На 13-ти февруари Владата донесе одлука за генерален конзул и шеф на генералниот конзулат на Македонија во Венеција, Италија, да ја именува Фросина Ременски.

Потписник на оваа одлука е потпретседателот на Владата, Фатмир Битиќи.

Фросина Ременски е редовна професорка на Факултетот за безбедност во Скопје.

Како член на СДСМ беше пратеник, потпретседателка на Собранието и министерка за труд и социјална политика на Македонија.

The post Си ја доби наградата: Ременски именувана за генерален конзул на Македонија во Венеција appeared first on Република.

Остана уште неколку дена до изборот на третата техничка влада која е производ на Договорот од Пржино. Ќе ја имаме и за освои иако ВМРО-ДПМНЕ бараше да се укине а СДСМ не сакаше поради ветувањето што Заев му го даде на Ахмети последните сто дена од оваа влада премиер да биде Албанец.А атер не се крши нели.

Ако толку решиле премиер да биде Албанец тоа можеше да се направи и без техничка влада.Ковачевски ќе поднесеше оставка и на неговото место ќе дојдеше Албанец, кога веќе имаат парламентарно мнозинство.Какво-такво.

Но, за тоа е веќе доцна

ВМРО-ДПМНЕ најави дека ќе прдложи министри во техничката влада но нема да ги гласа. Сосема легитимно бидејќи опозицијата според Законот за Влада е должна да предложи министри и дополнителни заменици министри. И толку. Задача да ги избере тие министри но и целата нова влада е на парламентарното мнозинсто.

Затоа неразбирлива е намерата на Ковачевски дека ќе му предложел кај имињата на министрите од ДУИ да стои празно место. Господе боже.Па Владата се бира цела во пакет а не на парче како што мисли Таче.

Но, премиерот кој никогаш не излегол на избори е неискусен па не знае дека ваква Влада се бираше и во 2016 година, поточно на 19 јануари.

Беше избрана со 72 гласа меѓу кои и министрите од СДСМ Оливер Спасовски и Фросина Ременски кои не дојдоа на својот избор и не положија заклетва. Заклетва положија два дена подоцна на посебна седница.

Значи тогаш можело, сега не може.

The post Заборавија: СДСМ како опозиција во 2016 година не гласаше за своите технички министри Ременски и Спасовски appeared first on Република.

Да се прошири истрагата за групата на Љупчо Палевски, зашто нивните дејства се еднакви на тероризам и истите имаат криминално минато за кое требало многу порано да се реагира, вели универзитетската професорка од Факултетот за безбедност, Фросина Ташевска Ременски во разговор за „Гласот на Америка“.

Таа група, според моите неофицијални информации, имала многу поголеми планови. Постоеле списоци за ликвидации. Постоеле списоци за изнуди. Постоеле списоци за заплашување, списоци за киднапирања, што значи дека ова е предизвик за истражните органи. Предизвик за полицијата, за безбедносните служби. Да ги осуетат плановите и да ги претстават во јавноста и тоа да им биде дополнителна одговорност во целиот овој случај, вели Ременски.

Според поранешната министерка, можно е дека Палевски и неговата група имале и помонструзони планови.

Тие имаат позната криминалистичко-безбедносна и полициска историја, и не биле лица, коишто не биле претходно безбедносно третирани. Кога велам „безбедносно третирани“, мислам дека тие лица, во минатото во многу случаи биле предмет на еден постојан, континуиран оперативен надзор заради превенирање на вакви, слични планови коишто можеби биле и многу помонструозни, вели Ременски.

The post Групата на Палевски имала списоци за изнуди, киднапирања и ликвидации, тврди Ременски appeared first on Република.

Измените на Законот за помилување дојдоа од правните недоумици и турбуленциите и настојувањето на претседателот Стево Пендаровски да ја пропише постапката, во која ќе се изземе од дискреционо одлучување за тоа кого ќе помилува и за кого ќе издаде амнестија. Новото законско решение ги носи тие можности за исклучување на можноста за аболиција за луѓе кои се во судска или правосилна постапка. Тоа е прилично добро решение ако се има во предвид дека во минатото, ова право било критикувано за својата употреба - вели професорката и поранешна министерка Фросина Ременски во емисијата „Студио 10“.

Во врска со предвидената амнестија, професорката вели дека е дискутабилно бидејќи се дебатира и оспорува од политички аспект. Таа прашува чија волја е ова – дали на сите партии или само на владеачката партија.

Сум била дел од парламентарен состав кој што гласал закони за амнестија. Ниту една амнестија не може да биде праведна во целост или во целост да биде дискриминирачка. Секогаш таа линија меѓу помилувањето и милоста на државата кон одредени лица и немилоста кон друга е дискутабилна од аспект на либералните теории за човекови права и слободи. Недоволно е премерен моментот кога се предлага и ќе се гласа законот. Малку време се потроши од функционерите за да биде аргументирана целта за барањето на овие измени. Амнестија немало еднаш и нема ни да има. Политичарите мораат да им објаснат на граѓаите зошто ова се прави - оценува Ременски.

Според неа, амнестијата во ваков момент со недоволно јасни ставови кого се помилува, нема да донесе очекувани резултати, бидејќи во рамки на законот се исклучени осудените за настаните од „27 април“ и се заговара амандманска интервенција за двајцата осуденици за процесот „Монструм“.

The post Ременски: Амнестијата нема да донесе очекувани резултати appeared first on Република.

Професорката Фросина Ременски вели дека е време обвинителката Вилма Рускоска да се соочи со одговорноста, наместо да изигрува жртва.

„Не гледам зошто еден јавен обвинител би бил „заштитена мечка“ и за него да не важат правилата на игра во рамки на законот, и зошто се алудира на некаква солидарност, внатре обвинителска кој зад кого требало да застане, имајќи го предвид Законот за јавно обвинителство го обврзува државниот јавен обвинител да врши надзор и контрола над работењето на обвинителствата каде тој е надлежен“, вели Ременски во летното издание „Click21“ на ТВ21 каде разговаравме и за обвинителката Вилма Рускоска.

Според Ременски „Извештајот за спроведениот претрес во финансиската полиција, што е направен како контрола по надзор и наредба на Државниот јавен обвинител содржи многу по мали прекршувања на јавно обвинителската функција на Вилма Рускоска во контекст на веќе докажаниот незаконски претрес кај потпретседател на Собрание“.

The post Ременски: Не гледам зошто Русковска би била „заштитена мечка“ appeared first on Република.

Професорката Фросина Ременски денеска во летното издание „Click21“ на ТВ21, во однос на партијата СДСМ, посочи дека поминало времето на убедување, односно дека сега е време на објаснување со факти, како и признавање на грешките.

Верувам дека периодот до редовните парламентарни избори ќе се искористи за консолидирање на партиските редови затоа што сметам дека тоа недостасува. Недостасува од причина што мора да се гради таа институцијална меморија, мора да се објавуваат оние партиски документи како партиски изградени ставови за клучни прашања во државата кои што ќе бидат јавно достапни, вели Ременски.

The post Ременски за СДСМ: Време е за признавање на грешки appeared first on Република.

Обвинителке Русковска, кога веќе решивте да го спомнете моето презиме во вашето конфузно и панично полноќно обраќање до странските амбасади, европската јавна обвинителка и меѓународните организации, дозволете да ви одговорам со аргументирани. Ќе ве пресирам со мали букви.

Вашата свесна и намерна манипулација со фактите, процедурите, законите и уставните гаранции за човековите слободи и права од позиција на одговорно лице на орган на прогон кои подолг временски период ги практикуватенадвор од етичкиот кодекс за обвинителите се во директна спротивност со вредностите кои ги негуваат европски институции и амбасади кои ги повикувате. Кој ви го напиша обраќањето, побогу?

Покажавте основно непознавање на законите и надлежностите на македонските државни институции. Како јавен обвинител самите го погазивте суверенитетот и независноста на државата и нејзините институции, а имате обврска да ги штитите! Од позиција која ја имате во моментот, знаејќи дека писмото е само за домашна „патриотска“ употреба и за кревање на вашиот одамна пропаднат рејтинг, се осмеливте без срам да повикате на меѓународен кривично-правен интервенционизам во кривични постапки за кои вие и Судот имате одговорност. Клеветнички го рушите угледот на државата, Владата и институциите преку свесна и безобразна генерализација дека сите се криминалци, а само вие сте светица и борец против криминалот. Ова е патологија обвинителке!

Ова ви го пошувам со чиста совест и без грам страв од сите ваши досегашни, докажани злонамери и тенденции кон мене како личност во време кога пред години пријавував милионски криминал кој вие не го видовте и извршував функција Потпретседател на Собранието на РСМ.

Јас проф. д-р Фросина Ташевска-Ременски имам право и општествена одговорност да ги прикажам и обелоденам сите ваши злонамери и злоупотреби. Го должам тоа и на мојата професија и на моите студенти кои ќе истражуваат како не треба. Неосновано бев предмет на ваша пристрасност, (зло)намера, пропречување на правдата, измами и закани кон Судот, кон сведоци во кривичната постапка, кон изнуди за лажни искази, кон докажан на Суд незаконски претрес во мојот дом, кон закани кон судии кои одлучувале за казни, со попречување на сите можни истраги во случајот во институции кои воделе постапки против вас и гнев кога Судот кој пресуди дека вие како обвинителство не сте докажале ништо од едната единствена реченица во обвинението против мене без грам докази.

Имам право да ви одговорам обвинителке и од причина што во „гро планот“ на вашето обраќање кон странските фактори се повикувате на вашата „чест, углед и поштење“, кое сте ги научиле од вашите родители кои страдале од „бугарските фашисти и бугарски куршуми“.

Знаете зошто имам право?

Прво, затоа што мешате баби и жаби и недозволено се ставате во дневно-политички контекст кој ја загрозува нашата ЕУ интеграција, токму заради овој речник. Второ, затоа што вие лично неосновано ме обвинивте и го најдовте како зло токму мојот углед и авторитет. Тој мој „углед и авторитет вие го ставивте во обвинение“ и го поставивте како таргет за јавен отстрел, ругање, говор на омраза и насилство. Го внесовте во судница во која се срамев од вашиот дилетантизам со кој клеветевте без докази, преку протурање на невистини за создаваање на јавен впечаток и пропаганда за вина.

Кога сме кај родителите обвинителке од кои сте учеле за чест и поштење ... И јас научив многу од моите родители обвинителке. Татко ми не загина од бугарски куршум, не беше обвинител што ќе ја бутне ќерка му во обвинителство. Мојот татко беше угледен мајстор и чесен човек од најстарата градска фамилија во Крива Паланка. Почина на сред судскиот процес во кој вие ме втурнавте со вашата зланамера. Се бранев од вербалните куршуми со кои стрелавте секој ден на сите страни. Од татко ми научив многу, затоа што како шнајдер и стечаен работник со години се мачеше со неправдите и лоповлукот од приватизацијата кои со мајка ми ги остави на улица додека бев студент – студент на генерација. Да ..., од таа приватизација и таа олигархија на која вие денес ѝ слугувате и ја третирате како зашитена сибирска мечка. Додека ние - децата на стечајците и работничката класа со мака се бориме против неправдите и криминалот на тие тридеценски заштитени мечки, вие обвинителке одбравте да им слугувате без грам срам!

И да ..., и јас нема да дозволам личности како тебе обвинителке да фрлаат клевета и дамка на мојата макотрпно градена универзитетска кариера која произведе 18 генерации студенти кои работат и во вашите истражни центри со кои раководите ..., и за жал извршуваат незаконски наредби издадени од вас лично. Зар не ви е срам безобразно се криете зад тие млади луѓе кои имаат години работа пред себе и зборуваат во какво заробено (од вас) обвинителство работат?

Имам право да ви напишам обвинителке и стојам зад се што сум напишала за вас. Додека вие по нарачка и злонамерно „ме пакувавте без докази во ПР-обвинение“ во кое требаше да се пофалите дека гоните високи владини функционери (а јас бев пратеник) и додека селективно брифиравте избрани новинари за наводни сознанија од „тајната истрага која лично ја водевте“, јас во Собранието на РСМ без грам дилема ги гласав сите закони на кои вие денес се повикувате, а прва ги прекршивте. Тоа беше време обвинителке, кога се лулаше кворумот во Собранието и кога сите калкулираа со мојата „суета“ и глас „за“ тој пакет на закони. Мислеа дека ќе реагирам дезориентирани и конфузно како вас овие денови. Се излажаа сите!

Обвинителке, бев и останав застапник на сите европски вредности и многу добро го знам духот на тие вредности кои очигледно токму вие свесно ги заборавате.
Во тој период како Потпретседател на Собранието на РСМ и јас можев да напишам јавно писмо до сите амбасади, меѓународни институции и да лелекам и да барам помош од неправдите сторени од вас лично. За позицијата обвинителке треба и достоинство, разум и знаење!

Не го направив тоа, зошто сметав дека немам право да се издигам над законот, иако знаев каква неправда трпам. Не издржете вие обвинителке, а сте на почетокот на многу полоша состоја ода онаа која злонамерно ми ја креиравте. Нели сите се еднакви пред законот? Зошто тогаш се плашите од соочувањето со сопствените грешки? Зарем не верувате во професионалноста на нашите институции, па ги повикувате станците? Ако вие немате доверба во вашиот шеф обвинителке, што останува за обичниот човек кој е заборавен (намерно) од вашата „ажурност и човечност“? Дали мислите дека за вас законите не смеат да важат и дека, вие и ќе обвинувате и ќе бидете Суд, истовремено? Сте се излажале обвинителке – вие сметате дека никој не смее да ве контролира!

Признавам дека, она за што се информирани и добро упатени најповиканите државни институции од моја страна е попречувањето на (најбараниот од ЕУ) парламентарен надзор што се обидовте да го направите преку незаконскиот влез во мојот дом. Сите до еден мижите пред сите процесуирани неанонимски пријави потпишани со мое име и презиме по сознанија и докази добиени како пратеник во надзорно тело. Проблемот е во тоа што вие свесно ги штитите од прогон лицата кои се дел од тие пријавите од „само за вас“ познати причини. Да не ве уценуваат обвинителке?

Европските институции и амбасадите знаат дека обинителот и обвинителството е страна во секоја кривична постапка; дека, треба да се водат од начелото на правичност и законитост, презумцијата на невиност и да го почитуваат начелото на еднаквост на оружјата во постапката, да ја заштити тајноста на предистрагата и истрагата, да не прејудицира вина додека надлежен Суд не ги утврди аргументите на двете страни, да не се служи со недозволени средства за изнуда на признание или лажен исказ, да не кокетира со медиумите во пласирање на полувистини заради пропаганда и да не влијае на институциите преку наметнување на перцепција и суд на вина, додека пред Суд не се докаже тоа.

Обвинителке ..., јас ве победив на Суд, сакале вие тоа да го признаете или не!

Додека јас не се обидував да добијам медиумски простор „за да се препукувам со вас како Потпретседател на Собрание“, вие се препукувавте и ми стававте сопки на секој чекот. Ја попречувавте мојата правда пред сите надлежни институции кои постапуваа по многу пострашни наводи од они со кои денес ви се обраќа Управата за финансиска полиција. Но, има разлика обвинителке !

Сите ваши злоупотреби јас ги докажав на Суд обвинителке – Суд пред кој вие изгубивте со вашата импровизација и (зло)намера. Поднесував претставки и пријави и се што ми стоеше на располагање (според закон) да го докажам тоа што во мал дел на хартија го напиша како извештај Републичкото јавно обвинителство за вашето постапување во УФП.

Но, има разлика обвинителке, затоа што тогаш под ваш притисок и закани не дозволивте да се утврди вашата злоупотреба на службената положба и доведувањето во заблуда на Судот со пласирање на невистини информации за претресот. Се заканувавте кон судијата на претходна постапка (Весна Димишкова), за да ви даде наредба за претрес во мојот дом во кој вашите заштитени истражители влегоа како каубојци и го лажеа Судот за присуство на свекрва ми, за да ја покријат „законитоста“. Еден лист хартија без докази во барање за претрес во дом на Потпретседател на Собрание на РСМ. Го имам барањето обвинителке. Ваша среќа е што не побаравте претрес во Собранието на РСМ, за да не влезете, така влезени во поголема злоупотреба. Судот, а и вашата колешка Трајчева не беа слепи кога во Судот ги видоа вашите лаги и когс преку видео снимки ја докажав таа ваша измама кон Судот. Тоа е ваш срам обвинителке кој го криевте од јавноста!

Лаура Ковеси ви кажала дека нема да дојде. Ме фати срам кога прочитав дека, таа вам ви укажува за што е надлежна нејзината канцеларија и на што е упатена да соработува со обвинителството со кое раководите. Зарем не знаевте кога го пишувавте писмото и ја повикувавте?

Амбасадите во принцип не се мешаат во внатрешните (правосудни) работи на државата обвинителке. Тие седат, набљудуваат, пишуваат извештаи, анализираат и ни го мерат паметот и постапките на сите нас. Не сте вие исклучок, обвинителке.

Не е мое да ценам во состојбата сте се наоѓале кога сте го пишувале синоќешното писмо, но пред да ги повиката амбасадите на „ваша припомош“ во тоа што со години го проектиравте кон други лица, сте требале да се присетите на изјавите на германската и американската амбасадорка кога јавно ги коментираа вашите спододби со профитерите од случајот Империја. За тој случај не се жали ниту државата. Зошто? Тие изјави од странските амбасади кои ги повикувате, а кои ве треснаа од земја се фокусот кој го изгубивте кога тргнувате во рушењето на државните институции. За жал, поматен ви бил фокусот кога мислите дека сте над законот и дека, сите ќе се одговорат на вашиот очаен повик кога е во прашање вашата одговорност – веќе утврдена.

Обвинителке Русковска,

Тргнете ги рацете од судиите во Кривичниот суд – Скопје и престанете секојдневно им се заканувате по блиски лица дека ќе ги гоните, доколку не досудат како вие сте замислиле во обвинителско-кафанскиот подрум!

Тргнете ги рацете од Внатрешната контрола на МВР која направи фермани за вашиот незаконски претрес во мојот дом (докажан на Суд), но надвор од памет и закон се прогласи за ненадлежна, токму заради вашите закани кон инспекторите. Се осмеливте на укажувач со пријава да му поведете постапка за некакво оддавање на службена тајна. Зарем, вистината и констатираните злоупотреби по вашите наредба се службена тајна обвинителке?!

Тргнете ги рацете од Граѓанскиот суд - Скопје во кој под ваша закани се прават злоупотреби и се „редуцираат“ докази од тужби против вас!

Тргнете ги рацете од Апелацискиот суд - Скопје кон кој ажурно и секојдневно упатувате суптилни закани за начинот како да одлучуваат и да исполнуваат ваши желби за предмети, после кои вие треба да одговарате кривично!

Немојте да мислите обвинителке дека, државата ќе треба да ги плаќа трошоците за вашите кривотворења и (зло)намери за кои и Европскиот суд за човекови права од Стразбург (ЕУ која ја повикувате) ќе одлучи дека, токму вие сте прекршителот на човековите слободи и права. Вие ќе ја платите штетата што ја нанесовте лично на луѓето заради кои вие сте таму кај што се, но очигледно сте ја заборавиле вашата вистинска улога и задача.

Ова ви го пишувам како социолог кој е добар познавач на правото, благодарение на ликови како вас изминативе 20 години. И јас сакам (ама нема) Лаура Ковеси „да направи увид“ во обвинението во кое како „мечка во циркуз“ го вметнавте моето име. Сакам сите да ја видат таа ваша „професионалност“ обвинителке. Еве објавете ги сите докази, за да цени народ. Но, ќе треба да објасните една многу битна работа, а тоа е како од таа широката лепеза на угледни и авторитетни претставници на партијата „сликани и во комуникација со педерот“ (како што милувате да говорите, така европски), како најугледна и најавторитетна ме избравте мене, а (на пример), ја скокнавте министерката за одбрана Шеќеринска која со Катица Јанева и Бојан Јовановски во сред Рекет, зборувала за вашиот Закон за ЈО, а мажот ѝ пиел вино и гледал фудбал со лицето кое под совет на вашиот другар Горан Николовски-Џони од УБК снимал во домашен притвор. Многу прашања има обвинителке!

Ова ви го пишувам намерно, затоа што свесно ја правите недоветна целата јавност која слушна дека и вас обвинителке ве снимал/е, а вие тоа го потврдивте сами.
Затоа обвинителке, наместо да фрлате чифтиња на сите страни, да обвинувате и преку вашето писмо да се обидувате токму вие да вршите притисок над институциите кои сега вас ве оценуваат (во стилот на познатата фраза „калето кажа“ – изговор на вашите удбашките другари), одговорете ѝ на јавноста на прашањата кои јавно ви ги поставив – „Кој ве снимал, обвинителке?“ и „Дали тоа ве доведе во ситуација да тргнете самите против себе преку овие писма кои само потврдуваат колку малку знаете за што зборувате и која е вашата вистинска улога во државата?“

Прочитав дека „Никој не се мешал во туѓа битка“. Се согасувам ..., со таа разлика што сите мои аргументи за начинот на вашето постапување не добија толкав публицитет како вашиот дуел со УФП. Јас мојата битка против вас ја добив на Суд без ничие мешање и навивање, туку напротив – со сопки, со аргументи и со вистинското оружје – вистината која очигледно многу ве заболе!

За сега толку обвинителке ...

Следниот пат кога ќе решите да го земете во уста моето име презиме, бидете спремни дека нема да ве персирам како во ова јавно обраќање. Бидете свесни и спремни дека, неможете на сила да замолчите правдољубив човек во битка која вие ја водите на погрешната страна. Кога нема да бидете на таа позиција која несовесно и неетички ја практикувате ќе се соочите со многу болни факти за вашите злоупотреби за кои има живи сведоци, предмети и факти, а тие не одат заедно реториката за „бугаризацијата“ и „уставобранителите“ ... Знаеш за што зборувам!

Наместо да се додворувате на протестантите против „бугаризацијата“ обвинителке, која очигледно сакате да ја нагласите преку воведот од писмото со „бугарски куршум“ и „бугарски затвор“ и да ја добието поддршката од сите про протестираа, одлучете се дали сте политичар или сте јавен обвинител. Едното со другото не оди ! Од приложеното до сега очигледно сте латентен политичар кој има став за преговорите со ЕУ, а тој став го практикувате преку рушење на државните институции и угледот на државата преку вашите полноќни „прохибициски“ писма, ала Елиот Несс.

Да ..., РСМ ќе почнепреговори со ЕУ и тогаш ќе ви дојдат сите европски институции кои ги повикувате. До тогаш, обвинителке, ќе треба да ги вметнеме Бугарите во Уставот на РСМ кои и вие треба да го штитите и нема да може да го рушите правниот поредок заради интересите на несудениот „бугарски конзул во РСМ“ со кој се спогодивте. Тој ве снимал (вие го посочивте) со помош на неговите бугарски пријатели?

Очигледно обвинителке, вашите заложби и желби за ЕУ и вредностите се само блеф за некој иден митинг на која и вие може да зборувате зошто РСМ не треба да почне преговори со ЕУ под вакви услови ..., заради таквите како вас и вашата клиентела на која ѝ дадовте привилигирани анти-ЕУ услови.

Се гледаме во иднината обвинителке Русковска !

Фросина Ременски

The post Ременски: Послушај Русковска, да ти кажам словото appeared first on Република.

Maфијата не е непобедлива-коментира на Фејсбук поранешната министерка Фросина Ременски.

Tака говореа италијанските судии Џовани Фалконе и Паоло Борселино во 1992 година. Беа убиени со тони експлозив од раката на Сицилијанската мафија “Коза ностра”Борселино го убија нa УТРЕШЕН ДЕН 19.07.1992 година во Палермо со автомобил-бомба – само 57 дена по убиството на Џовани Фалконе.

Калабрискиот анти-мафија судија НИКОЛА ГРАТЕРИ во моментот (од јануари 2021) го води најголемиот судски процес по три децении, против шефот, членовите и соработниците на Калабриската мафија “Ндрангета”

The post Ременски: Мафијата не е непобедлива, aма требаат судии и обвинители со интегритет appeared first on Република.

Убиството на ракометарот Денис Тот има „операнди систем на институционална ненавремена акција и реакција” која роди основан сомнеж за времето кога и дали вистината треба(ла) да биде обелоденета, коментира професорката по безбедност Фросина Ременски.

Таа додава дека ова убиство не смее да влијае на хрватско-македонските односи и полициската соработка.

Напротив, полицијата што побргу да си ги расчисти своите редови од истите „професионалци” од времето на убиството на Нешковски и веднаш да излезе со официјална информација за тоа каде затаил системот на информирање, интервенирање и одговорност. Ќе ја објавам анализата и за ова убиство, најавува таа.

The post Ременски: Полицијата веднаш да објави каде затаил системот за интервенција за убиството на Денис Тот appeared first on Република.

Обвинителката Ивана Трајчева најави дека ќе ја обжали ослободителната пресуда на поранешната министерка Фросина Ременски во случајот „Меѓународен сојуз“. Таа смета дека се потврдиле делата за кои се теретат обвинетите.

Судот го прифати исказот на оштететените дека да не била обвинетата немало да ги потпишат договорите кои се предмет на постапката.Таа била присутна на состаноците. Самите оштетени тоа го посочија, објасни обвинителката.

The post Oбинителството ќе се жали на ослободувањето на Ременски appeared first on Република.

Бојан Јовановски на денешните завршни зборови проговори за односот кој го имал со Фросина Ременски. Тој рече дека имале добра соработка и си помагале, особено додека таа била министерка за труд и социјала.

Таа и да сакала да ми помогне беше оневозможена од нејзините алчни партиски другари - смета Боки.

The post Боки: Ременски и да сакала да ми помогне беше оневозможена поради нејзините алчни партиски другари appeared first on Република.

Се докажа дека обвинетите ги сториле делата за кои се товарат. Нешто што навистина почнало како хуманитарна организација се претворило во нешто друго. Првообвинетиот Бојан Јовановски не случјано избрал за соработници Јасна Ерцеговиќ, Христина Блажевска и Фросина Ременски, кои имале големо влијание, истакна застапникот на обвинението Трајче Пеливанов на завршните зборови во случајот Меѓународен сојуз.

Според него, оштетените Силјан Мицевски и Адријан Амзоски биле измамени од страна на Бојан Јовановски дека ќе се градат домови за возрасни лица велејќи им дека ќе обезбеди државно земјиште иако знаел дека тоа не може да го обезбеди, но и натаму им земал пари.Тоа јасно му го предочиле и тогашните градоначалници на Карпош и Битола.

Јовановски се обидел да го измами и Орце Камчев убедувајќи го да влезе во проект за изградба на трговски центар, но сведокот не бил заинтересиран - објасни обвинителот.

Според него, обвинетите се обидувале да остават добар впечаток во јавноста за да извлечат што повеќе пари од оштетените.

Пеливанов проговори и за средбите на Јовановски и тогашниот премиер Зоран Заев.

Тогашниот премиер само дал потик за соработка но не дека имало конкретна соработка - вели Пеливанов.

Според обвинетиот, оштетените имале сигурност во проектот поради Ременски, која тогаш имала функција потпретседател на Собранието и на СДСМ.

Раменски влевала доберба дека зад проектите на Јовановски стои власта, убедуваше Пеливанов.

The post Завршни зборови на обвинителството: Заев само дал поттик за соработка со Боки 13 appeared first on Република.