Фридрих Мерц, лидерот на германските опозициски демохристијани, изјави дека како германски канцелар ќе се обиде да постигне договор со новоизбраниот претседател Доналд Трамп што ќе ја стави Германија на порамноправна основа.

Се смета дека Мерц има најголеми шанси да го наследи канцеларот Олаф Шолц на предвремените избори што се очекуваат на почетокот на следната година, откако во средата се распадна владејачката трипартитна „семафор коалиција“ на канцеларот Шолц.

-Мораме од статусот на заспана сила од средна големина повторно да станеме водечка сила од средна големина, изјави Мерц за германското списание „Штерн“.

„Никогаш не сме ги артикулирале и претставувале нашите интереси доволно јасно во Германија и мораме тоа да го промениме. Американците се многу поактивни во овој поглед“, рече Мерц.

-Не треба да има корист само едната страна, туку треба да направиме добри договори за двете страни. Трамп тоа би го нарекол договор, додаде тој.

Мерц го наведе примерот со испораката на американски борбени авиони.

-Од Американците купуваме борбени авиони „Ф-35“ од нужда, но тогаш треба да ги одржуваме овде, а да ги добиеме и потребните капацитети за тоа. Тоа би било добра зделка за двете страни, истакна шефот на Христијанско-демократската унија (ЦДУ).

„Го следам Трамп и разговарам со многу луѓе кои многу добро го познаваат. Ми велат: Мора да му пристапиш со исправено држење и со јасност“, додаде Мерц.

Мерц ја обвини германската Блада за слаб одговор на американските избори, од кои Трамп излезе како јасен победник.

Тој смета дека Берлин требаше да биде подготвен за таков исход, но наместо тоа избра да застане на страната на демократската кандидатка Камала Харис.

-Трамп има добра меморија. Новата администрација повеќе нема да ја слуша актуелната власт. Шолц сега стана ирелевантен на меѓународно ниво, рече Мерц

The post Meрц: Мораме од статусот на заспана сила од средна големина повторно да станеме водечка сила од средна големина appeared first on Република.

Германскиот конзервативен кандидат за канцелар, Фридрих Мерц се залага Европа да покаже сила и да заземе цврст став за време на вториот мандат на американскиот претседател Доналд Трамп.

- Тоа ќе остави впечаток во Америка, рече Мерц во ток-шоуто на Мајбрит Илнер на ЗДФ. Тој нагласи дека Европа мора да зборува во еден глас.

- Доналд Трамп не е импресиониран од слабост, само од силат, дури и од опозиција. На овој начин Европа би можела да се справи со новата влада во Вашингтон, рече тој.

Мерц се подготвува за главната политичка функција во Германија откако се распадна коалицијата на неговиот ривал, социјалдемократскиот канцелар Олаф Шолц. Мерц бара Шолц да повика на итно гласање за доверба на неговата сега веќе малцинска влада и предвремени избори. Шолц засега останува на својот став сека гласањето доверба ќе се одржи во јануари.

Лидерот на демохристијаните додаде дека Германија мора да направи повеќе за сопствената безбедност. Деловниот модел на евтин увоз, скап извоз и дозволување САД да плаќаат за безбедноста „сега е завршен“, рече Мерц.

Но, тој рече дека „тоа не е толку драматично“.

- Треба да се приспособиме на тоа, да управуваме со него и да ги преземеме неопходните последици, додаде Мерц.

The post Најверојатниот нов германски канцелар ја поздрави победата на Трамп appeared first on Република.

Германскиот канцелар Олаф Шолц мора веднаш да побара гласање за доверба на неговата влада во парламентот и да не чека јануари како што предложи, изјави денеска лидерот на германските опозициски конзервативци (ЦДУ) Фридрих Мерц.

Коалицијата повеќе нема мнозинство во германскиот Бундестаг (Долниот дом на Парламентот) и затоа апелираме до канцеларот веднаш да побара гласање доверба, најдоцна до почетокот на следната недела, изјави Мерц, пренесе Тагешау.

Германската Слободна демократска партија (ФДП) објави дека ќе ги повлече сите свои министри од германската федерална влада, откако канцеларот Олаф Шолц вчера го разреши министерот за финансии и лидер на партијата, Кристијан Линднер.

Со ова, како што наведуваат германските медиуми, ФДП ха растури владејачката коалиција.

Шолц најави дека ќе побара гласање доверба на владата на 15 јануари во Бундестагот и додаде дека нови избори може да се одржат најдоцна до крајот на март 2025 година. Овој свој став тој го образложи со потребата од носење нови закони во декември и побара од Мерц да соработува за ова прашање, додава Тагешау

The post Мерц: Владејачката коалиција веќе не постои, Шолц веднаш да побара гласање доверба appeared first on Република.

Претседателот на Христијанско-демократската унија (ЦДУ), Фридрих Мерц, ќе биде кандидат на Христијанско-демократската унија ЦДУ/ЦСУ за канцелар на Германија на парламентарните избори во 2025 година.

Претседателот на ЦДУ, Фридрих Мерц, и претседателот на Христијанско-социјалната унија (ЦСУ), Маркус Зедер, ќе го предложат Мерц за канцелар кандидат на Унијата ЦДУ/ЦСУ на изборите за Бундестагот в година, објавија германските медиуми повикувајќи се на извори во рамките на ЦДУ.

Мерц, кој своевремено Ангела Меркел го потисна од врвот на партијата, па едно време, не се ни занимаваше со политика, ќе мора прво официјално, кон крајот на септември, да го прослави 70 роденден на бившата канцеларка.Нема сомнеж дека за неа ќе најде само пофални зборови, иако стално говори дека потполно ја променил нејзината политика.

Лидерите на ЦДУ и ЦСУ во Берлин моментно разговараат за прашањето за кандидатите, а набргу се очекува Мерц да ѝ се обрати на јавноста на прес-конференција.

The post Падна одлука, тој е идниот германски канцелар: На голема врата се враќа човекот кој Меркел го избрка од политиката appeared first on Република.

Лидерот на германската опозициска Христијанско-демократска унија (ЦДУ), Фридрих Мерц денеска се заложи за прием на нови земји во Европската унија и рече дека вратата на ЕУ е отворена за нови членки, вклучувајќи ги и партнерите од Западен Балкан ако ги исполнат критериумите за пристапување.

„Вратата на Европската унија останува отворена за новите членки како Украина, Грузија, Молдавија или земјите од Западен Балкан, доколку ги исполнат критериумите“, рече Мерц за германскиот весник „Тагешпигел“.

Тој додаде дека реформата на процесот на проширување е неопходна поради, како што рече, земјите кои не сакаат да се приклучат во ЕУ или не се во можност да се приближат кон Унијата.

The post Мерц: Вратата на ЕУ е отворена за нови членки, вклучувајќи го и Западен Балкан appeared first on Република.

Лидерот на германската Христијанско-демократска унија (ЦДУ) Фридрих Мерц ги обвини украинските бегалци за злоупотреба на германскиот социјален систем, пренесуваат германските медиуми.

Мерц во интервју за „Билд ТВ“ изјавил дека е загрижен поради одлуката на владата да премине од системот за помош на барателите на азил на системот „помош за невработени II “, што, како што вели, ќе влијае и на бегалци од Украина.

„Во меѓувреме, сведоци сме на „социјалниот туризам“ на оние бегалци, кои доаѓаат во Германија, потоа се враќаат во Украина, па повторно во Германија и повторно во Украина, од кои голем број го користат нашиот систем за помош. Имаме проблем еве тоа станува се поголемо и поголемо“, објаснува тој.

Мерц потсети дека ЦДУ укажала на проблемот што може да се појави на пролет, а владата го игнорирала.

Тој предупреди дека ќе има уште поголем проблем со бегалците од Русија.

Министерката за внатрешни работи Ненси Фрејзер веднаш реагираше и на Твитер порача дека „срамота е да се шири негативно расположение врз грбот на Украинките и децата, кои бегаат од бомбите и тенковите на Путин“.

The post Мерц: „Социјален туризам на Украинците во Германија“ appeared first on Република.

Членовите на германската централно-десничарска партија Христијанско-демократска унија (ЦДУ) денеска го избраа Фридрих Мерц за лидер на партијата.

Генералниот секретар на ЦДУ, Пол Чимјак, рече дека Мерц добил речиси 95 отсто од гласовите на виртуелната партиска конференција.

Официјалните избори дојдоа по неформалното гласање минатиот месец во кое Мерц ги победи противниците Норберт Ротген и Хелга Браун.

Мерц го обвини германскиот канцелар Олаф Шолц дека нема јасна позиција во спорот со Русија поради акумулацијата на руските сили недалеку од границата со Украина.

The post Фридрих Мерц е новиот лидер на ЦДУ appeared first on Република.