Сакам да највам како координатор на Пратеничката група на ЦМРО-ДПМНЕ и коалицијата „Обнова за Македонија“ дека на денешната координација свикана од Претседателот на Собранието Талат Џафери ние ќе присуствуваме со една единствена цел, а тоа е да ги повториме ставовите и барањата на нашата пратеничка група, изјави денеска Никола Мицевски.

Иако испративме писмо до Талат Џафери , за кое ја известивме и јавноста, сеуште намаме никаков одговор за нашите барања и токму затоа денес истите барања ќе му ги соопштам лично на Џафери.

Како што кажавме и предходно, бараме да се врати информацијата што ја испрати Владата како нецелосен материјал и да не се нарушува дигнитетот на Собранието со еден ваков документ. Листот хартија што Владата го нарекува Информација за содржината на Предлог преговарачката рамка за преговори помеѓу Македонија и ЕУ е крајно непочитување на нас пратениците. Не може со еден лист хартија да се дискутира за најважната работа во државата во наредните десетина години. Тоа е класична деградација на интегритетот и интелектот на секој пратеник.

Денес повторно ќе побарам овој лист хартија со допис, да се врати во Владата и да се потенцира дека за меѓувладината конференција одлучува Владата и истата да не се крие зад пратениците барајќи некаква одлука од Собранието.

Дополнително, бараме под итно да се достави македонско-бугарскиот протокол, кој што претставува најважен документ во овој процес и кој што е клучен документ врз кој ќе се договараат правилата на игра помеѓу двете земји во наредниот период.

Ако пратениците од владиното мнозинство се спремни на вакво понижување ние од опозицијата не сме и затоа бараме да бидат доставени сите документи согласно собраниско- деловничката процедура.

Исто така, Собранието мора да биде спремно да ги слушне и реакциите на граѓаните, експертите, невладиниот сектор и сите други засегнати страни и да организира дебата и разгледување на овој предлог.

The post ВМРО-ДПМНЕ ќе учествува на координацијата кај Џафери: Eдинственото барање е францускиот предлог да се врати во Владата appeared first on Република.

По Горан Милевски од ЛДП, пред малку и партијата на Павле Трајанов, Демократски Сојуз се изјасни околу францускиот предлог.

Во „Топ Тема“ на ТВ Телма Зоран Димитровски од ДС изјави дека доколку Ковачевски го прифати францускиот предлог тие ќе излезат од владата.

Се поочигледно е дека доколку македонската влада го прифати овој предлог, истата ќе се распадне, а Македонија ќе влезе во нови предвремени избори.

The post Партијата на Трајанов излегува од Влада доколку се прифати францускиот предлог appeared first on Република.

Да бидеме на чисто, тоа е ништо друго освен капитулација без одлагање. Што би се рекло бугаризација на Македонија на рати или дипломатски нокаут, изјави лидерот на ВМРО ДПМНЕ Христијан Мицкоски на вчерашниот протест пред владата во однос на францускиот предлог за ставање на Бугарските барања во преговарачка рамка за влез во ЕУ.

Дозволете ми во неколку реченици да го објаснам тоа што го пишува во тој предлог. Како прво, нема датум за почеток на преговори во тој предлог, туку има услов, ако сакате да почнете отворете го Уставот и исполнете ги барањата на Софија. Второ не лажеа дека не преговараат за јазикот, дека не преговараат за идентитетот. Трето, тоа што до вчера беше наш проблем со официјална Софија, во овој предлог станува наш проблем со официјален Брисел и целата Европска Унија. Или да бидам попрецизен асимилација, бугаризација па потоа европеизација или никогаш нема да бидеме дел од Европа, потенцираше Мицкоски.

Мицкоски кажа и дека кон Македонија има постојано нови барања и ригидни уцени! Постојано инфлација на напади кон македонскиот народ и крајно неразумни притисоци.

Лидерот на ВМРО ДПМНЕ упати порака и до Ковачевски.

Стојам овде пред вас, стојам наспроти владата, ако не е таму, сигурно ќе му пренесат, оваа порака е до Димитар Ковачевски. Те разбирам, знам каков проблем имаш, што би рекле нашите повозрасни ти си меѓу ковалната и чеканот. Од едната страна менторот, твојот стопан ти вели немој да си ја напуштил фотелјата уште имаш бизниси да ни заштитиш нам како семејство. И второто, твојот коалиционен партнер кој што ти вели немој да го отфрлаш овој договор, овој предлог затоа што утре ќе излеземе од владата и истата ќе ти падне. Немој да се грижиш, немој Димитар да се грижиш, еве јас сум тука, овој народ е тука, излези, охрабри се и одбиј го! Одбиј го овој предлог! Ние стоиме позади тебе! Одбиј го овој предлог, еднашка во животот одбиј го, охрабри се и биди достоинствен! Не го слушај менторот, остави ги овие кои што велат дека ти ја држат владата. народот, народот е тој кој што бира и менува Влада. Овој народ ќе те оправда ако утре излезеш и го одбиеш овој предлог.

На крај тој заклучи дека ВМРО-ДПМНЕ нема да прифати никаков понижувачки договор на штета на националните интереси. А, ако Владата реши да го носи надвор од Собранието или на сила во Собранието, тогаш идната Влада на ВМРО-ДПМНЕ нема намера ниту една точка од овој договор да почитува и да применува, и тоа на сите треба да им е јасно.

The post Мицкоски за францускиот предлог: ВМРО-ДПМНЕ нема да прифати никаков договор што е на штета на македонските интереси appeared first on Република.