Високиот претставник за надворешна политика и безбедност на Европската унија, Жозеп Борел, денеска изјави дека претседателот на Србија, Александар Вучиќ и премиерот на Косово, Албин Курти се поканети во Брисел на 27 февруари и оти се надева дека ќе го прифатат предлогот што им е понуден.

Ги поканив да дојдат и да водат целодневни разговори бидејќи имаме предлог на маса и се надевам дека ќе можат да го прифатат тој предлог како начин за нормализирање на нивните односи, изјави Борел за Дојче веле, пренесе Бета.

На прашањето колку е важно воведувањето санкции против Русија за патот на Србија кон Европската унија, високиот претставник одговори дека ЕУ бара усогласеност од сите членки на меѓународната заедница, особено од кандидатите.

Посебно од кандидатите за членство во ЕУ бараме да се усогласат со нашата надворешна политика. Секако, Србија не се усогласува со нашата надворешна политика колку што би сакале. Тоа е дел од разговорот и ангажманот со Србија, додаде Борел.

Вучиќ потврди дека е поканет во Брисел и додаде дека нема намера „туристички“ да оди таму, туку дека е заинтересиран за Заедницата на српските општини.

The post Борел: Имаме предлог на маса, се надевам дека Вучиќ и Курти ќе го прифатат appeared first on Република.

Тензично беше при крајот на првиот протест во Белград против прифаќањето на француско-германскиот план за Косово. Како што пренесува Н1, полициската единица опремена за разбивање демонстрациите спречи насобраните демонстранти да стигнат до влезот во зградата на Претседателството.

Таму беше турната полициската ограда и беа фрлани јајца кон зградата.

Професорот Дејан Мировиќ во име на насобраните се обиде на главниот влез на Претседателството да предаде четири барања од протестот, кои никој од полицајците кои го блокираа влезот не сакаше да ги прифати, јави Бета.

https://republika.mk/vesti/balkan/na-protestite-vecherva-se-povikuvashe-i-na-negovo-ubistvo-vuchik-svika-iten-sostanok-so-bezbednosniot-sektor/

The post Се фрлаа јајца, се турна оградата: Спречен поголем инцидент откако толпата демонстранти нагрна кон Претседателството во Белград appeared first on Република.

Српскиот претседател Александар Вучиќ пристигна во зградата на Претседателството, каде ќе се одржи вонреден состанок со сите клучни луѓе од безбедносниот сектор, јавија белградски медиуми.

Според информациите на „Новости“, на состанокот ќе се разговара за безбедносната состојба во државата, по опасните пораки изнесени на вечерашниот собир на екстремисти во Белград.

Се очекува да се разгледа и улогата на одредени странски разузнавачки структури.

Учесниците на протестот, кој започна во 18 часот, претходно вечерва не ги доставија своите барања до Претседателството, кои се однесуваат на повлекувањето на Вучиќ од преговорите со Приштина, објавувањето на француско-германскиот предлог и неговото одбивање. Тие го очекуваат обраќањето на претседателот на државата.

Силни полициски сили ја обезбедуваат зградата на Претседателството и се присутни и на други локации во центарот на Белград, јави Бета.

The post На протестите вечерва се повикуваше и на негово убиство: Вучиќ свика итен состанок со безбедносниот сектор appeared first on Република.

Еднакви права за Србија и Косово, почитување на територијалниот интегритет и неповредливост на границите, признавање на државните симболи и посебен аранжман за српската заедница на Косово се клучните елементи на предлогот што е на маса во Белград   и во Приштина, јави Радио Слободна Европа.

Можноста за меѓусебно признавање или членство на Косово во ОН, за што јавно се залагаат косовските политичари, не се споменува во документот до кој РСЕ имале пристап.

Извори во Брисел и клучните европски метрополи ја потврдија автентичноста на текстот до кој РСЕ има пристап, пренесе Бета. Од крајот на летото, кога им беше предаденовој предлог служи како основа за дискусии на лидерските средби како дел од дијалогот за нормализација на односите.

Шефот на европската дипломатија, Жозеп Борел, на маргините на самитот ЕУ-Западен Балкан, на новинарите им потврди дека Косово и Србија добиле ажурирана верзија на тој предлог.

Изворите на РСЕ велат дека иако новата верзија содржи промени, тие не се фундаментални и дека клучните елементи од главниот план остануваат исти.

Познат како француско-германски предлог, овој документ се нарекува – „Предлог на Европската унија поддржан од Франција, Германија и САД“.

Предлогот со кој располагаат страните има десет точки и се смета за начелен договор, што го отвора патот за продолжување на дијалогот и по евентуалното постигнување договор и за нови договори кои би произлегле од овој документ.

Во текстот се наведува дека страните меѓусебно ќе развиваат добрососедски односи врз основа на еднакви права, а предвидено е и признавање на државните симболи, јави РСЕ.

„Двете страни меѓусебно ќе ги признаат нивните соодветни документи и национални симболи, вклучувајќи пасоши, дипломи, регистарски таблички и царински печати“, се вели во предлогот.

Се додава дека двете страни ќе се раководат од целите и принципите наведени во Повелбата на ОН, особено оние за суверена еднаквост на сите држави, почитување на нивната независност, автономија и територијален интегритет, правото на самоопределување, заштита на човекови права и недискриминација.

Текстот на предлогот предвидува двете страни да појдат од претпоставката дека ниту една од нив не може да ја претставува другата во меѓународната сфера или да дејствува во нејзино име.

Експлицитно се вели дека Србија нема да се спротивстави на членството на Косово во ниту една меѓународна организација. Еден од членовите на предлогот предвидува можни решенија за статусот на српската заедница на Косово.

Не се споменува експлицитно Заедницата на општини со српско мнозинство во Косово.

„Двете страни се обврзуваат да воспостават посебни аранжмани и гаранции во согласност со релевантните инструменти на Советот на Европа и потпирајќи се на постоечките европски искуства со цел да се обезбеди соодветно ниво на самоуправа за српската заедница на Косово и способност за обезбедување услуги во одредени области, вклучувајќи ја и можноста за финансиска поддршка на Србија и директен канал на комуникација меѓу српската заедница и владата на Косово“, се додава во предлогот. зш/

The post Во француско-германскиот предлог не се споменува признавање на Косово и членство во ОН appeared first on Република.