Фумио Кишида бил евакуиран, неповреден, откако маж фрлил врз него направа налик на чадна бомба за време на посетата на западна Јапонија, каде што јапонскиот премиер требаше да одржи говор.

Инцидентот се случил додека Фумио Кишида разговарал со кандидат на владејачката Либерално-демократска партија (ЛДП), непосредно пред планираниот говор во градот Вакајама, јавува „Би-би-си“.

Едно лице е приведено на местото на настанот, јавува „Би-би-си“, повикувајќи се на локалните медиуми.

Еден сведок рече дека видел како едно лице фрла нешто, проследено со чад, додека друг рече дека слушнал силен удар. Нема извештаи за повредени.

Полицијата го потврди апсењето, но засега не коментира повеќе.

По инцидентот, премиерот Кишида веднаш бил однесен со автомобил, јавува агенцијата Кјодо. Агенцијата наведува дека од толпа од неколку стотици луѓе била фрлена чадна бомба и предизвикала силна експлозија, а на местото на настанот бил уапсен и човекот кој ја фрлил експлозивната направа.

На снимката на Јапонската национална телевизија (ХНК) се гледа како толпа луѓе бегаат од местото на инцидентот.

На видеото се гледа и дека полицијата совладувала и привела лице на возраст меѓу 20 и 30 години, а потоа го одвела во полициска станица, пренесе „Ројтерс“.

Кишида денеска во попладневните часови треба да ја продолжи кампањата според претходно утврдениот план, соопшти неговата партија ЛДП.

Поранешниот премиер Шинзо Абе беше смртно застрелан во јули минатата година за време на говорот во градот Нара пред изборите за Домот на советниците, горниот дом на јапонскиот парламент, поради што јапонската полиција ги засили безбедносните мерки за ВИП личности.

Денешниот инцидент се случи за време на официјалната кампања за дополнителните избори за Претставничкиот дом во округот Вакајама бр. 1.

BREAKING 🚨 Japan’s Prime Minister Fumio Kishida evacuated after blast at speech in Wakayama. He is unhurt. The suicide bomber was apprehended as his blast wasn't powerful enough.

His predecessor Shinzo Abe was assassinated by a gunman using a homemade double barrel gun. pic.twitter.com/Dkjb5cpCJI

— Arun Pudur (@arunpudur) April 15, 2023

The post Јапонскиот премиер евакуиран по експлозија пред неговиот говор appeared first on Република.

Американскиот претседател Џозеф Бајден и јапонскиот премиер Фумио Кишида во Белата куќа разговарале за американско-јапонскиот сојуз и „воспоставувањето слободен и отворен Индо-пацифик“, што е синтагма што ја користат двете страни за да ги опишат напорите за да се спротивстават на Кина.

Бајден на пречекот му рекол на Кишида дека САД силно го поддржуваат зајакнувањето на одбраната на Јапонија и му се заблагодарил за блиската соработка на полето на технологијата и економијата. На овој начин официјален Вашингтон ги поздравува историските планови на Токио за воени реформи, првенствено во контекст на заедничката загриженост за Кина.

Пред средбата со Бајден, Кишида се сретна со американскиот потпретседател Камала Харис. Таа најави и дека во текот на денот двете страни ќе потпишат договор за соработка во вселенските програми.

Јапонскиот премиер е на последната станица од турнејата низ земјите на Г7, а неговото пристигнување во Вашингтон следи по последната посета на Бајден на Токио во мај и нивната средба на регионалниот самит во Камбоџа во ноември.

The post Бајден ги пофали Јапонците и ги поздрави потезите на Јапонија за засилување на одбраната appeared first on Република.

Италијанската премиерка Џорџија Мелони и нејзиниот јапонски колега Фумио Кишида се согласија да ја зајакнат соработката меѓу двете земји во повеќе области, вклучително и економијата, трговијата и безбедноста, италијанските медиуми, повикувајќи се на изјава на лидерите.

Се договоривме да го подигнеме нивото на билатералните врски до стратешко партнерство, рече Мелони во кратката изјава за новинарите по средбата во Рим.

Според Кишида, меѓу областите на зајакната соработка ќе бидат дипломатијата, инвестициите, железницата и киното.

Покрај обезбедувањето целосна поддршка за Украина, сакаме да работиме заедно со јапонското претседателство (со Г-7) на некои приоритети предложени од Јапонија, како што се заштита на меѓународниот поредок заснован на правила, зајакнување на економската безбедност, заштита на синџирите на испорака и зајакнување на борбата против климатските промени, додаде Мелони.

The post Италија и Јапонија ќе градат стратешко партнерство appeared first on Република.

Јапонскиот премиер Фумио Кишида вети денеска, на 77-годишнината од капитулацијата на Токио во Втората светска војна, дека земјата никогаш повеќе нема да води војна.

Членовите на владата го одбележаа денот со посета на контроверзниот храм Јасукуни, потег што ќе ги налути Кина и Јужна Кореја, објави Ројтерс.

Во храмот Јасукуни се дава почит на 14 воени водачи од Втората светска војна, кои беа прогласени за воени злосторници пред сојузничкиот трибунал.

Кишида не го посети Јасукуни, но се помоли во овој храм во Токио, објави новинската агенција Кјодо.

„Никогаш нема да поминеме низ ужасите на војната. Ќе продолжиме да живееме во согласност со овој завет. Во свет во кој конфликтите не стивнуваат, Јапонија е активен лидер во мирот“, рече Кишида.

Високиот владин функционер Хироказу Мацуно рече дека е „природно секоја земја да им оддава почит на оние кои ги дале своите животи за татковината“, додавајќи дека Токио ќе продолжи да ги зајакнува односите со своите соседи, вклучувајќи ги Кина и Јужна Кореја.

Јапонија им се предаде на сојузниците на 15 август 1945 година и формално ја потпиша капитулацијата на 2 септември.

The post Премиерот Кишида вети дека Јапонија никогаш повеќе нема да води војна appeared first on Република.