Откако го напушти затворот во албанскиот град Фиер, поранешниот градоначалник, Фреди Белери,  во родната Химара беше дочекан како херој, со букети цвеќе, огномет, прегратки.

Во првата изјава за медиумите тој рече дека ќе ја продолжи правната битка во Судот во Стразбур и доколку се покаже дека е невин, во што е убеден, повторно ќе се кандидира за градоначалник на Химара.

- Ќе ја продолжам правната битка во Стразбур. Овој случај ќе биде затворен во Стразбур каде  ќе ја барам правда. Кога ќе се донесе одлуката во Стразбур и ако бидам прогласен за невин, што всушност е вистина,  секако дека ќе се кандидирам за градоначалник, рече Белери.

Дополнителните  избори за градоначалник на Химара, одржани на 4 август  ги оцени како незаконски.

Додаде дека тој е победник на општина Химара и оти „неправедно му го одзела  мандатот владата на премиерот Еди Рама".

- На изборите што се одржаа на 14 мај 2023 јас излегов како победник, изборите што се одржаа на 4 август годинава беа незаконски. Незаконски беше моето разрешување, незаконски беше указот за повторување на изборите и незаконски беа одлуките на премиерот да ја вмеша целата држава и мафијата за да победи на избори, рече Белери.

Се задржа и на добивањето на мандатот на европратеник и работата што ќе ја има како претставник на Нова демократија во Европскиот парламент. Рече дека „со можноста што ќе ја има, ќе го крене гласот во Европскиот парламент за правдата во Албанија“.

Белери, доби условно ослободување од затвор, каде беше од 12 мај минатата година, кога на два дена пред локалните избори беше уапсен под обвинение за изборна корупција.

Иако во затвор, тој беше реизбран за градоначалник на општина Химара, но не даде заклетва по што беа спроведени дополнителни избори на 4 август на кои за градоначалник беше избран Вангѓел Таво, кандидат на Социјалистичката партија на Рама.

The post Грчкиот градоначалник во Албанија дочекан како херој, правдата ќе ја бара во Стразбур appeared first on Република.

Во албанското приморско гратче, Химара, денеска се спроведуваат делумни избори за градоначалник, каде граѓаните со право на глас треба да изберат кој од двајцата кандидати ќе биде на чело на општината во следните три години.

Во трката за градоначалник се Вангел Таво, кандидат  на владејачката Социјалистичка партија и Петраќ Ѓикурија, од опозициската коалиција „Заедно победуваме“. Таво е познато лице од политиката, додека Ѓикурија е емигрант кој се вратил од САД, и  во своето родно место Дримада има свој бизнис.

Иако и двајцата се припадници на грчкото малцинство, на кое му прпаѓаат и поголемиот процент од жителите на оваа општина,  Ѓикурија ја има подршката од Партијата за заштита на човековите права, која е дел од опозициската коалиција како и друштвото „Омонија“ и двата субјекта на грчкото малцинство.

Во единствениот избирачки список се запишани 23.074 лица со право на глас,  се гласа на 34 избирачки места а според Централната изборна комисија до пладне излезеноста е над 17 отсто. Излезеноста се смета за ниска, поради најавите дека голем број Албански Грци, кои живеат и работат во Грција ќе дојдат да гласаат.

Делумните избори се спроведуваат откако Фреди Белери, не даде заклетва во превидениот рок со изборниот законик. Тој на ланските локални избори,  одржани на 14 мај,  беше реизбран за градоначалник иако два дена пред изборите, беше уапсен и беше во притвор под обвинение дека понудил 40.000 албански леки (360 евра во тоа време) за да купи осум гласови. Потоа беше осуден со две години затворска казна.
Има двојно државјанство и освои место во Европскиот парламент, претставувајќи ја владејачката конзервативна партија Нова демократија, на изборите за ЕУ, одржани во јуни. Беше ослободен неколку дена за да може да даде заклетва.

На сите судски сеанси ги отфрлаше обвиненијата, официјална Атина го опиша неговото притворање како политички мотивирано и од самиот почеток на случајот односите меѓу двете земји се заладени. Грција ја повика албанската влада да го запре судењето, а потоа бараше да биде целосно ослободен, условувајќи ја со евроинтегративниот пат.

The post Во Химара се бира нов градоначалник Грк, откако осудениот замина да биде европратеник appeared first on Република.

По полагањето заклетва како пратеник во Европскиот парламент, Фреди Белери е избран и за потпретседател на Комисијата за петиции во оваа институција.

Минатата недела Белери доби дозвола од Управата на затворите да замине во Стразбур, каде положи заклетва како европратеник, откако победи на изборите на листата на грчкиот премиер Киријакос Мицотакис и Нова демократија.

-Им благодарам на колегите за мојот избор за потпретседател на Комисијата за петиции, за што бев информиран во затвор. Тоа е голема чест и уште поголема одговорност за мене како новоизбран европратеник. Наскоро мојата авантура ќе заврши и ќе можам да ги извршувам задачите што ми ги доверија грчките граѓани, изјавил Белери.

Белери издржува затворска казна во Албанија, за изборна корупција, откако беше притворен два дена пред локалните избори, одржани на 14 мај минатата година. Иако во притвор тој беше реизбран за градоначалник, но не положи заклетва во предвидениот законски рок и делумни избори за градоначалник ќе се одржат на 4 идниот месец.

Во меѓувреме, по вторпат, во Судот во Фиер, се одложи рочиштето по неговото барање за предвремено ослободување, бидејќи  издржал  2/3 од двегодишната казна. Адвокатите обвинија дека тоа се прави за да не се дозволи ослободување на Белери до одржување на делумните локални избори за прв човек на Општина Химара

The post Европскиот Парламент е смешка: За Албанија грчкиот градоначалник е криминалец, а за Грција европратеник appeared first on Република.

Откако доби петдневна дозвола за излез од албанскиот затвор за да положи свечена заклетва како нов европратеник, градоначалникот на Химара, осуден на затворска казна Фреди Белери денеска во Атина се сретна со грчкиот премиер Кирјакос Мицотакис, кој воедно беше и иницијатор за вклучување на Белери во кандидатската листа на Нова демократија за европските избори, јави дописничката на МИА од Атина.

Белери претпладневно од Тирана пристигна во Атина, а пред да замине за Стразбур за утрешната седница, беше примен од Мицотакис во премиерската палата.

-Многу ми е драго што се чини дека ѝ се ближи крајот на оваа голема перипетија. Беше сторено она што се подразбира, доби дозвола за да можеш да ги извршуваш своите должности и да положиш заклетва. Се надевам дека многу скоро конечно ќе излезеш од затвор, за да се затвори ова болно поглавје за сите нас, за да продолжиме понатаму и да гледаме напред, рече Мицотакис на почетокот на средбата.

Ја изрази поддршката за грчкото малцинство во Албанија, истакнувајќи дека Тирана треба, без отстапки, да ги почитува своите европски обврски.

Белери, му се заблагодари на Мицотакис за поддршката, како и за довербата што ја добил да биде дел од кандидатите од Нова демократија.

-Сметам дека владеењето на правото, правото на избор и да бидеш избран не е нешто што се подразбира во државата во која живееме. Сакам да помогнам во ова. Да му помогнам на грчкото национално малцинство да остане во јадрата на своите предци, но и оваа држава да се приближи и да стане членка на европското семејство, рече Белери.

Како што вчера објави МИА, албанските власти му одобрија на Белери да отпатува во Франција за да учествува на инаугуративната седница на Европскиот парламент како грчки европратеник.

Фреди Белери (52), припадник на грчкото малцинство во Албанија, отслужува двегодишна затворска казна за купување гласови пред неговиот избор во мај 2023 година за градоначалник на Химара во јужна Албанија.

The post Мицотакис се сретна со градоначалникот во Албанија кој од затвор стана европратеник appeared first on Република.

Денешната одлука на Централната изборна комисија на Албанија да му се одземе мандатот на Фреди Белери, без воопшто да положи заклетва како градоначалник на Химара, претставува новопојавена практика и претходно одреден исход на процесот со многу прашалници во однос на основните принципи на владеењето на правото, соопштија од Министерството за надворешни работи на Грција, јави дописничката на МИА од Атина.

Во соопштението по одлуката на ЦИК за Белери, кој воедно е и избран европратеник од Нова демократија, од грчкото МНР велат дека „Грција навреме ја изрази својата силна загриженост за одземањето на презумцијата на невиност, за интегритетот на доказниот процес, за забраната да положи заклетва, за изречената непропорционална казна, како и за фактот дека со општина Химара веќе една година управуваат неовластени лица“.

Дополнително уште еднаш посочуваат дека албанските власти имаат обврската да ги преземат сите неопходни мерки за веднаш да му овозможат на Белери да учествува во работата на Европскиот почнувајќи од седницата на 16 јули во Стразбур.

Белери (52) на ланските локални избори, одржани на 14 мај, беше реизбран за градоначалник на Химара, 240 километри јужно од главниот град Тирана. Два дена пред изборите, беше уапсен под обвинение дека понудил 40.000 албански леки (360 евра во тоа време) за да купи осум гласови, од кога е во притвор, поради што и не положи заклетва.

Албанскиот специјален апелациски суд на 25 минатиот месец на Белери, кој е припадник на грчкото малцинство, му ја потврди двегодишната затворска казна

The post Дали Грција ќе стави вето на Албанија? Одземен мандатот на грчкиот градоначалник на Химара appeared first on Република.

Уапсениот градоначалник на јужната албанска општина Химара, Фреди Белери, кој беше предложен за европратеник од владејачката партија Нова демократија во Грција, доби место во Европскиот парламент, јавува Euronews Албанија.

Според податоците на албанските медиуми Белери е на третото место по гласови во партијата на грчкиот премиер Киријакос Мицотакис. Според Еуроњуз Албанија, тој треба да биде меѓу седумте европратеници кои ќе ја претставуваат „Нова демократија“ во Европскиот парламент.

Фреди Белери, кој е етнички Грк, беше уапсен два дена пред локалните избори во Албанија на 14 мај 2023 година, под обвинение за купување гласови. Во март годинава беше осуден на две години затвор. Од грчка страна ја доведоа во прашање правичноста на судскиот процес против него и јасно ставија до знаење дека тоа може да ја загрози европската интеграција на Албанија.

По изборот за европратеник, Белери им се заблагодари на Грците кои „го почестија со својот глас“ и ја опиша веста како „победа на светлината над темнината“.

Белери додава дека војната е добиена благодарение на гордоста и патриотизмот на Грците.

Во пораката до поддржувачите, тој подвлекува дека гласот на грчкото малцинството во Албанија сега ќе биде уште посилен

The post Грчкиот градоначалник поради кој Албанија доби вето од Грција стана европратении од партијата на Мицотакис appeared first on Република.