат во гаснењето пожари, нарекувајќи ги евтина пропаганда од „штеточиниве кои украдоа милијарди, шајка не заковаа, 7 години сервисираа 3 ертрактори, дозволија пилоти да си заминат, оние кои оставија катастрофална состојба на терен од негрижа“.

https://republika.mk/vesti/makedonija/mitskovski-sdsm-saka-vo-situatsijava-so-pozharive-da-poentira-so-evtina-propaganda/

The post Ги штипе ли малце повишицата од 78%? К*рац ги заболе, ја да ви кажам appeared first on Република.

Државната комисија за спречување на корупција ги повикува избраните функционери, да ги почитуваат начелата, обврските и забраните утврдени во Уставот на Република Македонија, Законот за спречување на корупцијата и судирот на интереси, Законот за пратеници, Законот за собранието и Изборниот Законик.

Преку соопштение по завршување на изборите за пратеници во Собранието на Македонија, ДКСК потсети на неколку уставни начела како што се неспојливоста на функцијата претседател на Владата и министер со вршење на други јавни функции или професии.

Оттаму, тие потсетуваат на Законот за спречување на корупцијата и судирот на интереси со кој тие имаат обврска да го почитуваат начелото на интегритет, односно обврската при вршењето на функцијата да внимаваат на евентуален судир на интереси, а при извршувањето на јавните овластувања и должности не смеат да се раководат од лични, семејни, верски, партиски и етнички интереси, ниту од притисоци и ветувања од претпоставениот или од друго лице.

ДКСК потсетува дека избрано или именувано лице за време на траењето на неговиот мандат е должно да ги почитува правилата за неспоивост на функција која ја врши со други функции или дејности утврдени во Уставот и законите.

- Функцијата претседател на Републиката, претседател на Владата на Република Македонија, министер, пратеник, член на совет, градоначалник, судија, јавен обвинител, јавен правобранител, народен правобранител и други функции кои ги избира или именува Собранието на Република Македонија, Владата на Република Македонија или органите на локалната самоуправа се неспојливи една со друга, велат оттаму.

Дополнувајќи дека на избраните и именуваните лица, чии функции се извршуваат професионално, работниот однос им мирува согласно со закон.

Тие потсетија и на Законот за пратениците на Македонија, според кој функцијата пратеник е неспоива со функцијата претседател, претседател на Владата, министер, судија на Уставниот суд, судија, народен правобранител, јавен обвинител и други носители на функции кои ги избира и именува Собранието и Владата на Македонија, со член на совет на општина и градоначалник на општина, односно градот Скопје и вработените на стручни и управни работи во органите на државната управа.

Во врска со Законот за Собранието, оттаму нагласија дека функцијата пратеник е неспоива со вршење на други јавни функции или професии, утврдени со закон.

Од Изборниот законик, посочуваат дека функцијата пратеник, член на совет и градоначалник е неспоива со функцијата претседател на Републиката, претседател на Владата, министер, судија, јавен обвинител, јавен правобранител, народен правобранител и со други носители на функции кои ги избира или именува Собранието и Владата на Македонија.

- Имајќи ги предвид сите погорецитирани закони, Државната комисија укажува дека Уставот и законите на Македонија треба подеднакво да важат за сите граѓани на државата, вклучувајќи ги и актуелните, но и претходните функционери, поради што се повикуваат лицата кои се на највисоки државни функции и вршат јавни овластувања, на обврската за почитување на начелата за законитост и интегритет, стои во соопштението од ДКСК.

Оттаму дополнуваат дека непочитувањето на сите горенаведени обврски и забрани повлекува последица за престанок на мандатот на избраните функционери, согласно член 6 став 1 точка 3 од Законот за собранието, член 8 став 1, точка 3 од Законот за пратениците и член 152 став 1, алинеја 3 од Изборниот законик. Воедно, истото претставува прекршок за кој согласно член 105 став 1 алинеја 1 од Законот за спречување на корупцијата и судирот на интереси се изрекува одредена прекршочна санкција.

The post Антикорупциска ги повикува избраните функционери да ги почитуваат уставните и законските обврски appeared first on Република.

Во пресрет на претседателските избори на 24 април, парламентарните на 8 мај и стартот на предизборната капања, Изборниот законик предивидува предизборни ограничувања за функционерите, јавните претпријатија и буџетските трошоци.

Во периодот од 20 дена пред отпочнување на изборната кампања се до завршување на изборот на претседател и пратеници во Собранието и изборот на Владата, не може да се одржуваат јавни настани по повод започнување на изградба или пуштање во употреба на објекти изградени со средства од Буџетот или од јавни фондови, или со средства на јавни претпријатија или други правни лица што располагаат со државен капитал.

Под забрана за одржување на јавни настани не се подразбира давање на јавна изјава на носител на јавна функција или кандидат за носител на јавна функција на митинг, интервју на медиум, дебата на медиум или одговор на новинарско прашање.

Согласно членот 8а од Изборниот законик, од денот на донесување на одлуката за распишување на избори до завршување на изборот на претседател и пратеници во Собранието и изборот на Владата, не може да се започне со изградба со средства од буџетот или од јавни фондови или со средства на јавни претпријатија и други правни лица што располагаат со државен капитал на нови објекти во инфраструктурата како патишта, водоводи, далноводи, канализација, спортски игралишта и други објекти или објекти за општествени дејности како училишта, градинки и други објекти, освен ако за таа намена претходно се обезбедени средства од буџетот, односно се работи за реализација на програма донесена врз основа на закон во тековната година.

Исто така не може да се вршат исплати на надоместоци од буџетски средства или од средства на јавните фондови кои не се редовни месечни исплати, ниту да се отуѓува државен капитал или да се потпишуваат колективни договори. Нема да може да се започне постапка за вработување на нови лица или постапка за престанок на работен однос во државни и јавни институции, а започнатите постапки се ставаат во мирување, освен во случаи на итни и неодложни работи.

До завршување на изборот на претседател и пратеници, Министерството за финансии е должно сите буџетски исплати, освен редовни плати, пензии и комунални трошоци, да ги објавува јавно на интернет страна во посебна база за буџетски трошоци во изборен период.

Министерството за финансии две недели по распишување на изборите поднесува предизборен финансиски извештај со преглед на сите планирани и реализирани приходи и расходи од Буџетот по ставки, во периодот од почетокот на фискалната година до денот на поднесување на извештајот.

Јавните фондови, јавните претпријатија и сите други правни лица што располагаат со државен капитал, во рок од десет дена од денот на донесувањето на одлуката за распишување на избори за претседател и пратеници во Собранието, беа должни до Државната комисија за спречување на корупцијата да достават податоци за бројот, видот, регистарската таблица и возната состојба на моторните возила со кои располагаат. Податоците се доставуваат во електронска форма на образец кој на предлог на ДКСК го пропишува ДИК.

ДКСК на својата веб-страница го објавува регистарот на службени моторни возила на јавните фондови, јавните претпријатија и сите други правни лица што располагаат со државен капитал. Доколку правните лица не достават податоци, ДКСК покренува прекршочна постапка во рок од 15 дена од истекот на рокот за доставување на податоците.

Седмите претседателски избори во земјава треба да се одржат на 24 април, а 11-те парламентарни на 8 мај заедно за евентулниот втор круг од претседателските избори.

Според роковникот што го усвои ДИК, изборната кампања започнува 20 дена пред денот на изборите и во првиот и во вториот круг на гласање, и не смее да трае 24 часа пред денот на изборите и на денот на изборите.

Изборната кампања за претседателските избори, започнува на 4 април во 00:00 часот и ќе трае до 24:00 часот на 22 април. Кампања за парламентарните избори, пак, ќе биде од 18 април до 6 мај.

The post Лопатите да одморат: Што смеат, а што не функционерите во следниот предизборен период appeared first on Република.

Мора сите чинители во општеството да седнат на маса и да се направи решение кое ќе биде уставно издржано, вели премиерот Димитар Ковачевски во однос на платите на избраните и именуваните лица кои со одлука на Уставниот суд беа зголемени за 78 проценти.

Според Ковачевски, има иницијатива и работна група која работи на проблемот, но потребна е усогласеност од сите чинители.

Не можете да вратите одлука на Уставен суд. Одлуката на Уставен суд е финална одлука во државата. Со која одлука ќе поништите одлука на Уставен суд? Уставниот суд постои за да биде финален арбитар на она што се случува во законодавството. Затоа велам дека сите чинители во општеството ќе мора да седнат на маса бидејќи само така може да се направи системско решение, изјави денеска Ковачевски, одговарајќи на новинарски прашања по промоцијата на монографијата „Сојуз на борците од НОАВМ и граѓаните продолжувачи (1948-2023)“.

Посочи дека од 1.100 избрани и именувани лица, само 42 се од Владата, а 120 се пратеници, 80 градоначалници и над 700 судии и обвинители.

Висината на платите е регулирана согласно седум закони при што во еден од нив стои дека не може да се намалува плата на суд. Втора работа е што Владата не може да определува плата на пратеници бидејќи пратениците ја бираат Владата и затоа уште пред година ипол кажав дека решението треба да е системско решение во кое ќе се каже која е највисоката плата и потоа да се направи градација. Овде се работи за одлука на Уставниот суд со која се поништи одлуката за замрзнување на платите на избрани и именувани лица, рече Ковачевски.

The post Ковачевски за платите на функционерите: Сите чинители да седнат на маса и да се најде уставно решение appeared first on Република.

Мора сите чинители во општеството да седнат на маса и да се направи решение кое ќе биде уставно издржано, вели премиерот Димитар Ковачевски во однос на платите на избраните и именуваните лица кои со одлука на Уставниот суд беа зголемени за 78 проценти.

Според Ковачевски, има иницијатива и работна група која работи на проблемот, но потребна е усогласеност од сите чинители.

- Не можете да вратите одлука на Уставен суд. Одлуката на Уставен суд е финална одлука во државата. Со која одлука ќе поништите одлука на Уставен суд? Уставниот суд постои за да биде финален арбитар на она што се случува во законодавството. Затоа велам дека сите чинители во општеството ќе мора да седнат на маса бидејќи само така може да се направи системско решение, изјави денеска Ковачевски, одговарајќи на новинарски прашања по промоцијата на монографијата „Сојуз на борците од НОАВМ и граѓаните продолжувачи (1948-2023)“.

Посочи дека од 1.100 избрани и именувани лица, само 42 се од Владата, а 120 се пратеници, 80 градоначалници и над 700 судии и обвинители.

- Висината на платите е регулирана согласно седум закони при што во еден од нив стои дека не може да се намалува плата на суд. Втора работа е што Владата не може да определува плата на пратеници бидејќи пратениците ја бираат Владата и затоа уште пред година ипол кажав дека решението треба да е системско решение во кое ќе се каже која е највисоката плата и потоа да се направи градација. Овде се работи за одлука на Уставниот суд со која се поништи одлуката за замрзнување на платите на избрани и именувани лица, рече Ковачевски.

The post Ковачевски за платите на функционерите: Сите чинители да седнат на маса и да се најде уставно издржано решение appeared first on Република.

Идната недела или најдоцна до крајот на годината ќе биде готово законското решение со кое Владата предлага да нема зголемување на функционерските плати во март и ќе биде доставено до Собранието, информира денеска вицепремиерот за економски прашања Фатмир Битиќи.

Законското решение, најверојатно, ако не наредната недела, до крајот на годината, ќе го дадеме на Влада. Ќе остане во Собрание да има 61 пратеник, кои ќе се одважат законското решение да го донесат. Поинакво решение нема можност. Кажав дека строго стојам дека не треба да има ново зголемување на функционерските плати од март според методологијата и тоа е најмалку што може да биде направено. И сметам дека тоа не треба да е прашање на разговор со ниту еден друг чинител - рече Битиќи.

Одговарајќи на новинарски прашања по потпишувањето на договорот за реконструкција и адаптација на просторот доделен на НУ Џез оркестар на Македонија, за намалувањето на платите на функционерите за 78 посто, повтори дека е потребен општ консензус на сите.

Во 1.260-те функционери има судии, обвинители, градоначалници, 120 пратеници, 20 министри, директори…, Сите треба да се согласат дека сакаат нивните плати да бидат намалени, а гледате дека во суштина во нашето општество тешко се доаѓа до консензус за уште побитни прашања, а камоли да им земете нешто од буџетот - изјави Битиќи.

The post Битиќи: За намалувањето на функционерските плати од 78 проценти потребен е консензус appeared first on Република.

Министерката за труд и социјална политика Јованка Тренчевска денеска најави дека до крајот на годината ќе се пронајде решение за намалување на платите на функционерите, кои од март со одлука на Уставен суд беа зголемени за 78 отсто.

Таа одговарајќи на новинарско прашање на настанот по повод одбележување на официјалниот почеток на Активноста на УСАИД за млади кои активно создаваат можности, истакна дека се разгледуваат две опции или нов закон за плати во јавниот сектор или измени на шест, седум закони, каде се регулираат платите на функционерите, но нагласи и дека досега ова можело да го направи и Собранието, а не целата работа да ја остава на Владата.

Во Владата разговаравме. Одлуката за покачување на платите на функционерите не ја донесе Владата, туку Уставниот суд. Разговараме и бараме начин како да се реши прашањето во однос на покачувањето на платите на функционерите. Една опција е законот на плати во јавниот сектор, друга е измена и дополнување на повеќе закони, шест или седум закони, каде се регулираат платите на сите оние функционери, кои се вклучени со одлуката на Уставниот суд, рече Тренчевска и додаде дека на крајот решението треба да помине во Собранието, кое го има последниот збор.

Таа зебележа дека и пратениците во периодот, кој поминал од донесувањето на одлуката на Уставниот суд, можеле да донесат законски решенија, по иницијатива на пратениците и на пратеничките групи и оти не морало се да се остави да сработи Владата.

Ако Собранието имаше поинакво решение можеше во изминатиот период да го донесе тоа решение. Како и да е бараме решение до крајот на годината, ќе се избере една од опциите, дали со нов закон за плати во јавниот серктор, за кој не верувам дека ќе можеме да стигнеме, особено во делот на коефициентите, кои мора да се направат заедно со социјалните партнери, со претставниците на синдикатите и на тој начин да се регулираат највисоките коефициенти во секоја од областите, здравство, образование, социјална заштита, детска заштита, администрација, јавни претпријатија. Но не сум убедена дека оваа опција ќе успеее да ја направиме до месец декември, рече Тренчевска.

The post Тренчевска: До крајот на годината ќе најдеме решение за намалување на платите на функционерите appeared first on Република.

Вицепремиерот за економски прашања Фатмир Битиќи најави дека денеска на Влада ќе биде поднсено законско решение за Законот за плати на избрани и именувани лица, за поправедено решение, со кое ќе бидат ослободени дел од средствата за антикризни мерки за најранливите категории граѓани.

Минатата недела Владата донесе одлука и не задолжи работна група од четири министри за нови антикризни мерки. Утре ќе дадеме и законско решение за Законот за плати на избрани и именувани лица, за поправедено решение, со кое ќе ослободиме дел од средствата за антикризни мерки за најранливите катерогии, бидејќи тоа е клучно во временски периоди кога сите треба да покажеме солидарност - најави синоќа Битиќи во гостувањето во емисијата „24 Анализа“ на телевизија 24.

Тој нагласи и дека со пренамената на буџетот ќе има нов пакет на антикризни мерки од околу 70 милиони евра кои ќе бидат наменети за најранливите категории на граѓани.

Остануваат денови до обзнанување на новиот пакет мерки, рече Битиќи, и нагласи дека оваа Влада предводена од СДСМ поинаку ги сфаќа ранливите категории и креира мерки таргетирани за нив.

Законот за минимална плата е закон кој, рече, мора да почитува и во јавниот и во приватниот сектор, а следното усогласување мора да се случи во март, кога минималната плата ќе се усогласи со стапката на инфлација и растот на просечната плата, додека пензиите се усогласуваат два пати годишно.

Вицепремиерот Битиќи меѓу другото, истакна дека значително растат и странските инвестиции во државата.

Пикот на инвестиции по влезот во НАТО, според него, беше одложен поради ковид кризата, но дека сега доаѓа. При тоа посочи дека се водат финални преговори со јужнокорејските компании Хјундаи и ЛГ да донесат дел од производството во нашата држава, додека други компании како Герцхајмер, Техникал текстајл, Вик влегуваат во наредни циклуси на инвестиции.

Истовремено, вели Битиќи, се поддржуваат домашните компании и тоа поддржани се 919 македонски компании, кои имаат реализирано 500 милиони инвестиции, кои се доволно конкурентни за отворениот пазар на ЕУ.

The post Битиќи: Ќе предложиме закон за корекција на платите на функционерите appeared first on Република.

Ајде да ги замениме нашите оброци со вашите, се вели во пораката на „Студентски Отпор“ до владините функционери.

Додека студентите секојдневно треба да прават пресметки и да стравуваат дали ќе им стигнат 140 денари на ден за убав и квалитетен оброк, функционерите се „гоштеваат“ штедејќи врз грбот на студентите. Иако имаат поголем стандард од нас студентите, иако си ги зголемија веќе високите плати за 78%, сепак функционерите одлучуваат студентите да гладуваат додека тие комотно седат на кожни фотелји без грижа и совест за студентите.

 

Не е подобра ситуацијата во студентските домови.

 

Студентите кои престојуваат таму, се жалат дека соочуваат со низа проблеми кога е во прашање храната, укинат им е појадокот, често наоѓаат инсекти во оброците, минатата година студентите од Студентскиот Дом Пелагонија се затруја со храна.

 

На функционерите им порачуваме: „Ајде да го замениме нашиот сув и бајат леб за вашите функционерски оброци!“

 

Студентски Отпор будно ќе ја следи ситуацијата во наредниот период, се вели во реакцијата на студентската организација.

https://republika.mk/vesti/makedonija/zhivo-dhabe-vo-restoranot-vo-vladata-chorba-za-60-denari-svinska-veshalitsa-za-130-shtrudla-i-tulumba-za-30/

The post Студентите со порака до функционерите: Ајде да ги замениме нашите оброци со вашите appeared first on Република.

Платата на сите функционери несопирливо ќе расте со порастот на просечната плата, оти така е уредено со законот и веќе од јануари 2024 година тие како основица ќе ја имаат просечната исплатена плата по вработен за 2023 година, која се очекува да биде значително поголема од просечната бруто-плата за 2022 година.

Како што анализира „Слободен печат“, од 1 јануари нивните месечни примања ќе бидат зголемени и до 40.000 денари бруто, односно 24.000 нето за највисоките функционерски плати!

За споредба, просечната бруто-плата лани изнесувала 43.509 денари, во јануари годинава била 50.837 денари, а во веќе во јули 54.434 денари. Така, околу 2.000 функционери – министри, заменици-министри, пратеници, судии, градоначалници, раководители, советници и други избрани и именувани лица ќе земаат уште по најмалку 150 евра месечно, а најмногу по 400 евра месечно, во зависност од коефициентот на сложеност, а кој е од 2,2 до 4,5.

На пример, платата на премиерот Димитар Ковачевски до март изнесуваше околу 90.000 денари, од март прима околу 160.000 денари, а од јануари ќе зема околу 184.000 денари, а слични се платите и на спикерот Талат Џафери и на претседателот на државата Стево Пендаровски.

The post Од 1 јануари ново покачување на платите за функционерите од 400 евра appeared first on Република.

„Интегритетот е најважниот превентивен механизам кога станува збор за справување со корупцијата, но сложеноста на светот во кој живееме и мноштвото релации и разновидни интереси кои се дел од политичкиот пејзаж, ја наметнуваат потребата од јасно регулирање на одредени прашања. Во таа насока, регулирањето на подароците што ги добиваат функционерите е парче од таа голема сложувалка, а правилата за прифаќање и известување за подароци се наменети да се избегнат ситуации кои би можеле да го загрозат интегритетот и да создадат простор за влијание од страна на разни интересни групи и поединци“, истакна заменичката на претседателот на Владата задолжена за политики за добро владеење, Славица Грковска, во своето обраќање на тркалезната маса на тема „Пријавување и управување со примени дарови и други погодности: каде сме и што треба да направиме?“.

Настанот, во организација на Кабинетот на вицепремиерката Грковска и Меѓународната фондација за изборни системи, a во соработка со УСАИД, беше инициран од потребата за имплементација на препораките на ГРЕКО за унапредување на регулативата за прифаќање подароци и погодности.

„ГРЕКО ја повторува важноста од воспоставување строги ограничувања во однос на подароците и другите бенефиции и го истакнува ризикот од размена на „поволности“ во ситуации каде што има прекумерно „пријателство“ меѓу политичарите и деловната заедница. Од сето ова, јасно е дека ова прашање мора да се адресира и токму денешниов настан е дел од активностите со кои целиме кон примена на овие важни препораки што нашата држава ги добива во континуитет“, изјави вицепремиерката Грковска.

Методија Димовски, генерален секретар на Владата на Република Македонија, се осврна на постојните правила на ова поле и на Насоките за пријавување и управување со примени дарови и други погодности, кои ќе бидат усвоени во наредниот период. „Избраните и именуваните лица, како носители на јавни функции, имаат обврска да ги извршуваат своите функции во согласност со интегритетот, на законски, независен, непристрасен, етички, одговорен и транспарентен начин, штитејќи го својот углед и угледот на институцијата за која се одговорни, да ги отстрануваат ризиците и сомнежите за можности за појава и развој на корупција и на тој начин да обезбедат доверба на граѓаните во вршењето на јавните функции и во работата на јавните институции“, истакна Димовски.

Поздравувајќи ја проактивноста на Кабинетот за политики за добро владеење во адресирањето на овие прашања, директорката на МФИС за Македонија, Jоана Косма, истакна дека подароците и другите погодности не се доволно регулирани, особено во делот на санкциите. „Во поглед на пристапувањето во ЕУ, ние силно веруваме дека регулирањето на оваа сфера ќе донесе огромен напредок, особено во првиот кластер Основи“, нагласи Косма.

Во рамки на настанот, меѓународната експертка при МФИС, Лиса Клеин, ја презентираше споредбената анализа „Правила и процедури за примање и известување за дарови од лица на кои им се доверени високи извршни функции“. Целта на анализата е да се согледаат најдобрите европски практики на ова поле, за потоа да се инкорпорираат и на национално ниво.

Оваа компаративна студија и дизајнирањето специфични мерки и процедури се дел од спектарот на активности за борба против корупцијата, а особено во делот на јакнење на интегритетот при извршувањето на јавните функции. На настанот присуствуваа претставници на повеќе институции на централно ниво, а осврт на праксата во Македонија даде и заменичката на министерот за правда, Викторија Аврамовска Мадиќ и експертот Драган Малиновски.

The post Грковска: Строгите ограничувања за подароци и други бенефиции ќе го јакнат интегритетот на јавните функционери и службеници appeared first on Република.

Она што се зборуваше на Економскиот совет е платите на функционерите да се намалат. Но исто треба да биде јасно дека платите на функционерите не си ги зголемија самите туку тоа го стори Уставниот суд, вели министерката за труд и социјална работа Јованка Тренчевска во емисијата „24 анализа“ на ТВ 24.

Одлуките на Уставен суд мора да се почитуваат. Досега зедовме една зголемена плата. Ќе најдеме решение за оваа ситуација и тоа ќе биде решение за сите работници вклучително и функционерите, а тоа ќе биде системско решение, вели министерката Тренчевска.

Професорот Лазар Јовески коментира дека е неетички работниците да добијат зголемување на платите до 2028 година додека функционерите веќе имаат зголемена плата. - Револтот кај сите вработени е голем, а другите вработени се чувствуваат понижено вели професорот кој додаде дека еден професор има плата од 30 илјади денари која сукцесивно се зголемува минимално.

Ние како Влада сме расположени да разговараме и да преговараме со работниците за платите, вели Тренчевска.

Според професорот Јовески овој проблем кој предизвика револт во јавноста треба да се реши со закон со европско знаменце. Тој го посочува примерот со Шведска каде соодносот меѓу најниската и највисоката плата е 1 спрема 5, а минималната плата во Шведска е 2.150 евра.

The post Тренчевска: Уставен ни ги зголеми платите, не си ги зголемивме сами appeared first on Република.

Претседателите на државата, на Собранието и на Владата за неколку дена ќе добијат повисоки плати за околу 70 илјади денари. Платите на претседателот на Уставниот суд и потпретседателите на Собранието ќе бидат повисоки за околу 60 илјади денари, а на министрите и пратениците за околу 56 илјади, пресмета „Радио слободна Европа“.

Претседателот Пендаровски ја повика Владата преку законско решение да го регулира ова прашање. Тој смета дека е „невкусно во време на економска криза да се покачуваат платите кои се исплаќаат од државниот буџет“. Од Владата нема одговор до каде е најавеното разгледување на можностите за намалување на коефициентите за пресметка на плата.

Целата сторија на РСЕ

The post По 1.000 евра плус: Пресметано колкава плата ќе им легне за април на Пендаровски, Ковачевски, Груби, Спасовски… appeared first on Република.

Одлуката на Уставниот суд со која се укинуваат одредби од Законот за плата и други надоместоци на избрани и именувани лица е конечна и треба да се почитува. Но, тоа не значи дека автоматски ќе се зголемат платите на сите именувани лица за 78 проценти како што шпекулира дел од јавноста, се наведува во одговорот од владината прес-служба, на прашањето од МИА за оваа одлука.

Напоменуваме дека досегашното „замрзнување” на основицата беше всушност владин став изминатиов период и од страна на Владата истиот е бранет како став пред Уставен Суд, а која со одлука на Уставен истата практично се укинува. Министерството за труд и социјална политика во рамките на своите овластувања има дадено негативно мислење за иницијативата за промена на членовите од Законот за плата и други надоместоци на избрани и именувани лица до Уставниот суд со кое го потврдува ставот на Владата дека законското решение за плати не треба да се менува. Така што, намерата на Владата била и сѐ уште е јасна, а тоа е фер и праведно платена работа за сите чинители во општеството, наведуваат од Владата.

Иако основицата за пресметување плата согласно одлуката на Уставниот суд се зголемува, се вели, Владата конкретно ги разгледува можностите за намалување на коефициентите за пресметка на плата кај именуваните лица за кои има законска можност, а со цел да не се оптовари буџетот. Апелираа и до останатите чинители да го направат истото, во рамките на своите законски овластувања.

Воедно, апелираме и да не се шпекулира и да се прибегнува кон популистичка реторика и активности, да се разговара реално и со факти, се подвлекува во одговорот од владината прес-служба.

Дополнително, информираат, во моментов се работи на решение за Општ колективен договор и Закон за плати со кој ќе се направи системско решение за платите во јавниот сектор и ќе се обезбеди континуиран раст согласно утврдена методологија.

– Во моментов и минималната и просечната плата како и висината на пензиите е на највисоко ниво досега и ние и понатаму ќе работиме и на зголемување на платите и пензиите, но и на намалувањето на трошоците за живот, со цел да обезбедиме повисок животен стандард за граѓаните. Секој граѓанин треба да живее достинствено и да е му се вреднува трудот согласно квалификациите, обемот и комплексноста на работата која ја работи или работел, информираат од прес-службата на Владата на Република Македонија.

The post Влада: Одлуката на Уставниот суд е конечна, тоа не значи дека автоматски ќе се зголемат платите appeared first on Република.

Шпанската државна секретарка за транспорт и директорот на државната железница поднесоа оставки по револтот во јавноста откако беше обелоденето дека десетици нови возови нарачани за северните шпански региони се преголеми да ги собере во некои од тунелите низ кои треба да сообраќаат.

Пред три години државната компанија која управува со железницата, Ренифе, објави дека планира да ги модернизира возовите во областите Астурија и Кантабрија. Сепак, минатиот месец беше објавено дека нарачаните возови, кои чинат речиси 258 милиони евра, се прешироки за да поминат низ дел од тунелите во овие два региони.

Регионалниот претседател на Кантабрија, Михел Анхел Ревиља, проектот го опиша како „фаличен“ и повика на итна реакција, додека Адријан Барбон, претседател на соседната Астурија, изјави дека бил „бесен и разочаран“.

Отказите за двајца вработени во железничката компанија минатиот месец не беа доволни за да се смири јавниот револт, кој ги обвинува надлежните за лошо планирање и за доцнењето на испораката на возовите која ќе следи.

Ренфе ги нарачале возовите во 2020 година, но веќе следната година компанијата ЦАФ, која требало да ги произведе возовите, сфатила дека димензиите кои ги добиле за возовите не се точни и го прекинале производството.

Железничката мрежа во северниот дел на Шпанија била изградена во 19 век и тунелите под планините не одговараат на стандардите на модерните димензии за тунели.

Грешката значи дека возовите ќе бидат испорачани во 2026 година, односно со две години задоцнување од првично предвиденото.

Шпанската Влада, предводена од премиерот Педро Санчез, се обиде реакциите да ги ублажи преку соопштение дека железничкиот сообраќај низ Астурија и Кантабрија ќе биде бесплатен додека не стигнат новите возови, на почетокот на 2026 година.

Од моментот кога дознав за овој проблем, направив се` што можев за да откријам што се случило и да најдам решение. Од почетокот презедовме одговорност, се извинивме и ја признавме грешката. Ние исто така започнавме внатрешна контрола и составивме работна група која треба да најде решение и да ја забрза конструкцијата на возовите колку што е тоа можно, изјави министерката за транспорт, Ракел Санчез по средбата со Ревиља и Барбон.

Владата тврди дека грешката била забележана рано и дека биле избегнати финансиски загуби, сепак регионот на Кантабрија побара финансиска компензација за овој пропуст.

The post Шпански функционери си дале оставка откако нарачале возови прешироки за тунелите appeared first on Република.

Вицепремиерката задолжена за политики за добро владеење, Славица Грковска, изјави дека за двајца од тројцата функционери за кои нејзиниот Кабинет иницирал постапки поврзани со злоупотреба, веќе се покренати постапки од надлежните институции.

За два веќе имаме фидбек дека има покренато и немам намера да кажувам имиња или да правам сензационализам од ова. Ние треба да ги прифаќаме ваквите работи како нормалност. Ако некој го прекршил законот за него треба да има постапка, изјави Грковска во „Тема на денот“ на телевизија Сител.

За повлекувањето од функција на поранешната претседателка на Судскиот совет, Павлина Црвенковска, поради интереси на „судско-бизнис елитата“, Грковска изјави дека ако претседател на Судски совет излезе со таква изјава во јавност, очекува истата да пријави и да се покрене постапка.

Во однос на американската „црна листа“ на санкции, вицепремиерката рече дека не се оптоварува многу со тоа, затоа што е механизам што САД го практикуваат не само за нашата, туку и за останатите држави години наназад.

Првиот момент кога списокот ќе биде спремен за објавување тоа САД ќе го направат, јас не се оптоварувам кој ќе биде на таа листа, ние треба да бидеме загрижени за нашите секојдневни проблеми и прашања и да се справуваме со нив, нагласи Грковска, посочувајќи дека при посетата на советникот на Стејт Департментот Дерек Шоле, немала средба со тимот за санкции.

Грковска додаде дека за справување со корупцијата се потребни храбри луѓе со интегритет кои не се плашат да пријават корупција и кои не се подлежни на какви било влијанија, затоа што се убедени во исправноста на нивните одлуки.

Има ефект ако некој се одважи да пријави во обвинитлство, а тоа поведе постапка и да имаме судска завршница. Довербата на граѓаните особено во правосудниот систем е многу мала, полесно ќе и беше на оваа Влада доколку состојбите во правосудниот систем беа многу подобри, изјави Грковска.

The post Грковска: Покренати се постапки за двајца функционери appeared first on Република.

Кабинетот на вицепремиерката за добро владеење Славица Грковска досега иницирал три постапки поврзани со злоупотреби од страна на функционери. Во интервју за МИА, вицепремиерката Грковска потенцира дека за две постои основано сомнение за поднесувањето кривична пријава, додека третиот случај е поднесен пред извесно време и станува збор за голем и обемен случај, поради што не очекува до крајот на годината да има исход од страна на истражните органи.

Вицепремиерката не открива за какви случаи и за кого станува збор, но потенцира дека се постапува непристрасно, без оглед за кого станува збор, доколку Кабинетот добие инормации за злоупотреба.

Јас сум многу приврзаник на презумпцијата на невиност и на легалниот след на настаните. Важно е дека ние како Кабинет и, добро е граѓаните да знаат, дека постапуваме и дека ако добиеме информации кои ако укажуваат на тоа дека е можно да има одредена злоупотреба на законски решенија, на одредени постапки, дека непристрасно одлучуваме без разлика за кого станува збор, дали е министер во Владата, директори во јавни институции… Како и да е за нас воопшто не е важно, туку е важно само дали има некаква основа за евентуална злоупотреба, која понатака ја проследуваме до надлежните институции и како фидбек од нивна страна добивме дека за две од нив постои основа за покренување на кривична постапка. Третиот е прилично голем. Скоро го поднесовме и затоа не очекуваме до крајот на годинава да може да имаме некаков исход, изјави Грковска во интервјуто за МИА, кое во целост ќе биде објавено денеска.

The post Уште не се открива кои се: Иницирани три постапки за злоупотреби од функционери appeared first on Република.

Демократската унија за интеграција денеска во партиското седиште во Мала Речица ќе го одржи продолжението на конститутивната седница на новиот состав на партиското Централно претседателство.

ДУИ на конституивната седница почната на 30 октомври, која траеше речиси 12 часа, беше посветена на оценување на работата на партиски членови кои се функционери во извршната власт.

– Конструктивна дебата, прва конститутивна седница, се исцрпија точките во кои се именуваа структурите на ЦП и се даде отчетот на Извршната власт после тоа следеше разгледување на извештајот посветувајќи се на потребите на луѓето на секој проект поединечно и како да се подобри ефикасноста во имплементација на тие проекти во функција на граѓаните, така што дебатата продолжува на 19 ноември со цел да се исцрпи целата расправа и понатаму продолжуваме, изјави по средбата партискиот портпарол Бујар Османи.

На состанокот на Централниот совет на ДУИ одржана во Тетово на 15 октомври, за потпретседатели на партијата беа избрани Изет Меџити, Арбер Адеми, Бајрам Реџепи и Арбана Пашоли. Блерим Беџети е избран за организативен секретар, а Фатон Ахмети за генерален секретар и Саранда Имери, секретар за еднакви можности.

Додека, пак, за во Централниот совет беа избрани Али Ахмети, Рамиз Мерко, Јетон Шаќири, Фатмир Дехари, Крешник Бектеши, Талат Џафери, Невзат Бејта, Валдет Џафери, Теута Арифи, Џеват Адеми, Артан Груби, Бујар Османи, Висар Ганиу, Назим Буши, Ејуп Халими, Ариан Даци, Бесник Емшиу, Мирсад Ибраими, Ардита Дани, Билент Сали, Реси Абдурахмани, Шергил Беќири, Шабан Мемети, Артин Спахиу и Емир Сулејмани.

The post ДУИ ќе ја евалуира работата на нивните функционери во извршната власт appeared first on Република.