Тиквеш за прв пат во историјата го освои Купот на Македонија.Во финалето ја совладаа Воска Спорт од Охрид со 2-1.

Во прекрасна атмосфера на Градскиот стадион околу 10.000 навивачи уживаа во убавата игра. Навачите на Тиквеш имаат причина за задоволство бидејќи нивниот тим за првпат ќе игра на европска сцена, поточно во квалификациите за Конференциската лига.

https://republika.mk/sport/fudbal/navivachite-na-tikvesh-so-30-avtobusi-vo-skopje/

The post Тиквеш го освои Купот на Македонија, ќе игра во Европа appeared first on Република.

Со умерена доза на оптимизам, финалистите на фудбалскиот Куп на Македонија, екипите на Тиквеш и на Воска Спорт го очекуваат најважниот меч во нивните клупски истории.

Тренерите и капитените на двата тима веруваат дека можат да го направат последниот чекор на патот кон трофејот во најмасовното фудбалско натпреварување кај нас.

- Кога сме веќе во финалето, секако дека сме тука и да го освоиме. Нема да бидеме скромни, сакаме да го освоиме пехарот. Верувам дека моите фудбалери ќе бидат максимално мотивирани и дека ќе ја заокружиме оваа сезона на најдобар можен начин. Победникот може да го реши еден момент, грешка или инспирација на одреден фудбалер, истакна тренерот на Тиквеш Ѓорѓи Мојсов на денешната заедничка прес-конференција.

За капитенот на кавадарчани, Александар Вареловски, финалето е голем успех, но евентуалното освојување на куп-трофејот би било „круна на успешната сезона“.

Шефот на стручниот штаб на Воска Спорт, Срѓан Захариевски искажа пофални зборови за противникот, но изрази надеж дека неговите фудбалери можат да победат.

- Тиквеш има голема традиција, иако после толку години првпат кавадарчани стигнуваат до финале. Тие се хит во пролетниот дел од сезоната и сакам да им честитам за четвртото место на табелата кое е одлично остварување за Тиквеш. Сепак и ние сме во добра форма, долго време сме без пораз и дојдовме во Скопје да се надигруваме и да го освоиме Купот на Македонија. Еднаш бев учесник во финале како тренер на Металург и загубивме од Работнички. Се надевам дека сега со Воска Спорт ќе бидеме поуспешни и дека ќе ги оствариме нашите цели, рече Захариевски.

Слично размислува и капитенот на охриѓани Костадин Захов.

- Се надевам дека ќе успееме да стигнеме до пехарот. Блиску сме до пехарот, но треба и да се одигра финалето на најдобар можен начин.

The post Тиквеш и Воска денеска играат прво куп финале appeared first on Република.

Шкупи го совлада попладнево Работнички со 1-0 (1-0) и им се приклучи на Македонија ЃП, Тиквеш и Воска во полуфиналето на Купот на Македонија во фудбал.

Дуелот меѓу Работнички и Шкупи се одигра попладнево на ФФМ тренинг комплексот во Скопје, откако нивната четвртфинална пресметка беше одложена вчера поради лошата состојба на теренот „Борис Трајковски“ во Маџари предизвикана од обилните врнежи од дожд.

Пласманот меѓу четирите најдобри екипи во националниот Куп на актуелниот лидер во домашното првенство му го донесе Марио Младеновски, постигнувајќи го единствениот гол на натпреварот во 15 минута.

Пласман во полуфиналето во фудбалскиот Куп во средата обезбедија бранителот на трофејот Македонија ЃП, Тиквеш и Воска.

The post Шкупи последен полуфиналист во фудбалскиот Куп на Македонија appeared first on Република.